IPL 2022 ਦੋ ਪਰਿਵਾਰਾਂ ਲਈ ਬਹੁਤ ਸਾਰੀਆਂ ਖੁਸ਼ੀਆਂ ਲੈ ਕੇ ਆਇਆ ਹੈ। ਦੋ ਭਰਾਵਾਂ ਦੀ ਜੋੜੀ ਨੇ 42.5 ਕਰੋੜ ਦੀ ਕਮਾਈ ਕੀਤੀ। ਚੇਨਈ ਸੁਪਰ ਕਿੰਗਜ਼ ਨੇ ਹਰਫਨਮੌਲਾ ਦੀਪਕ ਚਾਹਰ ਨੂੰ 14 ਕਰੋੜ 'ਚ ਆਪਣੀ ਟੀਮ 'ਚ ਸ਼ਾਮਲ ਕੀਤਾ। ਇਸ ਦੇ ਨਾਲ ਹੀ ਉਨ੍ਹਾਂ ਦੇ ਭਰਾ ਰਾਹੁਲ ਚਾਹਰ ਨੂੰ ਪੰਜਾਬ ਕਿੰਗਜ਼ ਨੇ 5.25 ਕਰੋੜ 'ਚ ਖਰੀਦਿਆ। ਚੇਨਈ ਅਤੇ ਪੰਜਾਬ ਫਰੈਂਚਾਇਜ਼ੀ ਚਾਹਰ ਬ੍ਰਦਰਜ਼ ਨੂੰ 19.25 ਕਰੋੜ ਰੁਪਏ ਦੇਵੇਗੀ।
ਇਸ ਨਾਲ ਹੀ ਹਾਰਦਿਕ ਪਾਂਡਿਆ ਦੇ ਵੱਡੇ ਭਰਾ ਕਰੁਣਾਲ ਪਾਂਡਿਆ ਨੂੰ ਲਖਨਊ ਸੁਪਰ ਜਾਇੰਟਸ ਨੇ 8.25 ਕਰੋੜ ਰੁਪਏ 'ਚ ਖਰੀਦਿਆ ਹੈ। ਉਨ੍ਹਾਂ ਦੇ ਭਰਾ ਹਾਰਦਿਕ ਪਾਂਡਿਆ ਨੂੰ ਅਹਿਮਦਾਬਾਦ ਟੀਮ ਨੇ ਪਹਿਲਾਂ ਹੀ 15 ਕਰੋੜ ਰੁਪਏ 'ਚ ਆਪਣੀ ਟੀਮ ਦਾ ਕਪਤਾਨ ਬਣਾਇਆ ਹੋਇਆ ਹੈ। ਇਸ ਤਰ੍ਹਾਂ ਇਨ੍ਹਾਂ ਚਾਰ ਖਿਡਾਰੀਆਂ ਨੇ ਮਿਲ ਕੇ 42.5 ਕਰੋੜ ਰੁਪਏ ਕਮਾਏ।
ਜਦੋਂ ਪਿਤਾ ਦੀ ਸਿਹਤ ਵਿਗੜ ਗਈ ਤਾਂ ਹਾਰਦਿਕ ਅਤੇ ਕਰੁਣਾਲ ਨੇੜਲੇ ਪਿੰਡ ਵਿੱਚ 400-500 ਰੁਪਏ ਕਮਾਉਣ ਲਈ ਕ੍ਰਿਕਟ ਖੇਡਦੇ ਸਨ। ਇੰਨਾ ਹੀ ਨਹੀਂ ਹਾਰਦਿਕ-ਕਰੁਣਾਲ ਨੇ ਉਹ ਦਿਨ ਵੀ ਦੇਖੇ ਹਨ ਜਦੋਂ ਉਨ੍ਹਾਂ ਨੂੰ ਚੰਗਾ ਖਾਣਾ ਵੀ ਨਹੀਂ ਮਿਲਦਾ ਸੀ। ਹਾਰਦਿਕ ਨੇ ਖੁਦ ਇਕ ਇੰਟਰਵਿਊ 'ਚ ਦੱਸਿਆ ਸੀ ਕਿ ਉਨ੍ਹਾਂ ਬੁਰੇ ਸਮੇਂ 'ਚ ਉਹ ਸਿਰਫ ਮੈਗੀ ਹੀ ਖਾਂਦੇ ਸਨ, ਕਿਉਂਕਿ ਉਨ੍ਹਾਂ ਕੋਲ ਜ਼ਿਆਦਾ ਪੈਸੇ ਨਹੀਂ ਸਨ।
ਇਕ ਵਾਰ ਪੈਸੇ ਦੀ ਕਮੀ ਕਾਰਨ ਪਾਂਡਿਆ ਭਰਾ ਸਿਰਫ਼ ਮੈਗੀ ਹੀ ਖਾਂਦੇ
ਹਾਰਦਿਕ ਅਤੇ ਕਰੁਣਾਲ ਪਿਛਲੇ ਕੁਝ ਸਾਲਾਂ ਤੋਂ ਭਾਰਤੀ ਕ੍ਰਿਕਟ ਦੇ ਨਾਲ-ਨਾਲ IPL 'ਚ ਵੀ ਕਾਫੀ ਨਾਮ ਕਮਾ ਰਹੇ ਹਨ ਪਰ ਜੇਕਰ ਉਨ੍ਹਾਂ ਦੇ ਬੀਤੇ ਦਿਨਾਂ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਆਪਣੀ ਜ਼ਿੰਦਗੀ 'ਚ ਕਾਫੀ ਬੁਰਾ ਸਮਾਂ ਦੇਖਿਆ ਹੈ। ਹਾਰਦਿਕ ਦੇ ਪਿਤਾ ਫਾਇਨਾਂਸਿੰਗ ਦਾ ਕੰਮ ਕਰਦੇ ਸਨ, ਪਰ ਉਹ ਇਸ ਤੋਂ ਜ਼ਿਆਦਾ ਕਮਾਈ ਨਹੀਂ ਕਰ ਸਕਦੇ ਸਨ। 2010 ਵਿੱਚ ਉਨ੍ਹਾਂ ਨੂੰ ਦਿਲ ਦਾ ਦੌਰਾ ਪਿਆ, ਸਿਹਤ ਵਿਗੜਨ ਕਾਰਨ ਉਹ ਕੰਮ ਨਹੀਂ ਕਰ ਸਕੇ। ਇਸ ਕਾਰਨ ਘਰ ਦੀ ਆਰਥਿਕ ਹਾਲਤ ਬਹੁਤ ਖਰਾਬ ਹੋ ਗਈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904