ODI World Cup: ਵਿਸ਼ਵ ਕੱਪ ਦਾ ਇੰਤਜ਼ਾਰ ਖਤਮ, ਕੱਲ੍ਹ ਤੋਂ ਸ਼ੁਰੂ ਹੋਣਗੇ ਕੁਆਲੀਫਾਇਰ ਮੈਚ, 34 ਮੈਚਾਂ 'ਚ ਹੋਵੇਗੀ ਟੱਕਰ
ODI World Cup 2023 Qualifiers, All You Need Know: ਪ੍ਰਸ਼ੰਸਕ 2023 ਵਨਡੇ ਵਿਸ਼ਵ ਕੱਪ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਕ੍ਰਿਕਟ ਦੇ ਇਸ ਮਹਾਕੁੰਭ ਦੇ ਸ਼ੁਰੂ ਹੋਣ ਵਿੱਚ ਬਹੁਤੇ ਦਿਨ ਬਾਕੀ ਨਹੀਂ ਹਨ। ਕੱਲ ਯਾਨੀ
ODI World Cup 2023 Qualifiers, All You Need Know: ਪ੍ਰਸ਼ੰਸਕ 2023 ਵਨਡੇ ਵਿਸ਼ਵ ਕੱਪ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਕ੍ਰਿਕਟ ਦੇ ਇਸ ਮਹਾਕੁੰਭ ਦੇ ਸ਼ੁਰੂ ਹੋਣ ਵਿੱਚ ਬਹੁਤੇ ਦਿਨ ਬਾਕੀ ਨਹੀਂ ਹਨ। ਕੱਲ ਯਾਨੀ 18 ਜੂਨ ਤੋਂ 2023 ਵਨਡੇ ਵਿਸ਼ਵ ਕੱਪ ਦੇ ਕੁਆਲੀਫਾਇਰ ਮੈਚ ਖੇਡੇ ਜਾਣਗੇ। ਇੱਥੇ ਕੁਆਲੀਫਾਇਰ ਰਾਊਂਡ ਨਾਲ ਸਬੰਧਤ ਸਾਰੇ ਵੇਰਵੇ ਜਾਣੋ।
ਭਾਰਤ ਤੋਂ ਇਲਾਵਾ ਇੰਗਲੈਂਡ, ਆਸਟ੍ਰੇਲੀਆ, ਨਿਊਜ਼ੀਲੈਂਡ, ਅਫਗਾਨਿਸਤਾਨ, ਪਾਕਿਸਤਾਨ, ਬੰਗਲਾਦੇਸ਼ ਅਤੇ ਦੱਖਣੀ ਅਫਰੀਕਾ ਨੇ 2023 ਵਨਡੇ ਵਿਸ਼ਵ ਕੱਪ ਲਈ ਸਿੱਧੇ ਤੌਰ 'ਤੇ ਕੁਆਲੀਫਾਈ ਕਰ ਲਿਆ ਹੈ। ਹੁਣ ਬਾਕੀ ਦੋ ਥਾਵਾਂ ਲਈ 10 ਦਾਅਵੇਦਾਰ ਹਨ। ਇਨ੍ਹਾਂ 10 ਟੀਮਾਂ ਵਿਚਾਲੇ 18 ਜੂਨ ਤੋਂ 09 ਜੁਲਾਈ ਤੱਕ ਕੁਆਲੀਫਾਇੰਗ ਰਾਊਂਡ ਖੇਡਿਆ ਜਾਵੇਗਾ।
10 ਟੀਮਾਂ ਵਿਚਕਾਰ 34 ਮੈਚ ਖੇਡੇ ਜਾਣਗੇ...
ਆਈਸੀਸੀ 2023 ਕ੍ਰਿਕਟ ਵਿਸ਼ਵ ਕੱਪ ਕੁਆਲੀਫਾਇਰ ਵਿੱਚ ਕੁੱਲ 10 ਟੀਮਾਂ ਹਿੱਸਾ ਲੈ ਰਹੀਆਂ ਹਨ ਅਤੇ ਇਸ ਵਿੱਚ ਕੁੱਲ 34 ਮੈਚ ਖੇਡੇ ਜਾਣਗੇ। ਦਰਅਸਲ, ਅੱਠ ਟੀਮਾਂ ਨੇ ਵਨਡੇ ਵਿਸ਼ਵ ਕੱਪ ਦੇ ਮੁੱਖ ਮੁਕਾਬਲੇ ਲਈ ਸਿੱਧੇ ਕੁਆਲੀਫਾਈ ਕਰ ਲਿਆ ਸੀ। ਹੁਣ ਬਾਕੀ ਦੋ ਸਥਾਨਾਂ ਲਈ 10 ਟੀਮਾਂ ਕੁਆਲੀਫਾਇਰ ਰਾਊਂਡ ਵਿੱਚ ਭਿੜਨਗੀਆਂ। ਇਸ ਵਿੱਚ ਜ਼ਿੰਬਾਬਵੇ, ਵੈਸਟਇੰਡੀਜ਼, ਨੀਦਰਲੈਂਡ, ਸ਼੍ਰੀਲੰਕਾ, ਆਇਰਲੈਂਡ, ਸਕਾਟਲੈਂਡ, ਓਮਾਨ, ਨੇਪਾਲ, ਅਮਰੀਕਾ ਅਤੇ ਯੂਏਈ ਦੀਆਂ ਟੀਮਾਂ ਸ਼ਾਮਲ ਹਨ। ਇਨ੍ਹਾਂ ਟੀਮਾਂ ਨੂੰ ਦੋ ਗਰੁੱਪਾਂ ਵਿੱਚ ਵੰਡਿਆ ਗਿਆ ਹੈ। ਵੈਸਟਇੰਡੀਜ਼, ਜ਼ਿੰਬਾਬਵੇ, ਨੀਦਰਲੈਂਡ, ਨੇਪਾਲ ਅਤੇ ਅਮਰੀਕਾ ਨੂੰ ਗਰੁੱਪ-ਏ ਵਿੱਚ ਰੱਖਿਆ ਗਿਆ ਹੈ। ਜਦਕਿ ਸ਼੍ਰੀਲੰਕਾ, ਆਇਰਲੈਂਡ, ਸਕਾਟਲੈਂਡ, ਓਮਾਨ ਅਤੇ ਯੂਏਈ ਨੂੰ ਗਰੁੱਪ-ਬੀ ਵਿੱਚ ਰੱਖਿਆ ਗਿਆ ਹੈ।
ਕੁਆਲੀਫਾਇੰਗ ਰਾਊਂਡ ਦਾ ਫਾਰਮੈਟ ਕੀ ਹੈ...
ਸਭ ਤੋਂ ਪਹਿਲਾਂ, ਦੋਵਾਂ ਗਰੁੱਪਾਂ ਦੀਆਂ ਟੀਮਾਂ ਆਪੋ-ਆਪਣੇ ਗਰੁੱਪਾਂ ਵਿਚ ਮੌਜੂਦ ਬਾਕੀ ਟੀਮਾਂ ਵਿਰੁੱਧ ਇਕ-ਇਕ ਮੈਚ ਖੇਡਣਗੀਆਂ। 27 ਜੂਨ ਤੱਕ ਗਰੁੱਪ ਗੇੜ ਵਿੱਚ ਕੁੱਲ 20 ਮੈਚ ਹੋਣਗੇ। ਇਸ ਤੋਂ ਬਾਅਦ ਦੋਵਾਂ ਗਰੁੱਪਾਂ ਦੀਆਂ ਟਾਪ-3 ਟੀਮਾਂ ਮਿਲ ਕੇ ਸੁਪਰ-6 'ਚ ਜਗ੍ਹਾ ਬਣਾਉਣਗੀਆਂ। ਸੁਪਰ-6 ਦੇ ਮੈਚ 29 ਜੂਨ ਤੋਂ ਸ਼ੁਰੂ ਹੋਣਗੇ। ਸੁਪਰ-6 ਗੇੜ 'ਚ ਸਾਰੀਆਂ ਟੀਮਾਂ ਉਨ੍ਹਾਂ ਟੀਮਾਂ ਖਿਲਾਫ ਮੈਚ ਖੇਡਣਗੀਆਂ, ਜਿਨ੍ਹਾਂ ਖਿਲਾਫ ਉਹ ਗਰੁੱਪ ਗੇੜ 'ਚ ਨਹੀਂ ਖੇਡੇ ਸਨ।
ਇੱਥੋਂ ਟੀਮਾਂ ਫਾਈਨਲ ਲਈ ਭਿੜਨਗੀਆਂ। ਫਾਈਨਲ ਵਿੱਚ ਪਹੁੰਚਣ ਵਾਲੀਆਂ ਦੋਵੇਂ ਟੀਮਾਂ ਵਿਸ਼ਵ ਕੱਪ ਲਈ ਕੁਆਲੀਫਾਈ ਕਰਨਗੀਆਂ। ਦੋਵੇਂ ਟੀਮਾਂ ਵਿਸ਼ਵ ਕੱਪ ਵਿੱਚ 9ਵਾਂ ਅਤੇ 10ਵਾਂ ਸਥਾਨ ਹਾਸਲ ਕਰਨਗੀਆਂ।
Read More:- IND vs PAK:ਪੀਸੀਬੀ 'ਤੇ ਭੜਕੇ ਸ਼ਾਹਿਦ ਅਫਰੀਦੀ, ਕਿਹਾ- 'ਕੀ ਅਹਿਮਦਾਬਾਦ ਦੀ ਪਿੱਚ 'ਤੇ ਕੋਈ ਭੂਤ ਹੈ ?
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
