Men's Hockey World Cup: 52 ਸਾਲ ਤੇ 14 ਵਰਲਡ ਕੱਪ, ਜਾਣੋ ਹੁਣ ਤੱਕ ਕਿਵੇਂ ਦਾ ਰਿਹੈ ਭਾਰਤੀ ਟੀਮ ਦਾ ਪ੍ਰਦਰਸ਼ਨ
Men's Hockey World Cup : 15ਵੇਂ ਹਾਕੀ ਵਿਸ਼ਵ ਕੱਪ (Hockey World Cup) ਦਾ ਅੱਜ ਦੂਜਾ ਦਿਨ ਹੈ। ਪਹਿਲੇ ਦਿਨ ਚਾਰ ਮੈਚ ਹੋਏ, ਜਿਸ ਵਿੱਚ ਭਾਰਤੀ ਟੀਮ ਦਾ ਮੈਚ ਵੀ ਸ਼ਾਮਲ ਸੀ।
Men's Hockey World Cup : 15ਵੇਂ ਹਾਕੀ ਵਿਸ਼ਵ ਕੱਪ (Hockey World Cup) ਦਾ ਅੱਜ ਦੂਜਾ ਦਿਨ ਹੈ। ਪਹਿਲੇ ਦਿਨ ਚਾਰ ਮੈਚ ਹੋਏ, ਜਿਸ ਵਿੱਚ ਭਾਰਤੀ ਟੀਮ ਦਾ ਮੈਚ ਵੀ ਸ਼ਾਮਲ ਸੀ। ਭਾਰਤੀ ਹਾਕੀ ਟੀਮ ਨੇ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਸਪੇਨ ਨੂੰ 2-0 ਨਾਲ ਹਰਾ ਕੇ ਜਿੱਤ ਨਾਲ ਕੀਤੀ। ਟੋਕੀਓ ਓਲੰਪਿਕ 2020 ਦੀ ਕਾਂਸੀ ਤਮਗਾ ਜੇਤੂ ਅਤੇ ਰਾਸ਼ਟਰਮੰਡਲ ਖੇਡਾਂ 2022 ਦੀ ਚਾਂਦੀ ਦਾ ਤਗਮਾ ਜੇਤੂ ਭਾਰਤੀ ਟੀਮ ਦੇ ਇਸ ਵਾਰ ਹਾਕੀ ਵਿਸ਼ਵ ਕੱਪ ਵਿੱਚ ਖਿਤਾਬ ਜਿੱਤਣ ਦੀ ਉਮੀਦ ਹੈ।
ਹਾਲਾਂਕਿ ਹਾਕੀ ਵਿਸ਼ਵ ਕੱਪ ਦੇ 52 ਸਾਲਾਂ ਦੇ ਇਤਿਹਾਸ ਵਿੱਚ ਭਾਰਤੀ ਟੀਮ ਹੁਣ ਤੱਕ ਸਿਰਫ਼ ਇੱਕ ਵਾਰ ਹੀ ਚੈਂਪੀਅਨ ਬਣ ਸਕੀ ਹੈ। 1975 ਵਿੱਚ ਭਾਰਤੀ ਟੀਮ ਨੂੰ ਇਹ ਖਿਤਾਬ ਮਿਲਿਆ। ਪਰ ਉਸ ਤੋਂ ਬਾਅਦ ਪਿਛਲੇ 48 ਸਾਲਾਂ ਵਿੱਚ ਭਾਰਤੀ ਟੀਮ ਸੈਮੀਫਾਈਨਲ ਤੱਕ ਵੀ ਨਹੀਂ ਪਹੁੰਚ ਸਕੀ ਹੈ। ਇੱਥੇ ਜਾਣੋ ਭਾਰਤੀ ਟੀਮ ਦਾ ਪ੍ਰਦਰਸ਼ਨ ਕਦੋਂ...
1. ਹਾਕੀ ਵਿਸ਼ਵ ਕੱਪ 1971: ਤੀਜਾ ਸਥਾਨ (ਸੈਮੀਫਾਈਨਲਿਸਟ)
2. ਹਾਕੀ ਵਿਸ਼ਵ ਕੱਪ 1973: ਦੂਜਾ ਸਥਾਨ (ਫਾਇਨਲਿਸਟ)
3. ਹਾਕੀ ਵਿਸ਼ਵ ਕੱਪ 1975: ਪਹਿਲਾ ਸਥਾਨ (ਚੈਂਪੀਅਨ)
4. ਹਾਕੀ ਵਿਸ਼ਵ ਕੱਪ 1978: 6ਵਾਂ ਸਥਾਨ
5. ਹਾਕੀ ਵਿਸ਼ਵ ਕੱਪ 1982: ਪੰਜਵਾਂ ਸਥਾਨ
6. ਹਾਕੀ ਵਿਸ਼ਵ ਕੱਪ 1986: ਬਾਰ੍ਹਵਾਂ ਸਥਾਨ
7. ਹਾਕੀ ਵਿਸ਼ਵ ਕੱਪ 1990: 10ਵਾਂ ਸਥਾਨ
8. ਹਾਕੀ ਵਿਸ਼ਵ ਕੱਪ 1994: ਪੰਜਵਾਂ ਸਥਾਨ
9. ਹਾਕੀ ਵਿਸ਼ਵ ਕੱਪ 1998: 9ਵਾਂ ਸਥਾਨ
10. ਹਾਕੀ ਵਿਸ਼ਵ ਕੱਪ 2002: 10ਵਾਂ ਸਥਾਨ
11. ਹਾਕੀ ਵਿਸ਼ਵ ਕੱਪ 2006: ਗਿਆਰ੍ਹਵਾਂ ਸਥਾਨ
12. ਹਾਕੀ ਵਿਸ਼ਵ ਕੱਪ 2010: ਅੱਠਵਾਂ ਸਥਾਨ
13. ਹਾਕੀ ਵਿਸ਼ਵ ਕੱਪ 2014: 9ਵਾਂ ਸਥਾਨ
14. ਹਾਕੀ ਵਿਸ਼ਵ ਕੱਪ 2018: 6ਵਾਂ ਸਥਾਨ
ਸਪੇਨ, ਇੰਗਲੈਂਡ ਤੇ ਵੇਲਜ਼ ਦੇ ਨਾਲ ਪੂਲ ਡੀ 'ਚ ਹੈ ਭਾਰਤ
ਇਸ ਵਾਰ ਹਾਕੀ ਵਿਸ਼ਵ ਕੱਪ 2023 ਵਿੱਚ ਕੁੱਲ 16 ਟੀਮਾਂ ਹਿੱਸਾ ਲੈ ਰਹੀਆਂ ਹਨ। ਇਨ੍ਹਾਂ ਟੀਮਾਂ ਨੂੰ ਚਾਰ ਪੂਲ ਵਿੱਚ ਵੰਡਿਆ ਗਿਆ ਹੈ। ਹਰੇਕ ਪੂਲ ਦੀ ਚੋਟੀ ਦੀ ਟੀਮ ਨੂੰ ਕੁਆਰਟਰ ਫਾਈਨਲ ਵਿੱਚ ਸਿੱਧਾ ਪ੍ਰਵੇਸ਼ ਮਿਲੇਗਾ। ਦੂਜੇ ਅਤੇ ਤੀਜੇ ਸਥਾਨ 'ਤੇ ਰਹਿਣ ਵਾਲੀ ਟੀਮ ਕੋਲ ਕ੍ਰਾਸ ਓਵਰ ਮੈਚਾਂ ਰਾਹੀਂ ਆਖਰੀ ਅੱਠ 'ਚ ਪਹੁੰਚਣ ਦਾ ਮੌਕਾ ਹੋਵੇਗਾ। ਭਾਰਤੀ ਟੀਮ ਪੂਲ-ਡੀ 'ਚ ਹੈ। ਇੱਥੇ ਉਸ ਕੋਲ ਸਪੇਨ, ਇੰਗਲੈਂਡ ਅਤੇ ਵੇਲਜ਼ ਦੀਆਂ ਟੀਮਾਂ ਹਨ।2023: ਪੁਰਸ਼ਾਂ ਦਾ 15ਵਾਂ ਹਾਕੀ ਵਿਸ਼ਵ ਕੱਪ ਸ਼ੁਰੂ ਹੋ ਗਿਆ ਹੈ। ਭਾਰਤੀ ਟੀਮ ਨੇ ਵੀ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਸਪੇਨ ਖਿਲਾਫ਼ ਜਿੱਤ ਨਾਲ ਕੀਤੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
