T20 World Cup 2024: ਨਵਜੋਤ ਸਿੰਘ ਸਿੱਧੂ ਨੇ ਵਿਰਾਟ ਕੋਹਲੀ ਬਾਰੇ ਆਖ ਦਿੱਤੀ ਇਹ ਵੱਡੀ ਗੱਲ

Virat Kohli: ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਬੱਲੇਬਾਜ਼ ਨਵਜੋਤ ਸਿੰਘ ਸਿੱਧੂ ਨੇ ਵਿਰਾਟ ਕੋਹਲੀ 'ਤੇ ਵੱਡਾ ਬਿਆਨ ਦਿੱਤਾ ਹੈ। ਇਨ੍ਹੀਂ ਦਿਨੀਂ ਸਿੱਧੂ 2024 ਟੀ-20 ਵਿਸ਼ਵ ਕੱਪ ਦੀ ਕੁਮੈਂਟਰੀ ਕਰ ਰਹੇ ਹਨ।

ਵਿਰਾਟ ਕੋਹਲੀ ਅਤੇ ਨਵਜੋਤ ਸਿੱਧੂ

Navjot Singh Sidhu On Virat Kohli: ਵਿਰਾਟ ਕੋਹਲੀ ਟੀ-20 ਵਿਸ਼ਵ ਕੱਪ 2024 ਵਿੱਚ ਹੁਣ ਤੱਕ ਫਲਾਪ ਨਜ਼ਰ ਆਏ ਹਨ। ਕੋਹਲੀ ਨੇ ਟੂਰਨਾਮੈਂਟ ਦੀਆਂ ਚਾਰ ਪਾਰੀਆਂ ਵਿੱਚ ਬੱਲੇਬਾਜ਼ੀ ਕੀਤੀ ਹੈ, ਜਿਸ ਵਿੱਚ ਉਹ ਤਿੰਨ ਵਾਰ ਦੋਹਰਾ ਅੰਕੜਾ ਵੀ ਪਾਰ ਨਹੀਂ ਕਰ ਸਕਿਆ। ਸਿਰਫ ਇਕ ਵਾਰ ਉਸ ਨੇ ਦੋਹਰੇ ਅੰਕੜੇ ਨੂੰ ਪਾਰ ਕੀਤਾ ਅਤੇ 24 ਦੌੜਾਂ ਬਣਾਈਆਂ। ਅਮਰੀਕਾ ਤੋਂ ਬਾਅਦ ਕੋਹਲੀ ਵੈਸਟਇੰਡੀਜ਼ ਦੀ ਧਰਤੀ 'ਤੇ ਵੀ ਕਮਾਲ ਨਹੀਂ ਕਰ ਸਕੇ। ਹੁਣ 2024 ਦੇ ਟੀ-20 ਵਿਸ਼ਵ ਕੱਪ 'ਤੇ ਕੁਮੈਂਟਰੀ ਕਰ ਰਹੇ ਸਾਬਕਾ ਭਾਰਤੀ ਕ੍ਰਿਕਟਰ ਨਵੋਜ ਸਿੰਘ ਸਿੱਧੂ ਨੇ ਵਿਰਾਟ ਕੋਹਲੀ ਦੇ 'ਫਲਾਪ' ਹੋਣ 'ਤੇ ਵੱਡੀ ਗੱਲ ਕਹੀ ਹੈ।

ਸਿੱਧੂ ਨੇ ਕਿਹਾ ਕਿ ਹੁਣ ਵਿਰਾਟ ਕੋਹਲੀ ਹੋਰ ਖਤਰਨਾਕ ਹੋ ਗਏ ਹਨ। ਸਿੱਧੂ ਨੇ ਕਿਹਾ, "ਜੇਕਰ ਕੋਈ ਤਾਕਤਵਰ ਵਿਅਕਤੀ ਆਪਣੀ ਤਾਕਤ ਨਹੀਂ ਦਿਖਾ ਪਾਉਂਦਾ ਤਾਂ ਉਹ ਨਿਰਾਸ਼ ਹੋ ਜਾਂਦਾ ਹੈ। ਅਤੇ 'ਜ਼ਖਮੀ' ਵਿਰਾਟ ਕੋਹਲੀ ਜ਼ਿਆਦਾ ਖਤਰਨਾਕ ਹੈ, ਹਾਲਾਂਕਿ ਮਾਨਸਿਕ ਤੌਰ ਉਤੇ ਉਹ ਬਹੁਤ ਮਜ਼ਬੂਤ ਹੈ।"

ਬੱਲੇਬਾਜ਼ੀ ਸਥਿਤੀ 'ਚ ਬਦਲਾਅ ਤੋਂ ਬਾਅਦ ਕੋਹਲੀ ਦਾ ਬੱਲਾ ਹੋਇਆ ਸ਼ਾਂਤ 

ਤੁਹਾਨੂੰ ਦੱਸ ਦੇਈਏ ਕਿ ਕੋਹਲੀ ਜ਼ਿਆਦਾਤਰ ਭਾਰਤ ਲਈ ਤੀਜੇ ਨੰਬਰ 'ਤੇ ਖੇਡਦੇ ਹਨ। ਪਰ ਹੁਣ ਤੱਕ 2024 ਟੀ-20 ਵਿਸ਼ਵ ਕੱਪ 'ਚ ਉਹ ਕਪਤਾਨ ਰੋਹਿਤ ਸ਼ਰਮਾ ਨਾਲ ਓਪਨਿੰਗ ਕਰਦੇ ਨਜ਼ਰ ਆਏ ਹਨ। ਓਪਨਿੰਗ 'ਤੇ ਕੋਹਲੀ ਦਾ ਆਉਣਾ ਫਲਾਪ ਜਾਪ ਰਿਹਾ ਹੈ। ਟੀਮ ਇੰਡੀਆ ਨੇ ਨਿਊਯਾਰਕ, ਅਮਰੀਕਾ ਵਿੱਚ ਗਰੁੱਪ ਗੇੜ ਦੇ ਤਿੰਨ ਮੈਚ ਖੇਡੇ, ਜਿੱਥੇ ਉਹ ਆਇਰਲੈਂਡ ਖ਼ਿਲਾਫ਼ 01 ਦੌੜਾਂ ਨਾਲ, ਪਾਕਿਸਤਾਨ ਖ਼ਿਲਾਫ਼ 04 ਦੌੜਾਂ ਨਾਲ ਅਤੇ ਅਮਰੀਕਾ ਖ਼ਿਲਾਫ਼ ਖਾਤਾ ਖੋਲ੍ਹੇ ਬਿਨਾਂ ਹੀ ਆਊਟ ਹੋ ਗਈ।

ਅਮਰੀਕਾ ਤੋਂ ਬਾਅਦ ਪ੍ਰਸ਼ੰਸਕਾਂ ਨੂੰ ਉਮੀਦ ਸੀ ਕਿ ਕੋਹਲੀ ਵੈਸਟਇੰਡੀਜ਼ 'ਚ ਖੇਡੇ ਗਏ ਮੈਚਾਂ 'ਚ ਚੰਗਾ ਪ੍ਰਦਰਸ਼ਨ ਕਰਨਗੇ ਪਰ ਅਫਗਾਨਿਸਤਾਨ ਖਿਲਾਫ ਖੇਡੇ ਗਏ ਸੁਪਰ-8 ਦੇ ਪਹਿਲੇ ਮੈਚ 'ਚ ਉਹ ਕੋਈ ਵੱਡੀ ਪਾਰੀ ਨਹੀਂ ਖੇਡ ਸਕੇ। ਅਫਗਾਨਿਸਤਾਨ ਖਿਲਾਫ ਕਿੰਗ ਕੋਹਲੀ ਨੇ 24 ਗੇਂਦਾਂ 'ਚ 1 ਛੱਕੇ ਦੀ ਮਦਦ ਨਾਲ 24 ਦੌੜਾਂ ਬਣਾਈਆਂ।

IPL 2024 'ਚ ਖੂਬ ਚੱਲਿਆ ਸੀ ਬੱਲਾ

ਗੌਰਤਲਬ ਹੈ ਕਿ ਟੀ-20 ਵਿਸ਼ਵ ਕੱਪ ਸ਼ੁਰੂ ਹੋਣ ਤੋਂ ਪਹਿਲਾਂ ਸ਼ੁਰੂ ਹੋਏ ਆਈਪੀਐਲ 2024 ਵਿੱਚ ਵਿਰਾਟ ਕੋਹਲੀ ਦਾ ਬੱਲਾ ਜਬਰਦਸਤ ਚੱਲਿਆ ਸੀ। ਉਹ ਟੂਰਨਾਮੈਂਟ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਸਨ। ਕੋਹਲੀ ਨੇ 15 ਮੈਚਾਂ ਦੀਆਂ 15 ਪਾਰੀਆਂ 'ਚ ਬੱਲੇਬਾਜ਼ੀ ਕੀਤੀ ਅਤੇ 61.75 ਦੀ ਔਸਤ ਨਾਲ 741 ਰਨ ਬਣਾਏ ਸਨ।