Shikhar Dhawan ਦੇ ਪਿਤਾ ਨੇ ਬਿਨਾਂ ਦੱਸੇ ਪੱਕਾ ਕੀਤਾ ਦੂਜਾ ਵਿਆਹ, ਗੁੱਸੇ 'ਚ ਬੋਲੇ- ਮੈਨੂੰ ਪੁੱਛੇ ਬਿਨਾਂ...
Shikhar Dhawan Viral Video: ਟੀਮ ਇੰਡੀਆ ਦੇ ਬੱਲੇਬਾਜ਼ ਸ਼ਿਖਰ ਧਵਨ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਿਹੈ। ਇਸ ਵੀਡੀਓ 'ਚ ਉਹ ਵਿਆਹ ਦੀ ਗੱਲ ਨੂੰ ਲੈ ਕੇ ਲੜਦੇ ਨਜ਼ਰ ਆ ਰਹੇ ਹਨ।
Shikhar Dhawan With Father Viral Video : ਟੀਮ ਇੰਡੀਆ ਦੇ ਦਮਦਾਰ ਬੱਲੇਬਾਜ਼ ਸ਼ਿਖਰ ਧਵਨ ਇਨ੍ਹੀਂ ਦਿਨੀਂ ਆਪਣੇ ਪਰਿਵਾਰ ਨਾਲ ਸਮਾਂ ਬਤੀਤ ਕਰ ਰਹੇ ਹਨ। ਉਹ ਹਾਲ ਹੀ ਵਿੱਚ ਦੱਖਣੀ ਅਫਰੀਕਾ ਖਿਲਾਫ਼ ਖੇਡੀ ਗਈ ਵਨਡੇ ਸੀਰੀਜ਼ ਵਿੱਚ ਟੀਮ ਇੰਡੀਆ ਦੇ ਕਪਤਾਨ ਸਨ। ਇਸ ਦੌਰਾਨ ਸ਼ਿਖਰ ਧਵਨ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਉਹ ਆਪਣੇ ਪਿਤਾ ਨਾਲ ਵਿਆਹ ਦੀਆਂ ਗੱਲਾਂ ਕਰ ਰਹੇ ਹਨ ਪਰ ਇਸ ਵੀਡੀਓ 'ਚ ਉਹ ਗੁੱਸੇ 'ਚ ਨਜ਼ਰ ਆ ਰਹੇ ਹਨ।
ਦੂਜੇ ਵਿਆਹ ਦੇ ਮੁੱਦੇ 'ਤੇ ਭੜਕੇ ਧਵਨ
ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਵੀਡੀਓ 'ਚ ਸ਼ਿਖਰ ਧਵਨ (Shikhar Dhawan) ਨੇ ਗੁੱਸੇ 'ਚ ਆਪਣੇ ਪਿਤਾ ਨੂੰ ਪੁੱਛਿਆ, 'ਮਤਲਬ ਪਾਪਾ ਤੁਸੀਂ ਮੈਨੂੰ ਪੁੱਛੇ ਬਗੈਰ ਮੇਰਾ ਵਿਆਹ ਕਿਵੇਂ ਤੈਅ ਕਰ ਸਕਦੇ ਹੋ।' ਧਵਨ ਦੇ ਇਸ ਸਵਾਲ ਦੇ ਜਵਾਬ 'ਚ ਉਨ੍ਹਾਂ ਦੇ ਪਿਤਾ ਨੇ ਕਿਹਾ, 'ਜਿਵੇਂ ਤੈਨੂੰ ਬਿਨਾਂ ਪੁੱਛੇ ਹੀ ਪੈਦਾ ਕੀਤਾ ਹੈ।' ਅਸਲ 'ਚ ਧਵਨ ਨੇ ਆਪਣੇ ਪਿਤਾ ਨਾਲ ਮਿਲ ਕੇ ਇਹ ਇੰਸਟਾ ਰੀਲ ਬਣਾਈ ਹੈ। ਜਿਸ ਨੂੰ ਪ੍ਰਸ਼ੰਸਕ ਕਾਫੀ ਪਸੰਦ ਕਰ ਰਹੇ ਹਨ। ਧਵਨ ਨੇ ਵੀਡੀਓ ਸ਼ੇਅਰ ਕਰਦੇ ਹੋਏ ਕੈਪਸ਼ਨ 'ਚ ਲਿਖਿਆ, 'ਪਾਪਾ ਖੇਡ ਗਏ।'
View this post on Instagram
ਸ਼ਿਖਰ ਧਵਨ ਦਾ ਹੋ ਚੁੱਕਾ ਹੈ ਤਲਾਕ
ਸ਼ਿਖਰ ਧਵਨ ਆਪਣੀ ਬੱਲੇਬਾਜ਼ੀ ਨੂੰ ਲੈ ਕੇ ਜਿੰਨਾ ਮਸ਼ਹੂਰ ਹਨ, ਓਨੇ ਹੀ ਉਹ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਵੀ ਚਰਚਾ 'ਚ ਹਨ। ਧਵਨ ਨੇ ਪਿਛਲੇ ਸਾਲ ਹੀ ਆਪਣੀ ਪਤਨੀ ਆਇਸ਼ਾ ਮੁਖਰਜੀ ਨੂੰ ਤਲਾਕ ਦੇ ਦਿੱਤਾ ਸੀ। ਸ਼ਿਖਰ ਧਵਨ ਨੇ ਸਾਲ 2012 'ਚ ਆਇਸ਼ਾ ਮੁਖਰਜੀ ਨਾਲ ਵਿਆਹ ਕੀਤਾ ਸੀ। ਆਇਸ਼ਾ ਮੈਲਬੌਰਨ ਦੀ ਰਹਿਣ ਵਾਲੀ ਬ੍ਰਿਟਿਸ਼ ਬੰਗਾਲੀ ਹੈ, ਸ਼ਿਖਰ ਆਇਸ਼ਾ ਤੋਂ 10 ਸਾਲ ਛੋਟਾ ਹੈ। ਸ਼ਿਖਰ ਅਤੇ ਆਇਸ਼ਾ ਦਾ ਇੱਕ ਬੇਟਾ ਵੀ ਹੈ ਜਿਸ ਦਾ ਨਾਮ ਜ਼ੋਰਾਵਰ ਹੈ।
ਟੀਮ ਇੰਡੀਆ ਦਾ ਹੁਣ ਤੱਕ ਦਾ ਪ੍ਰਦਰਸ਼ਨ
36 ਸਾਲਾ ਸ਼ਿਖਰ ਧਵਨ ਨੇ ਟੀਮ ਇੰਡੀਆ ਲਈ ਹੁਣ ਤੱਕ 34 ਟੈਸਟ, 161 ਵਨਡੇ ਅਤੇ 68 ਟੀ-20 ਮੈਚ ਖੇਡੇ ਹਨ। ਸ਼ਿਖਰ ਧਵਨ ਨੇ 34 ਟੈਸਟ ਮੈਚਾਂ 'ਚ 40.61 ਦੀ ਔਸਤ ਨਾਲ 2315 ਦੌੜਾਂ ਬਣਾਈਆਂ ਹਨ, ਵਨਡੇ 'ਚ 45.08 ਦੀ ਔਸਤ ਨਾਲ 6672 ਦੌੜਾਂ ਬਣਾਈਆਂ ਹਨ। ਟੀ-20 'ਚ ਸ਼ਿਖਰ ਧਵਨ ਨੇ 27.92 ਦੀ ਔਸਤ ਨਾਲ 1759 ਦੌੜਾਂ ਬਣਾਈਆਂ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
