ਮਾਰਕੀਟ 'ਚ ਆਇਆ ਡਿਜੀਟਲ ਕੰ*ਡੋਮ! ਕੈਮਰੇ ਅਤੇ ਮਾਈਕ ਨੂੰ ਬਲੌਕ ਕਰ ਧੋਖਾਧੜੀ ਤੋਂ ਇੰਝ ਕਰਦਾ ਬਚਾਅ
Digital Con*dom App: ਬਾਜ਼ਾਰ 'ਚ ਇੱਕ ਵੱਖਰੇ ਤਰ੍ਹਾਂ ਦਾ ਕੰਡੋਮ ਆ ਗਿਆ ਹੈ। ਇਸ ਸਮੇਂ ਇਹ ਸੁਰਖੀਆਂ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਦਰਅਸਲ, ਜਰਮਨੀ ਦੇ ਸੈਕ*ਸੂਅਲ ਵੈਲਨੈੱਸ ਬ੍ਰਾਂਡ ਬਿਲੀ ਬੁਆਏ ਨੇ ਡਿਜੀਟਲ ਕੰਡੋਮ ਐਪ ਲਾਂਚ ਕੀਤਾ ਹੈ।
Digital Con*dom App: ਬਾਜ਼ਾਰ 'ਚ ਇੱਕ ਵੱਖਰੇ ਤਰ੍ਹਾਂ ਦਾ ਕੰਡੋਮ ਆ ਗਿਆ ਹੈ। ਇਸ ਸਮੇਂ ਇਹ ਸੁਰਖੀਆਂ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਦਰਅਸਲ, ਜਰਮਨੀ ਦੇ ਸੈਕ*ਸੂਅਲ ਵੈਲਨੈੱਸ ਬ੍ਰਾਂਡ ਬਿਲੀ ਬੁਆਏ ਨੇ ਡਿਜੀਟਲ ਕੰਡੋਮ ਐਪ ਲਾਂਚ ਕੀਤਾ ਹੈ। ਇਸ ਨੂੰ ਨਿੱਜੀ ਪਲਾਂ ਦੌਰਾਨ ਲੋਕਾਂ ਦੀ ਨਿੱਜਤਾ ਨੂੰ ਬਣਾਈ ਰੱਖਣ ਲਈ ਤਿਆਰ ਕੀਤਾ ਗਿਆ ਹੈ। ਇਸ ਐਪ ਨੂੰ 'ਕੈਮਡੋਮ' ਵੀ ਕਿਹਾ ਜਾਂਦਾ ਹੈ। ਇਹ ਐਪ ਸਮਾਰਟਫੋਨ ਦੇ ਕੈਮਰੇ ਅਤੇ ਮਾਈਕ੍ਰੋਫੋਨ ਨੂੰ ਅਯੋਗ ਕਰਨ ਲਈ ਬਲੂਟੁੱਥ ਤਕਨੀਕ ਦੀ ਵਰਤੋਂ ਕਰਦਾ ਹੈ ਤਾਂ ਜੋ ਬਿਨਾਂ ਇਜਾਜ਼ਤ ਦੇ ਵੀਡੀਓ ਜਾਂ ਆਡੀਓ ਸਮੱਗਰੀ ਦੀ ਰਿਕਾਰਡਿੰਗ ਨੂੰ ਰੋਕਿਆ ਜਾ ਸਕੇ।
ਇੰਝ ਬਣਾਈ ਰੱਖਦਾ ਪ੍ਰਾਈਵੇਸੀ
ਬਿਲੀ ਬੁਆਏ ਦੀ ਇਹ ਨਵੀਨਤਮ ਖੋਜ ਲੋਕਾਂ ਨੂੰ ਧੋਖਾਧੜੀ ਹੋਣ ਤੋਂ ਵੀ ਬਚਾਉਂਦੀ ਹੈ। ਇਸ ਨਾਲ ਉਨ੍ਹਾਂ ਦੀ ਨਿੱਜਤਾ ਬਰਕਰਾਰ ਰਹਿੰਦੀ ਹੈ। ਡਿਜੀਟਲ ਕੰਡੋਮ ਨੇ ਆਪਣੇ ਲਾਂਚ ਤੋਂ ਬਾਅਦ ਹਲਚਲ ਮਚਾ ਦਿੱਤੀ ਹੈ। ਕੁਝ ਲੋਕ ਇਸ ਦੀ ਤਾਰੀਫ ਕਰ ਰਹੇ ਹਨ ਤਾਂ ਕੁਝ ਲੋਕ ਇਸ ਨੂੰ ਬੇਕਾਰ ਕਾਢ ਦੱਸ ਰਹੇ ਹਨ। ਕੰਪਨੀ ਨੇ ਕਿਹਾ ਕਿ ਸਾਡੇ ਫੋਨ 'ਚ ਜ਼ਿਆਦਾਤਰ ਪ੍ਰਾਈਵੇਟ ਡਾਟਾ ਸੇਵ ਹੁੰਦਾ ਹੈ। ਅਜਿਹੀ ਸਥਿਤੀ ਵਿੱਚ, ਅਸੀਂ ਆਪਣੀ ਨਿੱਜੀ ਚੀਜ਼ਾਂ ਨੂੰ ਬਿਨਾਂ ਇਜਾਜ਼ਤ ਦੇ ਰਿਕਾਰਡ ਹੋਣ ਤੋਂ ਬਚਾਉਣ ਲਈ ਅਜਿਹਾ ਐਪ ਬਣਾਇਆ ਹੈ।
Read MOre: Jio Recharge Plan: ਜੀਓ ਨੇ ਘਟਾਈ ਯੂਜ਼ਰਸ ਦੀ ਟੈਂਸ਼ਨ, ਪੂਰੇ ਇਕ ਸਾਲ ਲਈ ਸਸਤੇ 'ਚ ਮਿਲ ਰਿਹਾ ਮੁਫਤ ਇੰਟਰਨੈੱਟ
ਬਿਲੀ ਬੁਆਏ ਦਾ ਕਹਿਣਾ ਹੈ ਕਿ ਐਪ ਦਾ ਇਸਤੇਮਾਲ ਬਹੁਤ ਆਸਾਨ ਹੈ ਅਤੇ ਇਹ ਲੋਕਾਂ ਦੀ ਪ੍ਰਾਈਵੇਸੀ ਦੀ ਰੱਖਿਆ ਕਰਦਾ ਹੈ। ਇਸ ਨੂੰ ਵਰਤਣ ਲਈ ਯੂਜ਼ਰਸ ਨੂੰ ਐਪ ਨੂੰ ਓਪਨ ਕਰਨਾ ਹੋਵੇਗਾ ਅਤੇ ਫਿਰ ਵਰਚੁਅਲ ਬਟਨ ਨੂੰ ਸਵਾਈਪ ਕਰਨਾ ਹੋਵੇਗਾ। ਅਜਿਹਾ ਕਰਨ ਨਾਲ ਫੋਨ ਦਾ ਮਾਈਕ੍ਰੋਫੋਨ ਅਤੇ ਕੈਮਰੇ ਸਵਿੱਚ ਆਫ ਹੋ ਜਾਣਗੇ।
ਕੈਮਰਾ ਔਨ ਹੋਣ 'ਤੇ ਵੱਜੇਗਾ ਅਲਾਰਮ
ਜੇਕਰ ਤੁਹਾਡਾ ਪਾਟਨਰ ਕੈਮਰਾ ਔਨ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ, ਤਾਂ ਇਹ ਐਪ ਅਲਰਟ ਭੇਜਦਾ ਹੈ ਅਤੇ ਅਲਾਰਮ ਵੱਜਦਾ ਹੈ। ਇਹ ਐਪ ਡਿਜੀਟਲ ਰੂਪ ਵਿੱਚ ਲੋਕਾਂ ਦੀ ਗੋਪਨੀਯਤਾ ਦੀ ਰੱਖਿਆ ਕਰਦੀ ਹੈ। ਦੱਸ ਦੇਈਏ ਕਿ ਬਿਲੀ ਬੁਆਏ ਨੇ ਦੱਸਿਆ ਕਿ ਇਸ ਐਪ ਦੀ ਵਰਤੋਂ 30 ਤੋਂ ਵੱਧ ਦੇਸ਼ਾਂ ਵਿੱਚ ਕੀਤੀ ਜਾ ਰਹੀ ਹੈ। ਇਹ ਐਂਡਰਾਇਡ ਸਮਾਰਟਫੋਨ ਉਪਭੋਗਤਾਵਾਂ ਲਈ ਉਪਲਬਧ ਹੈ ਅਤੇ ਆਉਣ ਵਾਲੇ ਦਿਨਾਂ ਵਿੱਚ iOS ਡਿਵਾਈਸਾਂ ਵਿੱਚ ਵੀ ਉਪਲਬਧ ਹੋਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
