WWDC 2024: 10 ਜੂਨ ਨੂੰ ਆਯੋਜਿਤ ਹੋਵੇਗਾ ਐਪਲ ਦਾ ਸਭ ਤੋਂ ਵੱਡਾ ਈਵੈਂਟ, ਜਾਣੋ ਕਿਵੇਂ ਦੇਖ ਸਕਦੇ ਹੋ ਲਾਈਵ?
WWDC Event 2024: ਐਪਲ ਦਾ ਇਹ ਈਵੈਂਟ 10 ਜੂਨ ਨੂੰ ਆਯੋਜਿਤ ਕੀਤਾ ਜਾਵੇਗਾ। ਇਸ ਈਵੈਂਟ 'ਚ iOS 18, iPadOS 18, watchOS ਲਈ ਅਪਡੇਟਸ ਅਤੇ ਲੇਟੈਸਟ ਵਰਜ਼ਨ ਪੇਸ਼ ਕੀਤੇ ਜਾ ਸਕਦੇ ਹਨ।
Apple WWDC Event 2024: ਐਪਲ ਦਾ WWDC ਈਵੈਂਟ 10 ਜੂਨ ਨੂੰ ਹੋਵੇਗਾ। ਕੰਪਨੀ ਮੁਤਾਬਕ WWDC ਈਵੈਂਟ 10 ਤੋਂ 14 ਜੂਨ ਦਰਮਿਆਨ ਹੋਵੇਗਾ। ਪਿਛਲੇ 3 ਸਾਲਾਂ ਤੋਂ ਇਹ ਈਵੈਂਟ ਆਨਲਾਈਨ ਆਯੋਜਿਤ ਕੀਤਾ ਗਿਆ ਸੀ, ਜਿਸ ਤੋਂ ਬਾਅਦ ਇਸ ਸਾਲ ਇਸ ਨੂੰ ਗਰਾਊਂਡ 'ਤੇ ਆਯੋਜਿਤ ਕੀਤਾ ਜਾਵੇਗਾ ਹਾਲਾਂਕਿ ਇਹ ਸਿਰਫ ਆਨਲਾਈਨ ਹੀ ਟੈਲੀਕਾਸਟ ਹੋਵੇਗਾ। ਹੁਣ ਕੰਪਨੀ ਨੇ ਇਸ ਈਵੈਂਟ ਦੇ ਸਮੇਂ ਨੂੰ ਲੈ ਕੇ ਅਧਿਕਾਰਤ ਘੋਸ਼ਣਾ ਕੀਤੀ ਹੈ।
ਐਪਲ ਦੀ ਘੋਸ਼ਣਾ ਦੇ ਅਨੁਸਾਰ, WWDC 2024 10 ਜੂਨ ਨੂੰ ਭਾਰਤੀ ਸਮੇਂ ਅਨੁਸਾਰ ਰਾਤ 10:30 ਵਜੇ ਸ਼ੁਰੂ ਹੋਵੇਗਾ। ਐਪਲ ਦੀ ਅਧਿਕਾਰਤ ਵੈੱਬਸਾਈਟ ਅਤੇ ਯੂ-ਟਿਊਬ ਚੈਨਲ ਰਾਹੀਂ ਦੁਨੀਆ ਭਰ ਦੇ ਲੋਕ ਆਨਲਾਈਨ ਇਸ ਈਵੈਂਟ 'ਚ ਸ਼ਾਮਲ ਹੋ ਸਕਦੇ ਹਨ। ਪਿਛਲੇ ਕੁਝ ਸਾਲਾਂ ਦੀ ਤਰ੍ਹਾਂ ਇਸ ਸਾਲ ਵੀ ਐਪਲ ਈਵੈਂਟ 'ਚ ਸਾਫਟਵੇਅਰ ਨਾਲ ਜੁੜੇ ਕੁਝ ਵੱਡੇ ਐਲਾਨ ਹੋ ਸਕਦੇ ਹਨ। ਇਸ ਤੋਂ ਇਲਾਵਾ iOS 18 ਲਈ ਕਈ ਅਪਡੇਟ ਦੇਖੇ ਜਾ ਸਕਦੇ ਹਨ।
ਇਸ ਐਪਲ ਈਵੈਂਟ ਤੋਂ ਕੀ ਉਮੀਦਾਂ ਹਨ?
Apple WWDC 2024 ਈਵੈਂਟ 'ਚ ਕਈ ਖਾਸ ਅਪਡੇਟਸ ਸਾਹਮਣੇ ਆਉਣ ਵਾਲੇ ਹਨ। ਐਪਲ ਲੰਬੇ ਸਮੇਂ ਤੋਂ ਜਨਰੇਟਿਵ AI 'ਤੇ ਕੰਮ ਕਰ ਰਿਹਾ ਹੈ। ਇਸ ਈਵੈਂਟ ਵਿੱਚ, ਕੰਪਨੀ iOS 18, iPadOS 18, watchOS ਲਈ ਅਪਡੇਟਸ ਅਤੇ ਨਵੀਨਤਮ ਸੰਸਕਰਣ ਪੇਸ਼ ਕਰ ਸਕਦੀ ਹੈ। ਇਸ ਤੋਂ ਇਲਾਵਾ, ਐਪਲ ਡਿਵੈਲਪਰਾਂ ਅਤੇ ਉਨ੍ਹਾਂ ਦੀਆਂ ਐਪਸ ਅਤੇ ਗੇਮਾਂ ਨੂੰ ਬਿਹਤਰ ਬਣਾਉਣ ਲਈ ਨਵੇਂ ਟੂਲ, ਫਰੇਮਵਰਕ ਅਤੇ ਵਿਸ਼ੇਸ਼ਤਾਵਾਂ ਪੇਸ਼ ਕਰੇਗਾ। ਇਸ ਵਾਰ ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਐਪਲ AI ਨੂੰ ਲੈ ਕੇ ਕੀ ਵੱਡਾ ਐਲਾਨ ਕਰੇਗੀ।
ਇਨ੍ਹੀਂ ਦਿਨੀਂ ਐਪਲ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (AI) ਦੇ ਖੇਤਰ 'ਚ ਕੰਮ ਕਰਨ ਵਾਲੀ ਕੰਪਨੀ OpenAI ਨਾਲ ਮਿਲ ਕੇ ਕੰਮ ਕਰ ਰਹੀ ਹੈ ਅਤੇ 10 ਜੂਨ ਨੂੰ ਹੋਣ ਵਾਲੇ ਈਵੈਂਟ 'ਚ ਕਈ AI ਫੀਚਰਸ ਦਾ ਐਲਾਨ ਕਰ ਸਕਦੀ ਹੈ। ਜਾਣਕਾਰੀ ਮੁਤਾਬਕ iOS 18 'ਚ ਸਭ ਤੋਂ ਖਾਸ AI ਫੀਚਰ ਦੇਖੇ ਜਾ ਸਕਦੇ ਹਨ।
iOS 18 ਦੇ ਨਾਲ, AI-ਪਾਵਰਡ ਟ੍ਰਾਂਸਕ੍ਰਿਪਸ਼ਨ ਨੂੰ ਵੌਇਸ ਮੈਮੋਸ ਐਪ ਵਿੱਚ ਪਾਇਆ ਜਾ ਸਕਦਾ ਹੈ, ਜਿਸ ਨਾਲ ਸਮੱਗਰੀ ਨੂੰ ਰਿਕਾਰਡ ਕਰਨਾ ਆਸਾਨ ਹੋ ਜਾਵੇਗਾ। ਇਮੋਜੀ ਲਈ ਇਕ ਨਵਾਂ AI ਟੂਲ ਵੀ ਹੋਵੇਗਾ, ਜਿਸ ਦੀ ਵਰਤੋਂ ਕਰਦੇ ਹੋਏ ਯੂਜ਼ਰ ਆਪਣੀ ਪਸੰਦ ਦੇ ਮੁਤਾਬਕ ਆਈਫੋਨ 'ਤੇ ਕੋਈ ਵੀ ਇਮੋਜੀ ਜਨਰੇਟ ਕਰ ਸਕਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
