ਦੱਖਣੀ ਅਫਰੀਕਾ ਦੇ ਸੁਪਰਮੈਨ ਦਾ ਜਨਮਦਿਨ

ਡਿਵਿਲੀਅਰਸ ਦੀ ਪਾਰੀ ਦੇ ਸਹਾਰੇ ਦਖਣੀ ਅਫ੍ਰੀਕਾ ਨੇ ਵੈਸਟ ਇੰਡੀਜ਼ ਵਿਰੁੱਧ ਨਿਰਧਾਰਿਤ 50 ਓਵਰਾਂ 'ਚ 439 ਦੌੜਾਂ ਦਾ ਸਕੋਰ ਖੜਾ ਕੀਤਾ।

ਡਿਵਿਲੀਅਰਸ ਨੇ 16 ਗੇਂਦਾਂ 'ਤੇ ਅਰਧ-ਸੈਂਕੜਾ ਪੂਰਾ ਕੀਤਾ। ਅਰਧ-ਸੈਂਕੜੇ ਤਕ ਪਹੁੰਚਦਿਆਂ ਡਿਵਿਲੀਅਰਸ ਨੇ 3 ਚੌਕੇ ਤੇ 5 ਛੱਕੇ ਜੜੇ। ਫਿਰ ਡਿਵਿਲੀਅਰਸ ਨੇ ਆਪਣੀ ਆਤਿਸ਼ੀ ਪਾਰੀ ਜਾਰੀ ਰਖੀ ਅਤੇ 31 ਗੇਂਦਾਂ 'ਤੇ ਸੈਂਕੜਾ ਪੂਰਾ ਕੀਤਾ। ਸੈਂਕੜੇ ਤਕ ਪਹੁੰਚਦਿਆਂ ਡਿਵਿਲੀਅਰਸ ਨੇ 8 ਚੌਕੇ ਤੇ 10 ਛੱਕੇ ਠੋਕੇ। ਪਰ ਡਿਵਿਲੀਅਰਸ ਦੀ ਪਾਰੀ ਇਥੇ ਹੀ ਨਹੀਂ ਰੁਕੀ। ਡਿਵਿਲੀਅਰਸ ਮੁਕਾਬਲੇ ਦੇ ਆਖਰੀ ਓਵਰ 'ਚ 149 ਦੌੜਾਂ ਬਣਾ ਕੇ ਆਉਟ ਹੋਏ। ਡਿਵਿਲੀਅਰਸ ਨੇ 44 ਗੇਂਦਾਂ 'ਤੇ 149 ਦੌੜਾਂ ਦੀ ਪਾਰੀ ਖੇਡੀ ਅਤੇ ਇਸ ਪਾਰੀ 'ਚ ਸ਼ਾਮਿਲ ਸਨ 9 ਚੌਕੇ ਤੇ 16 ਛੱਕੇ। ਡਿਵਿਲੀਅਰਸ ਨੇ ਇੱਕੋ ਪਾਰੀ 'ਚ ਸਭ ਤੋਂ ਵਧ ਛੱਕੇ ਜੜਨ ਦੇ ਰਿਕਾਰਡ 'ਚ ਵੀ ਰੋਹਿਤ ਸ਼ਰਮਾ ਦੀ ਬਰਾਬਰੀ ਕਰ ਲਈ।