ਹੁਣ ਗਾਇਬ ਹੋ ਜਾਵੇਗਾ Facebook ਦਾ ਲਾਈਕ ਬਟਨ, ਬਦਲ ਗਏ ਨਿਯਮ
ਅਗਲੇ ਸਾਲ ਫਰਵਰੀ ਤੋਂ ਫੇਸਬੁੱਕ ਦੇ ਲਾਈਕ ਅਤੇ ਕਮੈਂਟ ਬਟਨ External Website 'ਤੇ ਦਿਖਾਈ ਨਹੀਂ ਦੇਣਗੇ। ਕੰਪਨੀ 2009 ਵਿੱਚ ਪੇਸ਼ ਕੀਤੇ ਗਏ ਲਾਈਕ ਬਟਨ ਨੂੰ ਦੂਜੇ ਪਲੇਟਫਾਰਮਾਂ ਤੋਂ ਰਿਟਾਇਰ ਕਰ ਰਹੀ ਹੈ।
ਇੰਟਰਨੈੱਟ 'ਤੇ ਫੇਸਬੁੱਕ ਦੀ ਪਛਾਣ ਬਣ ਚੁੱਕੇ ਲਾਈਕ ਬਟਨ ਨੂੰ ਹੁਣ ਕੰਪਨੀ ਹਟਾਉਣ ਦੀ ਤਿਆਰੀ ਕਰ ਰਹੀ ਹੈ। ਰਿਪੋਰਟਾਂ ਦੇ ਅਨੁਸਾਰ, ਲਾਈਕ ਅਤੇ ਕੁਮੈਂਟ ਬਟਨ ਹੁਣ ਬਾਹਰਲੀਆਂ ਵੈੱਬਸਾਈਟਾਂ 'ਤੇ ਦਿਖਾਈ ਨਹੀਂ ਦੇਣਗੇ। ਫੇਸਬੁੱਕ ਨੇ ਕਿਹਾ ਕਿ ਉਹ 10 ਫਰਵਰੀ, 2026 ਤੋਂ External ਵੈੱਬਸਾਈਟਾਂ ਤੋਂ ਆਪਣੇ ਲਾਈਕ ਅਤੇ ਕੁਮੈਂਟ ਬਟਨ ਹਟਾ ਦੇਵੇਗੀ। ਇਸਦਾ ਮਤਲਬ ਇਹ ਨਹੀਂ ਹੈ ਕਿ ਇਹ ਬਟਨ ਕੰਪਨੀ ਦੇ ਪਲੇਟਫਾਰਮ ਤੋਂ ਵੀ ਗਾਇਬ ਹੋ ਜਾਣਗੇ। ਤੁਸੀਂ ਅਜੇ ਵੀ ਫੇਸਬੁੱਕ 'ਤੇ ਫੋਟੋਆਂ ਨੂੰ ਲਾਈਕ ਅਤੇ ਸਾਂਝਾ ਕਰਨ ਦੇ ਯੋਗ ਹੋਵੋਗੇ।
ਫੇਸਬੁੱਕ ਅਗਲੇ ਸਾਲ ਫਰਵਰੀ ਤੋਂ ਆਪਣੇ ਸੋਸ਼ਲ ਪਲੱਗਇਨਾਂ ਵਿੱਚ ਬਦਲਾਅ ਕਰ ਰਿਹਾ ਹੈ। ਇਸਦਾ ਮਤਲਬ ਹੈ ਕਿ ਬਲੌਗ, ਖ਼ਬਰਾਂ ਅਤੇ ਹੋਰ ਵੈੱਬ ਪੇਜ ਜੋ ਫੇਸਬੁੱਕ ਪੋਸਟਾਂ ਨੂੰ ਏਮਬੈਡ ਕਰਦੇ ਹਨ, ਤਾਂ ਉਨ੍ਹਾਂ ਤੋਂ ਲਾਈਕ ਅਤੇ ਕੁਮੈਂਟ ਬਟਨ ਗਾਇਬ ਹੋ ਜਾਣਗੇ। ਕੰਪਨੀ ਨੇ ਕਿਹਾ ਕਿ ਇਹ ਫੈਸਲਾ ਡਿਵੈਲਪਰ ਟੂਲਸ ਨੂੰ ਸਰਲ ਅਤੇ ਆਧੁਨਿਕ ਬਣਾਉਣ ਲਈ ਲਿਆ ਜਾ ਰਿਹਾ ਹੈ। ਇਹ ਪਲੱਗਇਨ ਲਗਭਗ ਇੱਕ ਦਹਾਕਾ ਪਹਿਲਾਂ ਪੇਸ਼ ਕੀਤੇ ਗਏ ਸਨ, ਜਦੋਂ External ਵੈੱਬਸਾਈਟਾਂ ਨੇ ਸ਼ਮੂਲੀਅਤ ਵਧਾਉਣ ਲਈ ਫੇਸਬੁੱਕ ਪੋਸਟਾਂ ਨੂੰ ਏਕੀਕ੍ਰਿਤ ਕਰਨਾ ਸ਼ੁਰੂ ਕੀਤਾ ਸੀ। ਹੁਣ, ਬਦਲਦੇ ਸਮੇਂ ਦੇ ਨਾਲ, ਇਨ੍ਹਾਂ ਦੀ ਵਰਤੋਂ ਵਿੱਚ ਗਿਰਾਵਟ ਆਈ ਹੈ।
ਫਰਵਰੀ ਵਿੱਚ ਮੇਟਾ ਦੇ ਡਿਵੈਲਪਰ ਅਪਡੇਟ ਦੌਰਾਨ ਨਵੇਂ ਬਦਲਾਅ ਲਾਗੂ ਹੋਣ ਤੋਂ ਬਾਅਦ ਲਾਈਕ ਅਤੇ ਕਮੈਂਟ ਬਟਨ ਦਿਖਾਈ ਨਹੀਂ ਦੇਣਗੇ, ਪਰ ਇਸ ਨਾਲ ਕੋਈ ਐਰਰ ਜਾਂ ਡਿਸਰਪਸ਼ਨ ਨਹੀਂ ਆਵੇਗਾ। ਡਿਵੈਲਪਰਾਂ ਨੂੰ ਤੁਰੰਤ ਕਾਰਵਾਈ ਕਰਨ ਦੀ ਲੋੜ ਨਹੀਂ ਹੈ, ਪਰ ਉਹ ਬਿਹਤਰ ਯੂਜ਼ਰ ਐਕਸਪੀਰੀਅੰਸ ਲਈ ਪੁਰਾਣੇ ਪਲੱਗਇਨ ਕੋਡ ਨੂੰ ਦੁਬਾਰਾ ਇੰਜੀਨੀਅਰ ਕਰ ਸਕਦੇ ਹਨ।
ਇਹ ਫੈਸਲਾ ਇੰਟਰਨੈੱਟ 'ਤੇ ਫੇਸਬੁੱਕ ਦੇ ਇੱਕ ਯੁੱਗ ਦੇ ਅੰਤ ਨੂੰ ਦਰਸਾਉਂਦਾ ਹੈ। ਲਾਈਕ ਬਟਨ ਪਹਿਲੀ ਵਾਰ 2009 ਵਿੱਚ ਫੇਸਬੁੱਕ 'ਤੇ ਪੇਸ਼ ਕੀਤਾ ਗਿਆ ਸੀ ਅਤੇ ਉਦੋਂ ਤੋਂ ਇਸ ਨੇ ਇੱਕ ਵਿਲੱਖਣ ਪਛਾਣ ਬਣਾਈ ਹੈ। ਸਾਲਾਂ ਤੋਂ, ਨਿਊਜ਼ ਵੈੱਬਸਾਈਟਾਂ ਤੋਂ ਲੈ ਕੇ ਬ੍ਰਾਂਡਾਂ ਤੱਕ ਦੇ ਕਾਰੋਬਾਰਾਂ ਨੇ ਲਾਈਕ ਬਟਨ ਨਾਲ ਆਪਣੀ ਪ੍ਰਸਿੱਧੀ ਦਾ ਅੰਦਾਜ਼ਾ ਲਗਾਇਆ ਹੈ। ਇਸ ਤਰ੍ਹਾਂ, ਇਹ ਫੇਸਬੁੱਕ ਦਾ ਸਭ ਤੋਂ ਪ੍ਰਸਿੱਧ ਬਟਨ ਸਾਬਤ ਹੋਇਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
