KKR vs SRH Live : ਕੋਲਕਾਤਾ ਨੇ ਹੈਦਰਾਬਾਦ ਖਿਲਾਫ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਲਿਆ ਫੈਸਲਾ
KKR vs SRH Live : IPL 2023 ਦੇ 47ਵੇਂ ਮੈਚ ਵਿੱਚ ਅੱਜ ਸਨਰਾਈਜ਼ਰਜ਼ ਹੈਦਰਾਬਾਦ (SRH) ਅਤੇ ਕੋਲਕਾਤਾ ਨਾਈਟ ਰਾਈਡਰਜ਼ (KKR) ਵਿਚਾਲੇ ਟੱਕਰ ਹੋਵੇਗੀ।
ਸਨਰਾਈਜ਼ਰਸ ਹੈਦਰਾਬਾਦ ਨੂੰ ਛੇਵਾਂ ਝਟਕਾ ਕਪਤਾਨ ਏਡਨ ਮਾਰਕਰਮ ਦੇ ਰੂਪ ਵਿੱਚ ਲੱਗਾ। ਉਸ ਨੇ 17 ਓਵਰਾਂ 'ਚ ਛੇ ਵਿਕਟਾਂ 'ਤੇ 146 ਦੌੜਾਂ ਬਣਾਈਆਂ ਹਨ। ਅਬਦੁਲ ਸਮਦ 9 ਗੇਂਦਾਂ 'ਤੇ 13 ਦੌੜਾਂ ਬਣਾ ਕੇ ਨਾਬਾਦ ਹਨ ਅਤੇ ਮਾਰਕੋ ਜੈਨਸਨ ਨੇ ਇਕ ਗੇਂਦ 'ਤੇ ਇਕ ਦੌੜ ਬਣਾਈ। ਉਸ ਨੇ ਤਿੰਨ ਓਵਰਾਂ ਵਿੱਚ 26 ਦੌੜਾਂ ਬਣਾਉਣੀਆਂ ਹਨ। ਮਾਰਕਰਮ 40 ਗੇਂਦਾਂ 'ਤੇ 41 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਵੈਭਵ ਅਰੋੜਾ ਦੀ ਗੇਂਦ 'ਤੇ ਰਿੰਕੂ ਸਿੰਘ ਨੇ ਉਨ੍ਹਾਂ ਦਾ ਕੈਚ ਫੜਿਆ।
ਸ਼ਾਰਦੁਲ ਠਾਕੁਰ ਨੇ 15ਵੇਂ ਓਵਰ 'ਚ ਕੋਲਕਾਤਾ ਨਾਈਟ ਰਾਈਡਰਜ਼ ਨੂੰ ਵੱਡੀ ਸਫਲਤਾ ਦਿਵਾਈ। ਉਸ ਨੇ ਪਹਿਲੀ ਹੀ ਗੇਂਦ 'ਤੇ ਹੇਨਰਿਕ ਕਲਾਸੇਨ ਨੂੰ ਆਊਟ ਕੀਤਾ। ਕਲਾਸੇਨ ਤੂਫਾਨੀ ਤਰੀਕੇ ਨਾਲ ਬੱਲੇਬਾਜ਼ੀ ਕਰ ਰਿਹਾ ਸੀ। ਉਸ ਨੂੰ ਸ਼ਾਰਦੁਲ ਦੀ ਗੇਂਦ 'ਤੇ ਆਂਦਰੇ ਰਸਲ ਨੇ ਕੈਚ ਕਰਵਾਇਆ। ਕਲਾਸੇਨ ਨੇ 20 ਗੇਂਦਾਂ 'ਤੇ 36 ਦੌੜਾਂ ਬਣਾਈਆਂ। ਉਸ ਨੇ ਆਪਣੀ ਪਾਰੀ ਵਿੱਚ ਇੱਕ ਚੌਕਾ ਤੇ ਤਿੰਨ ਛੱਕੇ ਲਾਏ। ਸਨਰਾਈਜ਼ਰਜ਼ ਹੈਦਰਾਬਾਦ ਨੇ 15 ਓਵਰਾਂ 'ਚ ਪੰਜ ਵਿਕਟਾਂ 'ਤੇ 134 ਦੌੜਾਂ ਬਣਾਈਆਂ ਹਨ। ਉਸ ਨੂੰ ਜਿੱਤ ਲਈ ਪੰਜ ਓਵਰਾਂ ਵਿੱਚ 38 ਦੌੜਾਂ ਬਣਾਉਣੀਆਂ ਪੈਣਗੀਆਂ। ਕਪਤਾਨ ਏਡਨ ਮਾਰਕਰਮ 35 ਗੇਂਦਾਂ 'ਤੇ 38 ਅਤੇ ਅਬਦੁਲ ਸਮਦ ਤਿੰਨ ਗੇਂਦਾਂ 'ਤੇ ਪੰਜ ਦੌੜਾਂ ਬਣਾ ਕੇ ਨਾਬਾਦ ਹਨ।
ਚਾਰ ਵਿਕਟਾਂ ਦੇ ਡਿੱਗਣ ਤੋਂ ਬਾਅਦ ਸਨਰਾਈਜ਼ਰਸ ਹੈਦਰਾਬਾਦ ਦੀ ਪਾਰੀ ਹੌਲੀ-ਹੌਲੀ ਪਟੜੀ 'ਤੇ ਵਾਪਸ ਆ ਰਹੀ ਹੈ। ਕਪਤਾਨ ਏਡਨ ਮਾਰਕਰਮ ਨੇ ਹੇਨਰਿਕ ਕਲਾਸੇਨ ਨਾਲ ਪੰਜਵੇਂ ਵਿਕਟ ਲਈ ਅਰਧ ਸੈਂਕੜੇ ਦੀ ਸਾਂਝੇਦਾਰੀ ਕੀਤੀ। ਹੈਦਰਾਬਾਦ ਨੇ 13 ਓਵਰਾਂ 'ਚ ਚਾਰ ਵਿਕਟਾਂ 'ਤੇ 114 ਦੌੜਾਂ ਬਣਾਈਆਂ ਹਨ। ਉਸ ਨੂੰ ਜਿੱਤ ਲਈ ਸੱਤ ਓਵਰਾਂ ਵਿੱਚ 58 ਦੌੜਾਂ ਬਣਾਉਣੀਆਂ ਪੈਣਗੀਆਂ। ਕਲਾਸੇਨ 34 ਅਤੇ ਮਾਰਕਰਮ 25 ਦੌੜਾਂ ਬਣਾ ਕੇ ਖੇਡ ਰਹੇ ਹਨ।
ਆਂਦਰੇ ਰਸਲ ਨੇ ਸਨਰਾਈਜ਼ਰਸ ਹੈਦਰਾਬਾਦ ਨੂੰ ਤੀਜਾ ਝਟਕਾ ਦਿੱਤਾ। ਉਸ ਨੇ ਛੇਵੇਂ ਓਵਰ ਦੀ ਤੀਜੀ ਗੇਂਦ 'ਤੇ ਰਾਹੁਲ ਤ੍ਰਿਪਾਠੀ ਨੂੰ ਵੈਭਵ ਅਰੋੜਾ ਹੱਥੋਂ ਕੈਚ ਕਰਵਾਇਆ। ਤ੍ਰਿਪਾਠੀ ਨੇ ਨੌਂ ਗੇਂਦਾਂ 'ਤੇ 20 ਦੌੜਾਂ ਬਣਾਈਆਂ। ਉਸ ਨੇ ਆਪਣੀ ਪਾਰੀ ਵਿੱਚ ਤਿੰਨ ਚੌਕੇ ਅਤੇ ਇੱਕ ਛੱਕਾ ਲਗਾਇਆ। ਸਨਰਾਈਜ਼ਰਸ ਨੂੰ ਚੌਥਾ ਝਟਕਾ ਹੈਰੀ ਬਰੂਕ ਦੇ ਰੂਪ 'ਚ ਲੱਗਾ। ਸੈਂਕੜਾ ਲਗਾਉਣ ਵਾਲੇ ਬਰੂਕ ਇਸ ਮੈਚ ਵਿੱਚ ਖਾਤਾ ਵੀ ਨਹੀਂ ਖੋਲ੍ਹ ਸਕੇ। ਉਹ ਚਾਰ ਗੇਂਦਾਂ ਦਾ ਸਾਹਮਣਾ ਕਰਨ ਤੋਂ ਬਾਅਦ ਐਲਬੀਡਬਲਯੂ ਆਊਟ ਹੋ ਗਿਆ। ਸਨਰਾਈਜ਼ਰਜ਼ ਨੇ ਅੱਠ ਓਵਰਾਂ ਵਿੱਚ ਚਾਰ ਵਿਕਟਾਂ ’ਤੇ 66 ਦੌੜਾਂ ਬਣਾਈਆਂ ਹਨ। ਏਡਨ ਮਾਰਕਰਮ ਅਤੇ ਹੇਨਰਿਕ ਕਲਾਸੇਨ ਛੇ-ਛੇ ਦੌੜਾਂ ਬਣਾ ਕੇ ਨਾਬਾਦ ਹਨ।
ਸਨਰਾਈਜ਼ਰਸ ਹੈਦਰਾਬਾਦ ਨੂੰ ਪਹਿਲਾ ਝਟਕਾ ਮਯੰਕ ਅਗਰਵਾਲ ਦੇ ਰੂਪ 'ਚ ਲੱਗਾ। ਉਹ ਤੀਜੇ ਓਵਰ ਦੀ ਪੰਜਵੀਂ ਗੇਂਦ 'ਤੇ ਹਰਸ਼ਿਤ ਰਾਣਾ ਦਾ ਸ਼ਿਕਾਰ ਬਣ ਗਿਆ। ਅਗਰਵਾਲ ਨੇ 11 ਗੇਂਦਾਂ 'ਤੇ 18 ਦੌੜਾਂ ਬਣਾਈਆਂ। ਉਸ ਨੇ ਦੋ ਚੌਕੇ ਤੇ ਇਕ ਛੱਕਾ ਲਗਾਇਆ। ਮਯੰਕ ਤੋਂ ਬਾਅਦ ਅਭਿਸ਼ੇਕ ਸ਼ਰਮਾ ਵੀ ਪੈਵੇਲੀਅਨ ਪਰਤ ਗਏ। ਉਸ ਨੂੰ ਚੌਥੇ ਓਵਰ ਦੀ ਪੰਜਵੀਂ ਗੇਂਦ 'ਤੇ ਸ਼ਾਰਦੁਲ ਠਾਕੁਰ ਨੇ ਆਊਟ ਕੀਤਾ। ਅਭਿਸ਼ੇਕ ਨੇ 10 ਗੇਂਦਾਂ 'ਤੇ ਨੌਂ ਦੌੜਾਂ ਬਣਾਈਆਂ। ਆਂਦਰੇ ਰਸਲ ਨੇ ਉਸ ਦਾ ਕੈਚ ਲਿਆ। ਸਨਰਾਈਜ਼ਰਜ਼ ਨੇ ਚਾਰ ਓਵਰਾਂ ਵਿੱਚ ਦੋ ਵਿਕਟਾਂ ’ਤੇ 37 ਦੌੜਾਂ ਬਣਾਈਆਂ ਹਨ। ਕਪਤਾਨ ਏਡਨ ਮਾਰਕਰਮ ਅਤੇ ਰਾਹੁਲ ਤ੍ਰਿਪਾਠੀ ਕਰੀਜ਼ 'ਤੇ ਹਨ।
ਸਨਰਾਈਜ਼ਰਜ਼ ਹੈਦਰਾਬਾਦ ਨੇ ਆਪਣੇ ਗੇਂਦਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਦੌਲਤ ਕੋਲਕਾਤਾ ਨਾਈਟ ਰਾਈਡਰਜ਼ ਨੂੰ 20 ਓਵਰਾਂ 'ਚ 171 ਦੌੜਾਂ 'ਤੇ ਰੋਕ ਦਿੱਤਾ। ਉਸ ਦੇ ਨੌਂ ਬੱਲੇਬਾਜ਼ ਆਊਟ ਹੋਏ। ਹੈਦਰਾਬਾਦ ਨੂੰ ਜਿੱਤ ਲਈ 172 ਦੌੜਾਂ ਬਣਾਉਣੀਆਂ ਪੈਣਗੀਆਂ। ਕੋਲਕਾਤਾ ਲਈ ਰਿੰਕੂ ਸਿੰਘ ਨੇ 46, ਕਪਤਾਨ ਨਿਤੀਸ਼ ਰਾਣਾ ਨੇ 42, ਆਂਦਰੇ ਰਸਲ ਨੇ 24, ਜੇਸਨ ਰਾਏ ਨੇ 20 ਅਤੇ ਅਨੁਕੁਲ ਰਾਏ ਨੇ ਨਾਬਾਦ 13 ਦੌੜਾਂ ਬਣਾਈਆਂ। ਇਨ੍ਹਾਂ ਪੰਜ ਖਿਡਾਰੀਆਂ ਤੋਂ ਇਲਾਵਾ ਕੋਈ ਵੀ ਦੋਹਰੇ ਅੰਕੜੇ ਨੂੰ ਛੂਹ ਨਹੀਂ ਸਕਿਆ। ਹੈਦਰਾਬਾਦ ਲਈ ਮਾਰਕੋ ਜੈਨਸਨ ਅਤੇ ਟੀ ਨਟਰਾਜਨ ਨੇ ਦੋ-ਦੋ ਵਿਕਟਾਂ ਲਈਆਂ। ਭੁਵਨੇਸ਼ਵਰ ਕੁਮਾਰ, ਕਾਰਤਿਕ ਤਿਆਗੀ, ਮਯੰਕ ਮਾਰਕੰਡੇ ਅਤੇ ਏਡੇਨ ਮਾਰਕਰਮ ਨੂੰ ਇੱਕ-ਇੱਕ ਸਫਲਤਾ ਮਿਲੀ।
ਮਯੰਕ ਮਾਰਕੰਡੇ ਨੇ ਸਨਰਾਈਜ਼ਰਸ ਹੈਦਰਾਬਾਦ ਨੂੰ ਵੱਡੀ ਸਫਲਤਾ ਦਿਵਾਈ। ਉਸ ਨੇ 15ਵੇਂ ਓਵਰ ਦੀ ਦੂਜੀ ਗੇਂਦ 'ਤੇ ਵਿਸਫੋਟਕ ਬੱਲੇਬਾਜ਼ ਆਂਦਰੇ ਰਸੇਲ ਨੂੰ ਆਊਟ ਕੀਤਾ। ਰਸੇਲ 15 ਗੇਂਦਾਂ 'ਤੇ 24 ਦੌੜਾਂ ਬਣਾ ਕੇ ਪੈਵੇਲੀਅਨ ਪਰਤ ਗਏ। ਉਸ ਨੇ ਆਪਣੀ ਪਾਰੀ ਵਿੱਚ ਇੱਕ ਚੌਕਾ ਤੇ ਦੋ ਛੱਕੇ ਲਾਏ। ਕੋਲਕਾਤਾ ਨੇ 15 ਓਵਰਾਂ 'ਚ ਪੰਜ ਵਿਕਟਾਂ 'ਤੇ 129 ਦੌੜਾਂ ਬਣਾਈਆਂ ਹਨ। ਰਿੰਕੂ ਸਿੰਘ ਅਤੇ ਸੁਨੀਲ ਨਰਾਇਣ ਕਰੀਜ਼ 'ਤੇ ਹਨ।
ਕੋਲਕਾਤਾ ਨਾਈਟ ਰਾਈਡਰਜ਼ ਨੇ 13 ਓਵਰਾਂ 'ਚ ਚਾਰ ਵਿਕਟਾਂ 'ਤੇ 114 ਦੌੜਾਂ ਬਣਾਈਆਂ ਹਨ। ਕਪਤਾਨ ਨਿਤੀਸ਼ ਰਾਣਾ ਪੈਵੇਲੀਅਨ ਪਰਤ ਗਏ ਹਨ। ਨਿਤੀਸ਼ ਨੂੰ 12ਵੇਂ ਓਵਰ ਦੀ ਦੂਜੀ ਗੇਂਦ 'ਤੇ ਸਨਰਾਈਜ਼ਰਜ਼ ਦੇ ਕਪਤਾਨ ਏਡਨ ਮਾਰਕਰਮ ਨੇ ਆਊਟ ਕੀਤਾ। ਮਾਰਕਰਮ ਨੇ ਆਪਣੀ ਹੀ ਗੇਂਦ 'ਤੇ ਉਸਦਾ ਕੈਚ ਲਿਆ। ਨਿਤੀਸ਼ ਨੇ 31 ਗੇਂਦਾਂ 'ਤੇ 42 ਦੌੜਾਂ ਬਣਾਈਆਂ। ਉਸ ਨੇ ਤਿੰਨ ਚੌਕੇ ਤੇ ਤਿੰਨ ਛੱਕੇ ਲਾਏ। ਫਿਲਹਾਲ ਰਿੰਕੂ ਸਿੰਘ ਅਤੇ ਆਂਦਰੇ ਰਸਲ ਕ੍ਰੀਜ਼ 'ਤੇ ਹਨ।
ਕੋਲਕਾਤਾ ਨਾਈਟ ਰਾਈਡਰਜ਼ ਨੇ ਪੰਜ ਓਵਰਾਂ ਵਿੱਚ ਤਿੰਨ ਵਿਕਟਾਂ ’ਤੇ 40 ਦੌੜਾਂ ਬਣਾਈਆਂ ਹਨ। ਕਪਤਾਨ ਨਿਤੀਸ਼ ਰਾਣਾ ਛੇ ਗੇਂਦਾਂ ’ਤੇ ਪੰਜ ਅਤੇ ਰਿੰਕੂ ਸਿੰਘ ਦੋ ਗੇਂਦਾਂ ’ਤੇ ਚਾਰ ਦੌੜਾਂ ’ਤੇ ਨਾਬਾਦ ਹਨ। ਕੋਲਕਾਤਾ ਨੂੰ ਤੀਜਾ ਝਟਕਾ ਜੇਸਨ ਰਾਏ ਦੇ ਰੂਪ 'ਚ ਲੱਗਾ। ਉਹ 19 ਗੇਂਦਾਂ 'ਤੇ 20 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਕਾਰਤਿਕ ਤਿਆਗੀ ਦੀ ਗੇਂਦ 'ਤੇ ਮਯੰਕ ਮਾਰਕੰਡੇ ਨੇ ਉਨ੍ਹਾਂ ਦਾ ਕੈਚ ਲਿਆ।
ਕੋਲਕਾਤਾ ਨਾਈਟ ਰਾਈਡਰਜ਼ ਨੂੰ ਦੂਜੇ ਓਵਰ ਵਿੱਚ ਹੀ ਦੂਜਾ ਝਟਕਾ ਲੱਗਾ। ਮਾਰਕੋ ਜੈਨਸਨ ਨੇ ਆਖਰੀ ਗੇਂਦ 'ਤੇ ਵੈਂਕਟੇਸ਼ ਅਈਅਰ ਨੂੰ ਆਪਣਾ ਸ਼ਿਕਾਰ ਬਣਾਇਆ। ਅਈਅਰ ਚਾਰ ਗੇਂਦਾਂ 'ਤੇ ਸੱਤ ਦੌੜਾਂ ਬਣਾ ਕੇ ਪੈਵੇਲੀਅਨ ਪਰਤ ਗਿਆ। ਵਿਕਟਕੀਪਰ ਹੇਨਰਿਕ ਕਲਾਸੇਨ ਨੇ ਉਸ ਦਾ ਕੈਚ ਫੜਿਆ।
ਕੋਲਕਾਤਾ ਨੂੰ ਪਹਿਲਾ ਝਟਕਾ ਦੂਜੇ ਓਵਰ ਦੀ ਪਹਿਲੀ ਗੇਂਦ 'ਤੇ ਲੱਗਾ। ਮਾਰਕੋ ਜੈਨਸਨ ਨੇ ਰਹਿਮਾਨੁੱਲਾ ਗੁਰਬਾਜ਼ ਨੂੰ ਨੂੰ ਆਊਟ ਕਰ ਦਿੱਤਾ। ਗੁਰਬਾਜ਼ ਸਿਰਫ਼ ਇੱਕ ਗੇਂਦ ਦਾ ਸਾਹਮਣਾ ਕਰ ਸਕਿਆ। ਦੱਸ ਦਈਏ ਕਿ ਉਹ ਬਿਨਾਂ ਖਾਤਾ ਖੁੱਲੇ ਹੀ ਪਵੇਲੀਅਨ ਵਾਪਸ ਪਰਤ ਗਿਆ।
ਸਨਰਾਈਜ਼ਰਜ਼ ਹੈਦਰਾਬਾਦ - ਮਯੰਕ ਅਗਰਵਾਲ, ਅਭਿਸ਼ੇਕ ਸ਼ਰਮਾ, ਹੇਨਰਿਚ ਕਲਾਸੇਨ (ਵਿਕੇਟ ਕੀਪਰ), ਏਡਨ ਮਾਰਕਰਮ (ਕੈਪਟਨ), ਹੈਰੀ ਬਰੂਕ, ਅਬਦੁਲ ਸਮਦ, ਮਾਰਕੋ ਜੈਨਸੇਨ, ਭੁਵਨੇਸ਼ਵਰ ਕੁਮਾਰ, ਮਯੰਕ ਮਾਰਕੰਡੇ, ਕਾਰਤਿਕ ਤਿਆਗੀ, ਟੀ ਨਟਰਾਜਨ।
ਕੋਲਕਾਤਾ ਨਾਈਟ ਰਾਈਡਰਜ਼ - ਜੇਸਨ ਰਾਏ, ਵੈਂਕਟੇਸ਼ ਅਈਅਰ, ਰਹਿਮਾਨਉੱਲ੍ਹਾ ਗੁਰਬਾਜ਼ (ਵਿਕੇਟ ਕੀਪਰ), ਸੁਨੀਲ ਨਾਰਾਇਣ, ਨਿਤੀਸ਼ ਰਾਣਾ (ਕੈਪਟਨ), ਰਿੰਕੂ ਸਿੰਘ, ਆਂਦਰੇ ਰਸਲ, ਸ਼ਾਰਦੁਲ ਠਾਕੁਰ, ਹਰਸ਼ਿਤ ਰਾਣਾ, ਵੈਭਵ ਅਰੋੜਾ, ਵਰੁਣ ਚੱਕਰਵਰਤੀ।
KKR vs SRH Live : ਕੋਲਕਾਤਾ ਨਾਈਟ ਰਾਈਡਰਜ਼ ਨੇ ਸਨਰਾਈਜ਼ਰਜ਼ ਹੈਦਰਾਬਾਦ ਖਿਲਾਫ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ। ਕੋਲਕਾਤਾ ਦੇ ਕਪਤਾਨ ਨਿਤੀਸ਼ ਰਾਣਾ ਨੇ ਟੀਮ 'ਚ ਦੋ ਬਦਲਾਅ ਕੀਤੇ ਹਨ। ਡੇਵਿਡ ਵਿਜੇ ਲਈ ਜੇਸਨ ਰਾਏ ਅਤੇ ਐੱਨ ਜਗਦੀਸ਼ਨ ਲਈ ਵੈਭਵ ਅਰੋੜਾ ਆਉਂਦੇ ਹਨ।
ਕੋਲਕਾਤਾ ਨਾਈਟ ਰਾਈਡਰਜ਼ ਨੇ ਸਨਰਾਈਜ਼ਰਜ਼ ਹੈਦਰਾਬਾਦ ਖਿਲਾਫ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ। ਕੋਲਕਾਤਾ ਦੇ ਕਪਤਾਨ ਨਿਤੀਸ਼ ਰਾਣਾ ਨੇ ਟੀਮ 'ਚ ਦੋ ਬਦਲਾਅ ਕੀਤੇ ਹਨ। ਡੇਵਿਡ ਵਿਜੇ ਦੀ ਥਾਂ ਜੇਸਨ ਰਾਏ ਤੇ ਐਨ ਜਗਦੀਸ਼ਨ ਦੀ ਜਗ੍ਹਾ ਵੈਭਵ ਅਰੋੜਾ ਦੀ ਵਾਪਸੀ ਹੋਈ ਹੈ...
ਆਈਪੀਐਲ ਦੇ 47ਵੇਂ ਮੈਚ ਵਿੱਚ ਸਨਰਾਈਜ਼ਰਜ਼ ਹੈਦਰਾਬਾਦ ਦਾ ਸਾਹਮਣਾ ਕੋਲਕਾਤਾ ਨਾਈਟ ਰਾਈਡਰਜ਼ ਨਾਲ ਹੋਵੇਗਾ। ਦੋਵਾਂ ਟੀਮਾਂ ਵਿਚਾਲੇ ਇਹ ਮੈਚ ਹੈਦਰਾਬਾਦ ਦੇ ਰਾਜੀਵ ਗਾਂਧੀ ਇੰਟਰਨੈਸ਼ਨਲ ਸਟੇਡੀਅਮ 'ਚ ਖੇਡਿਆ ਜਾਵੇਗਾ। ਅੰਕ ਸੂਚੀ ਵਿੱਚ ਕੋਲਕਾਤਾ ਅੱਠਵੇਂ ਅਤੇ ਹੈਦਰਾਬਾਦ ਨੌਵੇਂ ਸਥਾਨ ’ਤੇ ਹੈ। ਦੋਵਾਂ ਟੀਮਾਂ ਦੇ ਛੇ-ਛੇ ਅੰਕ ਹਨ।
ਪਿਛੋਕੜ
ਪਿਛਲੇ ਮੈਚ ਵਿੱਚ 144 ਦਾ ਸਕੋਰ ਹੋਇਆ ਸੀ ਡਿਫੈਂਡ
ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ ਚਾਰ ਵਿੱਚੋਂ ਤਿੰਨ ਮੈਚ ਜਿੱਤੇ
ਹੈਦਰਾਬਾਦ ਵਿੱਚ ਟਾਸ ਦੀ ਭੂਮਿਕਾ ਵੀ ਅਹਿਮ ਹੋ ਸਕਦੀ ਹੈ। ਦਰਅਸਲ ਇਸ ਸੀਜ਼ਨ 'ਚ ਇਸ ਮੈਦਾਨ 'ਤੇ ਹੋਏ ਚਾਰ ਮੈਚਾਂ 'ਚੋਂ ਤਿੰਨ ਮੈਚ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ ਜਿੱਤੇ ਹਨ। ਜੇਕਰ ਟੀਮ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 150+ ਦੇ ਸਕੋਰ 'ਤੇ ਪਹੁੰਚ ਜਾਂਦੀ ਹੈ ਤਾਂ ਉਸ ਦੇ ਜਿੱਤਣ ਦੀ ਸੰਭਾਵਨਾ ਵੱਧ ਹੋਵੇਗੀ।
- - - - - - - - - Advertisement - - - - - - - - -