ਏਅਰਟੈੱਲ ਵੱਲੋਂ ਆਈਫੋਨ-X 'ਤੇ ਭਾਰੀ ਛੂਟ

ਨਵੀਂ ਦਿੱਲੀ: ਟੈਲੀਕਾਮ ਸਰਵਿਸ ਪ੍ਰੋਵਾਈਡਰ ਕੰਪਨੀ ਭਾਰਤੀ ਏਅਰਟੈੱਲ ਨੇ ਅੱਜ ਕਿਹਾ ਹੈ ਕਿ ਉਹ ਆਪਣੇ ਪੋਸਟਪੇਡ ਗਾਹਕਾਂ ਨੂੰ ਐਪਲ ਦੇ ਸਭ ਤੋਂ ਨਵੇਂ ਤੇ ਮਹਿੰਗੇ ਆਈਫੋਨ-X ਦੀ ਪੇਸ਼ਕਸ਼ ਤਿੰਨ ਨਵੰਬਰ ਤੋਂ ਕਰੇਗੀ। ਕੰਪਨੀ ਦਾ ਕਹਿਣਾ ਹੈ ਕਿ ਹਾਲ ਹੀ 'ਚ ਸ਼ੁਰੂ ਕੀਤੇ ਗਏ, ਉਸ ਦੇ ਨਵੇਂ ਆਨਲਾਈਨ ਸਟੋਰ 'ਤੇ ਆਈਫੋਨ-X ਦੀ ਵਿਕਰੀ 3 ਨਵੰਬਰ, 2017 ਨੂੰ ਸ਼ਾਮ 6 ਵਜੇ ਸ਼ੁਰੂ ਹੋਵੇਗੀ। ਭਾਰਤ 'ਚ ਇਸ ਆਈਫੋਨ ਦੀ ਵਿਕਰੀ ਕਰਨ ਵਾਲੇ ਕੁਝ ਹੀ ਪਲੇਟਫਾਰਮ ਹਨ। ਏਅਰਟੈਲ ਆਨਲਾਈਨ ਸਟੋਰ ਤੋਂ ਆਈਫੋਨ-X ਖਰੀਦਣ ਵਾਲੇ ਗਾਹਕਾਂ ਨੂੰ 10,000 ਰੁਪਏ ਦਾ ਕੈਸ਼ਬੈਕ ਮਿਲੇਗਾ। ਇਸ 'ਚ ਸਿਟੀ ਬੈਂਕ ਦੇ ਕ੍ਰੈਡਿਟ ਕਾਰਡ ਨਾਲ ਪੇਮੈਂਟ ਕਰਨੀ ਹੋਵੇਗੀ। ਕੰਪਨੀ ਨੇ ਇਹ ਵੀ ਦੱਸਿਆ ਹੈ ਕਿ ਸ਼ੁੱਕਰਵਾਰ ਸ਼ਾਮ 6 ਵਜੇ ਲੈ ਕੇ ਸ਼ਨੀਵਾਰ ਸਵੇਰੇ 7 ਵਿਚਾਲੇ ਖਰੀਦੇ ਗਏ ਇਨ੍ਹਾਂ ਫੋਨਾਂ 'ਤੇ ਕੈਸ਼ਬੈਕ ਆਫਰ ਦਿੱਤੀ ਜਾਵੇਗੀ। ਇਸ ਆਈਫੋਨ ਦੀ ਕੀਮਤ 89,000 ਰੁਪਏ (64 ਜੀਬੀ) ਤੇ 1,02,000 ਰੁਪਏ (256 ਜੀਬੀ) ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਸਿਰਫ ਉਸ ਦੇ ਪੋਸਟਪੇਡ ਗਾਹਕਾਂ ਹੀ ਇਸ ਫੋਨ ਨੂੰ ਖਰੀਦ ਸਕਣਗੇ। ਆਈਫੋਨ-10 'ਚ 5.8 ਇੰਚ ਦੀ ਸਕਰੀਨ ਦਿੱਤੀ ਗਈ ਹੈ ਜਿਹੜੀ ਕਿ ਬੇਜੇਲ ਲੈਸ ਸਕਰੀਨ ਦੇ ਨਾਲ ਆਉਂਦਾ ਹੈ। ਇਹ ਹੁਣ ਤੱਕ ਦੇ ਕਿਸੇ ਵੀ ਆਈਫੋਨ ਦੀਸੱਭ ਤੋਂ ਵੱਡੀ ਸਕਰੀਨ ਹੈ। ਇਸ ਤੋਂ ਪਹਿਲਾਂ ਆਈਫੋਨ-7 ਪਲਸ 'ਚ 5.5 ਇੰਚ ਦੀ ਸਕਰੀਨ ਦਿੱਤੀ ਗਈ ਹੈ। ਐਪਲ ਨੇ ਇਸ ਦੇ ਸੁਪਰ ਰੇਟੀਨਾ ਡਿਸਪਲੇ ਦਾ ਨਾਂ ਦਿੱਤਾ ਗਿਆ ਹੈ। ਇਹ 1125x2436 ਪਿਕਸਲ ਰਿਜ਼ੋਲਯੂਸ਼ਨ ਤੇ 458 ਪਿਕਸਲ ਡੈਨਸਿਟੀ ਦੇ ਨਾਲ ਆਉਂਦਾ ਹੈ। ਪ੍ਰੋਸੈਸਰ ਨੂੰ ਅਪਗ੍ਰੇਡ ਕਰਦੇ ਹੋਏ ਇਸ A11 Bionic ਚਿਪ ਦਿੱਤੀ ਗਈ ਹੈ। ਆਈਫੋਨ-X ਤੋਂ ਟਚ ਆਈਡੀ ਨੂੰ ਹਟਾ ਦਿੱਤਾ ਗਿਆ ਹੈ ਤੇ ਹੁਣ ਫੇਸ ਆਈਡੀ ਨੇ ਇਹ ਦੀ ਥਾਂ ਲੈ ਲਈ ਹੈ। ਆਈਫੋਨ-10 ਨੂੰ ਵੇਖ ਕੇ ਹੀ ਅਨਲੌਕ ਕੀਤਾ ਜਾ ਸਕਦਾ ਹੈ। ਆਈਫੋਨ-X 'ਚ ਹੈਡਫੋਨ ਜੈਕ ਵੀ ਨਹੀਂ ਹੈ। ਇਹ ਪੂਰੀ ਤਰ੍ਹਾਂ ਵਾਇਰਲੈਸ ਹੈ।