World Cup: ਦਿੱਗਜ ਖਿਡਾਰੀ ਨੇ ਟੀ-20 ਅੰਤਰਰਾਸ਼ਟਰੀ ਸੰਨਿਆਸ ਤੋਂ ਲਿਆ ਯੂ-ਟਰਨ, ਖੇਡਣਗੇ ਇੱਕ ਹੋਰ ਵਿਸ਼ਵ ਕੱਪ
World Cup: ਹਾਲ ਹੀ ਵਿੱਚ ਵਿਸ਼ਵ ਕ੍ਰਿਕਟ ਵਿੱਚ ਟੀ-20 ਵਿਸ਼ਵ ਕੱਪ 2024 ਦਾ ਐਡੀਸ਼ਨ ਖੇਡਿਆ ਗਿਆ। ਇਸ ਐਡੀਸ਼ਨ 'ਚ ਟੀਮ ਇੰਡੀਆ ਨੇ ਕਪਤਾਨ ਰੋਹਿਤ ਸ਼ਰਮਾ ਦੀ ਅਗਵਾਈ 'ਚ 17 ਸਾਲ ਬਾਅਦ ਟੀ-20 ਵਿਸ਼ਵ ਕੱਪ ਦਾ ਖਿਤਾਬ ਜਿੱਤਿਆ।
World Cup: ਹਾਲ ਹੀ ਵਿੱਚ ਵਿਸ਼ਵ ਕ੍ਰਿਕਟ ਵਿੱਚ ਟੀ-20 ਵਿਸ਼ਵ ਕੱਪ 2024 ਦਾ ਐਡੀਸ਼ਨ ਖੇਡਿਆ ਗਿਆ। ਇਸ ਐਡੀਸ਼ਨ 'ਚ ਟੀਮ ਇੰਡੀਆ ਨੇ ਕਪਤਾਨ ਰੋਹਿਤ ਸ਼ਰਮਾ ਦੀ ਅਗਵਾਈ 'ਚ 17 ਸਾਲ ਬਾਅਦ ਟੀ-20 ਵਿਸ਼ਵ ਕੱਪ ਦਾ ਖਿਤਾਬ ਜਿੱਤਿਆ। ਟੀ-20 ਵਿਸ਼ਵ ਕੱਪ ਦਾ ਖਿਤਾਬ ਜਿੱਤਣ ਤੋਂ ਬਾਅਦ ਟੀਮ ਇੰਡੀਆ ਦੇ ਤਿੰਨ ਦਿੱਗਜ ਖਿਡਾਰੀਆਂ ਵਿਰਾਟ ਕੋਹਲੀ, ਰੋਹਿਤ ਸ਼ਰਮਾ ਅਤੇ ਰਵਿੰਦਰ ਜਡੇਜਾ ਨੇ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਹੈ।
ਇਸ ਦੌਰਾਨ ਮੀਡੀਆ ਰਿਪੋਰਟਾਂ ਮੁਤਾਬਕ ਟੀ-20 ਇੰਟਰਨੈਸ਼ਨਲ ਦੇ ਵੱਡੇ ਖਿਡਾਰੀ ਨੇ ਸੰਨਿਆਸ ਤੋਂ ਵਾਪਸੀ ਦਾ ਫੈਸਲਾ ਕੀਤਾ ਹੈ। ਜਿਸ ਤੋਂ ਬਾਅਦ ਮੰਨਿਆ ਜਾ ਰਿਹਾ ਹੈ ਕਿ ਉਹ ਇੱਕ ਵਾਰ ਫਿਰ ਵਿਸ਼ਵ ਕੱਪ 'ਚ ਆਪਣੇ ਦੇਸ਼ ਦੀ ਨੁਮਾਇੰਦਗੀ ਕਰਦੇ ਨਜ਼ਰ ਆਉਣਗੇ।
ਡਿਆਂਡਰਾ ਡੌਟਿਨ ਨੇ ਸੰਨਿਆਸ ਤੋਂ ਕੀਤੀ ਵਾਪਸੀ
ਵੈਸਟਇੰਡੀਜ਼ ਮਹਿਲਾ ਟੀਮ ਦੀ ਮਹਾਨ ਹਰਫਨਮੌਲਾ ਡਿਆਂਡਰਾ ਡੌਟਿਨ ਨੇ 2024 ਵਿੱਚ ਬੰਗਲਾਦੇਸ਼ ਵਿੱਚ ਹੋਣ ਵਾਲੇ ਮਹਿਲਾ ਟੀ-20 ਵਿਸ਼ਵ ਕੱਪ ਵਿੱਚ ਆਪਣੇ ਦੇਸ਼ ਦੀ ਨੁਮਾਇੰਦਗੀ ਕਰਨ ਲਈ ਅੰਤਰਰਾਸ਼ਟਰੀ ਟੀ-20 ਕ੍ਰਿਕਟ ਤੋਂ ਸੰਨਿਆਸ ਲੈ ਕੇ ਵਾਪਸੀ ਦਾ ਫੈਸਲਾ ਕੀਤਾ ਹੈ। ਡਿਆਂਡਰਾ ਡੌਟਿਨ ਹੁਣ ਅਕਤੂਬਰ ਮਹੀਨੇ 'ਚ ਹੋਣ ਵਾਲੇ ਮਹਿਲਾ ਟੀ-20 ਵਿਸ਼ਵ ਕੱਪ 'ਚ ਆਪਣੇ ਪ੍ਰਦਰਸ਼ਨ ਨਾਲ ਵੈਸਟਇੰਡੀਜ਼ ਨੂੰ ਇਕ ਵਾਰ ਫਿਰ ਟੀ-20 ਵਿਸ਼ਵ ਚੈਂਪੀਅਨ ਬਣਾਉਣਾ ਚਾਹੇਗੀ।
ਸੰਨਿਆਸ ਤੋਂ ਵਾਪਸੀ ਨੂੰ ਲੈ ਕੇ ਵੱਡਾ ਬਿਆਨ ਦਿੱਤਾ
ਵੈਸਟਇੰਡੀਜ਼ ਦੀ ਦਿੱਗਜ ਆਲਰਾਊਂਡਰ ਡਿਆਂਡਰਾ ਡੌਟਿਨ ਨੇ ਅੰਤਰਰਾਸ਼ਟਰੀ ਟੀ-20 ਕ੍ਰਿਕਟ 'ਚ ਵਾਪਸੀ ਨੂੰ ਲੈ ਕੇ ਬਿਆਨ ਦਿੱਤਾ ਹੈ ਅਤੇ ਕਿਹਾ ਹੈ ਕਿ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਵੈਸਟਇੰਡੀਜ਼ ਦੀ ਨੁਮਾਇੰਦਗੀ ਕਰਨਾ ਮੇਰੇ ਲਈ ਹਮੇਸ਼ਾ ਹੀ ਮਾਣ ਅਤੇ ਜਨੂੰਨ ਦੀ ਗੱਲ ਰਹੀ ਹੈ, ਕ੍ਰਿਕੇਟ ਵੈਸਟਇੰਡੀਜ਼ ਦੇ ਚੇਅਰਮੈਨ ਡਾਕਟਰ ਕਿਸ਼ੋਰ ਸ਼ੈਲੋ ਸਮੇਤ ਕ੍ਰਿਕਟ ਵੈਸਟਇੰਡੀਜ਼ ਦੇ ਅੰਦਰ ਵੱਖ-ਵੱਖ ਸਟੇਕਹੋਲਡਰਾਂ ਨਾਲ ਗੱਲਬਾਤ ਤੋਂ ਬਾਅਦ, ਮੈਨੂੰ ਇਹ ਦੱਸਦਿਆਂ ਖੁਸ਼ੀ ਹੋ ਰਹੀ ਹੈ ਕਿ ਮੈਂ ਉਸ ਖੇਡ ਵਿੱਚ ਵਾਪਸੀ ਲਈ ਉਤਸ਼ਾਹਿਤ ਹਾਂ, ਜੋ ਮੈਨੂੰ ਪਸੰਦ ਹੈ, ਅਤੇ ਆਪਣਾ ਯੋਗਦਾਨ ਦੇਣ ਲਈ ਵੀ ਕਾਫੀ ਉਤਸੁਕ ਹਾਂ।'
ਡਿਆਂਡਰਾ ਡੌਟਿਨ ਦੇ ਅੰਤਰਰਾਸ਼ਟਰੀ ਕ੍ਰਿਕਟ ਦੇ ਹੈਰਾਨੀਜਨਕ ਅੰਕੜੇ
ਡਿਆਂਡਰਾ ਡੌਟਿਨ ਦੀ ਗੱਲ ਕਰੀਏ ਤਾਂ 33 ਸਾਲਾ ਅਨੁਭਵੀ ਆਲਰਾਊਂਡਰ ਵੈਸਟਇੰਡੀਜ਼ ਲਈ ਹੁਣ ਤੱਕ 143 ਵਨਡੇ ਅਤੇ 127 ਟੀ-20 ਮੈਚ ਖੇਡ ਚੁੱਕੇ ਹਨ। ਡਿਆਂਡਰਾ ਡੌਟਿਨ ਨੇ 143 ਵਨਡੇ ਮੈਚਾਂ 'ਚ 3727 ਦੌੜਾਂ ਬਣਾਈਆਂ ਹਨ, ਜਦਕਿ ਗੇਂਦਬਾਜ਼ੀ 'ਚ ਉਸ ਨੇ ਇਸ ਫਾਰਮੈਟ 'ਚ 72 ਵਿਕਟਾਂ ਲਈਆਂ ਹਨ। ਇਸੇ ਤਰ੍ਹਾਂ ਜੇਕਰ ਟੀ-20 ਫਾਰਮੈਟ ਦੀ ਗੱਲ ਕਰੀਏ ਤਾਂ ਉਸ ਨੇ ਹੁਣ ਤੱਕ ਖੇਡੇ ਗਏ 127 ਮੈਚਾਂ 'ਚ 2697 ਦੌੜਾਂ ਅਤੇ 62 ਵਿਕਟਾਂ ਹਾਸਲ ਕੀਤੀਆਂ ਹਨ। ਜਿਸ ਕਾਰਨ ਮੰਨਿਆ ਜਾ ਰਿਹਾ ਹੈ ਕਿ ਬੰਗਲਾਦੇਸ਼ 'ਚ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ 'ਚ ਵੈਸਟਇੰਡੀਜ਼ ਦੀ ਮਹਿਲਾ ਟੀਮ ਲਈ ਡਿਆਂਡਰਾ ਡੌਟਿਨ ਮੈਚ ਵਿਨਰ ਸਾਬਤ ਹੋ ਸਕਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
