ਮਹਿੰਗੇ ਰੀਚਾਰਜਾਂ ਤੋਂ ਹੋ ਗਏ ਪਰੇਸ਼ਾਨ ? ਤਾਂ ਜਾਣੋ BSNL 'ਚ ਸਿਮ ਪੋਰਟ ਕਰਨ ਦਾ ਤਰੀਕਾ, ਘਟ ਜਾਵੇਗਾ ਖ਼ਰਚਾ !
ਜੇ ਤੁਸੀਂ ਵੀ ਆਪਣੇ ਮੌਜੂਦਾ ਮੋਬਾਈਲ ਨੰਬਰ ਨੂੰ BSNL ਵਿੱਚ ਪੋਰਟ ਕਰਨਾ ਚਾਹੁੰਦੇ ਹੋ, ਤਾਂ ਇੱਥੇ ਇੱਕ ਕਦਮ-ਦਰ-ਕਦਮ ਗਾਈਡ ਹੈ ਕਿ ਤੁਸੀਂ ਆਪਣੇ ਸਿਮ ਨੂੰ BSNL ਵਿੱਚ ਕਿਵੇਂ ਪੋਰਟ ਕਰ ਸਕਦੇ ਹੋ।
Costly Recharge: ਭਾਰਤ ਵਿੱਚ ਬਹੁਤ ਸਾਰੇ ਉਪਭੋਗਤਾ ਹਾਲ ਹੀ ਵਿੱਚ ਟੈਰਿਫ ਵਿੱਚ ਬਦਲਾਅ ਤੋਂ ਬਾਅਦ ਆਪਣੇ ਮੌਜੂਦਾ ਟੈਲੀਕਾਮ ਆਪਰੇਟਰਾਂ ਤੋਂ BSNL (Bharat Sanchar Nigam Limited) 'ਚ ਬਦਲਣ ਬਾਰੇ ਸੋਚ ਰਹੇ ਹਨ। Jio, Vi (Vodafone Idea) ਅਤੇ Airtel ਵਰਗੀਆਂ ਵੱਡੀਆਂ ਪ੍ਰਾਈਵੇਟ ਟੈਲੀਕਾਮ ਕੰਪਨੀਆਂ ਨੇ ਪ੍ਰੀਪੇਡ ਅਤੇ ਪੋਸਟਪੇਡ ਰੀਚਾਰਜ ਪਲਾਨ ਦੀਆਂ ਕੀਮਤਾਂ ਵਿੱਚ ਔਸਤਨ 15 ਫੀਸਦੀ ਦਾ ਵਾਧਾ ਕੀਤਾ ਹੈ। ਇਸ ਦੇ ਨਾਲ ਇਨ੍ਹਾਂ ਆਪਰੇਟਰਾਂ ਦੇ ਸਾਲਾਨਾ ਰੀਚਾਰਜ ਪਲਾਨ 'ਚ ਕਰੀਬ 500 ਤੋਂ 600 ਰੁਪਏ ਦਾ ਵਾਧਾ ਹੋਇਆ ਹੈ।
BSNL ਵੀ ਇਸ ਸਥਿਤੀ ਦਾ ਫਾਇਦਾ ਉਠਾ ਰਹੀ ਹੈ। ਸਰਕਾਰੀ ਕੰਪਨੀ ਆਪਣੇ ਰੀਚਾਰਜ ਪਲਾਨ ਨੂੰ ਸਰਗਰਮੀ ਨਾਲ ਉਤਸ਼ਾਹਿਤ ਕਰ ਰਹੀ ਹੈ, ਜੋ ਹੋਰ ਟੈਲੀਕਾਮ ਆਪਰੇਟਰਾਂ ਦੇ ਰੀਚਾਰਜ ਪਲਾਨ ਨਾਲੋਂ ਜ਼ਿਆਦਾ ਸਸਤੇ ਹਨ। BSNL ਆਪਣੇ 2G/3G ਨੈੱਟਵਰਕ 'ਤੇ ਕੰਮ ਕਰ ਰਿਹਾ ਹੈ ਤੇ ਵਰਤਮਾਨ ਵਿੱਚ ਇਸਦੀਆਂ 4G ਸੇਵਾਵਾਂ ਦੇਸ਼ ਦੇ ਚੋਣਵੇਂ ਖੇਤਰਾਂ ਵਿੱਚ ਉਪਲਬਧ ਹਨ। ਇਸ ਤੋਂ ਅਗਲੇ ਮਹੀਨੇ ਦੇਸ਼ ਭਰ ਵਿੱਚ ਆਪਣੀਆਂ 4ਜੀ ਸੇਵਾਵਾਂ ਸ਼ੁਰੂ ਕਰਨ ਦੀ ਵੀ ਉਮੀਦ ਹੈ।
ਜੇ ਤੁਸੀਂ ਵੀ ਆਪਣੇ ਮੌਜੂਦਾ ਮੋਬਾਈਲ ਨੰਬਰ ਨੂੰ BSNL ਵਿੱਚ ਪੋਰਟ ਕਰਨਾ ਚਾਹੁੰਦੇ ਹੋ, ਤਾਂ ਇੱਥੇ ਇੱਕ ਕਦਮ-ਦਰ-ਕਦਮ ਗਾਈਡ ਹੈ ਕਿ ਤੁਸੀਂ ਆਪਣੇ ਸਿਮ ਨੂੰ BSNL ਵਿੱਚ ਕਿਵੇਂ ਪੋਰਟ ਕਰ ਸਕਦੇ ਹੋ।
ਕਿਵੇਂ ਕਰੀਏ ਪੋਰਟ
1. 1900 'ਤੇ ਇੱਕ SMS ਭੇਜ ਕੇ ਵਿਲੱਖਣ ਪੋਰਟਿੰਗ ਕੋਡ (UPC) ਪ੍ਰਾਪਤ ਕਰੋ। SMS ਦਾ ਫਾਰਮੈਟ “PORT ਸਪੇਸ 10 ਅੰਕਾਂ ਵਾਲਾ ਮੋਬਾਈਲ ਨੰਬਰ” ਹੋਵੇਗਾ। ਉਦਾਹਰਨ ਲਈ, ਪੋਰਟ 8888888888
2. ਇਸ ਤੋਂ ਬਾਅਦ ਮੋਬਾਈਲ ਨੰਬਰ ਪੋਰਟਿੰਗ ਲਈ ਬੇਨਤੀ ਕਰਨ ਲਈ BSNL CSC (ਗਾਹਕ ਸੇਵਾ ਕੇਂਦਰ) / ਅਧਿਕਾਰਤ ਫਰੈਂਚਾਈਜ਼ੀ / ਰਿਟੇਲਰ 'ਤੇ ਜਾਓ।
3. ਗਾਹਕ ਐਪਲੀਕੇਸ਼ਨ ਫਾਰਮ (CAF) ਭਰੋ ਤੇ ਪ੍ਰੋਸੈਸਿੰਗ ਲਈ ਲਾਜ਼ਮੀ ਪੋਰਟਿੰਗ ਫੀਸ ਦਾ ਭੁਗਤਾਨ ਕਰੋ। ਹਾਲਾਂਕਿ, ਚੰਗੀ ਗੱਲ ਇਹ ਹੈ ਕਿ ਫਿਲਹਾਲ BSNL ਆਪਣੇ ਨੈੱਟਵਰਕ 'ਤੇ ਪੋਰਟ ਕਰਨ ਲਈ ਗਾਹਕਾਂ ਤੋਂ ਕੋਈ ਚਾਰਜ ਨਹੀਂ ਲੈ ਰਿਹਾ ਹੈ।
4. ਇਸ ਤੋਂ ਬਾਅਦ ਤੁਹਾਨੂੰ ਇੱਕ ਨਵਾਂ BSNL ਸਿਮ ਕਾਰਡ ਜਾਰੀ ਕੀਤਾ ਜਾਵੇਗਾ। ਪੋਰਟਿੰਗ ਬੇਨਤੀ ਨਾਲ ਸਹਿਮਤ ਹੋਣ ਤੋਂ ਬਾਅਦ, BSNL ਤੁਹਾਨੂੰ ਪੋਰਟਿੰਗ ਦੀ ਮਿਤੀ ਅਤੇ ਸਮਾਂ ਪ੍ਰਦਾਨ ਕਰੇਗਾ। ਤੁਹਾਨੂੰ ਨਿਰਧਾਰਤ ਸਮੇਂ 'ਤੇ ਆਪਣਾ ਸਿਮ ਕਾਰਡ ਬਦਲਣਾ ਹੋਵੇਗਾ।
ਜੇ ਤੁਹਾਨੂੰ ਕੋਈ ਸਮੱਸਿਆ ਆਉਂਦੀ ਹੈ, ਤਾਂ ਟੋਲ-ਫ੍ਰੀ ਨੰਬਰ 1800-180-1503 'ਤੇ ਸੰਪਰਕ ਕਰੋ ਜਾਂ 1503 'ਤੇ ਕਾਲ ਕਰੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
