Mobile Tariff Hike: ਮੋਬਾਈਲ ਕੰਪਨੀਆਂ ਦੇ ਟੈਰਿਫ ਵਧਣ ਨਾਲ ਤੁਹਾਡੀ ਜੇਬ 'ਤੇ ਪਵੇਗਾ 47 ਹਜ਼ਾਰ ਕਰੋੜ ਰੁਪਏ ਦਾ ਅਸਰ, ਆਮ ਜਨਤਾ ਦੀ ਵੱਧੇਗੀ ਟੈਂਸ਼ਨ
Mobile: ਜਦੋਂ ਤੋਂ Smart Mobile ਆਏ ਹਨ ਤਾਂ ਹਰ ਕੋਈ ਇੰਟਰਨੈੱਟ ਦੀ ਵਰਤੋਂ ਕਰਦਾ ਹੈ। ਇਸ ਲਈ ਬਹੁਤ ਸਾਰੀਆਂ ਕੰਪਨੀਆਂ ਵੱਖਰੇ-ਵੱਖਰੇ ਪਲਾਨ ਦਿੰਦੀਆਂ ਹਨ। ਦੇਸ਼ ਦੀਆਂ 3 ਸਭ ਤੋਂ ਵੱਡੀਆਂ ਟੈਲੀਕਾਮ ਕੰਪਨੀਆਂ ਮੋਬਾਈਲ ਟੈਰਿਫ ਵਧਾਉਣ ਦਾ ਐਲਾਨ
Mobile Tariff Hike: ਦੇਸ਼ ਦੀਆਂ ਤਿੰਨ ਸਭ ਤੋਂ ਵੱਡੀਆਂ ਟੈਲੀਕਾਮ ਕੰਪਨੀਆਂ ਰਿਲਾਇੰਸ ਜੀਓ, ਭਾਰਤੀ ਏਅਰਟੈੱਲ ਅਤੇ ਵੋਡਾਫੋਨ ਆਈਡੀਆ ਨੇ ਮੋਬਾਈਲ ਟੈਰਿਫ ਵਧਾਉਣ ਦਾ ਐਲਾਨ ਕੀਤਾ ਹੈ। ਇਨ੍ਹਾਂ ਕੰਪਨੀਆਂ ਨੇ ਮੋਬਾਈਲ ਟੈਰਿਫ ਵਧਾ ਕੇ ਨਵੇਂ ਪਲਾਨ ਪੇਸ਼ ਕੀਤੇ ਹਨ। ਇਸ ਵਾਧੇ ਤੋਂ ਬਾਅਦ ਗਾਹਕਾਂ 'ਤੇ ਮੋਬਾਈਲ ਟੈਰਿਫ ( Mobile Tariff) ਦੇ ਖਰਚੇ ਦਾ ਬੋਝ ਵਧਣ ਵਾਲਾ ਹੈ, ਜਿਸ ਦਾ ਸਿੱਧਾ-ਸਿੱਧਾ ਅਸਰ ਲੋਕਾਂ ਦੀ ਜੇਬ ਉੱਤੇ ਹੋਵੇਗਾ।
47,500 ਕਰੋੜ ਰੁਪਏ ਦਾ ਵਾਧੂ ਬੋਝ ਪੈਣ ਦੀ ਸੰਭਾਵਨਾ ਹੈ
ET ਦੀ ਇਕ ਰਿਪੋਰਟ ਮੁਤਾਬਕ ਟੈਰਿਫ 'ਚ ਇਸ ਵਾਧੇ ਤੋਂ ਬਾਅਦ ਗਾਹਕਾਂ 'ਤੇ ਸਾਲਾਨਾ 47,500 ਕਰੋੜ ਰੁਪਏ ਦਾ ਵਾਧੂ ਬੋਝ ਪੈਣ ਦੀ ਸੰਭਾਵਨਾ ਹੈ। ਹਾਲ ਹੀ ਵਿੱਚ, ਦੂਰਸੰਚਾਰ ਕੰਪਨੀਆਂ ਨੇ ਦੇਸ਼ ਵਿੱਚ ਗਾਹਕਾਂ ਨੂੰ 5G ਨੈੱਟਵਰਕ ਪ੍ਰਦਾਨ ਕਰਨ ਲਈ ਭਾਰੀ ਨਿਵੇਸ਼ ਕੀਤਾ ਹੈ। ਹੁਣ ਗਾਹਕਾਂ ਨੂੰ 5ਜੀ ਸੇਵਾ ਲੈਣ ਲਈ 71 ਫੀਸਦੀ ਜ਼ਿਆਦਾ ਦੇਣੇ ਪੈਣਗੇ। ਹਾਲਾਂਕਿ, ਜੇਕਰ ਕੰਪਨੀਆਂ ਨੇ ਪ੍ਰਤੀ ਉਪਭੋਗਤਾ ਔਸਤ ਮਾਲੀਆ (ARPU) 15 ਤੋਂ 17 ਪ੍ਰਤੀਸ਼ਤ ਤੱਕ ਵਧਾਇਆ ਹੁੰਦਾ, ਤਾਂ ਉਨ੍ਹਾਂ ਨੇ ਆਪਣੀ ਲਾਗਤ ਵਸੂਲ ਕੀਤੀ ਹੁੰਦੀ।
ਤੁਹਾਨੂੰ 5ਜੀ ਸੇਵਾ ਲਈ ਜ਼ਿਆਦਾ ਪੈਸੇ ਦੇਣੇ ਪੈਣਗੇ
ਇਕਨਾਮਿਕ ਟਾਈਮਜ਼ ਦੀ ਰਿਪੋਰਟ ਮੁਤਾਬਕ ਰਿਲਾਇੰਸ ਜੀਓ ਅਤੇ ਭਾਰਤੀ ਏਅਰਟੈੱਲ ਦੇ ਗਾਹਕਾਂ ਨੂੰ 5ਜੀ ਸੇਵਾ ਲੈਣ ਲਈ ਪਹਿਲਾਂ ਨਾਲੋਂ ਜ਼ਿਆਦਾ ਪੈਸੇ ਖਰਚ ਕਰਨੇ ਪੈਣਗੇ। Jio ਗਾਹਕਾਂ ਨੂੰ 5G ਸੇਵਾ ਲਈ ਪਹਿਲਾਂ ਨਾਲੋਂ 46 ਫੀਸਦੀ ਜ਼ਿਆਦਾ ਪੈਸੇ ਖਰਚਣੇ ਪੈਣਗੇ। ਜਦੋਂ ਕਿ ਭਾਰਤੀ ਏਅਰਟੈੱਲ ਯੂਜ਼ਰਸ ਲਈ ਇਹ ਖਰਚ 71 ਫੀਸਦੀ ਤੋਂ ਜ਼ਿਆਦਾ ਹੈ।
ਨਵੇਂ ਟੈਰਿਫ ਪਲਾਨ ਦੇ ਅਨੁਸਾਰ, ਰਿਲਾਇੰਸ ਜੀਓ ਉਪਭੋਗਤਾਵਾਂ ਨੂੰ ਹੁਣ ਪ੍ਰਤੀ ਦਿਨ 2 ਜੀਬੀ ਡੇਟਾ ਲਈ 349 ਰੁਪਏ ਦੇਣੇ ਹੋਣਗੇ। ਇਸ ਤੋਂ ਪਹਿਲਾਂ ਗਾਹਕਾਂ ਨੂੰ 239 ਰੁਪਏ ਦੇ ਬੇਸ ਪੈਕ 'ਤੇ ਰੋਜ਼ਾਨਾ 1.5 ਜੀਬੀ ਡਾਟਾ ਮਿਲਦਾ ਸੀ। ਜਦਕਿ ਏਅਰਟੈੱਲ ਯੂਜ਼ਰ ਨੂੰ ਹੁਣ 2.5 ਜੀਬੀ ਡੇਟਾ ਪ੍ਰਤੀ ਦਿਨ ਲਈ 409 ਰੁਪਏ ਦੇਣੇ ਹੋਣਗੇ। ਪਹਿਲਾਂ ਗਾਹਕਾਂ ਨੂੰ 1.5 ਜੀਬੀ ਡੇਟਾ ਲਈ ਸਿਰਫ਼ 239 ਰੁਪਏ ਦੇਣੇ ਪੈਂਦੇ ਸਨ।
ਗਾਹਕਾਂ 'ਤੇ 47,000 ਕਰੋੜ ਰੁਪਏ ਦਾ ਵਾਧੂ ਬੋਝ ਪਵੇਗਾ
ਰਿਪੋਰਟ 'ਚ ਗੋਲਡਮੈਨ ਸਾਕਸ ਦੇ ਅੰਦਾਜ਼ੇ ਮੁਤਾਬਕ ਕਿਹਾ ਗਿਆ ਹੈ ਕਿ ਜੀਓ ਦੇ ਟੈਰਿਫ ਪਲਾਨ (Tariff plan) ਨੂੰ ਵਧਾਉਣ ਦੇ ਫੈਸਲੇ ਤੋਂ ਬਾਅਦ ਪ੍ਰਤੀ ਯੂਜ਼ਰ ਦੀ ਔਸਤ ਆਮਦਨ (ARPU) 'ਚ 17 ਫੀਸਦੀ ਦਾ ਵਾਧਾ ਹੋਣ ਦੀ ਸੰਭਾਵਨਾ ਹੈ। ਏਅਰਟੈੱਲ ਨੇ ਆਪਣੇ ਮੋਬਾਈਲ ਟੈਰਿਫ ਪਲਾਨ ਨੂੰ 11 ਤੋਂ 21 ਫੀਸਦੀ ਤੱਕ ਵਧਾਉਣ ਦਾ ਫੈਸਲਾ ਕੀਤਾ ਹੈ।
ਇਸ ਤੋਂ ਇਲਾਵਾ ਵੋਡਾਫੋਨ ਅਤੇ ਆਈਡੀਆ ਨੇ ਵੀ ਆਪਣੇ ਟੈਰਿਫ ਪਲਾਨ 'ਚ 10 ਤੋਂ 23 ਫੀਸਦੀ ਦਾ ਵਾਧਾ ਕੀਤਾ ਹੈ। ਮੋਬਾਈਲ ਟੈਲੀਕਾਮ ਕੰਪਨੀਆਂ ਨੇ ਦਸੰਬਰ 2021 ਤੋਂ ਮੋਬਾਈਲ ਟੈਰਿਫ ਨਹੀਂ ਵਧਾਏ ਸਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
