PBKS vs DC: ਅੱਜ ਦਾ ਮੈਚ ਹਾਰੇ ਤਾਂ ਮੁਸ਼ਕਲ 'ਚ ਪੈ ਜਾਵੇਗਾ ਪੰਜਾਬ, ਜਿੱਤੇ ਤਾਂ ਪਲੇਆਫ ਦਾ ਰਸਤਾ ਹੋ ਜਾਵੇਗਾ ਆਸਾਨ
ਅੱਜ ਆਈਪੀਐਲ ਵਿੱਚ ਪੰਜਾਬ ਕਿੰਗਜ਼ ਦਾ ਸਾਹਮਣਾ ਦਿੱਲੀ ਕੈਪੀਟਲਜ਼ ਨਾਲ ਹੋਵੇਗਾ। ਇਹ ਮੈਚ ਪੰਜਾਬ ਕਿੰਗਜ਼ ਲਈ ਬਹੁਤ ਖਾਸ ਹੈ। ਅੱਜ ਦਾ ਮੈਚ ਜਿੱਤ ਕੇ ਉਹ ਪਲੇਆਫ ਵਿੱਚ ਪਹੁੰਚਣ ਦੀਆਂ ਆਪਣੀਆਂ ਉਮੀਦਾਂ ਨੂੰ ਮਜ਼ਬੂਤ ਕਰ ਸਕਦਾ ਹੈ।
PBKS vs DC: ਅੱਜ ਆਈਪੀਐਲ ਵਿੱਚ ਪੰਜਾਬ ਕਿੰਗਜ਼ ਦਾ ਸਾਹਮਣਾ ਦਿੱਲੀ ਕੈਪੀਟਲਜ਼ ਨਾਲ ਹੋਵੇਗਾ। ਇਹ ਮੈਚ ਪੰਜਾਬ ਕਿੰਗਜ਼ ਲਈ ਬਹੁਤ ਖਾਸ ਹੈ। ਅੱਜ ਦਾ ਮੈਚ ਜਿੱਤ ਕੇ ਉਹ ਪਲੇਆਫ ਵਿੱਚ ਪਹੁੰਚਣ ਦੀਆਂ ਆਪਣੀਆਂ ਉਮੀਦਾਂ ਨੂੰ ਮਜ਼ਬੂਤ ਕਰ ਸਕਦਾ ਹੈ। ਦੂਜੇ ਪਾਸੇ ਜੇਕਰ ਉਹ ਹਾਰ ਜਾਂਦੀ ਹੈ ਤਾਂ ਉਸ ਦਾ ਰਾਹ ਬਹੁਤ ਮੁਸ਼ਕਲ ਹੋ ਸਕਦਾ ਹੈ। ਪੰਜਾਬ ਕਿੰਗਜ਼ ਦਾ IPL 2022 ਦੇ ਪਲੇਆਫ 'ਚ ਪਹੁੰਚਣ ਦਾ ਇਹ ਆਸਾਨ ਤੇ ਔਖਾ ਰਸਤਾ ਕਿਵੇਂ ਹੈ, ਇੱਥੇ ਸਮਝੋ..
ਆਸਾਨ ਰਾਹ: ਪੰਜਾਬ ਆਪਣੇ ਦੋਵੇਂ ਮੈਚ ਜਿੱਤੇ
ਪੰਜਾਬ ਕਿੰਗਜ਼ ਲਈ ਪਲੇਆਫ 'ਚ ਪਹੁੰਚਣ ਦਾ ਸਭ ਤੋਂ ਆਸਾਨ ਤਰੀਕਾ ਆਪਣੇ ਆਖਰੀ ਦੋਵੇਂ ਮੈਚ ਜਿੱਤਣਾ ਹੈ। ਪੰਜਾਬ ਨੇ ਆਪਣੇ ਆਖਰੀ ਮੈਚ ਦਿੱਲੀ ਅਤੇ ਹੈਦਰਾਬਾਦ ਦੇ ਖਿਲਾਫ ਖੇਡਣੇ ਹਨ। ਜੇਕਰ ਪੰਜਾਬ ਇਹ ਦੋਵੇਂ ਮੈਚ ਜਿੱਤ ਲੈਂਦਾ ਹੈ ਤਾਂ ਉਹ 8 ਜਿੱਤਾਂ ਅਤੇ ਸਕਾਰਾਤਮਕ ਰਨ ਰੇਟ ਦੇ ਨਾਲ ਆਸਾਨੀ ਨਾਲ ਆਈਪੀਐਲ ਪਲੇਆਫ ਵਿੱਚ ਪਹੁੰਚ ਸਕਦਾ ਹੈ। ਅਜਿਹਾ ਇਸ ਲਈ ਕਿਉਂਕਿ ਹੁਣ ਤੱਕ ਸਿਰਫ ਗੁਜਰਾਤ ਹੀ ਪਲੇਆਫ 'ਚ ਪਹੁੰਚਿਆ ਹੈ ਤੇ ਮੁੰਬਈ ਅਤੇ ਚੇਨਈ ਬਾਹਰ ਹੋ ਚੁੱਕੇ ਹਨ।
ਪਲੇਆਫ ਵਿੱਚ ਬਾਕੀ ਤਿੰਨ ਸਥਾਨਾਂ ਲਈ ਪੰਜਾਬ ਤੋਂ ਇਲਾਵਾ ਬਾਕੀ 6 ਟੀਮਾਂ ਹਨ , ਜਿਨ੍ਹਾਂ ਵਿੱਚ KKR ਅਤੇ SRH ਹੁਣ ਵੱਧ ਤੋਂ ਵੱਧ 7 ਮੈਚ ਜਿੱਤ ਸਕਦੀ ਹੈ। ਪੰਜਾਬ ਤੋਂ ਹਾਰਨ ਤੋਂ ਬਾਅਦ ਦਿੱਲੀ ਵੀ ਵੱਧ ਤੋਂ ਵੱਧ 7 ਜਿੱਤਾਂ ਦਰਜ ਕਰ ਸਕੇਗੀ। ਜੇਕਰ RCB ਆਖਰੀ ਮੈਚ ਜਿੱਤ ਵੀ ਲੈਂਦੀ ਹੈ ਤਾਂ ਉਸਦੀ ਨੈੱਟ ਰਨ ਰੇਟ ਪੰਜਾਬ ਨਾਲੋਂ ਬਹੁਤ ਘੱਟ ਹੈ। ਅਜਿਹੇ 'ਚ ਪੰਜਾਬ ਦੀ ਟੀਮ ਰਾਜਸਥਾਨ ਅਤੇ ਲਖਨਊ ਦੇ ਨਾਲ ਪਲੇਆਫ ਦੇ ਬਾਕੀ ਤਿੰਨ ਸਥਾਨਾਂ 'ਤੇ ਕਬਜ਼ਾ ਕਰ ਸਕਦੀ ਹੈ।
ਮੁਸ਼ਕਲ ਰਾਹ: ਇੱਕ ਵੀ ਮੈਚ ਗੁਵਾਇਆ ਤਾਂ ਅਜਿਹਾ ਹੋ ਸਕਦਾ ਸਫ਼ਰ
ਪੰਜਾਬ ਕਿੰਗਜ਼ ਜੇਕਰ ਆਪਣੇ ਆਖਰੀ ਦੋ ਮੈਚਾਂ ਵਿੱਚੋਂ ਇੱਕ ਵੀ ਹਾਰ ਜਾਂਦੀ ਹੈ ਤਾਂ ਉਸ ਨੂੰ ਪਲੇਆਫ ਵਿੱਚ ਪਹੁੰਚਣ ਲਈ ਹੋਰ ਮੈਚਾਂ ਦੇ ਨਤੀਜਿਆਂ 'ਤੇ ਨਿਰਭਰ ਰਹਿਣਾ ਪਵੇਗਾ। ਸਭ ਤੋਂ ਪਹਿਲਾਂ ਉਸ ਨੂੰ ਇਹ ਕੋਸ਼ਿਸ਼ ਕਰਨੀ ਪਵੇਗੀ ਕਿ ਉਹ ਜੋ ਵੀ ਮੈਚ ਹਾਰੇ, ਉਹ ਵੱਡੇ ਫਰਕ ਨਾਲ ਨਾ ਹਾਰੇ ਅਤੇ ਜੋ ਵੀ ਮੈਚ ਉਹ ਜਿੱਤੇ, ਉਹ ਚੰਗੇ ਫਰਕ ਨਾਲ ਜਿੱਤੇ ਤਾਂ ਕਿ ਉਸ ਦੀ ਨੈੱਟ ਰਨ ਰੇਟ ਬਿਹਤਰ ਹੋ ਸਕੇ। ਇਸ ਦੇ ਨਾਲ ਹੀ ਉਸ ਨੂੰ ਪ੍ਰਾਰਥਨਾ ਕਰਨੀ ਪਵੇਗੀ ਕਿ RCB ਆਪਣਾ ਆਖਰੀ ਮੈਚ ਗੁਜਰਾਤ ਟਾਈਟਨਸ ਤੋਂ ਹਾਰੇ।
ਉਸ ਨੂੰ ਇਹ ਵੀ ਦੁਆ ਕਰਨੀ ਹੋਵੇਗੀ ਕਿ ਦਿੱਲੀ ਘੱਟੋ-ਘੱਟ ਇੱਕ ਮੈਚ ਹਾਰੇ ਅਤੇ ਚੰਗੇ ਫਰਕ ਨਾਲ ਹਾਰੇ ਤਾਂ ਕਿ ਉਸ ਦੀ ਨੈੱਟ ਰਨ ਰੇਟ ਪੰਜਾਬ ਨਾਲੋਂ ਘੱਟ ਰਹੇ। ਪੰਜਾਬ ਨੂੰ ਇਹ ਵੀ ਉਮੀਦ ਕਰਨੀ ਪਵੇਗੀ ਕਿ ਕੇਕੇਆਰ ਅਤੇ ਐਸਆਰਐਚ ਆਪਣੇ ਬਾਕੀ ਮੈਚ ਹਾਰ ਜਾਣ, ਜੇਕਰ ਇਹ ਦੋਵੇਂ ਟੀਮਾਂ ਜਿੱਤ ਜਾਂਦੀਆਂ ਹਨ ਤਾਂ ਨੈੱਟ ਰਨ ਰੇਟ ਪੰਜਾਬ ਨਾਲੋਂ ਘੱਟ ਰਹੇਗਾ। ਜੇਕਰ ਇਹ ਸਮੀਕਰਨ ਬਣਾਏ ਜਾਂਦੇ ਹਨ ਤਾਂ ਪੰਜਾਬ ਦੀ ਟੀਮ ਲੀਗ ਗੇੜ ਵਿੱਚ 7 ਜਿੱਤਾਂ ਅਤੇ ਚੰਗੀ ਨੈੱਟ ਰਨ ਰੇਟ ਨਾਲ ਪਲੇਆਫ ਵਿੱਚ ਪਹੁੰਚ ਸਕਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
