Apple ਦੀ ਅਪਕਮਿੰਗ iPhone 13 ਸੀਰੀਜ਼ 'ਚ ਨਹੀਂ ਮਿਲੇਗਾ ਇਹ ਖ਼ਾਸ ਫੀਚਰ

ਕੰਪਨੀ ਦੇ ਅਨੁਸਾਰ iPhone 13 ਦੇ ਕੈਮਰਿਆਂ ਨੂੰ ਵੀ ਪਿਛਲੇ ਮਾਡਲਾਂ ਦੇ ਮੁਕਾਬਲੇ ਬਿਹਤਰ ਬਣਾਇਆ ਗਿਆ ਹੈ।

ਸੰਕੇਤਕ ਤਸਵੀਰ

iPhone 13: ਪ੍ਰਸਿੱਧ ਅਮਰੀਕੀ ਟੈਕ ਕੰਪਨੀ Apple ਦੀ ਆਉਣ ਵਾਲੀ ਸੀਰੀਜ਼ iPhone 13 ਦੀ ਲਾਂਚਿੰਗ ਤੋਂ ਪਹਿਲਾਂ ਯੂਜਰਾਂ ਦੀਆਂ ਉਮੀਦਾਂ ਨੂੰ ਵੱਡਾ ਝਟਕਾ ਲੱਗਿਆ ਹੈ। ਦਰਅਸਲ iPhone 13 ਨੂੰ ਬਿਨਾਂ ਇਨ-ਡਿਸਪਲੇਅ ਟਚ ਆਈਡੀ ਸਪੋਰਟ ਦੇ ਨਾਲ ਹੀ ਮਾਰਕੀਟ 'ਚ ਪੇਸ਼ ਕੀਤਾ ਜਾ ਸਕਦਾ ਹੈ।

ਮੀਡੀਆ ਰਿਪੋਰਟਾਂ ਅਨੁਸਾਰ Apple ਦੁਆਰਾ iPhone 13 ਸੀਰੀਜ਼ ਦੇ ਸਮਾਰਟਫ਼ੋਨਾਂ 'ਚ ਟਚ ਆਈਡੀ ਦੀ ਟੈਸਟਿੰਗ ਜ਼ਰੂਰ ਕੀਤੀ ਜਾ ਰਹੀ ਹੈ, ਪਰ ਮੰਨਿਆ ਜਾ ਰਿਹਾ ਹੈ ਕਿ iPhone 13 ਨੂੰ ਟਚ ਆਈਡੀ ਸਪੋਰਟ ਨਹੀਂ ਦਿੱਤੀ ਜਾਵੇਗੀ। ਖਬਰਾਂ ਦੇ ਅਨੁਸਾਰ Apple ਤੋਂ iPhone 13 ਸੀਰੀਜ਼ ਤਹਿਤ ਚਾਰ ਮਾਡਲ ਲਾਂਚ ਕੀਤੇ ਜਾਣਗੇ। ਇਸ 'ਚ ਇੱਕ ਛੋਟਾ ਨੌਚ ਡਿਸਪਲੇ ਦੇ ਨਾਲ ਇਕ ਨਵਾਂ ਕੈਮਰਾ ਸੈਟਅਪ ਹੋ ਸਕਦਾ ਹੈ। ਆਓ ਜਾਣਦੇ ਹਾਂ ਇਸ 'ਚ ਹੋਰ ਕੀ ਖਾਸ ਹੋ ਸਕਦਾ ਹੈ।

ਪਹਿਲਾਂ ਤੋਂ ਫਾਸਟ ਹੋਵੇਗੀ 5G ਦੀ ਸਪੀਡ

ਲੀਕ ਹੋਈਆਂ ਰਿਪੋਰਟਾਂ ਦੇ ਅਨੁਸਾਰ iPhone 13 ਸੀਰੀਜ਼ mmWave 5G ਲਈ ਸਮਰਥਨ ਪ੍ਰਾਪਤ ਕਰ ਸਕਦੀ ਹੈ। ਕਈ ਦੇਸ਼ਾਂ 'ਚ ਇਸ ਸਾਲ ਤਕ mmWave 5G ਕਵਰੇਜ਼ ਮਿਲਣ ਲੱਗੇਗੀ, ਜਿਸ ਨਾਲ iPhone 13 ਰਾਹੀਂ ਯੂਜਰ ਹਾਈ ਸਪੀਡ 5G ਕਨੈਕਟੀਵਿਟੀ ਦਾ ਅਨੰਦ ਲੈ ਸਕਣਗੇ। ਤੁਹਾਨੂੰ ਦੱਸ ਦੇਈਏ ਕਿ ਹੋਰ 5G ਨੈਟਵਰਕਾਂ ਦੇ ਮੁਕਾਬਲੇ mmWave ਨੈੱਟਵਰਕ 'ਤੇ ਤੇਜ਼ ਇੰਟਰਨੈਟ ਸਪੀਡ ਉਪਲੱਬਧ ਹੈ, ਪਰ ਇਸ ਦੀ ਕੀਮਤ ਵੀ ਬਹੁਤ ਜ਼ਿਆਦਾ ਹੈ।

ਸ਼ਾਨਦਾਰ ਕੈਮਰੇ ਹੋਣਗੇ

ਕੰਪਨੀ ਦੇ ਅਨੁਸਾਰ iPhone 13 ਦੇ ਕੈਮਰਿਆਂ ਨੂੰ ਵੀ ਪਿਛਲੇ ਮਾਡਲਾਂ ਦੇ ਮੁਕਾਬਲੇ ਬਿਹਤਰ ਬਣਾਇਆ ਗਿਆ ਹੈ। ਸਿਨੇਮੈਟਿਕ ਵੀਡੀਓ ਨਾਂਅ ਦਾ ਇੱਕ ਨਵਾਂ ਰਿਕਾਰਡਿੰਗ ਮੋਡ ਫੋਨ 'ਚ ਦਿੱਤਾ ਜਾਵੇਗਾ, ਜੋ ਵੀਡੀਓ ਵਿੱਚ ਫੋਟੋ-ਬੋਕੇਹ ਇਫੈਕਟ ਲਿਆਏਗਾ। ਇੰਨਾ ਹੀ ਨਹੀਂ, ਯੂਜਰ ਪੋਰਟਰੇਟ ਮੋਡ ਦੀ ਤਰ੍ਹਾਂ ਇਸ ਨੂੰ ਰਿਕਾਰਡ ਕਰਨ ਤੋਂ ਬਾਅਦ ਆਪਣੇ ਵੀਡੀਓ ਵਿੱਚ ਕਿੰਨਾ ਧੁੰਦਲਾ ਰੱਖਣਾ ਹੈ, ਇਸ ਨੂੰ ਵੀ ਚੇਂਜ ਕਰ ਸਕਣਗੇ।

ਅਜਿਹਾ ਹੋਵੇਗਾ ਡਿਸਪਲੇਅ

Apple ਦੇ ਇਹ ਆਈਫੋਨ iOS 15, A15 bionic 'ਤੇ ਕੰਮ ਕਰਨਗੇ। ਇਨ੍ਹਾਂ 'ਚ ਇਮੇਜ ਪ੍ਰੋਸੈਸਿੰਗ ਲਈ ਲਿਕਵਿਡ ਕ੍ਰਿਸਟਲ ਪੌਲੀਮਰ ਸਰਕਟ ਬੋਰਡ ਤੋਂ ਇਲਾਵਾ ਇੱਕ ਨਾਈਟ ਮੋਡ ਕੈਮਰਾ ਦਿੱਤਾ ਜਾ ਸਕਦਾ ਹੈ। ਇਨ੍ਹਾਂ 'ਚ ਨਵਾਂ Qualcomm X60 ਮਾਡਲ ਅਤੇ WiFi 6E ਸਪੋਰਟ ਮਿਲਣ ਦੀ ਉਮੀਦ ਹੈ। iPhone 13 Pro ਤੇ iPhone 13 Pro Max ਵਿੱਚ 120Hz ਰਿਫਰੈਸ਼ ਰੇਟ ਦੇ ਨਾਲ ਡਿਸਪਲੇ ਦਿੱਤਾ ਜਾ ਸਕਦਾ ਹੈ। ਇਨ੍ਹਾਂ 'ਚ 512GB ਤੱਕ ਦੀ ਇੰਟਰਨਲ ਸਟੋਰੇਜ ਮਿਲਣ ਦੀ ਸੰਭਾਵਨਾ ਹੈ।