ਥਾਲਾ ਤੇ ਥਲਾਈਵਾ ਦੀ ਮੁਲਾਕਾਤ

ਚੇਨਈ - ਲੰਮੇ ਸਮੇਂ ਤਕ ਚੱਲੀ ਧੋਨੀ ਦੀ ਫਿਲਮ ਦੀ ਉਡੀਕ ਹੁਣ ਖਤਮ ਹੋਣ ਜਾ ਰਹੀ ਹੈ। ਹੁਣ ਕਪਤਾਨ ਕੂਲ ਦੇ ਜੀਵਨ 'ਤੇ ਆਧਾਰਿਤ ਫਿਲਮ 'ਐਮ.ਐਸ. ਧੋਨੀ - ਦੀ ਅਨਟੋਲਡ ਸਟੋਰੀ' ਬਹੁਤ ਜਲਦ ਵੱਡੇ ਪਰਦੇ 'ਤੇ ਹੋਵੇਗੀ। ਫਿਲਮ 'ਚ ਧੋਨੀ ਦਾ ਕਿਰਦਾਰ ਨਿਭਾ ਰਹੇ ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਨਾਲ-ਨਾਲ ਟੀਮ ਇੰਡੀਆ ਦੇ ਕਪਤਾਨ ਕੂਲ ਮਹੇਂਦਰ ਸਿੰਘ ਧੋਨੀ ਵੀ ਆਪਣੀ ਫਿਲਮ ਦੇ ਪਰਮੋਸ਼ਨ 'ਚ ਜੁਟੇ ਹੋਏ ਹਨ। 

 

ਸ਼ੁੱਕਰਵਾਰ ਨੂੰ ਧੋਨੀ ਅਤੇ ਸੁਸ਼ਾਂਤ ਸਿੰਘ ਰਾਜਪੂਤ ਇਸ ਫਿਲਮ ਦੀ ਪਰਮੋਸ਼ਨ ਲਈ ਚੇਨਈ ਪਹੁੰਚੇ ਸਨ। ਸਤਿਅਮ ਸਿਨੇਮਾ 'ਚ ਪਰਮੋਸ਼ਨ ਤੋਂ ਬਾਅਦ ਧੋਨੀ ਅਤੇ ਫਿਲਮ ਦੀ ਸਟਾਰ ਕਾਸਟ ਸੁਪਰਸਟਾਰ ਰਜਨੀਕਾਂਤ ਦੇ ਘਰ ਪਹੁੰਚੇ। ਧੋਨੀ ਨੇ ਰਜਨੀਕਾਂਤ ਨਾਲ ਮੁਲਾਕਾਤ ਕੀਤੀ ਅਤੇ ਦੋਨਾ ਨੇ ਇਕੱਠੇ ਕਾਫੀ ਸਮਾਂ ਫਿਲਮ ਅਤੇ ਕ੍ਰਿਕਟ ਬਾਰੇ ਗਲਬਾਤ ਕੀਤੀ। 

 

ਕਪਤਾਨ ਧੋਨੀ ਨੂੰ ਉਨ੍ਹਾਂ ਦੇ ਫੈਨਸ ਥਾਲਾ (ਬਾਸ, ਸਰ) ਵੀ ਕਹਿੰਦੇ ਹਨ। ਅਤੇ ਰਜਨੀਕਾਂਤ ਨੂੰ ਉਨ੍ਹਾਂ ਦੇ ਫੈਨਸ ਥਲਾਈਵਾ (ਸੁਪਰ ਬਾਸ) ਕਹਿੰਦੇ ਹਨ। ਥਾਲਾ ਅਤੇ ਥਲਾਈਵਾ ਦੀ ਇਹ ਮੁਲਾਕਾਤ ਮਜ਼ੇਦਾਰ ਅਤੇ ਦਿਲਚਸਪ ਸੀ। ਦੋਨਾ ਦੀ ਇਸ ਮੁਲਾਕਾਤ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈਆਂ ਹਨ। 

 

ਇਸ ਫਿਲਮ 'ਚ ਧੋਨੀ ਦਾ ਕਿਰਦਾਰ ਸੁਸ਼ਾਂਤ ਸਿੰਘ ਰਾਜਪੂਤ ਨਿਭਾ ਰਹੇ ਹਨ। ਫਿਲਮ 'ਚ ਅਨੁਪਮ ਖੇਰ ਅਤੇ ਕੀਆਰਾ ਅਡਵਾਨੀ ਵਰਗੇ ਕਲਾਕਾਰ ਵੀ ਮੁੱਖ ਭੂਮਿਕਾ 'ਚ ਨਜਰ ਆਉਣਗੇ। ਫਿਲਮ 'ਚ ਕੀਆਰਾ ਆਡਵਾਨੀ ਧੋਨੀ ਦੀ ਪਤਨੀ ਬਣਨ ਜਾ ਰਹੀ ਹੈ। ਫਿਲਮ 'ਐਮ.ਐਸ. ਧੋਨੀ : ਦ ਅਨਟੋਲਡ ਸਟੋਰੀ' ਨੀਰਜ ਪਾਂਡੇ ਦੇ ਨਿਰਦੇਸ਼ਨ 'ਚ ਬਣੀ ਹੈ।