IPL 2023: ਮੁੰਬਈ ਇੰਡੀਅਨਜ਼ ਲਈ ਬੁਰੀ ਖਬਰ ! ਆਸਟ੍ਰੇਲੀਆਈ ਗੇਂਦਬਾਜ਼ ਹੋਇਆ ਜ਼ਖ਼ਮੀ, IPL ਤੱਕ ਫਿੱਟ ਹੋਣ ਦੀ ਸੰਭਾਵਨਾ ਘੱਟ
Jhye Richardson: ਆਸਟ੍ਰੇਲੀਆਈ ਤੇਜ਼ ਗੇਂਦਬਾਜ਼ ਰਿਚਰਡਸਨ ਹੈਮਸਟ੍ਰਿੰਗ ਦੀ ਸੱਟ ਕਾਰਨ ਆਉਣ ਵਾਲੀ ਭਾਰਤ-ਆਸਟ੍ਰੇਲੀਆ ਵਨਡੇ ਸੀਰੀਜ਼ ਤੋਂ ਬਾਹਰ ਹੋ ਗਿਆ ਹੈ। ਉਹ ਆਈਪੀਐਲ ਵਿੱਚ ਮੁੰਬਈ ਇੰਡੀਅਨਜ਼ ਦੀ ਟੀਮ ਦਾ ਹਿੱਸਾ ਹੈ।
Jhye Richardson Injury: IPL 2023 ਤੋਂ ਪਹਿਲਾਂ ਮੁੰਬਈ ਇੰਡੀਅਨਜ਼ ਲਈ ਬੁਰੀ ਖਬਰ ਹੈ। ਇਸ ਟੀਮ ਦੇ ਆਸਟ੍ਰੇਲਿਆਈ ਤੇਜ਼ ਗੇਂਦਬਾਜ਼ ਰਿਚਰਡਸਨ ਮੁੜ ਜ਼ਖ਼ਮੀ ਹੋ ਗਏ ਹਨ ਅਤੇ ਆਈਪੀਐਲ ਤੱਕ ਉਸ ਦੇ ਸੱਟ ਤੋਂ ਉਭਰਨ ਦੀ ਸੰਭਾਵਨਾ ਘੱਟ ਹੈ। ਜੇ ਰਿਚਰਡਸਨ ਨੂੰ ਦਸੰਬਰ 2022 ਵਿੱਚ ਹੋਈ ਨਿਲਾਮੀ ਵਿੱਚ ਮੁੰਬਈ ਫਰੈਂਚਾਇਜ਼ੀ ਨੇ 1.50 ਕਰੋੜ ਵਿੱਚ ਖਰੀਦਿਆ ਸੀ।
ਰਿਚਰਡਸਨ ਹੈਮਸਟ੍ਰਿੰਗ ਦੀ ਸੱਟ ਨਾਲ ਜੂਝ ਰਿਹਾ ਹੈ। ਰਿਚਰਡਸਨ ਨੂੰ ਇਹ ਸੱਟ ਬਿਗ ਬੈਸ਼ ਲੀਗ (BBL) ਦੌਰਾਨ ਲੱਗੀ ਸੀ। 4 ਜਨਵਰੀ ਤੋਂ ਉਹ ਇਸ ਸੱਟ ਕਾਰਨ ਮੈਦਾਨ ਤੋਂ ਬਾਹਰ ਸੀ। ਉਹ ਪਿਛਲੇ ਸ਼ਨੀਵਾਰ ਵਾਪਸ ਪਰਤਿਆ ਪਰ ਫਿਰ ਮੈਦਾਨ ਛੱਡਣਾ ਪਿਆ। ਸੱਟ ਕਾਰਨ ਪੂਰੇ ਦੋ ਮਹੀਨੇ ਮੈਦਾਨ ਤੋਂ ਬਾਹਰ ਰਹਿਣ ਤੋਂ ਬਾਅਦ ਰਿਚਰਡਸਨ ਪਿਛਲੇ ਸ਼ਨੀਵਾਰ ਆਪਣੇ ਕ੍ਰਿਕਟ ਕਲੱਬ ਫਰੀਮੇਂਟਲ ਲਈ ਖੇਡ ਰਹੇ ਸਨ। ਇੱਥੇ ਉਹ 50 ਓਵਰਾਂ ਦੇ ਮੈਚ ਵਿੱਚ ਸਿਰਫ਼ ਚਾਰ ਓਵਰ ਹੀ ਗੇਂਦਬਾਜ਼ੀ ਕਰ ਸਕਿਆ। ਉਸ ਨੇ ਗੇਂਦਬਾਜ਼ੀ ਵਿੱਚ ਅਸਹਿਜ ਮਹਿਸੂਸ ਕੀਤਾ ਅਤੇ ਫਿਰ ਉਹ ਤੁਰੰਤ ਸਕੈਨ ਲਈ ਪਹੁੰਚ ਗਿਆ। ਇਸ ਤੋਂ ਬਾਅਦ ਡਾਕਟਰੀ ਜਾਂਚ 'ਚ ਇਕ ਵਾਰ ਫਿਰ ਉਨ੍ਹਾਂ ਦੀ ਹੈਮਸਟ੍ਰਿੰਗ ਦੀ ਸੱਟ ਸਾਹਮਣੇ ਆਈ ਅਤੇ ਉਨ੍ਹਾਂ ਨੂੰ ਕੁਝ ਹਫਤੇ ਆਰਾਮ ਕਰਨ ਦੀ ਸਲਾਹ ਦਿੱਤੀ ਗਈ।
ਭਾਰਤ ਦੌਰੇ ਤੋਂ ਵੀ ਬਾਹਰ
ਰਿਚਰਡਸਨ ਬਿਗ ਬੈਸ਼ ਲੀਗ ਵਿੱਚ ਪਰਥ ਸਕਾਰਚਰਜ਼ ਦਾ ਹਿੱਸਾ ਸੀ ਪਰ ਹੈਮਸਟ੍ਰਿੰਗ ਦੀ ਸੱਟ ਕਾਰਨ ਉਹ ਖਿਤਾਬ ਜਿੱਤਣ ਵਾਲੀ ਟੀਮ ਦਾ ਹਿੱਸਾ ਨਹੀਂ ਬਣ ਸਕਿਆ। ਇਸ ਤੋਂ ਬਾਅਦ ਉਹ ਮਾਰਸ਼ ਕੱਪ ਅਤੇ ਸ਼ੈਫੀਲਡ ਸ਼ੀਲਡ ਵਰਗੇ ਆਸਟ੍ਰੇਲੀਆ ਦੇ ਘਰੇਲੂ ਟੂਰਨਾਮੈਂਟਾਂ 'ਚ ਵੀ ਨਹੀਂ ਖੇਡ ਸਕਿਆ। ਇਸ ਦੇ ਬਾਵਜੂਦ ਉਨ੍ਹਾਂ ਦੀ ਸਿਹਤਯਾਬੀ ਨੂੰ ਦੇਖਦੇ ਹੋਏ ਭਾਰਤ ਦੌਰੇ ਲਈ ਵਨਡੇ ਟੀਮ 'ਚ ਚੁਣਿਆ ਗਿਆ ਸੀ ਪਰ ਹੁਣ ਉਨ੍ਹਾਂ ਦੀ ਜਗ੍ਹਾ ਨਾਥਨ ਐਲਿਸ ਨੂੰ ਆਸਟ੍ਰੇਲੀਆਈ ਟੀਮ 'ਚ ਸ਼ਾਮਲ ਕੀਤਾ ਗਿਆ ਹੈ।
5 ਸਾਲਾਂ 'ਚ ਸਿਰਫ 38 ਅੰਤਰਰਾਸ਼ਟਰੀ ਮੈਚ ਖੇਡੇ
ਰਿਚਰਡਸਨ ਨੇ ਸਾਲ 2017 'ਚ ਹੀ ਆਪਣੇ ਅੰਤਰਰਾਸ਼ਟਰੀ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ ਪਰ ਇਸ ਤੋਂ ਬਾਅਦ ਉਹ 2019 'ਚ ਮੋਢੇ ਦੀ ਸੱਟ ਕਾਰਨ ਲੰਬੇ ਸਮੇਂ ਤੱਕ ਆਸਟ੍ਰੇਲੀਆਈ ਟੀਮ ਤੋਂ ਬਾਹਰ ਰਹੇ। ਇਸ 26 ਸਾਲਾ ਖਿਡਾਰੀ ਨੇ ਹੁਣ ਤੱਕ ਆਸਟਰੇਲੀਆ ਲਈ ਤਿੰਨੋਂ ਫਾਰਮੈਟਾਂ ਵਿੱਚ ਕੁੱਲ 36 ਮੈਚ ਖੇਡੇ ਹਨ। ਉਸ ਦੇ ਨਾਂ ਕੁੱਲ 57 ਵਿਕਟਾਂ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
