Chat GPT ਕੀ ਹੈ ਅਤੇ ਇਸ 'ਤੇ ਹਿੰਦੂ ਧਰਮ ਦੇ ਅਪਮਾਨ ਕਰਨ ਦਾ ਦੋਸ਼ ਕਿਉਂ ਲਗਾਇਆ ਜਾ ਰਿਹਾ ਹੈ, ਜਾਣੋ
Chat GPT ਬਾਰੇ ਕਿਹਾ ਜਾ ਰਿਹਾ ਹੈ ਕਿ ਇਹ ਗੂਗਲ ‘ਤੇ ਸਰਚ ਇੰਜਨ (Search engine) ਨੂੰ ਖਤਮ ਕਰ ਦੇਵੇਗੀ ਪਰ ਇਸ ਤੋਂ ਪਹਿਲਾਂ ਹੀ ਇਸ ਨੂੰ ਲੈ ਕੇ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਵਿਵਾਦ ਧਰਮ ਦੇ ਅਪਮਾਨ ਨਾਲ ਜੁੜਿਆ ਹੋਇਆ ਹੈ।
Artificial Intelligence: ਜੇਕਰ ਤੁਸੀਂ ਟੈਕਨਾਲੋਜੀ ਦੇ ਸ਼ੌਕੀਨ ਹੋ, ਤਾਂ ਤੁਸੀਂ Chat GPT ਦਾ ਨਾਮ ਜ਼ਰੂਰ ਸੁਣਿਆ ਹੋਵੇਗਾ। ਜੇਕਰ ਤੁਸੀਂ ਨਹੀਂ ਵੀ ਸੁਣਿਆ, ਤਾਂ ਵੀ ਕੋਈ ਗੱਲ ਨਹੀਂ, ਅਸੀਂ ਤੁਹਾਨੂੰ ਦੱਸ ਦਿੰਦੇ ਹਾਂ। Chat GPT ਇੱਕ ਡੀਪ ਮਸ਼ੀਨ ਲਰਨਿੰਗ ਬੋਟ ਹੈ। ਯਾਨੀ ਇਹ ਤੁਹਾਡੇ ਸਵਾਲਾਂ ਦੇ ਜਵਾਬ ਦਿੰਦਾ ਹੈ ਅਤੇ ਹਰ ਸਵਾਲ ਤੋਂ ਬਾਅਦ ਸਿੱਖਦਾ ਵੀ ਹੈ। ਟੈਕਨਾਲੋਜੀ ਦੇ ਵਰਲਡ 'ਚ ਇਸ ਤਕਨੀਕ ਦੀ ਖੂਬ ਚਰਚਾ ਹੋ ਰਹੀ ਹੈ। ਕਿਹਾ ਜਾ ਰਿਹਾ ਹੈ ਕਿ ਇਹ ਟੈਕਨਾਲੋਜੀ ਆਉਣ ਵਾਲੇ ਸਮੇਂ 'ਚ ਗੂਗਲ ਦੇ ਸਰਚ ਇੰਜਨ (Search engine) ਨੂੰ ਖਤਮ ਕਰ ਸਕਦੀ ਹੈ ਪਰ ਇਸ ਦੇ ਆਉਣ ਨਾਲ ਇਸ ਨਾਲ ਇਕ ਵਿਵਾਦ ਜੁੜ ਗਿਆ ਹੈ। ਵਿਵਾਦ ਵੀ ਅਜਿਹਾ ਹੈ ਕਿ ਇਹ ਤਕਨੀਕ ਹਿੰਦੂ ਧਰਮ ਦਾ ਅਪਮਾਨ ਕਰਦੀ ਹੈ।
ਤੁਹਾਡੇ ਹਰ ਸਵਾਲ ਦਾ ਜਵਾਬ
Chat GPT ਦਾ ਮਤਲਬ ਤਾਂ ਹਰ ਕੋਈ ਜਾਣਦਾ ਹੈ। ਦੋ ਲੋਕਾਂ ਵਿਚਕਾਰ ਗੱਲਬਾਤ, ਜਿਵੇਂ ਕਿ ਤੁਸੀਂ ਕਿਸੇ ਦੋਸਤ ਨਾਲ WhatsApp ਚੈਟ ਕਰਦੇ ਹੋ। ਇੱਥੇ GPT ਦਾ ਅਰਥ ਹੈ ਜਨਰੇਟਿਡ ਪ੍ਰੀ-ਟ੍ਰੈਂਡ ਟ੍ਰਾਂਸਫਾਰਮਰ। ਗੂਗਲ ਸਰਚ ਇੰਜਨ (Google Search engine) ਦੀ ਤਰ੍ਹਾਂ ਇਸ ਕੋਲ ਵੀ ਤੁਹਾਡੇ ਹਰ ਸਵਾਲ ਦਾ ਜਵਾਬ ਹੈ। ਤੁਸੀਂ ਇਸ ਤੋਂ ਕੋਈ ਵੀ ਸਵਾਲ ਪੁੱਛੋ, ਤੁਹਾਨੂੰ ਸਹੀ ਜਵਾਬ ਮਿਲੇਗਾ, ਪਰ ਇਸ ਨੂੰ ਗੂਗਲ ਸਰਚ ਇੰਜਨ (Google Search engine) ਸਮਝਣ ਦੀ ਗਲਤੀ ਨਾ ਕਰੋ। ਇਹ ਬਹੁਤ ਅੱਗੇ ਦੀ ਚੀਜ਼ ਹੈ। ਇਸ ਨੂੰ ਆਸਾਨੀ ਨਾਲ ਸਮਝੋ।
ਸ਼ਾਨਦਾਰ ਹੈ Chat GPT
ਮੰਨ ਲਓ ਕਿ ਤੁਹਾਨੂੰ ਦਫ਼ਤਰ ਤੋਂ ਛੁੱਟੀ ਚਾਹੀਦੀ ਹੈ। ਬੌਸ ਨੂੰ ਅਰਜ਼ੀ ਦੇਣੀ ਹੈ। ਕੁਝ ਨਾ ਕਰੋ GPT ਚੈਟ 'ਤੇ ਜਾਓ, ਨਿਰਦੇਸ਼ ਦਿਓ। ਅਗਲੇ ਪਲ ਤੁਹਾਡੀ ਅਰਜ਼ੀ ਤਿਆਰ ਹੈ। ਇਸੇ ਤਰ੍ਹਾਂ ਜੇਕਰ ਤੁਸੀਂ ਹੋਮਵਰਕ ਕਰਨਾ ਚਾਹੁੰਦੇ ਹੋ ਤਾਂ ਸਵਾਲ ਦੱਸੋ, ਤੁਹਾਨੂੰ ਮੌਕੇ 'ਤੇ ਹੀ ਜਵਾਬ ਮਿਲ ਜਾਵੇਗਾ। ਇਹ ਤਾਂ ਹੋਏ ਛੋਟੇ-ਮੋਟੇ ਕੰਮ, ਜੇਕਰ ਤੁਸੀਂ ਕਿਸੇ ਵਿਸ਼ੇ 'ਤੇ ਕਹਾਣੀ ਲਿਖਣੀ ਹੈ, ਜਾਂ ਤੁਹਾਨੂੰ ਪੇਪਰ ਲਿਖਣਾ ਹੈ। Chat GPT ਉਹ ਵੀ ਤਿਆਰ ਕਰ ਰਹੀ ਹੈ।
ਇਹ ਵੀ ਪੜ੍ਹੋ: Punjab News : ਪੰਜਾਬ ਕਾਂਗਰਸ ਨੂੰ ਵੱਡਾ ਝਟਕਾ , ਮਨਪ੍ਰੀਤ ਬਾਦਲ ਅੱਜ ਦਿੱਲੀ ਵਿਖੇ ਭਾਜਪਾ ਵਿੱਚ ਹੋਣਗੇ ਸ਼ਾਮਲ
ਕਿੱਦਾਂ ਕਰ ਰਹੀ ਹਿੰਦੂ ਧਰਮ ਦਾ ਅਪਮਾਨ
ਹੁਣ ਫਿਰ ਉਸ ਸਵਾਲ ‘ਤੇ ਵਾਪਿਸ ਆਉਂਦੇ ਹਾਂ ਕਿ ਇਹ ਹਿੰਦੂ ਧਰਮ ਦਾ ਅਪਮਾਨ ਕਿਵੇਂ ਕਰ ਰਿਹਾ ਹੈ। DNA ਦੀ ਰਿਪੋਰਟ ਮੁਤਾਬਕ ਜਦੋਂ ਹਿੰਦੂ ਧਰਮ ਦੇ ਬਾਰੇ ਸਵਾਲ ਕੀਤਾ ਜਾਂਦਾ ਹੈ ਤਾਂ ਇਹ ਅਪਮਾਨਜਨਕ ਜਵਾਬ ਦਿੰਦੀ ਹੈ। ਆਰਟੀਫੀਸ਼ੀਅਲ ਇੰਟੈਲੀਜੈਂਸ 'ਤੇ ਆਧਾਰਿਤ Chat GPT ਸਿਰਫ਼ ਧਰਮ ਬਾਰੇ ਹੀ ਨਹੀਂ ਹੈ, ਸਗੋਂ ਹਿੰਦੂ ਦੇਵਤਿਆਂ ਅਤੇ ਦੇਵੀ-ਦੇਵਤਿਆਂ ਜਿਵੇਂ ਕਿ ਸ਼੍ਰੀਰਾਮ, ਲਕਸ਼ਮਣ, ਸੀਤਾ ਅਤੇ ਰਾਮਾਇਣ ਵਰਗੇ ਗ੍ਰੰਥਾਂ 'ਤੇ ਵੀ ਮਜ਼ਾਕ ਕਰਦੀ ਹੈ।
ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਇਹ ਤਕਨੀਕ ਸ਼ਾਇਦ ਸਾਰੇ ਧਰਮਾਂ ਦਾ ਮਜ਼ਾਕ ਉਡਾਉਂਦੀ ਹੋਵੇਗੀ, ਤਾਂ ਅਜਿਹਾ ਨਹੀਂ ਹੈ। ਜਦੋਂ ਦੂਜੇ ਧਰਮਾਂ ਜਿਵੇਂ ਕਿ ਇਸਲਾਮ ਜਾਂ ਈਸਾਈ ਦਾ ਮਜ਼ਾਕ ਉਡਾਉਣ ਬਾਰੇ ਪੁੱਛਿਆ ਗਿਆ, ਤਾਂ Chat GPT ਨੇ ਮੁਆਫੀ ਮੰਗਦੇ ਹੋਏ ਕਿਹਾ ਕਿ ਇਸ ਨਾਲ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਦੀ ਹੈ। ਯਾਨੀ ਇਸ ਦੀ ਡਿਜ਼ਾਇਨ ਅਜਿਹਾ ਹੈ ਕਿ ਇਹ ਹਿੰਦੂ ਧਰਮ 'ਤੇ ਤਾਂ ਇਹ ਮਜ਼ਾਕ ਦੀ ਇਜਾਜ਼ਤ ਦਿੰਦੀ ਹੈ ਪਰ ਦੂਜੇ ਧਰਮਾਂ 'ਤੇ ਚੁੱਪ ਧਾਰ ਲੈਂਦੀ ਹੈ।
ਇਸ ਲਈ ਤੁਹਾਨੂੰ ਸਮਝ ਆ ਗਿਆ ਹੋਵੇਗਾ ਕਿ Chat GPT ਕਿਵੇਂ ਵਿਤਕਰੇ ਨੂੰ ਵਧਾਵਾ ਦੇ ਰਹੀ ਹੈ। Chat GPT ਨੂੰ ਲਾਂਚ ਹੋਏ 2 ਮਹੀਨੇ ਤੋਂ ਵੱਧ ਸਮਾਂ ਬੀਤ ਚੁੱਕਿਆ ਹੈ ਪਰ ਇਹ ਅਜੇ ਵੀ ਠੀਕ ਨਹੀਂ ਹੋਇਆ ਹੈ।
ਦੋ ਮਹੀਨੇ ਪਹਿਲਾਂ ਕੀਤਾ ਗਿਆ ਸੀ ਲਾਂਚ
ਇਸ ਦੇ ਲਾਂਚ ਹੋਣ ਤੋਂ ਬਾਅਦ ਤੋਂ ਹੀ Chat GPT ਨੂੰ ਲੈ ਕੇ ਲੋਕਾਂ 'ਚ ਜ਼ਬਰਦਸਤ ਕ੍ਰੇਜ਼ ਹੈ। ਲਾਂਚਿੰਗ ਦੇ ਕੁਝ ਹੀ ਦਿਨਾਂ 'ਚ Chat GPT ਦੇ ਯੂਜ਼ਰਸ ਦੀ ਗਿਣਤੀ 10 ਲੱਖ ਨੂੰ ਪਾਰ ਕਰ ਗਈ ਸੀ। ਕਈ ਲੇਖਕਾਂ ਨੇ ਇਸ ਦੀ ਮਦਦ ਨਾਲ ਆਪਣੀਆਂ ਪੁਸਤਕਾਂ ਪੂਰੀਆਂ ਕੀਤੀਆਂ ਹਨ। ਕੋਡਿੰਗ ਤੋਂ ਲੈ ਕੇ ਕਾਰਟੂਨ ਤੱਕ ਵੈੱਬਸਾਈਟਾਂ ਬਣਾਈਆਂ ਗਈਆਂ ਹਨ। AI ਆਧਾਰਿਤ ਤਕਨੀਕ ਨੇ ਇਹ ਸਭ ਕੁਝ ਹੀ ਘੰਟਿਆਂ 'ਚ ਕਰ ਦਿੱਤਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
