ਏਸ਼ੀਅਨ ਚੈਂਪੀਅਨਜ਼ ਟਰਾਫੀ ਲਈ ਭਾਰਤੀ ਮਹਿਲਾ ਟੀਮ ਦਾ ਐਲਾਨ, ਸਵਿਤਾ ਪੂਨੀਆ ਕਰੇਗੀ ਕਪਤਾਨੀ

ਟੂਰਨਾਮੈਂਟ ਵਿੱਚ ਚੀਨ, ਕੋਰੀਆ, ਜਾਪਾਨ, ਥਾਈਲੈਂਡ, ਮਲੇਸ਼ੀਆ ਵੀ ਹਿੱਸਾ ਲੈ ਰਹੇ ਹਨ। ਇਸ ਸਾਲ ਐਫਆਈਐਚ ਦੀ ਸਰਵੋਤਮ ਗੋਲਕੀਪਰ ਵਜੋਂ ਚੁਣੀ ਗਈ ਸਵਿਤਾ ਟੂਰਨਾਮੈਂਟ ’ਚ ਕਪਤਾਨੀ ਕਰੇਗੀ।

hockey

ਨਵੀਂ ਦਿੱਲੀ: ਮਹਿਲਾ ਹਾਕੀ ਏਸ਼ੀਅਨ ਚੈਂਪੀਅਨਜ਼ ਟਰਾਫੀ ਲਈ ਭਾਰਤੀ ਟੀਮ ਦਾ ਐਲਾਨ ਹੋ ਗਿਆ ਹੈ। ਕੈਪਟਨ ਰਾਣੀ ਰਾਮਪਾਲ ਨੂੰ ਆਰਾਮ ਦਿੱਤਾ ਗਿਆ ਹੈ ਤੇ ਗੋਲਕੀਪਰ ਸਵਿਤਾ ਪੂਨੀਆ 18 ਮੈਂਬਰੀ ਭਾਰਤੀ ਟੀਮ ਦੀ ਅਗਵਾਈ ਕਰੇਗੀ। ਇਹ ਟੂਰਨਾਮੈਂਟ 5 ਤੋਂ 12 ਦਸੰਬਰ ਤੱਕ ਦੱਖਣੀ ਕੋਰੀਆ ਦੇ ਡੋਂਗਾਈ ਵਿੱਚ ਖੇਡਿਆ ਜਾਵੇਗਾ। ਭਾਰਤ ਨੇ ਪਹਿਲੇ ਦਿਨ ਹੀ ਮੁਹਿੰਮ ਦੀ ਸ਼ੁਰੂਆਤ ਕਰਨੀ ਹੈ।

Team News  

Experienced Goalkeeper  Savita to Captain the 18-member squad for the upcoming Donghae Women’s Asian Champions Trophy 2021 

Check out the whole team here  https://t.co/FoOEE6wyAK#IndiaKaGame

— Hockey India (@TheHockeyIndia) November 19, 2021

ਦੱਸ ਦਈਏ ਕਿ ਟੂਰਨਾਮੈਂਟ ਵਿੱਚ ਚੀਨ, ਕੋਰੀਆ, ਜਾਪਾਨ, ਥਾਈਲੈਂਡ, ਮਲੇਸ਼ੀਆ ਵੀ ਹਿੱਸਾ ਲੈ ਰਹੇ ਹਨ। ਇਸ ਸਾਲ ਐਫਆਈਐਚ ਦੀ ਸਰਵੋਤਮ ਗੋਲਕੀਪਰ ਵਜੋਂ ਚੁਣੀ ਗਈ ਸਵਿਤਾ ਟੂਰਨਾਮੈਂਟ ’ਚ ਕਪਤਾਨੀ ਕਰੇਗੀ। ਡਿਫੈਂਡਰ ਦੀਪ ਗ੍ਰੇਸ ਇੱਕਾ ਉਪ-ਕਪਤਾਨ ਹੋਵੇਗੀ। ਟੋਕੀਓ ਓਲੰਪਿਕ ਦੀ ਫਾਰਵਰਡ ਲਾਲਰੇਮਸਿਆਮੀ ਤੇ ਸ਼ਰਮੀਲਾ ਦੇਵੀ ਤੇ ਮਿਡਫੀਲਡਰ ਸਲੀਮਾ ਟੇਟੇ ਵੀ ਟੀਮ ਵਿੱਚ ਨਹੀਂ ਹਨ। ਤਿੰਨੋਂ ਜੂਨੀਅਰ ਟੀਮ ਦਾ ਹਿੱਸਾ ਹਨ ਜੋ 5 ਦਸੰਬਰ ਤੋਂ ਦੱਖਣੀ ਅਫਰੀਕਾ ਵਿੱਚ ਐਫਆਈਐਚ ਵਿਸ਼ਵ ਕੱਪ ਖੇਡੇਗੀ।


ਨਮਿਤਾ ਟੋਪੋ ਤੇ ਲਿਲੀਮਾ ਮਿੰਜ ਟੀਮ ਵਿੱਚ ਸ਼ਾਮਲ ਹੋਏ। ਫਾਰਵਡ ਕਤਾਰ ਦੀ ਕਮਾਨ ਦੋ ਵਾਰ ਦੀ ਓਲੰਪੀਅਨ ਵੰਦਨਾ ਕਟਾਰੀਆ ਤੇ ਨਵਨੀਤ ਕੌਰ ਸੰਭਾਨਗੀਆਂ। ਟੀਮ ਵਿੱਚ ਉਸ ਦੇ ਨਾਲ ਰਾਜਵਿੰਦਰ ਕੌਰ, ਮਾਰੀਆਨਾ ਕੁਜੁਰ ਤੇ ਸੋਨਿਕਾ ਹਨ। ਮਿਡਫੀਲਡ ਵਿੱਚ ਸੁਸ਼ੀਲਾ ਚਾਨੂ, ਪੁਖਰੰਬਮ, ਨਿਸ਼ਾ, ਮੋਨਿਕਾ, ਨੇਹਾ ਤੇ ਜਯੋਤੀ ਸ਼ਾਮਲ ਹਨ। ਨਵਜੋਤ ਕੌਰ ਤੇ ਸੁਮਨ ਦੇਵੀ ਬਦਲਵੀਆਂ ਖਿਡਾਰਨਾਂ ਹਨ ਤੇ ਜੇ 18 ਮੈਂਬਰੀ ਟੀਮ 'ਚੋਂ ਕੋਈ ਵੀ ਜ਼ਖਮੀ ਜਾਂ ਕਰੋਨਾ ਪੀੜਤ ਹੁੰਦੀ ਹੈ ਤਾਂ ਉਨ੍ਹਾਂ ਨੂੰ ਮੌਕਾ ਮਿਲੇਗਾ।