LCT 2024: ਯੁਵਰਾਜ ਸਿੰਘ ਦੀ ਟੀਮ NYSS ਦਾ ਮੈਦਾਨ 'ਚ ਜਲਵਾ, ਖਿਡਾਰੀਆਂ ਸਾਹਮਣੇ ਨਹੀਂ ਟਿੱਕ ਸਕੇ ਸੁਰੇਸ਼ ਰੈਨਾ    

Legends Cricket Trophy: ਨਿਊਯਾਰਕ ਸਟਰਾਈਕਰਜ਼ ਨੇ ਦਿੱਲੀ ਡੇਵਿਲਜ਼ ਨੂੰ ਹਰਾਇਆ ਹੈ। ਯੁਵਰਾਜ ਸਿੰਘ ਦੀ ਅਗਵਾਈ ਵਾਲੀ ਨਿਊਯਾਰਕ ਸਟ੍ਰਾਈਕਰਜ਼ ਨੇ ਸੁਰੇਸ਼ ਰੈਨਾ ਦੀ ਕਪਤਾਨੀ ਵਾਲੀ ਦਿੱਲੀ ਡੇਵਿਲਜ਼

Legends Cricket Trophy Yuvraj Singh Won

Legends Cricket Trophy: ਨਿਊਯਾਰਕ ਸਟਰਾਈਕਰਜ਼ ਨੇ ਦਿੱਲੀ ਡੇਵਿਲਜ਼ ਨੂੰ ਹਰਾਇਆ ਹੈ। ਯੁਵਰਾਜ ਸਿੰਘ ਦੀ ਅਗਵਾਈ ਵਾਲੀ ਨਿਊਯਾਰਕ ਸਟ੍ਰਾਈਕਰਜ਼ ਨੇ ਸੁਰੇਸ਼ ਰੈਨਾ ਦੀ ਕਪਤਾਨੀ ਵਾਲੀ ਦਿੱਲੀ ਡੇਵਿਲਜ਼ ਨੂੰ 50 ਦੌੜਾਂ ਨਾਲ ਹਰਾਇਆ। ਦਿੱਲੀ ਡੇਵਿਲਜ਼ ਦੇ ਸਾਹਮਣੇ 186 ਦੌੜਾਂ ਦਾ ਟੀਚਾ ਸੀ, ਪਰ 15 ਓਵਰਾਂ 'ਚ 5 ਵਿਕਟਾਂ 'ਤੇ 135 ਦੌੜਾਂ ਹੀ ਬਣਾ ਸਕੀ। ਦਿੱਲੀ ਡੇਵਿਲਜ਼ ਦੇ ਕਪਤਾਨ ਸੁਰੇਸ਼ ਰੈਨਾ ਨੇ 35 ਗੇਂਦਾਂ 'ਤੇ 50 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਪਰ ਆਪਣੀ ਟੀਮ ਨੂੰ ਜਿੱਤ ਵੱਲ ਨਹੀਂ ਲੈ ਜਾ ਸਕੇ।

ਲਾਹਿਰੂ ਥਿਰੀਮਨੇ ਨੇ ਤੂਫਾਨੀ ਪਾਰੀ ਖੇਡੀ

ਇਸ ਤੋਂ ਪਹਿਲਾਂ ਸੁਰੇਸ਼ ਰੈਨਾ ਦੀ ਕਪਤਾਨੀ ਵਾਲੀ ਦਿੱਲੀ ਡੇਵਿਲਜ਼ ਨੇ ਟਾਸ ਜਿੱਤ ਕੇ ਫੀਲਡਿੰਗ ਕਰਨ ਦਾ ਫੈਸਲਾ ਕੀਤਾ। ਪਹਿਲਾਂ ਬੱਲੇਬਾਜ਼ੀ ਕਰਨ ਆਈ ਯੁਵਰਾਜ ਸਿੰਘ ਦੀ ਨਿਊਯਾਰਕ ਸਟ੍ਰਾਈਕਰਜ਼ ਨੇ 15 ਓਵਰਾਂ ਵਿੱਚ 6 ਵਿਕਟਾਂ ਦੇ ਨੁਕਸਾਨ ’ਤੇ 186 ਦੌੜਾਂ ਬਣਾਈਆਂ। ਨਿਊਯਾਰਕ ਸਟ੍ਰਾਈਕਰਜ਼ ਲਈ ਲਾਹਿਰੂ ਥਿਰੀਮਨੇ ਨੇ ਸਭ ਤੋਂ ਵੱਧ ਦੌੜਾਂ ਬਣਾਈਆਂ। ਲਾਹਿਰੂ ਥਿਰੀਮਨੇ ਨੇ 39 ਗੇਂਦਾਂ 'ਚ 90 ਦੌੜਾਂ ਦੀ ਤੂਫਾਨੀ ਪਾਰੀ ਖੇਡੀ। ਉਨ੍ਹਾਂ ਨੇ ਆਪਣੀ ਪਾਰੀ 'ਚ 11 ਚੌਕੇ ਅਤੇ 5 ਛੱਕੇ ਲਗਾਏ। ਪਰ ਇਸ ਤੋਂ ਬਾਅਦ ਨਿਊਯਾਰਕ ਸਟ੍ਰਾਈਕਰਜ਼ ਦੇ ਬਾਕੀ ਬੱਲੇਬਾਜ਼ ਜ਼ਿਆਦਾ ਯੋਗਦਾਨ ਨਹੀਂ ਦੇ ਸਕੇ। ਦਿੱਲੀ ਡੇਵਿਲਜ਼ ਲਈ ਅਨੁਰੀਤ ਸਿੰਘ ਅਤੇ ਈਸ਼ਾਨ ਮਲਹੋਤਰਾ ਨੇ 2-2 ਵਿਕਟਾਂ ਲਈਆਂ। ਇਸ ਤੋਂ ਇਲਾਵਾ ਇਕਬਾਲ ਅਬਦੁੱਲਾ ਅਤੇ ਅਮਿਤੋਜ ਸਿੰਘ ਨੂੰ 1-1 ਸਫਲਤਾ ਮਿਲੀ।

ਸੁਰੇਸ਼ ਰੈਨਾ ਦੀ ਅਰਧ ਸੈਂਕੜੇ ਵਾਲੀ ਪਾਰੀ ਵਿਅਰਥ ਗਈ

ਨਿਊਯਾਰਕ ਸਟ੍ਰਾਈਕਰਜ਼ ਦੀਆਂ 186 ਦੌੜਾਂ ਦੇ ਜਵਾਬ 'ਚ ਬੱਲੇਬਾਜ਼ੀ ਕਰਨ ਆਈ ਦਿੱਲੀ ਡੇਵਿਲਜ਼ 15 ਓਵਰਾਂ 'ਚ 5 ਵਿਕਟਾਂ 'ਤੇ 135 ਦੌੜਾਂ ਹੀ ਬਣਾ ਸਕੀ। ਦਿੱਲੀ ਡੇਵਿਲਡ ਦੇ ਕਪਤਾਨ ਸੁਰੇਸ਼ ਰੈਨਾ ਨੇ ਅਰਧ ਸੈਂਕੜੇ ਦੀ ਪਾਰੀ ਜ਼ਰੂਰ ਖੇਡੀ, ਪਰ ਬਾਕੀ ਬੱਲੇਬਾਜ਼ਾਂ ਦਾ ਸਾਥ ਨਹੀਂ ਮਿਲਿਆ। ਹਾਲਾਂਕਿ ਅੰਬਾਤੀ ਰਾਇਡੂ ਤੋਂ ਇਲਾਵਾ ਬ੍ਰੈਂਡਨ ਟੇਲਰ ਅਤੇ ਅਸ਼ਾਨ ਪ੍ਰਿਰੰਜਨ ਨੇ ਛੋਟਾ ਪਰ ਉਪਯੋਗੀ ਯੋਗਦਾਨ ਦਿੱਤਾ। ਪਰ ਦਿੱਲੀ ਡੇਵਿਲ ਟੀਮ ਟੀਚੇ ਤੱਕ ਨਹੀਂ ਪਹੁੰਚ ਸਕੀ। ਨਿਊਯਾਰਕ ਸਟ੍ਰਾਈਕਰਜ਼ ਲਈ ਇਸਰੂ ਉਦਾਨਾ ਨੇ ਸਭ ਤੋਂ ਵੱਧ 3 ਵਿਕਟਾਂ ਲਈਆਂ। ਇਸ ਤੋਂ ਇਲਾਵਾ ਨੁਆਨ ਪ੍ਰਦੀਪ ਅਤੇ ਕੋਲਿਨ ਡੇਗ੍ਰਾਮ ਹੋਮ ਨੂੰ 1-1 ਸਫਲਤਾ ਮਿਲੀ।