(Source: Dainik Bhaskar)
IPL 2023 Start Date: BCCI ਨੇ ਪੁਰਸ਼ ਤੇ ਮਹਿਲਾ IPL 2023 ਦਾ ਸ਼ਡਿਊਲ ਕੀਤਾ ਜਾਰੀ! ਇੱਥੇ ਵੇਖੋ ਪੂਰੀ ਲਿਸਟ
BCCI On IPL 2023 Date: ਪੁਰਸ਼ ਅਤੇ ਮਹਿਲਾ ਦੋਵੇਂ ਆਈਪੀਐਲ ਮੈਚ ਭਾਰਤ ਵਿੱਚ ਖੇਡੇ ਜਾਣਗੇ। ਮਹਿਲਾ ਟੀ-20 ਵਿਸ਼ਵ ਕੱਪ 2023 ਤੋਂ ਲਗਭਗ ਇੱਕ ਹਫ਼ਤੇ ਬਾਅਦ ਮਹਿਲਾ ਆਈਪੀਐਲ ਸ਼ੁਰੂ ਹੋਵੇਗੀ।
IPL 2023: ਆਈਪੀਐਲ ਨਿਲਾਮੀ 2023 ਸ਼ੁੱਕਰਵਾਰ ਨੂੰ ਹੋਣੀ ਹੈ। ਇਸ ਵਾਰ ਆਈਪੀਐਲ ਦੀ ਨਿਲਾਮੀ ਕੋਚੀ ਵਿੱਚ ਹੋਵੇਗੀ। ਇਸ ਦੇ ਨਾਲ ਹੀ, ਬੀਸੀਸੀਆਈ ਨੇ ਟੀਮਾਂ ਨੂੰ ਆਈਪੀਐਲ 2023 ਦੀਆਂ ਸੰਭਾਵਿਤ ਤਰੀਕਾਂ ਬਾਰੇ ਦੱਸ ਦਿੱਤਾ ਹੈ। IPL 2023 16 ਅਪ੍ਰੈਲ ਤੋਂ ਸ਼ੁਰੂ ਹੋ ਸਕਦਾ ਹੈ। ਜਦਕਿ 3 ਮਾਰਚ 2023 ਤੋਂ ਮਹਿਲਾ ਆਈਪੀਐਲ ਦਾ ਪਹਿਲਾ ਸੀਜ਼ਨ ਖੇਡਿਆ ਜਾਵੇਗਾ। ਮਹਿਲਾ ਆਈਪੀਐਲ ਦਾ ਪਹਿਲਾ ਸੀਜ਼ਨ 23 ਦਿਨਾਂ ਤੱਕ ਚੱਲੇਗਾ। ਇਸ ਤਰ੍ਹਾਂ ਮਹਿਲਾ ਆਈਪੀਐਲ 2023 ਦਾ ਫਾਈਨਲ ਮੈਚ 26 ਮਾਰਚ ਨੂੰ ਖੇਡਿਆ ਜਾਵੇਗਾ। ਇਸ ਕਾਰਨ IPL ਦਾ 16ਵਾਂ ਸੀਜ਼ਨ 1 ਅਪ੍ਰੈਲ ਤੋਂ ਸ਼ੁਰੂ ਹੋਵੇਗਾ।
ਪੁਰਸ਼ਾਂ ਤੇ ਮਹਿਲਾ ਆਈਪੀਐਲ ਲਈ ਸਮਾਂ ਸੂਚੀ!
ਇਸ ਤੋਂ ਇਲਾਵਾ ਪੁਰਸ਼ ਅਤੇ ਮਹਿਲਾ ਦੋਵੇਂ ਆਈਪੀਐਲ ਮੈਚ ਭਾਰਤ ਵਿੱਚ ਖੇਡੇ ਜਾਣਗੇ। ਮਹਿਲਾ ਟੀ-20 ਵਿਸ਼ਵ ਕੱਪ 2023 ਤੋਂ ਲਗਭਗ ਇੱਕ ਹਫ਼ਤੇ ਬਾਅਦ ਮਹਿਲਾ ਆਈਪੀਐਲ ਸ਼ੁਰੂ ਹੋਵੇਗੀ। ਮਹਿਲਾ ਟੀ-20 ਵਿਸ਼ਵ ਕੱਪ 2023 26 ਫਰਵਰੀ ਤੋਂ ਕੇਪਟਾਊਨ ਵਿੱਚ ਸ਼ੁਰੂ ਹੋਵੇਗਾ। ਇਸ ਟੂਰਨਾਮੈਂਟ ਤੋਂ ਬਾਅਦ ਮਹਿਲਾ ਆਈਪੀਐਲ ਦਾ ਪਹਿਲਾ ਸੀਜ਼ਨ ਖੇਡਿਆ ਜਾਵੇਗਾ। ਇਸ ਦੇ ਨਾਲ ਹੀ ਮੰਨਿਆ ਜਾ ਰਿਹਾ ਹੈ ਕਿ ਮਹਿਲਾ ਆਈਪੀਐਲ ਦੇ ਪਹਿਲੇ ਸੀਜ਼ਨ ਦੇ ਸਾਰੇ ਮੈਚ ਮੁੰਬਈ ਵਿੱਚ ਖੇਡੇ ਜਾਣਗੇ। ਹਾਲਾਂਕਿ ਬੀਸੀਸੀਆਈ ਨੇ ਮਹਿਲਾ ਆਈਪੀਐਲ ਲਈ ਮੀਡੀਆ ਟੈਂਡਰ ਜਾਰੀ ਕਰ ਦਿੱਤਾ ਹੈ।
IPL 2023 ਦੀ ਨਿਲਾਮੀ ਹੋਵੇਗੀ ਸ਼ੁੱਕਰਵਾਰ ਨੂੰ
ਦੱਸ ਦੇਈਏ ਕਿ ਆਈਪੀਐਲ ਦੀ ਨਿਲਾਮੀ 23 ਦਸੰਬਰ ਨੂੰ ਹੋਵੇਗੀ। ਇਹ ਨਿਲਾਮੀ ਆਈਪੀਐਲ ਦੇ 16ਵੇਂ ਸੀਜ਼ਨ ਲਈ ਕਰਵਾਈ ਜਾ ਰਹੀ ਹੈ। ਇੰਡੀਅਨ ਪ੍ਰੀਮੀਅਰ ਲੀਗ ਦੀ ਇਹ ਨਿਲਾਮੀ ਕੋਚੀ ਵਿੱਚ ਹੋਵੇਗੀ। ਇਸ ਦੇ ਲਈ ਕੋਚੀ 'ਚ ਲਗਭਗ ਸਾਰੀਆਂ ਤਿਆਰੀਆਂ ਪੂਰੀਆਂ ਕਰ ਲਈਆਂ ਗਈਆਂ ਹਨ। ਆਈਪੀਐਲ ਦੀ ਨਿਲਾਮੀ 23 ਦਸੰਬਰ ਨੂੰ ਕੋਚੀ ਦੇ ਪੰਜ ਸਿਤਾਰਾ ਹੋਟਲ ਗ੍ਰੈਂਡ ਹਯਾਤ ਦੀ ਦੂਜੀ ਮੰਜ਼ਿਲ 'ਤੇ ਹੋਵੇਗੀ। ਨਿਲਾਮੀ ਦੀ ਇਹ ਪੂਰੀ ਪ੍ਰਕਿਰਿਆ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ ਕਰੀਬ 2:30 ਵਜੇ ਸ਼ੁਰੂ ਹੋਵੇਗੀ। ਇਸ ਦੇ ਨਾਲ ਹੀ ਨਿਲਾਮੀ ਦੀ ਪੂਰੀ ਪ੍ਰਕਿਰਿਆ ਕਰੀਬ 7 ਘੰਟੇ ਚੱਲੇਗੀ, ਜਿਸ 'ਚ ਸਾਰਿਆਂ ਨੂੰ ਇਕ ਘੰਟੇ ਦਾ ਬ੍ਰੇਕ ਮਿਲੇਗਾ। ਪ੍ਰਸ਼ੰਸਕ ਸਟਾਰ ਸਪੋਰਟਸ ਨੈੱਟਵਰਕ ਅਤੇ ਜੀਓ ਸਿਨੇਮਾ 'ਤੇ IPL ਨਿਲਾਮੀ ਨੂੰ ਲਾਈਵ ਦੇਖ ਸਕਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
