ICC Men’s Emerging Cricketer 2022 ਲਈ ਚਾਰ ਖਿਡਾਰੀਆਂ ਦੇ ਨਾਮ ਕੀਤੇ ਐਲਾਨ, ਭਾਰਤ ਦੇ ਇਸ ਨੌਜਵਾਨ ਤੇਜ਼ ਗੇਂਦਬਾਜ਼ ਨੂੰ ਵੀ ਮਿਲੀ ਜਗ੍ਹਾ
ICC Emerging Player Award 2022: 2022 ਦਾ ਸਾਲ ਖਤਮ ਹੋਣ ਵਾਲਾ ਹੈ। ਇਹ ਸਾਲ ਕ੍ਰਿਕਟ ਜਗਤ ਲਈ ਬਹੁਤ ਖਾਸ ਰਿਹੈ।
ਰਜਨੀਸ਼ ਕੌਰ ਦੀ ਰਿਪੋਰਟ
ICC Emerging Player Award 2022: 2022 ਦਾ ਸਾਲ ਖਤਮ ਹੋਣ ਵਾਲਾ ਹੈ। ਇਹ ਸਾਲ ਕ੍ਰਿਕਟ ਜਗਤ ਲਈ ਬਹੁਤ ਖਾਸ ਰਿਹਾ ਹੈ। ਇਸ ਸਾਲ ਏਸ਼ੀਆ ਕੱਪ ਤੋਂ ਲੈ ਕੇ ਟੀ-20 ਵਿਸ਼ਵ ਕੱਪ ਦਾ ਆਯੋਜਨ ਵੀ ਕੀਤਾ ਗਿਆ। ਇਨ੍ਹਾਂ ਮੁਕਾਬਲਿਆਂ ਵਿੱਚ ਕਈ ਨੌਜਵਾਨ ਖਿਡਾਰੀਆਂ ਨੇ ਜ਼ਬਰਦਸਤ ਪ੍ਰਦਰਸ਼ਨ ਕਰਕੇ ਸਭ ਦਾ ਦਿਲ ਜਿੱਤ ਲਿਆ। ਇਨ੍ਹਾਂ 'ਚੋਂ ਚਾਰ ਖਿਡਾਰੀਆਂ ਨੂੰ ਇੰਟਰਨੈਸ਼ਨਲ ਕ੍ਰਿਕੇਟ ਕਾਉਂਸਿਲ ਨੇ ਐਮਰਜਿੰਗ ਪਲੇਅਰ ਐਵਾਰਡ ਲਈ ਚੁਣਿਆ ਹੈ। ਇਸ ਵਿੱਚ ਇੱਕ ਭਾਰਤੀ ਖਿਡਾਰੀ ਦਾ ਵੀ ਨਾਮ ਹੈ।
ICC Emerging Player Award 2022: ਇਨ੍ਹਾਂ ਚਾਰ ਖਿਡਾਰੀਆਂ ਦੀ ਚੋਣ ਕੀਤੀ ਗਈ
1. ਮਾਰਕੋ ਜੈਨਸਨ
ਦੱਖਣੀ ਅਫਰੀਕਾ ਦੇ ਤੇਜ਼ ਗੇਂਦਬਾਜ਼ ਮਾਰਕੋ ਜੈਨਸਨ ਨੇ ਇਸ ਸਾਲ ਆਪਣੇ ਪ੍ਰਦਰਸ਼ਨ ਨਾਲ ਸਭ ਨੂੰ ਹੈਰਾਨ ਕਰ ਦਿੱਤਾ। ਉਨ੍ਹਾਂ ਨੇ ਬਾਕਸਿੰਗ ਡੇ ਟੈਸਟ ਸਮੇਤ ਕਈ ਸੀਰੀਜ਼ਾਂ ਵਿੱਚ 14 ਵਿਕਟਾਂ ਲਈਆਂ। ਇਸ ਤੋਂ ਇਲਾਵਾ ਇਸ ਨੌਜਵਾਨ ਨੇ ਟੀ-20 'ਚ ਵੀ ਦੱਖਣੀ ਅਫਰੀਕਾ ਦੀ ਨੁਮਾਇੰਦਗੀ ਕੀਤੀ ਅਤੇ ਦੋ ਵਾਰ ਸ਼੍ਰੇਅਸ ਅਈਅਰ ਦੀ ਵਿਕਟ ਲਈ। ਮਾਰਕੋ ਜੈਨਸਨ ਨੂੰ ਹਾਲ ਹੀ ਵਿੱਚ ਸਨਰਾਈਜ਼ਰਸ ਹੈਦਰਾਬਾਦ ਨੇ ਇੱਕ ਵਾਰ ਫਿਰ ਖਰੀਦਿਆ ਹੈ।
2. ਇਬਰਾਹਿਮ ਜਾਰਦਨ
ਅਫਗਾਨਿਸਤਾਨ ਦੇ ਇਸ ਨੌਜਵਾਨ ਬੱਲੇਬਾਜ਼ ਨੇ ਇਸ ਸਾਲ ਕਈ ਵੱਡੇ ਗੇਂਦਬਾਜ਼ਾਂ ਨੂੰ ਮਾਤ ਦਿੱਤੀ ਹੈ। ਉਨ੍ਹਾਂ ਦੇ ਖਾਸ ਪ੍ਰਦਰਸ਼ਨ ਦੀ ਬਦੌਲਤ ਹੀ ਅਫਗਾਨਿਸਤਾਨ ਦੀ ਟੀਮ ਮਜ਼ਬੂਤ ਸਥਿਤੀ 'ਚ ਹੈ। ਜਾਰਡਨ ਨੇ ਇਸ ਸਾਲ ਵਨਡੇ 'ਚ 431 ਦੌੜਾਂ ਬਣਾਈਆਂ ਹਨ ਜਦਕਿ ਟੀ-20 'ਚ 367 ਦੌੜਾਂ ਬਣਾਈਆਂ ਹਨ। ਇਬਰਾਹਿਮ ਨੇ ਸ਼੍ਰੀਲੰਕਾ ਖਿਲਾਫ 163 ਦੌੜਾਂ ਦੀ ਪਾਰੀ ਖੇਡੀ ਸੀ। ਉਸ ਨੇ ਇਸ ਪਾਰੀ 'ਚ 15 ਚੌਕੇ ਅਤੇ 4 ਛੱਕੇ ਵੀ ਲਗਾਏ।
3. ਫਿਨ ਐਲਨ
ਨਿਊਜ਼ੀਲੈਂਡ ਦੇ ਆਲਰਾਊਂਡਰ ਸਲਾਮੀ ਬੱਲੇਬਾਜ਼ ਫਿਨ ਐਲਨ ਇਨ੍ਹੀਂ ਦਿਨੀਂ ਜ਼ਬਰਦਸਤ ਫਾਰਮ 'ਚ ਹਨ। ਉਨ੍ਹਾਂ ਦੀ ਬੱਲੇਬਾਜ਼ੀ ਕਾਰਨ ਨਿਊਜ਼ੀਲੈਂਡ ਨੇ ਉਨ੍ਹਾਂ ਨੂੰ ਟੀ-20 ਵਿਸ਼ਵ ਕੱਪ 'ਚ ਮਾਰਟਿਨ ਗੁਪਟਿਲ ਦੀ ਜਗ੍ਹਾ ਟੀਮ 'ਚ ਜਗ੍ਹਾ ਦਿੱਤੀ। ਫਿਨ ਐਲਨ ਨੇ 2022 'ਚ 411 ਟੀ-20 ਦੌੜਾਂ ਬਣਾਈਆਂ ਹਨ ਜਦਕਿ ਵਨਡੇ 'ਚ ਉਨ੍ਹਾਂ ਨੇ 387 ਦੌੜਾਂ ਬਣਾਈਆਂ ਹਨ।ਫਿਨ ਆਪਣੀ ਸ਼ਾਨਦਾਰ ਰਫਤਾਰ ਲਈ ਜਾਣੇ ਜਾਂਦੇ ਹਨ, ਉਹ ਪਾਰੀ ਦੀ ਸ਼ੁਰੂਆਤ ਤੋਂ ਹੀ ਗੇਂਦਬਾਜ਼ 'ਤੇ ਦਬਾਅ ਬਣਾਉਣਾ ਸ਼ੁਰੂ ਕਰ ਦਿੰਦੇ ਹਨ।
🇿🇦 🇦🇫 🇳🇿 🇮🇳
— ICC (@ICC) December 28, 2022
Presenting, the nominees for the ICC Emerging Men’s Cricketer of the Year 2022 🌟
Find out ⬇️
#ICCAwardshttps://t.co/9FejQ0eRgq
4. ਅਰਸ਼ਦੀਪ ਸਿੰਘ
ਆਈਸੀਸੀ ਵੱਲੋਂ ਜਾਰੀ ਇਸ ਸੂਚੀ ਵਿੱਚ ਅਰਸ਼ਦੀਪ ਸਿੰਘ ਇਕਲੌਤਾ ਭਾਰਤੀ ਖਿਡਾਰੀ ਹੈ। ਕੀ ਕਹਿਣਾ ਹੈ ਅਰਸ਼ਦੀਪ ਸਿੰਘ ਦਾ। ਜਸਪ੍ਰੀਤ ਬੁਮਰਾਹ ਦੇ ਸੱਟ ਤੋਂ ਬਾਅਦ ਸਾਰਿਆਂ ਨੇ ਸੋਚਿਆ ਸੀ ਕਿ ਟੀਮ 'ਚ ਉਨ੍ਹਾਂ ਦੀ ਭੂਮਿਕਾ ਕੌਣ ਨਿਭਾਏਗਾ ਪਰ ਅਰਸ਼ਦੀਪ ਸਿੰਘ ਨੇ ਆਪਣਾ ਸ਼ਾਨਦਾਰ ਯਾਰਕਰ ਲਗਾ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ। ਅਰਸ਼ਦੀਪ ਨੇ ਇਸ ਸਾਲ ਟੀ-20 'ਚ 33 ਵਿਕਟਾਂ ਲਈਆਂ ਸਨ। ਉਸਨੇ ਆਈਪੀਐਲ ਵਿੱਚ ਵੀ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ। ਹੁਣ ਉਨ੍ਹਾਂ ਨੂੰ ਭਾਰਤੀ ਟੀਮ ਦੇ ਸਥਾਈ ਮੈਂਬਰ ਵਜੋਂ ਦੇਖਿਆ ਜਾ ਰਿਹਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
