IPL 2024: 4500 ਰੁਪਏ 'ਚ ਸੀਟ ਕਰਵਾਈ ਬੁੱਕ, ਪਰ ਜਦੋਂ ਦਰਸ਼ਕ ਮੈਚ ਦੇਖਣ ਪਹੁੰਚਿਆ ਤਾਂ ਹੋਇਆ ਧੋਖਾ
IPL 2024: ਚੇਨਈ ਸੁਪਰ ਕਿੰਗਜ਼ ਅਤੇ ਸਨਰਾਈਜ਼ਰਸ ਹੈਦਰਾਬਾਦ ਵਿਚਾਲੇ ਪਿਛਲੇ ਸ਼ੁੱਕਰਵਾਰ ਨੂੰ ਰਾਜੀਵ ਗਾਂਧੀ ਇੰਟਰਨੈਸ਼ਨਲ ਸਟੇਡੀਅਮ 'ਚ ਮੈਚ ਖੇਡਿਆ ਗਿਆ। ਮੈਚ ਬਹੁਤ ਰੋਮਾਂਚਕ ਸੀ ਪਰ ਇੱਕ ਪ੍ਰਸ਼ੰਸਕ ਲਈ ਇਹ ਮੈਚ
IPL 2024: ਚੇਨਈ ਸੁਪਰ ਕਿੰਗਜ਼ ਅਤੇ ਸਨਰਾਈਜ਼ਰਸ ਹੈਦਰਾਬਾਦ ਵਿਚਾਲੇ ਪਿਛਲੇ ਸ਼ੁੱਕਰਵਾਰ ਨੂੰ ਰਾਜੀਵ ਗਾਂਧੀ ਇੰਟਰਨੈਸ਼ਨਲ ਸਟੇਡੀਅਮ 'ਚ ਮੈਚ ਖੇਡਿਆ ਗਿਆ। ਮੈਚ ਬਹੁਤ ਰੋਮਾਂਚਕ ਸੀ ਪਰ ਇੱਕ ਪ੍ਰਸ਼ੰਸਕ ਲਈ ਇਹ ਮੈਚ ਬਿਲਕੁਲ ਵੀ ਚੰਗਾ ਨਹੀਂ ਰਿਹਾ। ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਜਦੋਂ ਇਕ ਫੈਨ ਟਿਕਟ 'ਤੇ ਲਿਖੇ ਸੀਟ ਨੰਬਰ 'ਤੇ ਪਹੁੰਚਿਆ ਤਾਂ ਉਸ ਨੂੰ ਸੀਟ ਨਹੀਂ ਮਿਲੀ। ਇਸ ਫੈਨ ਨੇ ਇਸ ਸੀਟ ਲਈ 4500 ਰੁਪਏ ਦੀ ਰਕਮ ਅਦਾ ਕੀਤੀ ਸੀ, ਪਰ ਜਦੋਂ ਉਹ ਮੈਦਾਨ 'ਤੇ ਪਹੁੰਚਿਆ ਤਾਂ ਉਸ ਨੂੰ ਸੀਟ ਨਹੀਂ ਮਿਲੀ।
ਜੁਨੈਦ ਅਹਿਮਦ ਨਾਂ ਦੇ ਇੱਕ ਪ੍ਰਸ਼ੰਸਕ ਨੇ ਸੋਸ਼ਲ ਮੀਡੀਆ 'ਤੇ ਆਪਣੀ ਨਿਰਾਸ਼ਾ ਜ਼ਾਹਰ ਕੀਤੀ ਹੈ। ਉਸ ਦੀ ਟਿਕਟ 'ਤੇ ਸੀਟ ਨੰਬਰ ਜੇ-66 ਲਿਖਿਆ ਹੋਇਆ ਸੀ, ਪਰ ਜਦੋਂ ਉਹ ਆਪਣੀ ਸੀਟ ਲੱਭਣ ਲਈ ਗਿਆ ਤਾਂ ਉਹ ਨਹੀਂ ਮਿਲੀ। ਮੈਦਾਨ 'ਤੇ ਮੌਜੂਦ ਕਰਮਚਾਰੀ ਵੀ ਉਸ ਦੀ ਮਦਦ ਲਈ ਅੱਗੇ ਆਇਆ ਤਾਂ ਸਿੱਧਾ ਜੇ 65 ਤੋਂ ਬਾਅਦ ਸੀਟ ਨੰਬਰ ਜੇ67 ਸੀ। ਐਕਸ 'ਤੇ ਪੋਸਟ ਕਰਦੇ ਹੋਏ ਜੂਨੇਦ ਨੇ ਦੱਸਿਆ ਕਿ 4500 ਰੁਪਏ ਦੇਣ ਤੋਂ ਬਾਅਦ ਵੀ ਉਸ ਨੂੰ ਮੈਚ ਦੀ ਪਹਿਲੀ ਪਾਰੀ ਨੂੰ ਖੜ੍ਹੇ ਹੋ ਕੇ ਦੇਖਣਾ ਪਿਆ। ਇਸ ਪ੍ਰਸ਼ੰਸਕ ਨੇ ਮੈਨੇਜਮੈਂਟ ਨੂੰ ਬੇਨਤੀ ਕੀਤੀ ਕਿ ਉਸ ਨੂੰ ਇਸ ਲਈ ਰਿਫੰਡ ਜਾਂ ਕੋਈ ਮੁਆਵਜ਼ਾ ਮਿਲੇਗਾ ਜਾਂ ਨਹੀਂ। ਖ਼ੈਰ ਇਸ ਘਟਨਾ ਨੇ ਮੈਚ ਦੀ ਦੂਜੀ ਪਾਰੀ ਵਿੱਚ ਦਿਲਚਸਪ ਮੋੜ ਲਿਆ ਕਿਉਂਕਿ ਜੁਨੈਦ ਦੂਜੀ ਪਾਰੀ ਦੌਰਾਨ ਆਪਣੀ ਸੀਟ ਹਾਸਲ ਕਰ ਲਈ। ਉਸ ਨੇ ਦੱਸਿਆ ਕਿ ਸੀਟਾਂ ਦੀ ਗਿਣਤੀ ਕਰਨ ਵੇਲੇ ਕਿਸੇ ਨੇ ਗਲਤੀ ਕੀਤੀ ਸੀ। ਉਸਨੇ ਆਪਣੀ ਸੀਟ ਨੰਬਰ J69 ਅਤੇ J70 ਦੇ ਵਿਚਕਾਰ ਪ੍ਰਾਪਤ ਕੀਤੀ।
SRH ਨੇ CSK ਨੂੰ 6 ਵਿਕਟਾਂ ਨਾਲ ਹਰਾਇਆ
ਹਾਲਾਂਕਿ ਜੁਨੈਦ ਅਹਿਮਦ ਲਈ SRH ਬਨਾਮ CSK ਮੈਚ ਦਾ ਤਜਰਬਾ ਬਹੁਤਾ ਚੰਗਾ ਨਹੀਂ ਰਿਹਾ ਪਰ ਦੋਵਾਂ ਟੀਮਾਂ ਵਿਚਾਲੇ ਮੁਕਾਬਲਾ ਬਹੁਤ ਰੋਮਾਂਚਕ ਰਿਹਾ। ਚੇਨਈ ਨੇ ਪਹਿਲਾਂ ਖੇਡਦੇ ਹੋਏ 165 ਦੌੜਾਂ ਬਣਾਈਆਂ। ਟੀਚੇ ਦਾ ਪਿੱਛਾ ਕਰਨ ਆਈ ਸਨਰਾਈਜ਼ਰਜ਼ ਹੈਦਰਾਬਾਦ ਦੀ ਟੀਮ ਵੀ ਮੱਧ ਓਵਰਾਂ ਵਿੱਚ ਸੰਘਰਸ਼ ਕਰਦੀ ਨਜ਼ਰ ਆਈ ਪਰ ਅੰਤ ਵਿੱਚ ਘਰੇਲੂ ਟੀਮ 6 ਵਿਕਟਾਂ ਨਾਲ ਜਿੱਤ ਦਰਜ ਕਰਨ ਵਿੱਚ ਸਫਲ ਰਹੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
