ਰਜਤ ਪਾਟੀਦਾਰ ਬਣੇ RCB ਦੇ ਕਪਤਾਨ, IPL 2025 'ਚ ਸਾਂਭਣਗੇ ਕਮਾਨ
RCB Captain: ਰਾਇਲ ਚੈਲੇਂਜਰਜ਼ ਬੰਗਲੌਰ ਨੇ ਰਜਤ ਪਾਟੀਦਾਰ ਨੂੰ IPL 2025 ਲਈ ਕਪਤਾਨ ਨਿਯੁਕਤ ਕੀਤਾ ਹੈ। ਪਿਛਲੇ ਸੀਜ਼ਨ ਯਾਨੀ ਕਿ ਆਈਪੀਐਲ 2024 ਵਿੱਚ ਫਾਫ ਡੂ ਪਲੇਸਿਸ ਨੇ ਟੀਮ ਦੀ ਅਗਵਾਈ ਕੀਤੀ ਸੀ।
RCB Captain IPL 2025: ਰਾਇਲ ਚੈਲੇਂਜਰਜ਼ ਬੰਗਲੌਰ ਨੇ ਰਜਤ ਪਾਟੀਦਾਰ ਨੂੰ IPL 2025 2025 ਲਈ ਕਪਤਾਨ ਨਿਯੁਕਤ ਕੀਤਾ ਹੈ। ਚਰਚਾ ਚੱਲ ਰਹੀ ਸੀ ਕਿ ਵਿਰਾਟ ਕੋਹਲੀ ਨੂੰ ਇੱਕ ਵਾਰ ਫਿਰ ਟੀਮ ਦਾ ਕਪਤਾਨ ਬਣਾਇਆ ਜਾਵੇਗਾ, ਪਰ ਅਜਿਹਾ ਨਹੀਂ ਹੋਇਆ। ਟੀਮ ਨੇ ਪਾਟੀਦਾਰ ਨੂੰ ਕਪਤਾਨੀ ਸੌਂਪਣ ਦਾ ਫੈਸਲਾ ਕੀਤਾ। ਪਾਟੀਦਾਰ 2021 ਵਿੱਚ ਆਰਸੀਬੀ ਵਿੱਚ ਸ਼ਾਮਲ ਹੋਏ ਸਨ। ਉਦੋਂ ਤੋਂ ਉਹ ਟੀਮ ਦਾ ਹਿੱਸਾ ਰਹੇ ਹਨ।
ਤੁਹਾਨੂੰ ਦੱਸ ਦਈਏ ਕਿ ਪਿਛਲੇ ਸੀਜ਼ਨ ਯਾਨੀ ਕਿ ਆਈਪੀਐਲ 2024 ਵਿੱਚ ਦੱਖਣੀ ਅਫਰੀਕਾ ਦੇ ਫਾਫ ਡੂ ਪਲੇਸਿਸ ਨੇ ਟੀਮ ਦੀ ਕਪਤਾਨੀ ਕੀਤੀ ਸੀ। ਪਰ ਆਈਪੀਐਲ 2025 ਤੋਂ ਪਹਿਲਾਂ ਟੀਮ ਨੇ ਨਾ ਤਾਂ ਡੂ ਪਲੇਸਿਸ ਨੂੰ ਬਰਕਰਾਰ ਰੱਖਿਆ ਅਤੇ ਨਾ ਹੀ ਉਨ੍ਹਾਂ ਨੂੰ ਮੈਗਾ ਨਿਲਾਮੀ ਵਿੱਚ ਦੁਬਾਰਾ ਖਰੀਦਿਆ। ਡੂ ਪਲੇਸਿਸ ਆਈਪੀਐਲ 2025 ਵਿੱਚ ਦਿੱਲੀ ਕੈਪੀਟਲਜ਼ ਲਈ ਖੇਡਦੇ ਨਜ਼ਰ ਆਉਣਗੇ। ਡੂ ਪਲੇਸਿਸ ਨੂੰ ਦਿੱਲੀ ਨੇ 2 ਕਰੋੜ ਰੁਪਏ ਵਿੱਚ ਖਰੀਦਿਆ।
ਰਜਤ ਪਾਟੀਦਾਰ ਨੂੰ RCB ਨੇ ਰੱਖਿਆ ਬਰਕਰਾਰ
ਤੁਹਾਨੂੰ ਦੱਸ ਦਈਏ ਕਿ ਆਈਪੀਐਲ 2025 ਦੀ ਮੈਗਾ ਨਿਲਾਮੀ ਤੋਂ ਪਹਿਲਾਂ ਆਰਸੀਬੀ ਨੇ ਸਿਰਫ਼ ਤਿੰਨ ਖਿਡਾਰੀਆਂ ਨੂੰ ਰਿਟੇਨ ਕੀਤਾ ਸੀ, ਜਿਨ੍ਹਾਂ ਵਿੱਚ ਰਜਤ ਪਾਟੀਦਾਰ ਵੀ ਸ਼ਾਮਲ ਸਨ। ਪਾਟੀਦਾਰ ਨੂੰ ਟੀਮ ਨੇ 11 ਕਰੋੜ ਰੁਪਏ ਵਿੱਚ ਰਿਟੇਨ ਕੀਤਾ। ਪਾਟੀਦਾਰ ਤੋਂ ਇਲਾਵਾ, ਆਰਸੀਬੀ ਨੇ ਵਿਰਾਟ ਕੋਹਲੀ ਅਤੇ ਯਸ਼ ਦਿਆਲ ਨੂੰ ਬਰਕਰਾਰ ਰੱਖਿਆ ਸੀ। ਕੋਹਲੀ ਨੂੰ 21 ਕਰੋੜ ਰੁਪਏ ਅਤੇ ਯਸ਼ ਦਿਆਲ ਨੂੰ 5 ਕਰੋੜ ਰੁਪਏ ਵਿੱਚ ਰਿਟੇਨ ਕੀਤਾ ਗਿਆ।
ਪ੍ਰਸ਼ੰਸਕਾਂ ਨੂੰ ਨਵੇਂ ਕਪਤਾਨ ਰਜਤ ਪਾਟੀਦਾਰ ਨਾਲ ਆਈਪੀਐਲ 2025 ਵਿੱਚ ਪਹਿਲਾ ਆਈਪੀਐਲ ਖਿਤਾਬ ਮਿਲਣ ਦੀ ਉਮੀਦ ਹੋਵੇਗੀ। ਪਾਟੀਦਾਰ ਨੇ ਹੁਣ ਤੱਕ ਆਰਸੀਬੀ ਲਈ ਇੱਕ ਬੱਲੇਬਾਜ਼ ਵਜੋਂ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ, ਪਰ ਹੁਣ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਉਹ ਇੱਕ ਕਪਤਾਨ ਦੇ ਰੂਪ ਵਿੱਚ ਟੀਮ ਲਈ ਕਿਵੇਂ ਪ੍ਰਦਰਸ਼ਨ ਕਰਦੇ ਹਨ।
ਰਜਤ ਪਾਟੀਦਾਰ ਦਾ ਆਈਪੀਐਲ ਕਰੀਅਰ
ਜ਼ਿਕਰਯੋਗ ਹੈ ਕਿ ਰਜਤ ਪਾਟੀਦਾਰ ਨੇ 2021 ਵਿੱਚ ਆਰਸੀਬੀ ਲਈ ਖੇਡਦਿਆਂ ਹੋਇਆਂ ਆਪਣਾ IPL ਡੈਬਿਊ ਕੀਤਾ ਸੀ। ਪਾਟੀਦਾਰ ਹੁਣ ਤੱਕ ਸਿਰਫ਼ ਆਰਸੀਬੀ ਦਾ ਹਿੱਸਾ ਰਹੇ ਹਨ। ਉਹ ਹੁਣ ਤੱਕ ਆਪਣੇ ਆਈਪੀਐਲ ਕਰੀਅਰ ਵਿੱਚ 27 ਮੈਚ ਖੇਡ ਚੁੱਕੇ ਹਨ। ਇਨ੍ਹਾਂ ਮੈਚਾਂ ਦੀਆਂ 24 ਪਾਰੀਆਂ ਵਿੱਚ, ਉਨ੍ਹਾਂ ਨੇ 34.73 ਦੀ ਔਸਤ ਅਤੇ 158.84 ਦੇ ਸਟ੍ਰਾਈਕ ਰੇਟ ਨਾਲ 799 ਦੌੜਾਂ ਬਣਾਈਆਂ। ਇਸ ਦੌਰਾਨ ਉਨ੍ਹਾਂ ਨੇ 1 ਸੈਂਕੜਾ ਅਤੇ 7 ਅਰਧ ਸੈਂਕੜੇ ਲਗਾਏ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
