![ABP Premium](https://cdn.abplive.com/imagebank/Premium-ad-Icon.png)
ਕ੍ਰਿਕਟ: Vikram Rathour ਹੋ ਸਕਦੇ ਟੀਮ ਇੰਡੀਆ ਦੇ ਅਗਲੇ ਕੋਚ, ਇੰਝ ਆਏ ਦੌੜ ’ਚ
ਟੀਮ ਇੰਡੀਆ ਦੇ ਕੋਚ ਰਵੀ ਸ਼ਾਸਤਰੀ ਦਾ ਕਾਰਜਕਾਲ ਅਕਤੂਬਰ-ਨਵੰਬਰ ਵਿੱਚ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ ਤੱਕ ਹੈ। ਰਵੀ ਸ਼ਾਸਤਰੀ ਨੇ ਸੰਕੇਤ ਦਿੱਤਾ ਹੈ ਕਿ ਉਹ ਦੁਬਾਰਾ ਟੀਮ ਇੰਡੀਆ ਦੇ ਕੋਚ ਨਹੀਂ ਬਣਨਾ ਚਾਹੁੰਦੇ।
![ਕ੍ਰਿਕਟ: Vikram Rathour ਹੋ ਸਕਦੇ ਟੀਮ ਇੰਡੀਆ ਦੇ ਅਗਲੇ ਕੋਚ, ਇੰਝ ਆਏ ਦੌੜ ’ਚ Cricket: Vikram Rathore could be the next coach of Indian Cricket Team ਕ੍ਰਿਕਟ: Vikram Rathour ਹੋ ਸਕਦੇ ਟੀਮ ਇੰਡੀਆ ਦੇ ਅਗਲੇ ਕੋਚ, ਇੰਝ ਆਏ ਦੌੜ ’ਚ](https://feeds.abplive.com/onecms/images/uploaded-images/2021/08/20/eed0a9b4b2a9ee2c5c41b74a14b70d67_original.jpg?impolicy=abp_cdn&imwidth=1200&height=675)
ਨਵੀਂ ਦਿੱਲੀ: ਕ੍ਰਿਕਟ ਦੀ ‘ਟੀਮ ਇੰਡੀਆ’ (Indian Cricket Team) ਦੇ ਅਗਲੇ ਕੋਚ ਬਾਰੇ ਸਵਾਲ ਹੋਰ ਵੀ ਡੂੰਘੇਰਾ ਹੁੰਦਾ ਜਾ ਰਿਹਾ ਹੈ। ਮੌਜੂਦਾ ਕੋਚ ਰਵੀ ਸ਼ਾਸਤਰੀ (Coach Ravi Shashtri) ਦਾ ਕਾਰਜਕਾਲ ਇਸ ਸਾਲ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ (T-20 World Cup) ਤੋਂ ਬਾਅਦ ਖਤਮ ਹੋਣ ਜਾ ਰਿਹਾ ਹੈ। ਸਾਬਕਾ ਕ੍ਰਿਕਟਰ ਰਾਹੁਲ ਦ੍ਰਾਵਿੜ ਦੇ ਕੋਚ ਬਣਨ ਦੀ ਸੰਭਾਵਨਾ ਹੁਣ ਨਾਮਾਤਰ ਹੈ। ਅਜਿਹੀ ਸਥਿਤੀ ਵਿੱਚ, ਬੱਲੇਬਾਜ਼ੀ ਕੋਚ ਵਿਕਰਮ ਰਾਠੌੜ (Vikram Rathour) ਟੀਮ ਇੰਡੀਆ ਦੇ ਕੋਚ ਅਹੁਦੇ ਲਈ ਸਭ ਤੋਂ ਅਗਲੇਰੀ ਕਤਾਰ ਵਿੱਚ ਉਭਰੇ ਹਨ।
ਟੀਮ ਇੰਡੀਆ ਦੇ ਕੋਚ ਰਵੀ ਸ਼ਾਸਤਰੀ ਦਾ ਕਾਰਜਕਾਲ ਅਕਤੂਬਰ-ਨਵੰਬਰ ਵਿੱਚ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ ਤੱਕ ਹੈ। ਰਵੀ ਸ਼ਾਸਤਰੀ ਨੇ ਸੰਕੇਤ ਦਿੱਤਾ ਹੈ ਕਿ ਉਹ ਦੁਬਾਰਾ ਟੀਮ ਇੰਡੀਆ ਦੇ ਕੋਚ ਨਹੀਂ ਬਣਨਾ ਚਾਹੁੰਦੇ। ਰਾਹੁਲ ਦ੍ਰਾਵਿੜ ਨੂੰ ਰਵੀ ਸ਼ਾਸਤਰੀ ਦੇ ਆਦਰਸ਼ ਬਦਲ ਵਜੋਂ ਵੇਖਿਆ ਜਾ ਰਿਹਾ ਸੀ ਪਰ ਹੁਣ ਉਨ੍ਹਾਂ ਦੀਆਂ ਸੰਭਾਵਨਾਵਾਂ ਬਹੁਤ ਘੱਟ ਹਨ।
ਭਾਰਤ ਦੇ ਸਾਬਕਾ ਕਪਤਾਨ ਰਾਹੁਲ ਦ੍ਰਵਿੜ ਇਸ ਸਮੇਂ ਰਾਸ਼ਟਰੀ ਕ੍ਰਿਕਟ ਅਕੈਡਮੀ ਦੇ ਨਿਰਦੇਸ਼ਕ ਹਨ। ਰਾਸ਼ਟਰੀ ਕ੍ਰਿਕਟ ਅਕੈਡਮੀ ਦੇ ਨਿਰਦੇਸ਼ਕ ਦੇ ਰੂਪ ਵਿੱਚ ਦ੍ਰਾਵਿੜ ਦਾ ਪਹਿਲਾ ਕਾਰਜਕਾਲ ਜਲਦੀ ਹੀ ਖਤਮ ਹੋਣ ਜਾ ਰਿਹਾ ਹੈ। ਇਸ ਲਈ ਬੀਸੀਸੀਆਈ ਨੇ ਨਵੇਂ ਡਾਇਰੈਕਟਰ ਦੇ ਅਰਜ਼ੀ ਫਾਰਮ ਹਟਾ ਦਿੱਤੇ ਸਨ। ਰਾਹੁਲ ਦ੍ਰਾਵਿੜ ਨੇ ਦੁਬਾਰਾ ਐਨਸੀਏ ਡਾਇਰੈਕਟਰ ਬਣਨ ਲਈ ਅਰਜ਼ੀ ਦਿੱਤੀ ਹੈ।
ਇਸ ਤੋਂ ਸਾਫ਼ ਹੈ ਕਿ ਰਾਹੁਲ ਦ੍ਰਾਵਿੜ ਫਿਲਹਾਲ ਐਨਸੀਏ ਦੇ ਡਾਇਰੈਕਟਰ ਬਣੇ ਰਹਿਣਾ ਚਾਹੁੰਦੇ ਹਨ। ਭਾਵੇਂ, ਮੌਜੂਦਾ ਬੱਲੇਬਾਜ਼ੀ ਕੋਚ ਵਿਕਰਮ ਰਾਠੌੜ ਰਾਹੁਲ ਦ੍ਰਾਵਿੜ ਦੇ ਕੋਚ ਦੇ ਅਹੁਦੇ ਦੀ ਦੌੜ ਤੋਂ ਬਾਹਰ ਹੋਣ ਦਾ ਸਭ ਤੋਂ ਵੱਧ ਲਾਭ ਲੈ ਸਕਦੇ ਹਨ। ਵਿਕਰਮ ਰਾਠੌੜ ਨੂੰ ਰਵੀ ਸ਼ਾਸਤਰੀ ਦਾ ਕਰੀਬੀ ਮੰਨਿਆ ਜਾਂਦਾ ਹੈ ਅਤੇ ਕਪਤਾਨ ਵਿਰਾਟ ਕੋਹਲੀ ਨਾਲ ਉਨ੍ਹਾਂ ਦੇ ਰਿਸ਼ਤੇ ਵੀ ਬਹੁਤ ਚੰਗੇ ਹਨ।
ਵਿਕਰਮ ਰਾਠੌੜ ਪਿਛਲੇ ਕੁਝ ਸਾਲਾਂ ਤੋਂ ਟੀਮ ਇੰਡੀਆ ਨਾਲ ਜੁੜੇ ਹੋਏ ਹਨ। ਵਿਕਰਮ ਰਾਠੌੜ ਦੇ ਹਰ ਖਿਡਾਰੀ ਦੇ ਨਾਲ ਬਹੁਤ ਚੰਗੇ ਸੰਬੰਧ ਹਨ ਤੇ ਜੇਕਰ ਉਹ ਟੀਮ ਇੰਡੀਆ ਦੇ ਅਗਲੇ ਕੋਚ ਬਣ ਜਾਂਦੇ ਹਨ, ਤਾਂ ਤਾਲਮੇਲ ਵਿੱਚ ਕੋਈ ਗੜਬੜ ਨਹੀਂ ਹੋਵੇਗੀ। ਹਾਲਾਂਕਿ ਬੀਸੀਸੀਆਈ ਨੇ ਟੀਮ ਇੰਡੀਆ ਦੇ ਅਗਲੇ ਕੋਚ ਬਾਰੇ ਹਾਲੇ ਕੁਝ ਨਹੀਂ ਕਿਹਾ ਹੈ।
ਇਹ ਵੀ ਪੜ੍ਹੋ: Captain And Sidhu Meeting: ਕੈਪਟਨ ਨੇ ਮੰਨੀ ਸਿੱਧੂ ਦੀ ਮੰਗ, ਮੰਤਰੀਆਂ ਨੂੰ ਤੁਰੰਤ ਨਿਰਦੇਸ਼ ਜਾਰੀ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)