Cooling ਹੋ ਰਹੀ ਗਾਇਬ ! ਫਰਿੱਜ ਦੀ ਵਰਤੋਂ ਕਰਦੇ ਸਮੇਂ ਭੁੱਲ ਕੇ ਵੀ ਨਾ ਕਰੋ ਇਹ ਗਲਤੀਆਂ
Refrigerator Tips : ਗਰਮੀ ਦੇ ਮੌਸਮ ਵਿੱਚ ਫਰਿੱਜ ਘਰ ਦਾ ਸਭ ਤੋਂ ਜ਼ਰੂਰੀ ਡਿਵਾਈਸ ਬਣ ਜਾਂਦਾ ਹੈ। ਪਰ ਕਈ ਵਾਰ ਲੋਕ ਸ਼ਿਕਾਇਤ ਕਰਦੇ ਹਨ ਕਿ ਫਰਿੱਜ ਪਹਿਲਾਂ ਵਾਂਗ ਠੰਡਾ ਨਹੀਂ ਹੋ ਰਿਹਾ , ਸਮਾਨ ਜਲਦੀ ਖਰਾਬ ਹੋ ਰਿਹਾ ਹੈ
Refrigerator Tips : ਗਰਮੀ ਦੇ ਮੌਸਮ ਵਿੱਚ ਫਰਿੱਜ ਘਰ ਦਾ ਸਭ ਤੋਂ ਜ਼ਰੂਰੀ ਡਿਵਾਈਸ ਬਣ ਜਾਂਦਾ ਹੈ। ਪਰ ਕਈ ਵਾਰ ਲੋਕ ਸ਼ਿਕਾਇਤ ਕਰਦੇ ਹਨ ਕਿ ਫਰਿੱਜ ਪਹਿਲਾਂ ਵਾਂਗ ਠੰਡਾ ਨਹੀਂ ਹੋ ਰਿਹਾ , ਸਮਾਨ ਜਲਦੀ ਖਰਾਬ ਹੋ ਰਿਹਾ ਹੈ ਜਾਂ ਬਿਜਲੀ ਦਾ ਬਿੱਲ ਅਚਾਨਕ ਵੱਧ ਗਿਆ ਹੈ। ਅਕਸਰ ਇਸ ਦੇ ਪਿੱਛੇ ਕੋਈ ਵੱਡੀ ਤਕਨੀਕੀ ਖ਼ਰਾਬੀ ਨਹੀਂ, ਸਗੋਂ ਸਾਡੀਆਂ ਰੋਜ਼ਾਨਾ ਦੀਆਂ ਕੁਝ ਗਲਤ ਆਦਤਾਂ ਹੁੰਦੀਆਂ ਹਨ। ਜੇ ਸਮੇਂ ਸਿਰ ਇਨ੍ਹਾਂ ਗਲਤੀਆਂ ਨੂੰ ਨਾ ਸੁਧਾਰਿਆ ਗਿਆ ਤਾਂ ਫਰਿੱਜ ਦੀ ਉਮਰ ਵੀ ਘੱਟ ਹੋ ਸਕਦੀ ਹੈ।
ਵਾਰ-ਵਾਰ ਫਰਿੱਜ ਖੋਲ੍ਹਣਾ ਪੈ ਸਕਦਾ ਹੈ ਮਹਿੰਗਾ
ਕਈ ਲੋਕ ਬਿਨਾਂ ਲੋੜ ਫਰਿੱਜ ਨੂੰ ਵਾਰ-ਵਾਰ ਖੋਲ੍ਹਦੇ ਰਹਿੰਦੇ ਹਨ। ਇਸ ਨਾਲ ਬਾਹਰ ਦੀ ਗਰਮ ਹਵਾ ਅੰਦਰ ਚਲੀ ਜਾਂਦੀ ਹੈ ਅਤੇ ਫਰਿੱਜ ਨੂੰ ਦੁਬਾਰਾ ਠੰਢਾ ਕਰਨ ਲਈ ਵੱਧ ਮਿਹਨਤ ਕਰਨੀ ਪੈਂਦੀ ਹੈ। ਇਸ ਕਾਰਨ ਕੂਲਿੰਗ ਘੱਟ ਹੋਣ ਲੱਗਦੀ ਹੈ ਅਤੇ ਬਿਜਲੀ ਦੀ ਖਪਤ ਵੀ ਵਧ ਜਾਂਦੀ ਹੈ। ਕੋਸ਼ਿਸ਼ ਕਰੋ ਕਿ ਲੋੜੀਂਦਾ ਸਮਾਨ ਇੱਕ ਵਾਰ ਵਿੱਚ ਹੀ ਕੱਢ ਲਓ ਅਤੇ ਫਰਿੱਜ ਨੂੰ ਲੰਬੇ ਸਮੇਂ ਲਈ ਖੁੱਲ੍ਹਾ ਨਾ ਰੱਖੋ ।
ਗਰਮ ਖਾਣਾ ਸਿੱਧਾ ਫਰਿੱਜ ਵਿੱਚ ਰੱਖਣਾ ਵੱਡੀ ਗਲਤੀ
ਅਕਸਰ ਲੋਕ ਜਲਦੀ ਵਿੱਚ ਗਰਮ ਖਾਣਾ ਸਿੱਧਾ ਫਰਿੱਜ ਵਿੱਚ ਰੱਖ ਦਿੰਦੇ ਹਨ। ਇਸ ਨਾਲ ਫ੍ਰਿਜ ਦਾ ਅੰਦਰੂਨੀ ਤਾਪਮਾਨ ਅਚਾਨਕ ਵੱਧ ਜਾਂਦਾ ਹੈ ਅਤੇ ਹੋਰ ਸਮਾਨ ਦੀ ਕੂਲਿੰਗ ਵੀ ਪ੍ਰਭਾਵਿਤ ਹੁੰਦੀ ਹੈ। ਇੰਨਾ ਹੀ ਨਹੀਂ, ਕੰਪ੍ਰੈਸਰ ’ਤੇ ਵੱਧ ਦਬਾਅ ਪੈਂਦਾ ਹੈ ਜਿਸ ਨਾਲ ਫ੍ਰਿਜ ਜਲਦੀ ਖਰਾਬ ਹੋ ਸਕਦਾ ਹੈ। ਖਾਣਾ ਹਮੇਸ਼ਾ ਆਮ ਤਾਪਮਾਨ ’ਤੇ ਆਉਣ ਤੋਂ ਬਾਅਦ ਹੀ ਫਰਿੱਜ ਵਿੱਚ ਰੱਖੋ।
ਫਰਿੱਜ ਨੂੰ ਕੰਧ ਨਾਲ ਬਿਲਕੁਲ ਨਾ ਲਗਾਓ
ਜੇ ਫ੍ਰਿਜ ਦੇ ਪਿੱਛੇ ਹਵਾ ਲੰਘਣ ਲਈ ਜਗ੍ਹਾ ਨਹੀਂ ਹੋਵੇਗੀ ਤਾਂ ਉਸਦੀ ਗਰਮੀ ਬਾਹਰ ਨਹੀਂ ਨਿਕਲ ਸਕੇਗੀ। ਇਸ ਨਾਲ ਕੰਪ੍ਰੈਸਰ ਲਗਾਤਾਰ ਗਰਮ ਰਹੇਗਾ ਅਤੇ ਕੂਲਿੰਗ ਘੱਟ ਹੋਣ ਲੱਗੇਗੀ। ਫ੍ਰਿਜ ਨੂੰ ਕੰਧ ਤੋਂ ਘੱਟੋ-ਘੱਟ 4 ਤੋਂ 6 ਇੰਚ ਦੂਰ ਰੱਖਣਾ ਚਾਹੀਦਾ ਹੈ ਤਾਂ ਜੋ ਹਵਾ ਆਸਾਨੀ ਨਾਲ ਗੁਜ਼ਰ ਸਕੇ।
ਬਹੁਤ ਜ਼ਿਆਦਾ ਸਮਾਨ ਭਰਨਾ ਵੀ ਨੁਕਸਾਨਦਾਇਕ
ਕੁਝ ਲੋਕ ਫ੍ਰਿਜ ਵਿੱਚ ਲੋੜ ਤੋਂ ਵੱਧ ਸਮਾਨ ਠੂਂਸ ਦਿੰਦੇ ਹਨ। ਇਸ ਨਾਲ ਠੰਢੀ ਹਵਾ ਠੀਕ ਤਰੀਕੇ ਨਾਲ ਘੁੰਮ ਨਹੀਂ ਸਕਦੀ ਅਤੇ ਹਰ ਹਿੱਸੇ ਤੱਕ ਇੱਕੋ ਜਿਹੀ ਕੂਲਿੰਗ ਨਹੀਂ ਪਹੁੰਚਦੀ। ਨਤੀਜੇ ਵਜੋਂ ਕੁਝ ਚੀਜ਼ਾਂ ਜਲਦੀ ਖਰਾਬ ਹੋਣ ਲੱਗਦੀਆਂ ਹਨ। ਫ੍ਰਿਜ ਵਿੱਚ ਹਮੇਸ਼ਾ ਕੁਝ ਖਾਲੀ ਜਗ੍ਹਾ ਜ਼ਰੂਰ ਛੱਡੋ।
ਸਮੇਂ-ਸਮੇਂ ’ਤੇ ਸਫਾਈ ਕਰਨੀ ਵੀ ਜ਼ਰੂਰੀ
ਫਰਿੱਜ ਦੀ ਰਬਰ ਸੀਲ, ਪਿੱਛੇ ਲੱਗੀ ਕੌਇਲ ਅਤੇ ਅੰਦਰ ਦੀਆਂ ਟ੍ਰੇਆਂ ਜੇ ਗੰਦੀਆਂ ਹੋ ਜਾਣ ਤਾਂ ਇਸ ਦਾ ਅਸਰ ਕੂਲਿੰਗ ’ਤੇ ਪੈਂਦਾ ਹੈ। ਧੂੜ ਜਮਣ ਕਾਰਨ ਮਸ਼ੀਨ ਨੂੰ ਵੱਧ ਮਿਹਨਤ ਕਰਨੀ ਪੈਂਦੀ ਹੈ। ਮਹੀਨੇ ਵਿੱਚ ਘੱਟੋ-ਘੱਟ ਇੱਕ ਵਾਰ ਫ੍ਰਿਜ ਦੀ ਚੰਗੀ ਤਰ੍ਹਾਂ ਸਫਾਈ ਜ਼ਰੂਰ ਕਰੋ।
ਸਹੀ ਤਾਪਮਾਨ ਸੈੱਟ ਕਰਨਾ ਬਹੁਤ ਜ਼ਰੂਰੀ
ਕਈ ਲੋਕ ਫ੍ਰਿਜ ਨੂੰ ਹਮੇਸ਼ਾ ਸਭ ਤੋਂ ਵੱਧ ਕੂਲਿੰਗ ਮੋਡ ’ਤੇ ਰੱਖਦੇ ਹਨ। ਇਸ ਨਾਲ ਬਿਜਲੀ ਦੀ ਖਪਤ ਵਧਦੀ ਹੈ ਅਤੇ ਕਈ ਵਾਰ ਫ੍ਰਿਜ ਦੇ ਪਾਰਟਸ ’ਤੇ ਵੱਧ ਦਬਾਅ ਪੈਂਦਾ ਹੈ। ਆਮ ਤੌਰ ’ਤੇ ਫ੍ਰਿਜ ਦਾ ਤਾਪਮਾਨ 3 ਤੋਂ 5 ਡਿਗਰੀ ਸੈਲਸੀਅਸ ਵਿਚਕਾਰ ਰੱਖਣਾ ਠੀਕ ਮੰਨਿਆ ਜਾਂਦਾ ਹੈ।
ਛੋਟੀ ਲਾਪਰਵਾਹੀ ਬਣ ਸਕਦੀ ਹੈ ਵੱਡਾ ਖਰਚਾ
ਜੇ ਫ੍ਰਿਜ ਦੀ ਕੂਲਿੰਗ ਘੱਟ ਹੋ ਰਹੀ ਹੈ ਤਾਂ ਹਰ ਵਾਰ ਸਰਵਿਸ ਸੈਂਟਰ ਨੂੰ ਦੋਸ਼ ਦੇਣਾ ਜ਼ਰੂਰੀ ਨਹੀਂ। ਕਈ ਵਾਰ ਸਾਡੀਆਂ ਛੋਟੀਆਂ-ਛੋਟੀਆਂ ਗਲਤੀਆਂ ਹੀ ਇਸ ਦੀ ਵਜ੍ਹਾ ਹੁੰਦੀਆਂ ਹਨ। ਸਹੀ ਵਰਤੋਂ ਅਤੇ ਨਿਯਮਿਤ ਦੇਖਭਾਲ ਨਾਲ ਫ੍ਰਿਜ ਲੰਬੇ ਸਮੇਂ ਤੱਕ ਵਧੀਆ ਕੂਲਿੰਗ ਦਿੰਦਾ ਹੈ ਅਤੇ ਬਿਜਲੀ ਦਾ ਬਿੱਲ ਵੀ ਕੰਟਰੋਲ ਵਿੱਚ ਰਹਿੰਦਾ ਹੈ।
Before You Go
iPhone 17 ਦੀ ਸੇਲ ਹੋਈ ਸ਼ੁਰੂ, ਦੇਖੋ, ਨਵੇਂ ਆਈਫੋਨ 17 ਦਾ ਕਮਾਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
