Praveen Sood CBI: ਮਯੰਕ ਅਗਰਵਾਲ ਦੇ Father-in-law ਬਣੇ CBI ਦੇ ਨਵੇਂ ਡਾਇਰੈਕਟਰ, ਪੜ੍ਹੋ ਕਦੋਂ ਸੰਭਾਲਣਗੇ ਜ਼ਿੰਮੇਵਾਰੀ

Praveen Sood: ਪ੍ਰਵੀਨ ਸੂਦ ਦੀ ਧੀ ਅਸ਼ੀਤਾ ਸੂਦ ਦਾ ਭਾਰਤੀ ਕ੍ਰਿਕਟਰ ਮਯੰਕ ਅਗਰਵਾਲ ਨਾਲ ਅਫੇਅਰ ਲਗਭਗ 7 ਸਾਲ ਤੱਕ ਚੱਲਿਆ। ਲੰਬੇ ਸਮੇਂ ਤੱਕ ਇਕ-ਦੂਜੇ ਨੂੰ ਡੇਟ ਕਰਨ ਤੋਂ ਬਾਅਦ ਉਨ੍ਹਾਂ ਨੇ ਵਿਆਹ ਕਰ ਲਿਆ।

Mayank Agarwal

Praveen Sood, CBI director, Mayank Agarwal:ਭਾਰਤੀ ਕ੍ਰਿਕਟਰ ਮਯੰਕ ਅਗਰਵਾਲ ਦੇ ਸਹੁਰੇ ਪ੍ਰਵੀਨ ਸੂਦ ਸੀਬੀਆਈ (ਸੈਂਟਰਲ ਬਿਊਰੋ ਆਫ ਇਨਵੈਸਟੀਗੇਸ਼ਨ) ਦੇ ਨਵੇਂ ਡਾਇਰੈਕਟਰ ਬਣ ਗਏ ਹਨ। ਇਸ ਤੋਂ ਪਹਿਲਾਂ ਉਹ ਕਰਨਾਟਕ ਦੇ ਡੀਜੀਪੀ ਰਹਿ ਚੁੱਕੇ ਹਨ। ਹੁਣ ਉਹ ਦੋ ਸਾਲਾਂ ਲਈ ਸੀਬੀਆਈ ਦੇ ਡਾਇਰੈਕਟਰ ਰਹਿਣਗੇ। ਮੀਡੀਆ ਰਿਪੋਰਟਾਂ ਮੁਤਾਬਕ ਪ੍ਰਵੀਨ ਸੂਦ 25 ਮਈ ਨੂੰ ਨਵੀਂ ਜ਼ਿੰਮੇਵਾਰੀ ਸੰਭਾਲ ਸਕਦੇ ਹਨ। ਮੌਜੂਦਾ ਡਾਇਰੈਕਟਰ ਸੁਬੋਧ ਕੁਮਾਰ ਜੈਸਵਾਲ ਦਾ ਕਾਰਜਕਾਲ 25 ਮਈ ਨੂੰ ਖਤਮ ਹੋ ਰਿਹਾ ਹੈ। ਸੂਦ ਦਾ ਜਨਮ 1964 ਵਿੱਚ ਹਿਮਾਚਲ ਪ੍ਰਦੇਸ਼ ਵਿੱਚ ਹੋਇਆ ਸੀ। ਆਈਆਈਟੀ ਦਿੱਲੀ ਤੋਂ ਗ੍ਰੈਜੂਏਸ਼ਨ ਕਰਨ ਵਾਲੇ ਸੂਦ 1986 ਬੈਚ ਦੇ ਆਈਪੀਐਸ ਅਧਿਕਾਰੀ ਹਨ।

ਮਯੰਕ ਅਗਰਵਾਲ ਨਾਲ ਕੀਤਾ ਵਿਆਹ

ਪ੍ਰਵੀਨ ਸੂਦ ਦੀ ਧੀ ਅਸ਼ੀਤਾ ਸੂਦ ਦਾ ਭਾਰਤੀ ਕ੍ਰਿਕਟਰ ਮਯੰਕ ਅਗਰਵਾਲ ਨਾਲ ਅਫੇਅਰ ਲਗਭਗ 7 ਸਾਲ ਤੱਕ ਚੱਲਿਆ। ਲੰਬੇ ਸਮੇਂ ਤੱਕ ਇਕ-ਦੂਜੇ ਨੂੰ ਡੇਟ ਕਰਨ ਤੋਂ ਬਾਅਦ ਉਨ੍ਹਾਂ ਨੇ ਵਿਆਹ ਕਰ ਲਿਆ। ਕ੍ਰਿਕਟਰ ਨੇ ਆਸ਼ਿਤਾ ਨੂੰ ਲੰਡਨ 'ਚ ਪ੍ਰਪੋਜ਼ ਕੀਤਾ ਸੀ। ਦੋਵਾਂ ਨੇ 4 ਜੂਨ 2018 ਨੂੰ ਵਿਆਹ ਕੀਤਾ ਸੀ। ਮਯੰਕ ਅਗਰਵਾਲ ਇਨ੍ਹੀਂ ਦਿਨੀਂ IPL 2023 'ਚ ਰੁੱਝੇ ਹੋਏ ਹਨ। ਉਨ੍ਹਾਂ ਨੇ 16ਵੇਂ ਸੀਜ਼ਨ 'ਚ ਹੁਣ ਤੱਕ 9 ਮੈਚ ਖੇਡੇ ਹਨ। ਇਸ ਦੌਰਾਨ ਉਨ੍ਹਾਂ ਨੇ 9 ਪਾਰੀਆਂ ਵਿੱਚ 20.78 ਦੀ ਔਸਤ ਅਤੇ 114.02 ਦੀ ਸਟ੍ਰਾਈਕ ਰੇਟ ਨਾਲ 187 ਦੌੜਾਂ ਬਣਾਈਆਂ। ਉਹ ਇਸ ਸੀਜ਼ਨ 'ਚ ਇਕ ਵੀ ਅਰਧ ਸੈਂਕੜਾ ਨਹੀਂ ਲਗਾ ਸਕੇ ਹਨ। ਇਸ ਸੀਜ਼ਨ ਵਿੱਚ ਉਨ੍ਹਾਂ ਦਾ ਸਰਵੋਤਮ ਸਕੋਰ 49 ਦੌੜਾਂ ਹੈ।

ਇਹ ਵੀ ਪੜ੍ਹੋ: Watch: ਪ੍ਰਿਟੀ ਜ਼ਿੰਟਾ ਨੇ ਪ੍ਰਭਸਿਮਰਨ ਸਿੰਘ ਨੂੰ ਪਾਈ ਜੱਫੀ, ਵੀਡੀਓ ਸੋਸ਼ਲ ਮੀਡੀਆ 'ਤੇ ਹੋਇਆ ਵਾਇਰਲ

ਇਦਾਂ ਦਾ ਹੈ ਇੰਟਰਨੈਸ਼ਨਲ ਕਰੀਅਰ

ਮਯੰਕ ਅਗਰਵਾਲ ਨੇ ਆਪਣੇ ਕਰੀਅਰ 'ਚ ਹੁਣ ਤੱਕ 21 ਟੈਸਟ ਮੈਚ ਖੇਡੇ ਹਨ। ਇਸ ਦੌਰਾਨ ਉਨ੍ਹਾਂ ਨੇ 36 ਪਾਰੀਆਂ 'ਚ 41.33 ਦੀ ਔਸਤ ਅਤੇ 53.48 ਦੇ ਸਟ੍ਰਾਈਕ ਰੇਟ ਨਾਲ 1488 ਦੌੜਾਂ ਬਣਾਈਆਂ। ਉਨ੍ਹਾਂ ਨੇ ਟੈਸਟ 'ਚ 4 ਸੈਂਕੜੇ ਅਤੇ 6 ਅਰਧ ਸੈਂਕੜੇ ਲਗਾਏ ਹਨ। ਇਸ ਤੋਂ ਇਲਾਵਾ ਉਹ ਆਪਣੇ ਕਰੀਅਰ 'ਚ ਹੁਣ ਤੱਕ 5 ਵਨਡੇ ਖੇਡ ਚੁੱਕੇ ਹਨ। ਇਸ ਦੌਰਾਨ ਉਨ੍ਹਾਂ ਨੇ 5 ਪਾਰੀਆਂ 'ਚ 17.20 ਦੀ ਔਸਤ ਅਤੇ 103.61 ਦੇ ਸਟ੍ਰਾਈਕ ਰੇਟ ਨਾਲ 86 ਦੌੜਾਂ ਬਣਾਈਆਂ ਹਨ। ਉਨ੍ਹਾਂ ਨੇ ਵਨਡੇ ਵਿੱਚ ਇੱਕ ਵੀ ਸੈਂਕੜਾ ਜਾਂ ਅਰਧ ਸੈਂਕੜਾ ਨਹੀਂ ਲਗਾਇਆ ਹੈ। ਇਸ ਫਾਰਮੈਟ ਵਿੱਚ ਉਨ੍ਹਾਂ ਦਾ ਸਰਵੋਤਮ ਸਕੋਰ 32 ਦੌੜਾਂ ਹੈ। ਮਯੰਕ ਨੇ ਅਜੇ ਤੱਕ ਆਪਣਾ ਟੀ-20 ਅੰਤਰਰਾਸ਼ਟਰੀ ਡੈਬਿਊ ਨਹੀਂ ਕੀਤਾ ਹੈ।

ਇਹ ਵੀ ਪੜ੍ਹੋ: RR vs RCB: ਰਾਜਸਥਾਨ ਰਾਇਲਜ਼ ਨੂੰ ਘਰੇਲੂ ਮੈਦਾਨ 'ਚ ਮਿਲੀ ਸ਼ਰਮਨਾਕ ਹਾਰ, ਰਾਇਲ ਚੈਲੰਜਰਸ ਬੈਂਗਲੁਰੂ ਨੂੰ 112 ਦੌੜਾਂ ਨਾਲ ਮਿਲੀ ਜਿੱਤ