ਮੋਬਾਈਲ ਤੋਂ ਇਹ 4 ਐਪਸ ਤੁਰੰਤ ਡਿਲੀਟ ਕਰੋ, ਪਲ 'ਚ ਹੋ ਜਾਓਗੇ ਕੰਗਾਲ, ਪਛਤਾਵੇ ਤੋਂ ਇਲਾਵਾ ਕੁਝ ਨਹੀਂ ਬਚੇਗਾ

ਸਾਈਬਰ ਅਪਰਾਧੀ ਅਤੇ ਹੈਕਰ ਮਾਲਵੇਅਰ ਰਾਹੀਂ ਉਪਭੋਗਤਾਵਾਂ ਦੇ ਸਮਾਰਟਫੋਨ ਤੱਕ ਪਹੁੰਚ ਪ੍ਰਾਪਤ ਕਰਦੇ ਹਨ ਅਤੇ ਫਿਰ ਉਨ੍ਹਾਂ ਦੀ ਨਿੱਜੀ ਜਾਣਕਾਰੀ ਚੋਰੀ ਕਰਦੇ ਹਨ। ਇਹਨਾਂ ਨਿੱਜੀ ਜਾਣਕਾਰੀ ਵਿੱਚ ਉਪਭੋਗਤਾਵਾਂ ਦੇ ਬੈਂਕਿੰਗ ਵੇਰਵੇ ਵੀ ਸ਼ਾਮਲ ਹੁੰਦੇ ਹਨ

ਮੋਬਾਈਲ ਤੋਂ ਇਹ 4 ਐਪਸ ਤੁਰੰਤ ਡਿਲੀਟ ਕਰੋ

ਸਾਈਬਰ ਅਪਰਾਧੀ ਅਤੇ ਹੈਕਰ ਮਾਲਵੇਅਰ ਰਾਹੀਂ ਉਪਭੋਗਤਾਵਾਂ ਦੇ ਸਮਾਰਟਫੋਨ ਤੱਕ ਪਹੁੰਚ ਪ੍ਰਾਪਤ ਕਰਦੇ ਹਨ ਅਤੇ ਫਿਰ ਉਨ੍ਹਾਂ ਦੀ ਨਿੱਜੀ ਜਾਣਕਾਰੀ ਚੋਰੀ ਕਰਦੇ ਹਨ। ਇਹਨਾਂ ਨਿੱਜੀ ਜਾਣਕਾਰੀ ਵਿੱਚ ਉਪਭੋਗਤਾਵਾਂ ਦੇ ਬੈਂਕਿੰਗ ਵੇਰਵੇ ਵੀ ਸ਼ਾਮਲ ਹੁੰਦੇ ਹਨ। ਅਜਿਹੀ ਸਥਿਤੀ ਵਿੱਚ, ਸਾਈਬਰ ਅਪਰਾਧੀ ਉਪਭੋਗਤਾਵਾਂ ਦੇ ਬੈਂਕ ਖਾਤੇ ਤੋਂ ਪੈਸੇ ਕਢਵਾ ਲੈਂਦੇ ਹਨ। ਹੁਣ ਅਜਿਹਾ ਹੀ ਇੱਕ ਖ਼ਤਰਾ ਐਂਡ੍ਰਾਇਡ ਯੂਜ਼ਰਸ 'ਤੇ ਮੰਡਰਾ ਰਿਹਾ ਹੈ। ਦਰਅਸਲ, ਫਾਈਲ ਮੈਨੇਜਰ ਦੇ ਨਾਂ 'ਤੇ ਲੋਕਾਂ ਦੇ ਫੋਨਾਂ ਤੋਂ ਡਾਟਾ ਚੋਰੀ ਕਰਨ ਵਾਲੀਆਂ ਕਈ ਐਪਾਂ ਦਾ ਖੁਲਾਸਾ ਹੋਇਆ ਹੈ। ਇਹ ਐਪਸ ਤੁਹਾਡੇ ਮੋਬਾਈਲ ਵਿੱਚ ਵੀ ਮੌਜੂਦ ਹੋ ਸਕਦੇ ਹਨ। ਗੂਗਲ ਪਲੇ ਸਟੋਰ ਤੋਂ ਹਜ਼ਾਰਾਂ ਯੂਜ਼ਰਸ ਨੇ ਇਨ੍ਹਾਂ ਖਤਰਨਾਕ ਐਪਸ ਨੂੰ ਡਾਊਨਲੋਡ ਕੀਤਾ ਹੈ। ਇਸ ਮਾਲਵੇਅਰ ਦਾ ਨਾਂ ਸ਼ਾਰਕਬੋਟ ਟਰੋਜਨ ਹੈ, ਜੋ ਹੈਕਰਾਂ ਨੂੰ ਯੂਜ਼ਰਸ ਦਾ ਨਿੱਜੀ ਅਤੇ ਵਿੱਤੀ ਡਾਟਾ ਚੋਰੀ ਕਰਨ 'ਚ ਮਦਦ ਕਰਦਾ ਹੈ।

ਸਾਈਬਰ ਸੁਰੱਖਿਆ ਫਰਮ Bitdefender ਨੇ ਇਸ ਮਾਲਵੇਅਰ ਬਾਰੇ ਜਾਣਕਾਰੀ ਦਿੱਤੀ ਹੈ। ਸਾਈਬਰ ਸੁਰੱਖਿਆ ਫਰਮ ਮੁਤਾਬਕ ਗੂਗਲ ਪਲੇ ਸਟੋਰ (Google Play Store) 'ਤੇ ਕਈ ਅਜਿਹੇ ਐਪ ਸਨ ਜੋ ਸ਼ਾਰਕਬੋਟ ਟਰੋਜਨ ਤੋਂ ਪ੍ਰਭਾਵਿਤ ਸਨ। ਇਸ ਦੇ ਨਾਲ ਹੀ ਰਿਪੋਰਟ 'ਚ ਇਹ ਵੀ ਦੱਸਿਆ ਗਿਆ ਕਿ ਜਦੋਂ ਡਿਵੈਲਪਰਾਂ ਨੇ ਪਲੇ ਸਟੋਰ 'ਤੇ ਇਨ੍ਹਾਂ ਐਪਸ ਨੂੰ ਪਾ ਦਿੱਤਾ ਸੀ ਤਾਂ ਉਸ ਸਮੇਂ ਇਨ੍ਹਾਂ 'ਚ ਕੋਈ ਟਰੋਜਨ ਨਹੀਂ ਸੀ ਪਰ ਬਾਅਦ 'ਚ ਰਿਮੋਟ ਸਰੋਤਾਂ ਰਾਹੀਂ ਇਨ੍ਹਾਂ ਐਪਸ 'ਚ ਟ੍ਰੋਜਨ ਪਾਏ ਜਾ ਰਹੇ ਸਨ। ਚਿੰਤਾ ਵਾਲੀ ਗੱਲ ਇਹ ਹੈ ਕਿ ਇਹ ਐਪਸ ਫਾਈਲ ਮੈਨੇਜਰ ਐਪਸ ਸਨ, ਜੋ ਆਪਣੇ ਸੁਭਾਅ ਨਾਲ ਉਪਭੋਗਤਾਵਾਂ ਤੋਂ ਫੋਨ ਤੱਕ ਡੇਟਾ ਐਕਸੈਸ ਮੰਗਦੀਆਂ ਹਨ ਅਤੇ ਉਪਭੋਗਤਾ ਬਿਨਾਂ ਸ਼ੱਕ ਆਸਾਨੀ ਨਾਲ ਪਹੁੰਚ ਦਿੰਦੇ ਹਨ।

ਇਹ 4 ਐਪਸ ਹਨ

FileVoyager

X-File Manager

LiteCleaner M

PhoneAID, Cleaner, Booster 2.6

ਸ਼ਾਰਕਬੋਟ ਖਤਰਨਾਕ ਮਾਲਵੇਅਰ ਹੈ

ਦੱਸ ਦੇਈਏ ਕਿ ਸ਼ਾਰਕਬੋਟ ਮਾਲਵੇਅਰ ਬਹੁਤ ਖਤਰਨਾਕ ਟਰੋਜਨ ਹੈ, ਜੋ ਲੋਕਾਂ ਦੇ ਬੈਂਕਿੰਗ ਡਿਟੇਲ ਚੋਰੀ ਕਰਦਾ ਹੈ। ਇਹ ਮਾਲਵੇਅਰ ਅਸਲ ਦਿੱਖ ਵਾਲੇ ਬੈਂਕਿੰਗ ਲੌਗ-ਇਨ ਫਾਰਮਾਂ ਦੇ ਰੂਪ ਵਿੱਚ ਪੇਸ਼ ਕਰਦੇ ਹਨ, ਜਿੰਨਾਂ ਨੂੰ ਯੂਜਰਸ ਬਿਨਾਂ ਸ਼ੱਕ ਦੇ ਭਰ ਦਿੰਦੇ ਹਨ ਅਤੇ ਅਪਣੇ ਮਹੱਤਵਪੂਰਣ ਲੌਗਇਨ ਵੇਰਵਿਆਂ ਨੂੰ ਖਤਰਨਾਕ ਹੱਥਾਂ ਵਿੱਚ ਛੱਡ ਦਿੰਦੇ ਹਨ। ਪਤਾ ਲੱਗਣ ਤੋਂ ਬਾਅਦ ਗੂਗਲ ਨੇ ਇਨ੍ਹਾਂ ਫਾਈਲ ਮੈਨੇਜਰ ਐਪਸ ਨੂੰ ਸਟੋਰ ਤੋਂ ਹਟਾ ਦਿੱਤਾ ਹੈ ਪਰ ਜਿਨ੍ਹਾਂ ਯੂਜ਼ਰਸ ਦੇ ਸਮਾਰਟਫੋਨ 'ਚ ਅਜੇ ਵੀ ਇਹ ਐਪਸ ਮੌਜੂਦ ਹਨ ਉਨ੍ਹਾਂ ਦੀ ਬੈਂਕਿੰਗ ਡਿਟੇਲ ਖਤਰੇ 'ਚ ਹੈ।

ਬਚਾਅ ਕਿਵੇਂ ਕਰਨਾ ਹੈ

ਗੂਗਲ ਨੇ ਪਹਿਲਾਂ ਹੀ ਪਲੇ ਸਟੋਰ ਤੋਂ ਇਨ੍ਹਾਂ ਐਪਸ ਨੂੰ ਹਟਾ ਦਿੱਤਾ ਹੈ। ਪਰ ਕੁਝ ਯੂਜ਼ਰਸ ਨੇ ਇਨ੍ਹਾਂ ਐਪਸ ਨੂੰ ਜ਼ਰੂਰ ਇੰਸਟਾਲ ਕੀਤਾ ਹੋਵੇਗਾ, ਜਿਸ ਨਾਲ ਕਿਸੇ ਵੀ ਯੂਜ਼ਰ ਨੂੰ ਨੁਕਸਾਨ ਹੋ ਸਕਦਾ ਹੈ। ਅਜਿਹੇ 'ਚ ਜਿਨ੍ਹਾਂ ਯੂਜ਼ਰਸ ਦੇ ਡਿਵਾਈਸ 'ਚ ਇਹ ਚਾਰ ਐਪਸ ਇੰਸਟਾਲ ਹਨ, ਉਨ੍ਹਾਂ ਨੂੰ ਇਨ੍ਹਾਂ ਐਪਸ ਨੂੰ ਤੁਰੰਤ ਹਟਾ ਦੇਣਾ ਚਾਹੀਦਾ ਹੈ। ਉਪਭੋਗਤਾਵਾਂ ਨੂੰ ਆਪਣੇ ਡਿਵਾਈਸ ਵਿੱਚ ਐਂਟੀ ਵਾਇਰਸ ਇੰਸਟਾਲ ਕਰਨਾ ਚਾਹੀਦਾ ਹੈ।