Hardik Pandya: ਹਾਰਦਿਕ ਪਾਂਡਿਆ ਨੂੰ ਦੇਖ ਲੱਗੇ 'ਛਪਰੀ-ਛਪਰੀ' ਦੇ ਨਾਅਰੇ, ਕ੍ਰਿਕਟਰ ਨਾਲ ਭੀੜ ਨੇ ਕੀਤਾ ਘਟੀਆ ਸਲੂਕ, ਵੀਡੀਓ ਵਾਇਰਲ

Hardik Pandya Chapri Chants: ਹਾਰਦਿਕ ਪਾਂਡਿਆ ਦੀ ਕਪਤਾਨੀ ਵਾਲੀ ਮੁੰਬਈ ਇੰਡੀਅਨਜ਼ ਨੇ ਪਿਛਲੇ ਐਤਵਾਰ (24 ਮਾਰਚ) ਨੂੰ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ 6 ਦੌੜਾਂ ਨਾਲ ਹਾਰ ਗਈ ਸੀ। ਪਹਿਲੇ ਮੁਕਾਬਲੇ

Hardik Pandya Chapri Chants

Hardik Pandya Chapri Chants: ਹਾਰਦਿਕ ਪਾਂਡਿਆ ਦੀ ਕਪਤਾਨੀ ਵਾਲੀ ਮੁੰਬਈ ਇੰਡੀਅਨਜ਼ ਨੇ ਪਿਛਲੇ ਐਤਵਾਰ (24 ਮਾਰਚ) ਨੂੰ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ 6 ਦੌੜਾਂ ਨਾਲ ਹਾਰ ਗਈ ਸੀ। ਪਹਿਲੇ ਮੁਕਾਬਲੇ 'ਚ ਹਾਰਦਿਕ ਦੀ ਕਪਤਾਨੀ ਮੁੰਬਈ ਲਈ ਅਸਫਲ ਰਹੀ। ਮੈਚ ਦੌਰਾਨ ਪ੍ਰਸ਼ੰਸਕ ਹਾਰਦਿਕ ਤੋਂ ਬਿਲਕੁਲ ਵੀ ਖੁਸ਼ ਨਜ਼ਰ ਨਹੀਂ ਆਏ। ਕਦੇ ਹਾਰਦਿਕ ਨੂੰ ਦੇਖ ਕੇ ਰੋਹਿਤ ਸ਼ਰਮਾ ਦੇ ਨਾਂ 'ਤੇ ਨਾਅਰੇ ਲਾਏ ਗਏ ਤਾਂ ਕਦੇ ਭੀੜ ਨੇ ਮੁੰਬਈ ਦੇ ਕਪਤਾਨ ਨੂੰ 'ਛਪਰੀ-ਛਪਰੀ' ਕਿਹਾ।

ਸੋਸ਼ਲ ਮੀਡੀਆ 'ਤੇ ਨਾਲ ਵਾਇਰਲ ਹੋ ਰਹੀ ਵੀਡੀਓ 'ਚ ਸਟੈਂਡ 'ਤੇ ਬੈਠੇ ਦਰਸ਼ਕ ਹਾਰਦਿਕ ਪਾਂਡਿਆ ਨੂੰ 'ਛਪਰੀ-ਛਪਰੀ' ਕਹਿੰਦੇ ਨਜ਼ਰ ਆ ਰਹੇ ਹਨ। ਜਦੋਂ ਤੋਂ ਹਾਰਦਿਕ ਮੁੰਬਈ ਦਾ ਕਪਤਾਨ ਬਣਿਆ ਹੈ, ਉਸ ਨੂੰ ਪ੍ਰਸ਼ੰਸਕਾਂ ਦੀ ਨਫ਼ਰਤ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਹੁਣ ਲਾਈਵ ਮੈਚ 'ਚ ਵੀ ਪ੍ਰਸ਼ੰਸਕਾਂ ਨੇ ਉਸ ਪ੍ਰਤੀ ਨਫਰਤ ਜ਼ਾਹਰ ਕੀਤੀ ਹੈ।

ਵਾਇਰਲ ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਹਾਰਦਿਕ ਡਰੈਸਿੰਗ ਰੂਮ ਵੱਲ ਜਾ ਰਹੇ ਹਨ ਅਤੇ ਉਨ੍ਹਾਂ ਨੂੰ ਜਾਂਦੇ ਦੇਖ ਸਟੈਂਡ 'ਤੇ ਬੈਠੇ ਪ੍ਰਸ਼ੰਸਕ 'ਛਪਰੀ-ਛਪਰੀ' ਦੇ ਨਾਅਰੇ ਲਗਾਉਣ ਲੱਗੇ। ਹਾਲਾਂਕਿ, ਮੁੰਬਈ ਦੇ ਕਪਤਾਨ ਸਿੱਧੇ ਹੀ ਚਲੇ ਜਾਂਦੇ ਹਨ ਅਤੇ ਨਾਅਰਿਆਂ 'ਤੇ ਪ੍ਰਤੀਕਿਰਿਆ ਨਹੀਂ ਕਰਦੇ ਹਨ। ਪਰ ਇਹ ਵੀਡੀਓ ਸੱਚਮੁੱਚ ਹੈਰਾਨ ਕਰਨ ਵਾਲੀ ਹੈ। IPL ਦੇ ਇਤਿਹਾਸ 'ਚ ਅਜਿਹਾ ਸ਼ਾਇਦ ਹੀ ਕਦੇ ਦੇਖਿਆ ਗਿਆ ਹੋਵੇ, ਜਦੋਂ ਪ੍ਰਸ਼ੰਸਕ ਕਿਸੇ ਭਾਰਤੀ ਖਿਡਾਰੀ 'ਤੇ ਇਸ ਤਰ੍ਹਾਂ ਗੁੱਸੇ ਹੋਏ ਹੋਣ।

Ahmedabad crowd calling Hardik Pandya 'chhapri' 😳 #ipl #HardikPandya #chapri #GTvMI pic.twitter.com/0QKEgHZrJY

— Lalit Kumar (@Lalit96L) March 25, 2024

6 ਦੌੜਾਂ ਨਾਲ ਹਾਰੀ ਮੁੰਬਈ 

ਦੱਸ ਦੇਈਏ ਕਿ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ 'ਚ ਖੇਡੇ ਗਏ ਮੁਕਾਬਲੇ 'ਚ ਗੁਜਰਾਤ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 20 ਓਵਰਾਂ 'ਚ 6 ਵਿਕਟਾਂ 'ਤੇ 168 ਦੌੜਾਂ ਬਣਾਈਆਂ। ਸਾਈ ਸੁਦਰਸ਼ਨ ਨੇ ਟੀਮ ਲਈ 45 ਦੌੜਾਂ ਦੀ ਸਭ ਤੋਂ ਵੱਡੀ ਪਾਰੀ ਖੇਡੀ, ਜਿਸ 'ਚ ਉਨ੍ਹਾਂ ਨੇ 3 ਚੌਕੇ ਅਤੇ 1 ਛੱਕਾ ਲਗਾਇਆ। ਫਿਰ ਟੀਚੇ ਦਾ ਪਿੱਛਾ ਕਰਦੇ ਹੋਏ ਮੁੰਬਈ ਦੀ ਟੀਮ 20 ਓਵਰਾਂ 'ਚ 9 ਵਿਕਟਾਂ 'ਤੇ 162 ਦੌੜਾਂ ਹੀ ਬਣਾ ਸਕੀ। ਟੀਮ ਲਈ ਸਾਬਕਾ ਕਪਤਾਨ ਰੋਹਿਤ ਸ਼ਰਮਾ ਨੇ 43 ਦੌੜਾਂ ਦੀ ਸਭ ਤੋਂ ਵੱਡੀ ਪਾਰੀ ਖੇਡੀ। ਇਸ ਦੌਰਾਨ ਉਨ੍ਹਾਂ ਨੇ 7 ਚੌਕੇ ਅਤੇ 1 ਛੱਕਾ ਲਗਾਇਆ। ਹਾਲਾਂਕਿ ਰੋਹਿਤ ਦੀ ਪਾਰੀ ਮੁੰਬਈ ਨੂੰ ਜਿੱਤ ਨਹੀਂ ਦਿਵਾ ਸਕੀ।