Javelin thrower Neeraj Chopra: ਓਲੰਪਿਕ ਸੋਨ ਤਮਗਾ ਜੇਤੂ ਨੀਰਜ ਚੋਪੜਾ ਦਾ ਵੱਡਾ ਬਿਆਨ, ਇਸ ਸੀਜ਼ਨ 90 ਮੀਟਰ ਥ੍ਰੋ ਕਰਨਾ ਚਾਹੁੰਦੇ
ਨੀਰਜ ਚੋਪੜਾ ਸੀਜ਼ਨ ਦਾ ਆਪਣਾ ਪਹਿਲਾ ਮੁਕਾਬਲਾ ਫਿਨਲੈਂਡ ਵਿੱਚ ਖੇਡੇਗਾ ਜਿੱਥੇ ਉਸਦਾ ਸਾਹਮਣਾ ਜਰਮਨੀ ਦੇ ਪੀਟਰਸ ਅਤੇ ਜੋਹਾਨਸ ਵੇਟਰ ਨਾਲ ਹੋਵੇਗਾ ਜੋ ਕਈ ਵਾਰ 90 ਮੀਟਰ ਤੋਂ ਵੱਧ ਥ੍ਰੋ ਕਰ ਚੁੱਕੇ ਹਨ।
Neeraj Chopra: ਓਲੰਪਿਕ ਤਮਗਾ ਜੇਤੂ ਜੈਵਲਿਨ ਥ੍ਰੋਅਰ ਨੀਰਜ ਚੋਪੜਾ ਦਾ ਕਹਿਣਾ ਹੈ ਕਿ ਉਹ ਸੀਜ਼ਨ ਦੀ ਸ਼ੁਰੂਆਤ ਤੋਂ ਪਹਿਲਾਂ ਆਪਣੇ ਵਿਰੋਧੀਆਂ ਦੇ ਸਰਵੋਤਮ ਪ੍ਰਦਰਸ਼ਨ ਤੋਂ ਪਰੇਸ਼ਾਨ ਨਹੀਂ ਹੈ ਪਰ ਉਨ੍ਹਾਂ ਕਿਹਾ ਕਿ ਉਹ ਇਸ ਸਾਲ 90 ਮੀਟਰ ਦੀ ਥ੍ਰੋ ਕਰਨਾ ਚਾਹੇਗਾ।
13 ਮਈ ਨੂੰ ਦੋਹਾ ਡਾਇਮੰਡ ਲੀਗ ਵਿੱਚ ਮੌਜੂਦਾ ਵਿਸ਼ਵ ਚੈਂਪੀਅਨ ਗ੍ਰੇਨਾਡਾ ਦੇ ਐਂਡਰਸਨ ਪੀਟਰਸ ਅਤੇ ਟੋਕੀਓ ਓਲੰਪਿਕ ਚਾਂਦੀ ਦਾ ਤਗਮਾ ਜੇਤੂ ਚੈੱਕ ਗਣਰਾਜ ਦੇ ਜੈਕਬ ਵਾਲਚ ਨੇ ਕ੍ਰਮਵਾਰ 93.07 ਅਤੇ 90.88 ਮੀਟਰ ਥ੍ਰੋ ਸੁੱਟੇ।
ਚੋਪੜਾ ਨੇ ਤੁਰਕੀ ਵਿੱਚ ਆਪਣੇ ਅਭਿਆਸ ਕੇਂਦਰ ਵਿੱਚ ਇੱਕ ਔਨਲਾਈਨ ਗੱਲਬਾਤ ਵਿੱਚ ਕਿਹਾ, “ਮੈਂ ਦੂਰੀ ਦਾ ਦਬਾਅ ਨਹੀਂ ਲੈਂਦਾ। ਪੀਟਰਸ ਅਤੇ ਜੈਕਬ ਬਹੁਤ ਮਿਹਨਤ ਕਰ ਰਹੇ ਹਨ ਜਿਸ ਕਾਰਨ ਉਨ੍ਹਾਂ ਨੇ ਵਧੀਆ ਪ੍ਰਦਰਸ਼ਨ ਕੀਤਾ। ਮੇਰਾ ਵੀ 90 ਮੀਟਰ ਪਾਰ ਕਰਨ ਦਾ ਸੁਪਨਾ ਹੈ ਅਤੇ ਮੈਂ ਇਸ ਸਾਲ ਕੋਸ਼ਿਸ਼ ਕਰਾਂਗਾ।"
ਉਸਨੇ ਕਿਹਾ "ਮੈਂ ਜਾਣਦਾ ਹਾਂ ਕਿ ਮੁਕਾਬਲਾ ਸਖ਼ਤ ਹੈ ਅਤੇ ਇਹ ਵਧ ਰਿਹਾ ਹੈ। ਇਹ ਦਿਨ ਦੇ ਪ੍ਰਦਰਸ਼ਨ, ਮੌਸਮ ਅਤੇ ਹੋਰ ਸਥਿਤੀਆਂ 'ਤੇ ਨਿਰਭਰ ਕਰਦਾ ਹੈ। ਮੈਂ ਆਮ ਤੌਰ 'ਤੇ ਕਿਸੇ ਦੇ ਪ੍ਰਦਰਸ਼ਨ ਜਾਂ ਰਿਕਾਰਡ ਨੂੰ ਪਿੱਛੇ ਛੱਡਣ ਬਾਰੇ ਨਹੀਂ ਸੋਚਦਾ। ਮੇਰਾ ਧਿਆਨ ਆਪਣਾ ਸਰਵੋਤਮ ਪ੍ਰਦਰਸ਼ਨ ਕਰਨ 'ਤੇ ਰਹਿੰਦਾ ਹੈ।''
ਚੋਪੜਾ ਇਸ ਸਮੇਂ ਤੁਰਕੀ ਦੇ ਅੰਤਾਲਿਆ ਵਿੱਚ ਕੋਚ ਕਲੌਸ ਬਾਰਟੋਨੀਜ ਨਾਲ ਸਿਖਲਾਈ ਲੈ ਰਿਹਾ ਹੈ। ਉਸ ਦਾ ਵਿਅਕਤੀਗਤ ਸਰਵੋਤਮ ਪ੍ਰਦਰਸ਼ਨ 88.07 ਮੀਟਰ ਹੈ। ਉਹ ਸੀਜ਼ਨ ਦਾ ਆਪਣਾ ਪਹਿਲਾ ਮੁਕਾਬਲਾ ਫਿਨਲੈਂਡ ਵਿੱਚ ਖੇਡੇਗਾ ਜਿੱਥੇ ਉਸਦਾ ਸਾਹਮਣਾ ਪੀਟਰਸ ਅਤੇ ਜਰਮਨੀ ਦੇ ਜੋਹਾਨਸ ਵੇਟਰ ਨਾਲ ਹੋਵੇਗਾ, ਜੋ ਕਈ ਵਾਰ 90 ਮੀਟਰ ਤੋਂ ਵੱਧ ਥਰੋਅ ਕਰ ਚੁੱਕੇ ਹਨ।
ਫਿਰ ਉਹ ਜੂਨ ਵਿੱਚ ਫਿਨਲੈਂਡ ਵਿੱਚ ਕੁਆਰਟਨ ਖੇਡਾਂ ਵਿੱਚ ਹਿੱਸਾ ਲਵੇਗਾ ਜਿੱਥੇ ਉਹ ਪਿਛਲੇ ਸਾਲ ਤੀਜੇ ਸਥਾਨ 'ਤੇ ਰਿਹਾ ਸੀ। ਉਨ੍ਹਾਂ ਕਿਹਾ, ''ਮੇਰਾ ਟੀਚਾ ਵਿਸ਼ਵ ਚੈਂਪੀਅਨਸ਼ਿਪ 'ਚ ਚੰਗਾ ਪ੍ਰਦਰਸ਼ਨ ਕਰਨਾ ਹੈ। ਇਸ ਤੋਂ ਇਲਾਵਾ ਮੈਂ ਰਾਸ਼ਟਰਮੰਡਲ ਖੇਡਾਂ 'ਚ ਫਿਰ ਤੋਂ ਸੋਨ ਤਮਗਾ ਜਿੱਤਣਾ ਚਾਹਾਂਗਾ।’’
ਇਹ ਵੀ ਪੜ੍ਹੋ: Laal Singh Chaddha: ਲਾਲ ਸਿੰਘ ਚੱਢਾ ਦੇ ਟ੍ਰੇਲਰ ਰਿਲੀਜ਼ ਆਮਿਰ ਖ਼ਾਨ ਨੇ ਚੁਣੀ ਇਤਿਹਾਸਕ ਤਰੀਕ, ਜਾਣੋ ਕਦੋਂ ਆ ਰਹੀ ਲਾਲ ਸਿੰਘ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
