Gautam Gambhir: ਖਤਰੇ 'ਚ ਗੌਤਮ ਗੰਭੀਰ ਦੀ ਨੌਕਰੀ? ਕੋਚ ਦਾ ਰਿਪੋਰਟ ਕਾਰਡ ਦੇਖੇਗਾ BCCI; ਛੇਤੀ ਆ ਸਕਦਾ ਵੱਡਾ ਫੈਸਲਾ
Gautam Gambhir: ਟੀਮ ਇੰਡੀਆ ਦੇ ਟੀ-20 ਵਿਸ਼ਵ ਕੱਪ 2024 ਜਿੱਤਣ ਤੋਂ ਬਾਅਦ, ਗੰਭੀਰ ਨੇ ਬੰਗਲਾਦੇਸ਼ ਨੂੰ ਟੈਸਟ 'ਚ 2-0 ਨਾਲ ਹਰਾ ਕੇ ਆਪਣੇ ਕੋਚਿੰਗ ਕਾਰਜਕਾਲ ਦੀ ਸ਼ੁਰੂਆਤ ਕੀਤੀ ਸੀ, ਪਰ ਇਸ ਤੋਂ ਬਾਅਦ ਟੀਮ ਦਾ ਪ੍ਰਦਰਸ਼ਨ ਲਗਾਤਾਰ ਡਿੱਗਦਾ ਰਿਹਾ।
Gautam Gambhir Team India Coaching: ਨਵਾਂ ਸਾਲ ਆਉਂਦਿਆਂ ਹੀ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) 'ਚ ਕਈ ਬਦਲਾਅ ਕੀਤੇ ਜਾ ਰਹੇ ਹਨ। ਹਾਲ ਹੀ ਵਿੱਚ 12 ਜਨਵਰੀ ਨੂੰ ਮੁੰਬਈ ਵਿੱਚ ਵਿਸ਼ੇਸ਼ ਜਨਰਲ ਮੀਟਿੰਗ (SGM) ਬੁਲਾਉਣ ਦਾ ਐਲਾਨ ਕੀਤਾ ਗਿਆ ਹੈ। ਇਸ ਮੀਟਿੰਗ ਦਾ ਮੁੱਖ ਏਜੰਡਾ ਸਕੱਤਰ ਅਤੇ ਖਜ਼ਾਨਚੀ ਦੇ ਅਹੁਦੇ ਲਈ ਚੋਣ ਹੈ। ਜੈ ਸ਼ਾਹ ਦੀ ਥਾਂ ਦੇਵਜੀਤ ਸੈਕੀਆ ਨੂੰ ਸਕੱਤਰ ਦਾ ਚਾਰਜ ਦਿੱਤਾ ਜਾਵੇਗਾ, ਜੋ ਸਤੰਬਰ 2025 ਤੱਕ ਇਸ ਅਹੁਦੇ 'ਤੇ ਬਣੇ ਰਹਿਣਗੇ। ਉੱਥੇ ਹੀ ਖਜ਼ਾਨਚੀ ਅਰੁਣ ਧੂਮਲ ਨੇ ਆਪਣੇ ਦੋ ਕਾਰਜਕਾਲ ਪੂਰੇ ਕਰ ਲਏ ਹਨ, ਜਿਸ ਕਾਰਨ ਉਨ੍ਹਾਂ ਨੂੰ ਇਸ ਅਹੁਦੇ ਤੋਂ ਹਟਣਾ ਪਵੇਗਾ।
ਕੋਚ ਗੌਤਮ ਗੰਭੀਰ ਦੇ ਪ੍ਰਦਰਸ਼ਨ 'ਤੇ ਉੱਠ ਸਕਦੇ ਸਵਾਲ
ਟੈਲੀਗ੍ਰਾਫ ਇੰਡੀਆ ਦੀ ਰਿਪੋਰਟ ਮੁਤਾਬਕ ਇਸ ਬੈਠਕ 'ਚ ਗੌਤਮ ਗੰਭੀਰ ਅਤੇ ਉਨ੍ਹਾਂ ਦੀ ਕੋਚਿੰਗ ਟੀਮ ਦੇ ਪ੍ਰਦਰਸ਼ਨ 'ਤੇ ਚਰਚਾ ਹੋਣ ਦੀ ਸੰਭਾਵਨਾ ਹੈ। ਹਾਲਾਂਕਿ ਇਹ ਪ੍ਰਾਥਮਿਕ ਮੁੱਦਾ ਨਹੀਂ ਹੈ ਪਰ ਹਾਲ ਹੀ ਦੇ ਪ੍ਰਦਰਸ਼ਨ ਨੂੰ ਦੇਖਦਿਆਂ ਹੋਇਆਂ ਗੰਭੀਰ ਦੀ ਕੋਚਿੰਗ ਨੂੰ ਲੈ ਕੇ ਬੋਰਡ ਦੇ ਕੁਝ ਮੈਂਬਰਾਂ 'ਚ ਅਸੰਤੁਸ਼ਟੀ ਵੱਧ ਰਹੀ ਹੈ। 2024-25 ਬਾਰਡਰ-ਗਾਵਸਕਰ ਟਰਾਫੀ (BGT) 'ਚ ਆਸਟ੍ਰੇਲੀਆ ਖਿਲਾਫ 1-3 ਦੀ ਹਾਰ ਨੇ ਟੀਮ ਇੰਡੀਆ ਨੂੰ ਡੂੰਘੇ ਸੰਕਟ 'ਚ ਪਾ ਦਿੱਤਾ ਹੈ।
ICC ਚੈਂਪੀਅਨਸ ਟਰਾਫੀ ਗੰਭੀਰ ਲਈ ਆਖਰੀ ਮੌਕਾ?
ਗੌਤਮ ਗੰਭੀਰ ਲਈ ਸਭ ਤੋਂ ਵੱਡਾ ਸੰਕਟ ਇਹ ਹੈ ਕਿ ਆਉਣ ਵਾਲੀ ਆਈਸੀਸੀ ਚੈਂਪੀਅਨਜ਼ ਟਰਾਫੀ 2025 ਉਨ੍ਹਾਂ ਦੇ ਕਾਰਜਕਾਲ ਵਿੱਚ ਇੱਕ ਅਹਿਮ ਮੋੜ ਸਾਬਤ ਹੋ ਸਕਦੀ ਹੈ। ਜੇਕਰ ਭਾਰਤ ਇਸ ਟੂਰਨਾਮੈਂਟ 'ਚ ਸੈਮੀਫਾਈਨਲ 'ਚ ਵੀ ਨਹੀਂ ਪਹੁੰਚਦਾ ਤਾਂ ਉਨ੍ਹਾਂ ਦੀ ਕੋਚਿੰਗ 'ਤੇ ਵੱਡੇ ਸਵਾਲ ਖੜ੍ਹੇ ਹੋਣੇ ਯਕੀਨੀ ਹਨ।
ਟੀਮ ਇੰਡੀਆ ਦੀਆਂ ਹਾਲੀਆ ਅਸਫਲਤਾਵਾਂ ਪਿੱਛੇ ਖਰਾਬ ਫਾਰਮ ਅਤੇ ਮੁੱਖ ਖਿਡਾਰੀਆਂ ਦੀ ਸੱਟ ਵੀ ਵੱਡਾ ਕਾਰਨ ਰਿਹਾ ਹੈ। ਵਿਰਾਟ ਕੋਹਲੀ ਅਤੇ ਰੋਹਿਤ ਸ਼ਰਮਾ ਦਾ ਪ੍ਰਦਰਸ਼ਨ ਉਮੀਦਾਂ ਤੋਂ ਘੱਟ ਰਿਹਾ ਹੈ, ਜਦਕਿ ਜਸਪ੍ਰੀਤ ਬੁਮਰਾਹ ਦੀ ਸੱਟ ਨੇ ਗੇਂਦਬਾਜ਼ੀ ਹਮਲੇ ਨੂੰ ਕਮਜ਼ੋਰ ਕਰ ਦਿੱਤਾ ਹੈ।
ਗੌਤਮ ਗੰਭੀਰ ਦਾ ਕੋਚਿੰਗ ਕਾਰਜਕਾਲ
ਗੌਤਮ ਗੰਭੀਰ ਨੇ ਸਤੰਬਰ 2024 ਵਿੱਚ ਕੋਚ ਦਾ ਅਹੁਦਾ ਸੰਭਾਲਿਆ ਸੀ, ਜਦੋਂ ਟੀਮ ਇੰਡੀਆ ਟੀ-20 ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ ਆਪਣੇ ਸਿਖਰ 'ਤੇ ਸੀ। ਉਸ ਸਮੇਂ ਭਾਰਤ ਟੈਸਟ ਅਤੇ ਵਨਡੇ ਵਿੱਚ ਵੀ ਮਜ਼ਬੂਤ ਸਥਿਤੀ ਵਿੱਚ ਸੀ। ਗੰਭੀਰ ਨੇ ਬੰਗਲਾਦੇਸ਼ ਨੂੰ ਟੈਸਟ 'ਚ 2-0 ਨਾਲ ਹਰਾ ਕੇ ਆਪਣੇ ਕੋਚਿੰਗ ਕਾਰਜਕਾਲ ਦੀ ਸ਼ੁਰੂਆਤ ਕੀਤੀ ਸੀ। ਪਰ ਇਸ ਤੋਂ ਬਾਅਦ ਟੀਮ ਦਾ ਪ੍ਰਦਰਸ਼ਨ ਲਗਾਤਾਰ ਡਿੱਗਦਾ ਰਿਹਾ।
ਟੀਮ ਇੰਡੀਆ ਨੂੰ ਵਨਡੇ ਸੀਰੀਜ਼ 'ਚ ਸ਼੍ਰੀਲੰਕਾ ਦੇ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਫਿਰ ਭਾਰਤ ਨਿਊਜ਼ੀਲੈਂਡ ਖਿਲਾਫ ਘਰੇਲੂ ਟੈਸਟ ਸੀਰੀਜ਼ 'ਚ 0-3 ਨਾਲ ਹਾਰ ਗਿਆ, ਜੋ ਭਾਰਤੀ ਕ੍ਰਿਕਟ ਦੇ ਇਤਿਹਾਸ 'ਚ ਪਹਿਲੀ ਵਾਰ ਹੋਇਆ ਹੈ। ਇਸ ਤੋਂ ਬਾਅਦ ਭਾਰਤ ਨੂੰ ਬਾਰਡਰ-ਗਾਵਸਕਰ ਟਰਾਫੀ 2024-25 'ਚ ਵੀ ਆਸਟ੍ਰੇਲੀਆ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
