ਫੇਸਬੁੱਕ 'ਤੇ ਇਹ ਛੋਟੀ ਜਿਹੀ ਗ਼ਲਤੀ ਤੁਹਾਨੂੰ ਪੈ ਸਕਦੀ ਮਹਿੰਗੀ, ਜਲਦੀ ਕਰੋ ਇਹ ਸੈਟਿੰਗਾਂ

ਅਸੀਂ ਸਾਰੇ ਫੇਸਬੁੱਕ ਦੀ ਵਰਤੋਂ ਕਰਦੇ ਹਾਂ, ਪਰ ਕਈ ਵਾਰ ਇੱਕ ਛੋਟੀ ਜਿਹੀ ਗਲਤੀ ਸਾਡੀ ਸੁਰੱਖਿਆ ਨੂੰ ਖਤਰੇ ਵਿੱਚ ਪਾ ਦਿੰਦੀ ਹੈ। ਕਈ ਵਾਰ ਅਸੀਂ ਸਾਈਬਰ ਕੈਫੇ ਜਾਂ ਕਿਸੇ ਦੋਸਤ ਦੇ ਫੋਨ ਵਿੱਚ ਆਪਣੇ ਫੇਸਬੁੱਕ ਅਕਾਉਂਟ ਨੂੰ ਲੌਗਇਨ ਕਰਦੇ ਹਾਂ ਤੇ ਇਸ ਨੂੰ ਲਾਗ ਆਉਟ ਕਰਨਾ ਭੁੱਲ ਜਾਂਦੇ ਹਾਂ।

ਰੌਬਟ ਚੰਡੀਗੜ੍ਹ: ਅਸੀਂ ਸਾਰੇ ਫੇਸਬੁੱਕ ਦੀ ਵਰਤੋਂ ਕਰਦੇ ਹਾਂ, ਪਰ ਕਈ ਵਾਰ ਇੱਕ ਛੋਟੀ ਜਿਹੀ ਗਲਤੀ ਸਾਡੀ ਸੁਰੱਖਿਆ ਨੂੰ ਖਤਰੇ ਵਿੱਚ ਪਾ ਦਿੰਦੀ ਹੈ। ਕਈ ਵਾਰ ਅਸੀਂ ਸਾਈਬਰ ਕੈਫੇ ਜਾਂ ਕਿਸੇ ਦੋਸਤ ਦੇ ਫੋਨ ਵਿੱਚ ਆਪਣੇ ਫੇਸਬੁੱਕ ਅਕਾਉਂਟ ਨੂੰ ਲੌਗਇਨ ਕਰਦੇ ਹਾਂ ਤੇ ਇਸ ਨੂੰ ਲਾਗ ਆਉਟ ਕਰਨਾ ਭੁੱਲ ਜਾਂਦੇ ਹਾਂ। ਇਹ ਤੁਹਾਡੇ ਲਈ ਬਹੁਤ ਖਤਰਨਾਕ ਸਾਬਤ ਹੋ ਸਕਦਾ ਹੈ ਕਿਉਂਕਿ ਜੇ ਕਿਸੇ ਦੇ ਇਰਾਦੇ ਗਲਤ ਹੋਣ ਤਾਂ ਉਹ ਤੁਹਾਡੇ ਅਕਾਉਂਟ ਨੂੰ ਲੌਗਆਉਟ ਕਰਨ ਦੀ ਬਜਾਏ ਤੁਹਾਡੇ ਅਕਾਉਂਟ ਨਾਲ ਛੇੜਛਾੜ ਕਰ ਸਕਦੇ ਹਨ।

ਤੁਸੀਂ ਫੇਸਬੁੱਕ 'ਤੇ ਕੁਝ ਸੈਟਿੰਗਾਂ ਕਰਕੇ ਇਸ ਸਮੱਸਿਆ ਤੋਂ ਛੁਟਕਾਰਾ ਪਾ ਸਕਦੇ ਹੋ। ਤੁਸੀਂ ਸੈਟਿੰਗਾਂ 'ਤੇ ਜਾ ਕੇ ਵੇਖ ਸਕਦੇ ਹੋ ਕਿ ਤੁਹਾਡਾ ਖਾਤਾ ਕਿੱਥੇ ਲੌਗ ਇਨ ਹੋਇਆ ਹੈ। ਇਸ ਲਈ ਹੇਠ ਦਿੱਤੇ ਕਦਮਾਂ ਦੀ ਪਾਲਣਾ ਕਰੋ:

ਸਮਾਰਟਫੋਨ 'ਤੇ ਇਸ ਤਰ੍ਹਾਂ ਸੈਟਿੰਗ ਕਰੋ: ਪਹਿਲਾਂ ਫੇਸਬੁੱਕ ਐਪ ਖੋਲ੍ਹੋ। ਇਸ ਤੋਂ ਬਾਅਦ ਸੈਟਿੰਗਜ਼ 'ਤੇ ਜਾਓ ਤੇ ਹੇਠਾਂ ਸਕ੍ਰੌਲ ਕਰੋ। ਇੱਥੇ ਤੁਹਾਨੂੰ Settings ਤੇ Privacy ਦਾ ਵਿਕਲਪ ਮਿਲੇਗਾ। ਇਸ 'ਤੇ ਟੈਪ ਕਰੋ ਤੇ Settings ਤੇ ਕਲਿੱਕ ਕਰੋ।

ਇੱਥੇ ਤੁਹਾਨੂੰ ਕੁਝ ਵਿਕਲਪ ਮਿਲਣਗੇ, ਜਿਨ੍ਹਾਂ ਵਿੱਚੋਂ ਤੁਹਾਨੂੰ Security ਤੇ Login ਚੁਣਨਾ ਪਏਗਾ। ਇਸ ਦੇ ਬਾਅਦ, ਇੱਥੇ ਤੁਹਾਨੂੰ Where you're logged in ਦਾ ਵਿਕਲਪ ਮਿਲੇਗਾ। ਇੱਥੇ ਤੁਹਾਨੂੰ ਸਾਰਿਆਂ ਤੇ ਕਲਿਕ ਕਰਨਾ ਹੈ।

ਇੱਥੇ ਤੁਸੀਂ ਉਨ੍ਹਾਂ ਸਾਰੇ ਡਿਵਾਈਸਾਂ ਦੀ ਲਿਸਟ ਪ੍ਰਾਪਤ ਕਰੋਗੇ ਜਿੱਥੇ ਤੁਹਾਡਾ ਫੇਸਬੁੱਕ ਲੌਗਇਨ ਹੋਵੇਗਾ। ਜਿਸ ਵੀ ਡਿਵਾਈਸ ਤੋਂ ਤੁਸੀਂ ਆਪਣੇ ਅਕਾਉਂਟ ਨੂੰ Logout ਕਰਨਾ ਚਾਹੁੰਦੇ ਹੋ ਤੁਸੀਂ ਇੱਥੋਂ ਕਰ ਸਕਦੇ ਹੋ।

ਡੈਸਕਟਾਪ ਉੱਤੇ ਸੈਟਿੰਗਾਂ ਇਸ ਤਰ੍ਹਾਂ ਕਰੋ: ਇਸਦੇ ਲਈ, ਪਹਿਲਾਂ ਤੁਹਾਨੂੰ ਆਪਣੇ ਡੈਸਕਟਾਪ ਤੇ ਫੇਸਬੁੱਕ Login ਕਰਨਾ ਪਏਗਾ। ਇਸ ਤੋਂ ਬਾਅਦ ਤੁਹਾਨੂੰ Settings 'ਤੇ ਜਾਣਾ ਪਏਗਾ। ਇੱਥੇ ਤੁਹਾਨੂੰ Security and login 'ਤੇ ਕਲਿੱਕ ਕਰਨਾ ਹੈ।

ਇੱਥੇ ਵੀ ਤੁਹਾਨੂੰ Where you're logged in ਦਾ ਵਿਕਲਪ ਮਿਲੇਗਾ। ਇੱਥੇ ਤੁਸੀਂ ਉਹ ਸਾਰੇ ਉਪਕਰਣ ਵੇਖੋਗੇ ਜਿਸ ਵਿੱਚ ਤੁਹਾਡੀ ID Login ਹੈ। ਜਿਸ ਵੀ ਡਿਵਾਈਸ ਤੋਂ ਤੁਸੀਂ ਆਪਣੇ ਅਕਾਉਂਟ ਨੂੰ Logout ਕਰਨਾ ਚਾਹੁੰਦੇ ਹੋ, ਤੁਸੀਂ ਇੱਥੋਂ ਕਰ ਸੱਕਦੇ ਹੋ। ਤੁਸੀਂ ਇੱਕੋ ਵਾਰ Log out of all sessions ਦੀ ਮਦਦ ਨਾਲ ਸਾਰੇ ਉਪਕਰਣ ਤੋਂ Logout ਕਰ ਸਕਦੇ ਹੋ।