Hamirpur News : ਹਮੀਰਪੁਰ 'ਚ ਹੋਇਆ ਅਨੋਖਾ ਕ੍ਰਿਕਟ ਮੈਚ , ਧੋਤੀ-ਕੁੜਤੇ 'ਚ ਦਿਖੇ ਖਿਡਾਰੀ ਤੇ ਸੰਸਕ੍ਰਿਤ 'ਚ ਕੀਤੀ ਕੁਮੈਂਟਰੀ

 Hamirpur Cricket : ਹਮੀਰਪੁਰ (Hamirpur) ਦੇ ਖੇਡ ਸਟੇਡੀਅਮ ਵਿੱਚ ਕ੍ਰਿਕਟ ਦਾ ਗਜ਼ਬ ਨਜ਼ਾਰਾ ਦੇਖਣ ਨੂੰ ਮਿਲਿਆ, ਜਿੱਥੇ ਜਾਲੌਨ ਅਤੇ ਹਮੀਰਪੁਰ ਵਿਚਾਲੇ ਕ੍ਰਿਕਟ ਮੈਚ ਖੇਡਿਆ ਗਿਆ, ਜਿਸ ਵਿੱਚ ਖਿਡਾਰੀਆਂ ਨੇ ਧੋਤੀ ਕੁੜਤਾ ਪਹਿਨਿਆ ਸੀ। ਇੰਨਾ ਹੀ ਨਹੀਂ ਇਨ੍ਹਾਂ ਖਿਡਾਰੀਆਂ

Cricket Match

 Hamirpur Cricket : ਹਮੀਰਪੁਰ (Hamirpur) ਦੇ ਖੇਡ ਸਟੇਡੀਅਮ ਵਿੱਚ ਕ੍ਰਿਕਟ ਦਾ ਗਜ਼ਬ ਨਜ਼ਾਰਾ ਦੇਖਣ ਨੂੰ ਮਿਲਿਆ, ਜਿੱਥੇ ਜਾਲੌਨ ਅਤੇ ਹਮੀਰਪੁਰ ਵਿਚਾਲੇ ਕ੍ਰਿਕਟ ਮੈਚ ਖੇਡਿਆ ਗਿਆ, ਜਿਸ ਵਿੱਚ ਖਿਡਾਰੀਆਂ ਨੇ ਧੋਤੀ ਕੁੜਤਾ ਪਹਿਨਿਆ ਸੀ। ਇੰਨਾ ਹੀ ਨਹੀਂ ਇਨ੍ਹਾਂ ਖਿਡਾਰੀਆਂ ਨੇ ਨਾ ਤਾਂ ਜੁੱਤੀ ਪਾਈ ਅਤੇ ਨਾ ਹੀ ਚੱਪਲਾਂ ਪਾਈਆਂ ਸੀ।  ਇਸ ਦੌਰਾਨ ਉਨ੍ਹਾਂ ਕੋਲ ਹੋਰ ਸੇਫਟੀ ਗਾਰਡਸ ਵਾਂਗ ਪੈਡ ਜਾਂ ਦਸਤਾਨੇ ਵੀ ਨਹੀਂ ਸਨ। ਸਭ ਤੋਂ ਦਿਲਚਸਪ ਗੱਲ ਇਹ ਸੀ ਕਿ ਇੱਥੇ ਜੋ ਕੁਮੈਂਟਰੀ ਹੋ ਰਹੀ ਸੀ, ਉਹ ਸੰਸਕ੍ਰਿਤ ਵਿੱਚ ਹੋ ਰਹੀ ਸੀ।

 

ਹਮੀਰਪੁਰ ਜ਼ਿਲ੍ਹਾ ਇਸ ਵਾਰ ਆਪਣੀ 200ਵੀਂ ਵਰ੍ਹੇਗੰਢ ਮਨਾ ਰਿਹਾ ਹੈ। ਜਿਸ ਤਹਿਤ ਫੈਸਲਾ ਕੀਤਾ ਗਿਆ ਕਿ ਇਸ ਵਾਰ ਪੂਰੇ ਜ਼ਿਲ੍ਹੇ ਵਿੱਚ ਕੋਈ ਨਾ ਕੋਈ ਸਮਾਗਮ ਕਰਵਾਇਆ ਜਾਵੇਗਾ। ਇਸੇ ਤਹਿਤ ਹਮੀਰਪੁਰ ਵਿੱਚ ਇਹ ਅਨੋਖਾ ਕ੍ਰਿਕਟ ਮੈਚ ਕਰਵਾਇਆ ਗਿਆ। ਇਸ ਮੈਚ 'ਚ ਜਾਲੌਨ ਅਤੇ ਹਮੀਰਪੁਰ ਵਿਚਾਲੇ ਮੁਕਾਬਲਾ ਹੋਇਆ, ਜਿਸ 'ਚ ਖਿਡਾਰੀ ਭਾਰਤੀ ਪਹਿਰਾਵੇ 'ਚ ਮੈਦਾਨ 'ਤੇ ਉਤਰੇ। ਦੋਵੇਂ ਟੀਮਾਂ ਦੇ ਖਿਡਾਰੀਆਂ ਨੇ ਧੋਤੀ-ਕੁਰਤਾ ਪਾਇਆ ਹੋਇਆ ਸੀ, ਇੰਨਾ ਹੀ ਨਹੀਂ ਉਨ੍ਹਾਂ ਨੇ ਖੇਡ ਦੌਰਾਨ ਪੈਰਾਂ 'ਚ ਜੁੱਤੀ ਜਾਂ ਚੱਪਲ ਵੀ ਨਹੀਂ ਪਾਈ ਹੋਈ ਸੀ। ਇਸ ਅਨੋਖੇ ਮੈਚ ਨੂੰ ਦੇਖਣ ਲਈ ਲੋਕ ਵੀ ਵੱਡੀ ਗਿਣਤੀ 'ਚ ਇੱਥੇ ਪੁੱਜੇ ਅਤੇ ਉਨ੍ਹਾਂ ਨੇ ਖਿਡਾਰੀਆਂ ਦੀ ਹੌਸਲਾ ਅਫਜ਼ਾਈ ਕੀਤੀ।

 

ਇਹ ਵੀ ਪੜ੍ਹੋ : ਵਿਜੀਲੈਂਸ ਨੇ AAP ਵਿਧਾਇਕ ਅਮਿਤ ਰਤਨ ਕੋਟਫੱਤਾ ਦੇ ਪੀ.ਏ. ਨੂੰ ਰਿਸ਼ਵਤ ਲੈਂਦਿਆਂ ਰੰਗੇ ਹੱਥੀਂ ਕੀਤਾ ਕਾਬੂ

 

ਧੋਤੀ-ਕੁਰਤੇ ਪਹਿਨ ਕੇ ਫੀਲਡ 'ਚ ਉਤਰੇ ਖਿਡਾਰੀ

ਹਮੀਰਪੁਰ ਦੇ ਖੇਡ ਸਟੇਡੀਅਮ ਵਿੱਚ ਕਰਵਾਏ ਗਏ ਇਸ ਮੈਚ ਵਿੱਚ ਹਮੀਰਪੁਰ ਦੇ ਝਲੋਖਰ ਮਹਾਵਿਦਿਆਲਿਆ ਅਤੇ ਜਾਲੌਨ ਦੇ ਸੰਸਕ੍ਰਿਤ ਮਹਾਵਿਦਿਆਲਿਆ ਦੀਆਂ ਟੀਮਾਂ ਵਿਚਕਾਰ ਮੁਕਾਬਲਾ ਹੋਇਆ। ਜਿਸ ਨੂੰ ਹਮੀਰਪੁਰ ਦਾ ਜ਼ਿਲ੍ਹਾ ਮੈਜਿਸਟ੍ਰੇਟ ਸੰਸਕ੍ਰਿਤ ਮੁਕਾਬਲਾ ਦੱਸ ਰਿਹਾ ਹੈ। ਡੀਐਮ ਚੰਦਰਭੂਸ਼ਣ ਤ੍ਰਿਪਾਠੀ ਨੇ ਦੱਸਿਆ ਕਿ ਇਸ ਮੈਚ ਵਿੱਚ ਮੈਦਾਨ ਵਿੱਚ ਉਤਰੇ ਖਿਡਾਰੀ ਭਾਰਤੀ ਪਹਿਰਾਵੇ ਵਿੱਚ ਹਨ ਅਤੇ ਕੁਮੈਂਟਰੀ ਵੀ ਸੰਸਕ੍ਰਿਤ ਵਿੱਚ ਹੀ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਭਾਸ਼ਾ ਦਾ ਕਿਸੇ ਖੇਡ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ। ਇਹ ਸਿਰਫ ਇਸ ਲਈ ਹੈ ਕਿ ਲੋਕਾਂ ਦਾ ਰੁਝਾਨ ਸੰਸਕ੍ਰਿਤ ਵੱਲ ਵੀ ਜਾਂਦਾ ਹੈ।

ਜਿਵੇਂ ਵੀ ਹੋਵੇ, ਦਰਸ਼ਕਾਂ ਨੇ ਮੈਚ ਦਾ ਖੂਬ ਆਨੰਦ ਲਿਆ ਅਤੇ ਖਿਡਾਰੀਆਂ ਦੀ ਤਾਰੀਫ ਵੀ ਕੀਤੀ। ਇਸ ਦੌਰਾਨ ਲੋਕ ਆਪਣੀ-ਆਪਣੀ ਟੀਮ ਦੇ ਸਮਰਥਨ ਵਿੱਚ ਖੇਡ ਮੈਦਾਨ ਵਿੱਚ ਜਸ਼ਨ ਮਨਾਉਂਦੇ ਵੀ ਦੇਖੇ ਗਏ।