(Source: ECI/ABP News)
Rohit Sharma on Chris Gayle: ਰੋਹਿਤ ਸ਼ਰਮਾ ਨੇ ਨਾਂਅ ਆਇਆ ਇਹ ਖਿਤਾਬ, ਕ੍ਰਿਸ ਗੇਲ ਨੂੰ ਪਛਾੜ ਬੋਲਿਆ ਭਾਰਤੀ ਕਪਤਾਨ...
IND vs AFG: ਭਾਰਤ ਅਤੇ ਅਫਗਾਨਿਸਤਾਨ ਵਿਚਾਲੇ ਬੁੱਧਵਾਰ ਨੂੰ ਖੇਡੇ ਗਏ ਵਿਸ਼ਵ ਕੱਪ ਮੈਚ 'ਚ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਨੇ ਇਕ ਵੱਡਾ ਰਿਕਾਰਡ ਬਣਾਇਆ। ਉਹ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਸਭ ਤੋਂ ਵੱਧ ਛੱਕੇ ਲਗਾਉਣ
IND vs AFG: ਭਾਰਤ ਅਤੇ ਅਫਗਾਨਿਸਤਾਨ ਵਿਚਾਲੇ ਬੁੱਧਵਾਰ ਨੂੰ ਖੇਡੇ ਗਏ ਵਿਸ਼ਵ ਕੱਪ ਮੈਚ 'ਚ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਨੇ ਇਕ ਵੱਡਾ ਰਿਕਾਰਡ ਬਣਾਇਆ। ਉਹ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਸਭ ਤੋਂ ਵੱਧ ਛੱਕੇ ਲਗਾਉਣ ਵਾਲੇ ਖਿਡਾਰੀ ਬਣ ਗਏ ਹਨ। ਉਸ ਨੇ ਇਸ ਮਾਮਲੇ 'ਚ ਕ੍ਰਿਸ ਗੇਲ ਨੂੰ ਪਛਾੜ ਦਿੱਤਾ ਹੈ। ਮੈਚ ਤੋਂ ਬਾਅਦ ਜਦੋਂ ਉਨ੍ਹਾਂ ਨਾਲ ਇਸ ਰਿਕਾਰਡ ਬਾਰੇ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਨੇ ਕ੍ਰਿਸ ਗੇਲ ਬਾਰੇ ਕੁਝ ਖਾਸ ਗੱਲ ਕਹੀ।
ਮੈਚ ਤੋਂ ਬਾਅਦ ਰੋਹਿਤ ਸ਼ਰਮਾ ਤੋਂ ਪੁੱਛਿਆ ਗਿਆ ਕਿ ਉਹ ਜਾਣਦੇ ਹਨ ਕਿ ਉਨ੍ਹਾਂ ਨੇ ਕਿਸ ਦਾ ਰਿਕਾਰਡ ਤੋੜਿਆ ਹੈ ਤਾਂ ਰੋਹਿਤ ਨੇ ਤੁਰੰਤ ਜਵਾਬ ਦਿੱਤਾ- 'ਮੇਰਾ ਦੋਸਤ ਕ੍ਰਿਸ ਗੇਲ'। ਇਸ ਤੋਂ ਬਾਅਦ ਉਨ੍ਹਾਂ ਤੋਂ ਪੁੱਛਿਆ ਗਿਆ ਕਿ ਉਹ ਕ੍ਰਿਸ ਗੇਲ ਨੂੰ ਕੀ ਸੰਦੇਸ਼ ਦੇਣਗੇ। ਇਸ 'ਤੇ ਰੋਹਿਤ ਨੇ ਕਿਹਾ, 'ਯੂਨੀਵਰਸ ਬੌਸ ਤਾਂ ਯੂਨੀਵਰਸ ਬੌਸ ਹੈ। ਇੰਨੇ ਸਾਲਾਂ ਦੌਰਾਨ ਮੈਂ ਉਨ੍ਹਾਂ ਕੋਲੋਂ ਬਹੁਤ ਕੁਝ ਸਿੱਖਿਆ ਹੈ। ਅਸੀਂ ਉਸ ਨੂੰ ਛੱਕੇ ਮਾਰਨ ਵਾਲੀ ਮਸ਼ੀਨ ਵਜੋਂ ਦੇਖਿਆ ਹੈ। ਅਸੀਂ ਦੋਵੇਂ ਇੱਕੋ ਨੰਬਰ ਦੀ (45) ਜਰਸੀ ਪਹਿਨਦੇ ਹਾਂ। ਇਸ ਲਈ ਨੰਬਰ-45 ਨੇ ਇਹ ਕੰਮ ਕੀਤਾ ਹੈ। ਮੈਨੂੰ ਪਤਾ ਹੈ ਕਿ ਉਹ ਸਾਡੇ ਲਈ ਖੁਸ਼ ਹੋਵੇਗਾ।
ਦੱਸ ਦੇਈਏ ਕਿ ਰੋਹਿਤ ਸ਼ਰਮਾ ਨੇ ਅਫਗਾਨਿਸਤਾਨ ਦੇ ਖਿਲਾਫ 84 ਗੇਂਦਾਂ 'ਤੇ 131 ਦੌੜਾਂ ਦੀ ਪਾਰੀ ਖੇਡੀ ਸੀ। ਇਸ ਦੌਰਾਨ ਉਨ੍ਹਾਂ ਨੇ 5 ਛੱਕੇ ਲਗਾਏ ਸਨ। ਹੁਣ ਉਸ ਦੇ ਅੰਤਰਰਾਸ਼ਟਰੀ ਛੱਕਿਆਂ ਦੀ ਕੁੱਲ ਗਿਣਤੀ 556 ਹੋ ਗਈ ਹੈ। ਉਸ ਨੇ ਕ੍ਰਿਕਟ ਦੇ ਤਿੰਨੋਂ ਫਾਰਮੈਟਾਂ ਦੀਆਂ 473 ਪਾਰੀਆਂ ਵਿੱਚ ਇਹ ਅੰਕੜਾ ਛੂਹਿਆ ਹੈ। ਇਸ ਸੂਚੀ 'ਚ ਹੁਣ ਦੂਜੇ ਸਥਾਨ 'ਤੇ ਮੌਜੂਦ ਕ੍ਰਿਸ ਗੇਲ ਨੇ 483 ਮੈਚਾਂ 'ਚ 553 ਛੱਕੇ ਲਗਾਏ ਸਨ।
'ਸੋਚਿਆ ਨਹੀਂ ਸੀ ਕਿ ਮੈਂ ਇਸ ਤਰ੍ਹਾਂ ਛੱਕੇ ਲਗਾ ਸਕਾਂਗਾ'
ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਸਭ ਤੋਂ ਜ਼ਿਆਦਾ ਛੱਕਿਆਂ ਦਾ ਇਹ ਰਿਕਾਰਡ ਬਣਾਉਣ ਤੋਂ ਬਾਅਦ ਰੋਹਿਤ ਸ਼ਰਮਾ ਨੇ ਇਹ ਵੀ ਕਿਹਾ ਕਿ ਜਦੋਂ ਉਸ ਨੇ ਕ੍ਰਿਕਟ ਖੇਡਣਾ ਸ਼ੁਰੂ ਕੀਤਾ ਸੀ ਤਾਂ ਉਸ ਨੇ ਨਹੀਂ ਸੋਚਿਆ ਸੀ ਕਿ ਉਹ ਛੱਕੇ ਲਗਾ ਸਕਣਗੇ। ਰੋਹਿਤ ਨੇ ਕਿਹਾ, 'ਜਦੋਂ ਮੈਂ ਇਹ ਗੇਮ ਖੇਡਣਾ ਸ਼ੁਰੂ ਕੀਤਾ ਸੀ ਤਾਂ ਮੈਂ ਨਹੀਂ ਸੋਚਿਆ ਸੀ ਕਿ ਮੈਂ ਛੱਕਾ ਲਗਾ ਸਕਾਂਗਾ। ਛੱਕਿਆਂ ਦੀ ਇਹ ਗਿਣਤੀ ਛੱਡੋ। ਮੈਂ ਕਦੇ ਨਹੀਂ ਸੋਚਿਆ ਸੀ ਕਿ ਮੈਂ ਇਸ ਤਰ੍ਹਾਂ ਛੱਕੇ ਮਾਰਨ ਦੇ ਸਮਰੱਥ ਹਾਂ। ਇਹ ਯਕੀਨੀ ਤੌਰ 'ਤੇ ਸਾਲਾਂ ਦੌਰਾਨ ਬਹੁਤ ਸਖ਼ਤ ਮਿਹਨਤ ਹੈ। ਮੈਂ ਪਿਛਲੇ ਸਾਲਾਂ ਵਿੱਚ ਜੋ ਕੁਝ ਕੀਤਾ ਹੈ ਉਸ ਤੋਂ ਮੈਂ ਬਹੁਤ ਖੁਸ਼ ਹਾਂ। ਮੈਂ ਇਸ ਕੰਮ ਨੂੰ ਅੱਗੇ ਵੀ ਜਾਰੀ ਰੱਖਣਾ ਚਾਹੁੰਦਾ ਹਾਂ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
