Suryakumar Yadav: ਸੂਰਿਆਕੁਮਾਰ ਨੇ ਫੈਨਜ਼ ਵਿਚਾਲੇ ਜਾਣ ਲਈ ਬਦਲਿਆ ਲੁੱਕ, ਕ੍ਰਿਕਟਰ ਨੂੰ ਪਛਾਣਨ 'ਚ ਲੋਕ ਵੀ ਖਾ ਗਏ ਮਾਤ
BCCI Shares Suryakumar Yadav's Video: ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ। ਇਹ ਵੀਡੀਓ ਸੂਰਿਆਕੁਮਾਰ ਯਾਦਵ ਦਾ ਹੈ। ਇਸ ਵੀਡੀਓ 'ਚ ਸੂਰਿਆ ਆਪਣੀ ਪਛਾਣ
BCCI Shares Suryakumar Yadav's Video: ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ। ਇਹ ਵੀਡੀਓ ਸੂਰਿਆਕੁਮਾਰ ਯਾਦਵ ਦਾ ਹੈ। ਇਸ ਵੀਡੀਓ 'ਚ ਸੂਰਿਆ ਆਪਣੀ ਪਛਾਣ ਲੁਕਾਉਂਦੇ ਹੋਏ ਲੋਕਾਂ ਨਾਲ ਟੀਮ ਇੰਡੀਆ ਦੇ ਪ੍ਰਦਰਸ਼ਨ ਬਾਰੇ ਗੱਲ ਕਰਦੇ ਨਜ਼ਰ ਆ ਰਹੇ ਹਨ। ਉਹ ਫੁਲ ਸਲੀਵ ਸ਼ਰਟ, ਕੈਪ, ਮਾਸਕ ਅਤੇ ਐਨਕਾਂ ਪਾ ਕੇ ਮੁੰਬਈ ਦੇ ਮਰੀਨ ਡਰਾਈਵ ਵਿੱਚ ਘੁੰਮਦਾ ਨਜ਼ਰ ਆ ਰਿਹਾ ਹੈ।
ਇਸ ਵੀਡੀਓ ਦੀ ਸ਼ੁਰੂਆਤ 'ਚ ਉਹ ਦੱਸਦਾ ਹੈ ਕਿ ਉਸ ਨੇ ਫੁਲ ਸ਼ਰਟ ਇਸ ਲਈ ਪਾਈ ਹੋਈ ਹੈ ਤਾਂ ਜੋ ਲੋਕ ਉਸ ਦੇ ਟੈਟੂ ਕਾਰਨ ਉਸ ਨੂੰ ਪਛਾਣ ਨਾ ਸਕਣ। ਉਹ ਆਪਣੀ ਪਛਾਣ ਛੁਪਾਉਣ ਲਈ ਟੋਪੀ, ਮਾਸਕ ਅਤੇ ਐਨਕਾਂ ਵੀ ਪਾਉਂਦਾ ਹੈ। ਉਸ ਦਾ ਲੁੱਕ ਅਜਿਹਾ ਹੋ ਜਾਂਦਾ ਹੈ ਕਿ ਉਸ ਦੇ ਸਾਥੀ ਰਵਿੰਦਰ ਜਡੇਜਾ ਵੀ ਉਸ ਨੂੰ ਪਛਾਣ ਨਹੀਂ ਪਾਉਂਦੇ। ਉਸ ਨੂੰ ਦੇਖ ਕੇ ਜਡੇਜਾ ਵੀ ਕਹਿੰਦੇ ਹਨ ਕਿ ਉਹ ਬਿਲਕੁਲ ਜ਼ਹਿਰ ਲੱਗ ਰਿਹਾ ਹੈ।
View this post on Instagram
ਇਸ ਤੋਂ ਬਾਅਦ ਉਹ ਕ੍ਰਿਕਟ ਪ੍ਰਸ਼ੰਸਕਾਂ ਨੂੰ ਇੱਕ ਤੋਂ ਬਾਅਦ ਇਕ ਸਵਾਲ ਪੁੱਛਦੇ ਨਜ਼ਰ ਆ ਰਹੇ ਹਨ। ਉਹ ਇਨ੍ਹਾਂ ਲੋਕਾਂ ਤੋਂ ਉਨ੍ਹਾਂ ਦੇ ਪਸੰਦੀਦਾ ਕ੍ਰਿਕਟਰਾਂ ਦੇ ਨਾਂ ਪੁੱਛਦਾ ਹੈ। ਉਹ ਲੋਕਾਂ ਨੂੰ ਆਪਣੇ ਬਾਰੇ ਸਵਾਲ ਪੁੱਛਦਾ ਵੀ ਨਜ਼ਰ ਆ ਰਿਹਾ ਹੈ। ਇੱਥੇ ਇੱਕ ਪ੍ਰਸ਼ੰਸਕ ਦੱਸਦਾ ਹੈ ਕਿ ਸੂਰਿਆ ਨੂੰ 360 ਡਿਗਰੀ ਖਿਡਾਰੀ ਕਿਉਂ ਕਿਹਾ ਜਾਂਦਾ ਹੈ। ਇਸ ਦੇ ਨਾਲ ਹੀ ਇੱਕ ਪ੍ਰਸ਼ੰਸਕ ਦਾ ਕਹਿਣਾ ਹੈ ਕਿ ਸੂਰਿਆ ਦੀ ਤਾਂ ਬੱਲੇਬਾਜ਼ੀ ਹੀ ਨਹੀਂ ਦੇਖਣ ਨੂੰ ਮਿਲਦੀ, ਸਿਰਫ ਪਹਿਲੇ ਤਿੰਨ-ਚਾਰ ਬੱਲੇਬਾਜ਼ ਹੀ ਸਾਰੇ ਦੌੜਾਂ ਬਣਾਉਂਦੇ ਹਨ।
ਅਖੀਰ ਵਿੱਚ, ਸੂਰਿਆ ਵੀ ਆਪਣਾ ਮਾਸਕ ਅਤੇ ਐਨਕਾਂ ਉਤਾਰ ਕੇ ਆਪਣੀ ਪਛਾਣ ਦਿਖਾਉਂਦਾ ਹੈ। ਇਸ ਤੋਂ ਬਾਅਦ ਮਰੀਨ ਡਰਾਈਵ 'ਤੇ ਮੌਜੂਦ ਕ੍ਰਿਕਟ ਪ੍ਰਸ਼ੰਸਕ ਵੀ ਉਸ ਨਾਲ ਤਸਵੀਰਾਂ ਕਲਿੱਕ ਕਰਦੇ ਨਜ਼ਰ ਆ ਰਹੇ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
Before You Go
'ਮੈਨੂੰ ਫਿਰ ਧਮਕੀਆਂ ਮਿਲੀਆਂ' ਗਿਆਨੀ ਹਰਪ੍ਰੀਤ ਸਿੰਘ ਨੇ ਖੋਲੇ ਰਾਜ਼
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
