IND VS AUS: ਭਾਰਤ ਨੇ ਸ਼ੁੱਕਰਵਾਰ ਨੂੰ ਰਾਏਪੁਰ ਦੇ ਸ਼ਹੀਦ ਵੀਰ ਨਰਾਇਣ ਸਿੰਘ ਅੰਤਰਰਾਸ਼ਟਰੀ ਕ੍ਰਿਕਟ ਸਟੇਡੀਅਮ 'ਚ ਚੌਥੇ ਟੀ-20 ਮੈਚ 'ਚ ਆਸਟ੍ਰੇਲੀਆ ਨੂੰ 20 ਦੌੜਾਂ ਨਾਲ ਹਰਾ ਕੇ ਇਤਿਹਾਸ ਦੀ ਕਿਤਾਬ 'ਚ ਆਪਣਾ ਨਾਂ ਦਰਜ ਕਰ ਲਿਆ।
ਮੈਨ ਇਨ ਬਲੂ ਕੋਲ ਹੁਣ 136 ਟੀ-20 ਆਈ ਜਿੱਤਾਂ ਹਨ ਅਤੇ ਉਨ੍ਹਾਂ ਨੇ ਆਪਣੇ ਵਿਰੋਧੀ ਪਾਕਿਸਤਾਨ ਨੂੰ ਪਿੱਛੇ ਛੱਡ ਦਿੱਤਾ ਹੈ, ਜਿਸ ਦੇ ਨਾਮ 'ਤੇ ਹੁਣ ਤੱਕ 135 ਜਿੱਤਾਂ ਦਰਜ ਸਨ। ਨਿਊਜ਼ੀਲੈਂਡ (102), ਆਸਟਰੇਲੀਆ (95) ਅਤੇ ਦੱਖਣੀ ਅਫਰੀਕਾ (95) ਫਾਰਮੈਟ ਵਿੱਚ ਸਭ ਤੋਂ ਵੱਧ ਜਿੱਤਾਂ ਵਾਲੀਆਂ ਚੋਟੀ ਦੀਆਂ ਪੰਜ ਟੀਮਾਂ ਦੀ ਸੂਚੀ ਪੂਰੀ ਕਰਦੇ ਹਨ।
ਇਸ ਤੋਂ ਇਲਾਵਾ, ਆਸਟ੍ਰੇਲੀਆ ਦੇ ਖਿਲਾਫ 3-1 ਦੀ ਸੀਰੀਜ਼ ਜਿੱਤਣ ਦੇ ਨਾਲ, ਭਾਰਤ ਹੁਣ 14 ਘਰੇਲੂ T20I ਸੀਰੀਜ਼ ਵਿਚ ਜੇਤੂ ਹੈ। ਇਸਦੀ ਪਿਛਲੀ ਘਰੇਲੂ ਸੀਰੀਜ਼ ਆਸਟਰੇਲੀਆ ਦੇ ਖਿਲਾਫ ਹੋਈ ਸੀ, ਜਿੱਥੇ ਭਾਰਤ 0-2 ਨਾਲ ਹਾਰ ਗਿਆ ਸੀ।
ਭਾਰਤ - 213 ਮੈਚਾਂ ਵਿੱਚ 136 ਜਿੱਤੇ
ਪਾਕਿਸਤਾਨ - 226 ਮੈਚਾਂ ਵਿੱਚ 135 ਜਿੱਤੇ
ਨਿਊਜ਼ੀਲੈਂਡ - 200 ਮੈਚਾਂ 'ਚ 102 ਜਿੱਤਾਂ
ਆਸਟਰੇਲੀਆ - 181 ਮੈਚਾਂ ਵਿੱਚ 95 ਜਿੱਤੇ
ਦੱਖਣੀ ਅਫਰੀਕਾ - 171 ਮੈਚਾਂ ਵਿੱਚ 95 ਜਿੱਤਾਂ
ਇੰਗਲੈਂਡ - 177 ਮੈਚਾਂ ਵਿੱਚ 92 ਜਿੱਤੇ
ਸ਼੍ਰੀਲੰਕਾ - 180 ਮੈਚਾਂ ਵਿੱਚ 79 ਜਿੱਤੇ
ਵੈਸਟਇੰਡੀਜ਼ - 184 ਮੈਚਾਂ ਵਿੱਚ 76 ਜਿੱਤੇ
ਅਫਗਾਨਿਸਤਾਨ - 118 ਮੈਚਾਂ 'ਚ 74 ਜਿੱਤੇ
ਆਇਰਲੈਂਡ - 154 ਮੈਚਾਂ ਵਿੱਚ 64 ਜਿੱਤਾਂ
ਕਾਬਿਲੇਗ਼ੌਰ ਹੈ ਕਿ ਭਾਰਤ ਦਾ ਪ੍ਰਦਰਸ਼ਨ ਵਰਲਡ ਕੱਪ ਵਿੱਚ ਵੀ ਕਾਫੀ ਵਧੀਆ ਰਿਹਾ ਸੀ । ਭਾਰਤ ਨੇ ਆਪਣੇ ਸਾਰੇ ਮੈਚ ਜਿੱਤੇ ਸੀ, ਪਰ ਫਾਈਨਲ 'ਚ ਆ ਕੇ ਭਾਰਤ ਨੂੰ ਆਸਟਰੇਲੀਆ ਹੱਥੋਂ ਹਾਰ ਦਾ ਸਵਾਦ ਚੱਖਣਾ ਪਿਆ। ਇਸ ਤੋਂ ਬਾਅਦ ਹੁਣ ਭਾਰਤ ਟੀ20 'ਚ ਵੀ ਵਧੀਆ ਪਰਫਾਰਮ ਕਰ ਰਿਹਾ ਹੈ ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ । ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ । ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ ।