(Source: ECI/ABP News/ABP Majha)
Paralympics 2020: ਪੁਰਸ਼ਾਂ ਦੇ ਰਿਕਰਵ ਓਪਨ ਦੇ ਕੁਆਰਟਰਸ ਵਿੱਚ ਪਹੁੰਚਿਆ ਹਰਵਿੰਦਰ ਸਿੰਘ
Tokyo Paralympics 2020: ਤੀਰਅੰਦਾਜ਼ੀ: ਹਰਵਿੰਦਰ ਸਿੰਘ, ਵਿਵੇਕ ਚਿਕਾਰਾ ਨੇ ਪੈਰਾਲਿੰਪਿਕਸ ਵਿੱਚ ਭਾਰਤੀ ਤਗਮੇ ਦੀ ਉਮੀਦ ਨੂੰ ਕਾਇਮ ਰੱਖਿਆ ਅਤੇ ਉਨ੍ਹਾਂ ਨੇ ਆਖਰੀ -16 ਵਿੱਚ ਥਾਂ ਬਣਾ ਲਈ ਹੈ।
Tokyo Paralympics 2020: ਭਾਰਤੀ ਰਿਕਰਵ ਤੀਰਅੰਦਾਜ਼ ਜੋੜੀ ਵਿਵੇਕ ਚਿਕਾਰਾ ਅਤੇ ਹਰਵਿੰਦਰ ਸਿੰਘ ਨੇ ਸ਼ੁੱਕਰਵਾਰ ਨੂੰ ਪੈਰਾਲੰਪਿਕ ਖੇਡਾਂ ਵਿੱਚ ਪੁਰਸ਼ਾਂ ਦੇ ਓਪਨ ਭਾਗ ਦੇ ਆਪਣੇ-ਆਪਣੇ ਪ੍ਰੀ-ਕੁਆਰਟਰ ਫਾਈਨਲ ਵਿੱਚ ਪਹੁੰਚਦਿਆਂ ਤਗਮੇ ਦੀਆਂ ਉਮੀਦਾਂ ਨੂੰ ਕਾਇਮ ਰੱਖਿਆ।
ਵਿਸ਼ਵ ਦੇ 23ਵੇਂ ਨੰਬਰ ਦੇ ਹਰਵਿੰਦਰ ਸਿੰਘ ਏਸ਼ੀਆਈ ਖੇਡਾਂ ਜਕਾਰਤਾ 2018 ਵਿੱਚ ਇੱਕ ਪ੍ਰਮੁੱਖ ਪ੍ਰਤੀਯੋਗਤਾ ਵਿੱਚ ਪੈਰਾ ਤੀਰਅੰਦਾਜ਼ੀ ਵਿੱਚ ਸੋਨ ਤਗਮਾ ਜਿੱਤਣ ਵਾਲੇ ਭਾਰਤ ਦੇ ਪਹਿਲੇ ਅਥਲੀਟ ਬਣੇ ਸੀ। ਹੁਣ ਉਸ ਨੇ ਨਿਸ਼ਾਨੇਬਾਜ਼ੀ 'ਚ ਇਟਲੀ ਦੇ ਸਟੀਫਾਨੋ ਟ੍ਰਾਵਿਸਾਨੀ ਦੀ 6-5 (10-7) ਨਾਲ ਜਿੱਤਦਿਆਂ ਸਖਤ ਚੁਣੌਤੀ ਦਿੱਤੀ।
ਦੱਸ ਦਈਏ ਕਿ ਹਰਵਿੰਦਰ ਸਿੰਘ ਹਰਿਆਣਾ ਦੇ ਕੈਥਲ ਦੇ ਦੂਰ-ਦੁਰਾਡੇ ਦੇ ਪਿੰਡ ਦਾ ਰਹਿਣ ਵਾਲਾ ਹੈ। ਜਿਸ ਨੇ ਟਾਈ-ਬ੍ਰੇਕਰ ਵਿੱਚ 10 ਦੇ ਨਿਸ਼ਾਨੇ 'ਤੇ ਚੱਲਦਿਆਂ ਇਸ ਜਿੱਕ ਨੂੰ ਆਪਣੇ ਨਾਂਅ ਕੀਤਾ ਜਦੋਂਕਿ ਉਸਦਾ ਵਿਰੋਧੀ ਸਿਰਫ 7 ਹੀ ਨਿਸ਼ਾਨੇ ਜਿੱਤ ਸਕਿਆ।
ਪੰਜਾਬੀ ਯੂਨੀਵਰਸਿਟੀ ਦੇ ਅਰਥ ਸ਼ਾਸਤਰ ਦੇ ਵਿਦਵਾਨ ਹਰਵਿੰਦਰ ਹੁਣ ਰੂਸੀ ਪੈਰਾਲਿੰਪਿਕ ਕਮੇਟੀ ਦੇ ਬਾਟੋ ਸਿਡੇਨਡੋਰਜ਼ਿਏਵ ਦਾ ਸਾਹਮਣਾ ਕਰਨਗੇ।
ਇੱਕ ਮੱਧ ਵਰਗੀ ਕਿਸਾਨ ਪਰਿਵਾਰ ਨਾਲ ਸਬੰਧਿਤ ਸਿੰਘ ਨੂੰ ਡੇਢ ਸਾਲ ਦੀ ਉਮਰ ਵਿੱਚ ਡੇਂਗੂ ਹੋ ਗਿਆ ਸੀ ਅਤੇ ਇੱਕ ਸਥਾਨਕ ਡਾਕਟਰ ਨੇ ਉਸਨੂੰ ਇੱਕ ਇੰਜੈਕਸ਼ਨ ਲਗਾਇਆ ਜਿਸਦਾ ਮਾੜਾ ਪ੍ਰਭਾਵ ਪਿਆ ਅਤੇ ਉਸ ਦੀਆਂ ਲੱਤਾਂ ਨੇ ਉਦੋਂ ਤੋਂ ਸਹੀ ਤਰ੍ਹਾਂ ਕੰਮ ਕਰਨਾ ਬੰਦ ਕਰ ਦਿੱਤਾ।
ਇਸ ਦੇ ਨਾਲ ਹੀ 2019 ਵਿੱਚ ਏਸ਼ੀਅਨ ਪੈਰਾ ਚੈਂਪੀਅਨਸ਼ਿਪ ਜੇਤੂ ਵਿਵੇਕ ਚਿਕਾਰਾ, ਜੋ ਕਿ ਰੈਂਕਿੰਗ ਰਾਊਂਡ ਵਿੱਚ ਸਿਖਰ -10 ਵਿੱਚ ਰਿਹਾ। ਚਿਕਾਰਾ ਨੇ ਸ਼੍ਰੀਲੰਕਾ ਦੇ ਸੰਪਤ ਬਾਂਦਰਾ ਮੇਗਾਹਮੁਲੀਆ ਗਦਾਰਾ ਨੂੰ 6-2 ਨਾਲ ਹਰਾ ਕੇ ਗ੍ਰੇਟ ਬ੍ਰਿਟੇਨ ਦੇ ਡੇਵਿਡ ਫਿਲਿਪਸ ਨਾਲ ਆਖਰੀ -16 ਦਾ ਮੁਕਾਬਲਾ ਸਥਾਪਤ ਕੀਤਾ।
ਇਹ ਵੀ ਪੜ੍ਹੋ: ਜਾਅਲੀ ਸਰਟੀਫਿਕੇਟਾਂ 'ਤੇ ਰਜਿਸਟ੍ਰੇਸ਼ਨਾਂ ਦੀ ਜਾਂਚ ਨੂੰ ਬ੍ਰੇਕ ਦਾ ਗੰਭੀਰ ਨੋਟਿਸ, ਕਾਨੂੰਨੀ ਚਾਰਾਜੋਈ ਦੀ ਚਿਤਾਵਨੀ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
