Neymar Junior Birthday: ਮਜ਼ਦੂਰ ਦੇ ਪੁੱਤਰ ਨੇ ਮਿਹਨਤ ਨਾਲ ਫੁੱਟਬਾਲ ਦੀ ਦੁਨੀਆ 'ਚ ਬਣਾਇਆ ਨਾਂ, ਪੜ੍ਹੋ ਨੇਮਾਰ ਦੇ ਸੰਘਰਸ਼ ਦੀ ਕਹਾਣੀ
Neymar Junior Brazil: ਮੇਸੀ ਅਤੇ ਰੋਨਾਲਡੋ ਤੋਂ ਬਾਅਦ ਦੁਨੀਆ ਦੇ ਤੀਜੇ ਸਭ ਤੋਂ ਮਹਿੰਗੇ ਫੁੱਟਬਾਲ ਖਿਡਾਰੀ ਹਨ ਨੇਮਾਰ ਜੂਨੀਅਰ ਪਰ ਇਸ ਖਿਡਾਰੀ ਦੀ ਜ਼ਿੰਦਗੀ ਆਸਾਨ ਨਹੀਂ ਰਹੀ ਹੈ।
HBD Neymar Junior: ਅੱਜ ਨੇਮਾਰ ਜੂਨੀਅਰ ਆਪਣਾ 30ਵਾਂ ਜਨਮਦਿਨ ਮਨਾ ਰਿਹਾ ਹੈ। ਨੇਮਾਰ ਜੂਨੀਅਰ ਦੁਨੀਆ ਦੇ ਤੀਜੇ ਸਭ ਤੋਂ ਮਹਿੰਗੇ ਫੁੱਟਬਾਲ ਖਿਡਾਰੀ ਹਨ। ਇਸ ਸੂਚੀ 'ਚ ਲਿਓਨੇਲ ਮੇਸੀ ਅਤੇ ਕ੍ਰਿਸਟੀਆਨੋ ਰੋਨਾਲਡੋ ਕ੍ਰਮਵਾਰ ਪਹਿਲੇ ਅਤੇ ਦੂਜੇ ਨੰਬਰ 'ਤੇ ਹਨ। ਹਾਲਾਂਕਿ ਨੇਮਾਰ ਜੂਨੀਅਰ ਨੇ ਸਿਰਫ 26 ਸਾਲ ਦੀ ਉਮਰ 'ਚ ਦੁਨੀਆ ਦਾ ਸਭ ਤੋਂ ਮਹਿੰਗਾ ਫੁੱਟਬਾਲਰ ਬਣਨ ਦਾ ਰਿਕਾਰਡ ਵੀ ਆਪਣੇ ਨਾਂ ਕੀਤਾ ਹੈ। ਪਰ ਇਸ ਖਿਡਾਰੀ ਨੂੰ ਇੰਨੀ ਆਸਾਨੀ ਨਾਲ ਸਫਲਤਾ ਨਹੀਂ ਮਿਲੀ। ਨੇਮਾਰ ਜੂਨੀਅਰ ਝੁੱਗੀਆਂ ਵਿੱਚ ਰਹਿੰਦਾ ਸੀ ਅਤੇ ਉਸ ਨੂੰ ਪੜ੍ਹਨ ਲਈ ਇੱਕ ਮੋਮਬੱਤੀ ਦਾ ਪ੍ਰਬੰਧ ਕਰਨਾ ਪੈਂਦਾ ਸੀ। ਇਸ ਦਿਗੱਜ ਦਾ ਪਰਿਵਾਰ ਬ੍ਰਾਜ਼ੀਲ ਵਿੱਚ ਦਾਸ ਕ੍ਰਿਜੇਸ ਨਾਮਕ ਝੁੱਗੀ ਵਾਲੇ ਇਲਾਕੇ ਵਿੱਚ ਰਹਿੰਦਾ ਸੀ।
ਪਿਤਾ ਕਰਦੇ ਸੀ ਮਜ਼ਦੂਰ ਦਾ ਕੰਮ
ਨੇਮਾਰ ਜੂਨੀਅਰ ਦੇ ਪਿਤਾ ਇੱਕ ਮਜ਼ਦੂਰ ਦਾ ਕੰਮ ਕਰਦੇ ਸਨ, ਪਰ ਉਹ ਆਪਣੇ ਖਾਲੀ ਸਮੇਂ ਵਿੱਚ ਆਪਣੇ ਪੁੱਤਰ ਨੂੰ ਫੁੱਟਬਾਲ ਦੀ ਸਿਖਲਾਈ ਦਿੰਦੇ ਸਨ। ਪਿਤਾ ਦੀ ਮਜ਼ਦੂਰੀ ਨਾਲ ਪਰਿਵਾਰ ਚਲਦਾ ਸੀ। ਇੱਕ ਵਾਰ ਇਸ ਦਿੱਗਜ ਨੂੰ ਕਲੱਬ ਵਿੱਚੋਂ ਕੱਢ ਦਿੱਤਾ ਗਿਆ ਸੀ। ਇਸ ਤੋਂ ਬਾਅਦ ਪਰਿਵਾਰ ਦੀ ਹਾਲਤ ਅਜਿਹੀ ਹੋ ਗਈ ਕਿ ਬਿਜਲੀ ਦਾ ਬਿੱਲ ਭਰਨ ਲਈ ਪੈਸੇ ਨਹੀਂ ਸਨ। ਘਰ ਦੀ ਬਿਜਲੀ ਵੀ ਕੱਟ ਦਿੱਤੀ ਗਈ। ਜਦੋਂ ਇਹ 11 ਸਾਲ ਦਾ ਬੱਚਾ ਸਕੂਲ ਤੋਂ ਘਰ ਵਾਪਸ ਆਇਆ ਤਾਂ ਘਰ ਵਿੱਚ ਹਨੇਰਾ ਸੀ, ਉਸ ਦੀ ਜੇਬ ਵਿੱਚ ਕੁਝ ਪੈਸੇ ਸਨ, ਉਸ ਨੇ ਬਜ਼ਾਰ ਵਿੱਚੋਂ ਕੁਝ ਮੋਮਬੱਤੀਆਂ ਖਰੀਦੀਆਂ, ਉਹੀ ਮੋਮਬੱਤੀਆਂ ਜਗਾ ਕੇ ਭੈਣ-ਭਰਾ ਘਰ ਦਾ ਕੰਮ ਪੂਰਾ ਕਰਨ ਲੱਗੇ। ਹਾਲਾਂਕਿ ਇਸ ਤੋਂ ਬਾਅਦ ਸਥਿਤੀ ਬਦਲਣ ਲੱਗੀ।
ਫਿਰ ਇਦਾਂ ਬਦਲੀ ਕਿਸਮਤ
ਨੇਮਾਰ ਜੂਨੀਅਰ ਨੂੰ 17 ਸਾਲ ਦੀ ਉਮਰ ਵਿੱਚ FC ਸਾਂਤੋਸ ਵਿੱਚ ਸੀਨੀਅਰ ਟੀਮ ਲਈ ਚੁਣਿਆ ਗਿਆ ਸੀ, ਇਹ ਗੱਲ ਸਾਲ 2008 ਦੀ ਹੈ। ਇਸ ਖਿਡਾਰੀ ਨੇ ਉਸ ਸਾਲ 30 ਤੋਂ ਵੱਧ ਗੋਲ ਕੀਤੇ ਅਤੇ 2009 ਵਿੱਚ ਉਹ ਅੰਡਰ-17 ਬ੍ਰਾਜ਼ੀਲ ਟੀਮ ਦਾ ਕਪਤਾਨ ਬਣ ਗਿਆ। ਸਿਰਫ਼ 8 ਸਾਲ ਬਾਅਦ ਉਹ ਦੁਨੀਆ ਦਾ ਸਭ ਤੋਂ ਮਹਿੰਗਾ ਫੁੱਟਬਾਲਰ ਬਣ ਗਿਆ। ਇਸ ਤੋਂ ਬਾਅਦ ਉਸ ਨੇ ਕਿਹਾ ਕਿ ਬਹੁਤੇ ਦਿਨ ਨਹੀਂ ਹੋਏ ਹਨ, 2008 ਤੱਕ ਮੈਂ ਉਸੇ ਘਰ ਵਿੱਚ ਰਹਿੰਦਾ ਸੀ, ਸਾਡੇ ਗੁਆਂਢ ਵਿੱਚ ਕੂੜੇ ਦਾ ਡੰਪ ਸੀ। ਨੇਮਾਰ ਨੇ ਦੱਸਿਆ ਕਿ ਪਹਿਲਾਂ ਤਾਂ ਬਦਬੂ ਆਉਂਦੀ ਸੀ, ਬਦਬੂ ਤੋਂ ਛੁਟਕਾਰਾ ਪਾਉਣ ਦੇ ਤਰੀਕੇ ਸੋਚਦਿਆਂ ਕਈ ਰਾਤਾਂ ਲੰਘ ਜਾਂਦੀਆਂ ਸਨ, ਅੱਜ ਵੀ ਉਹ ਕੂੜਾ ਘਰ ਉਹ ਹੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
