ਆ ਰਿਹਾ ਨਵਾਂ iPhone, ਐਪਲ ਨੇ ਭੇਜੇ ਸੱਦਾ ਪੱਤਰ

ਕੰਪਨੀ ਨੇ ਐਪਲ ਪਾਰਕ ਕੈਂਪਸ ਦੇ ਸਟੀਵ ਜੌਬਸ ਥਿਏਟਰ ਵਿੱਚ 10 ਸਤੰਬਰ ਨੂੰ ਹੋਣ ਵਾਲੇ ਇਵੈਂਟ ਲਈ ਸੱਦਾ ਪੱਤਰ ਭੇਜੇ ਹਨ। ਇਸ ਦਿਨ ਜਾਰੀ ਹੋਣ ਵਾਲੇ ਨਵੇਂ ਆਈਫ਼ੋਨ ਵਿੱਚ ਟ੍ਰਿਪਲ ਲੈਂਸ ਕੈਮਰਾ ਹੋਣ ਦੀ ਆਸ ਹੈ। ਐਪਲ ਦਾ ਅਗਲਾ ਆਈਫ਼ੋਨ 11 ਜਾਂ ਆਈਫ਼ੋਨ ਪ੍ਰੋ ਨਾਂ ਤਹਿਤ ਜਾਰੀ ਹੋ ਸਕਦਾ ਹੈ।

ਨਵੀਂ ਦਿੱਲੀ: ਆਈਫ਼ੋਨ 11 ਲਈ ਇੰਤਜ਼ਾਰ ਕਰ ਰਹੇ ਲੋਕਾਂ ਲਈ ਚੰਗੀ ਖ਼ਬਰ ਹੈ। ਦਰਅਸਲ, ਆਈਫ਼ੋਨ ਬਣਾਉਣ ਵਾਲੀ ਕੰਪਨੀ ਐਪਲ ਨੇ ਸਤੰਬਰ ਵਿੱਚ ਹੋਣ ਵਾਲੇ ਆਪਣੇ ਇਵੈਂਟ ਲਈ ਮੀਡੀਆ ਨੂੰ ਸੱਦਾ ਪੱਤਰ ਭੇਜ ਦਿੱਤੇ ਹਨ। ਪੂਰੀ ਉਮੀਦ ਹੈ ਕਿ ਐਪਲ ਆਪਣਾ ਨਵਾਂ ਆਈਫ਼ੋਨ ਇਸ ਸਮਾਗਮ ਵਿੱਚ ਜਾਰੀ ਕਰੇਗਾ ਤੇ 10 ਸਤੰਬਰ ਨੂੰ ਨਵੇਂ ਆਈਫ਼ੋਨ ਦੀ ਪਹਿਲੀ ਝਲਕ ਮਿਲਣ ਦੀ ਆਸ ਹੈ। ਕੰਪਨੀ ਨੇ ਐਪਲ ਪਾਰਕ ਕੈਂਪਸ ਦੇ ਸਟੀਵ ਜੌਬਸ ਥਿਏਟਰ ਵਿੱਚ 10 ਸਤੰਬਰ ਨੂੰ ਹੋਣ ਵਾਲੇ ਇਵੈਂਟ ਲਈ ਸੱਦਾ ਪੱਤਰ ਭੇਜੇ ਹਨ। ਇਸ ਦਿਨ ਜਾਰੀ ਹੋਣ ਵਾਲੇ ਨਵੇਂ ਆਈਫ਼ੋਨ ਵਿੱਚ ਟ੍ਰਿਪਲ ਲੈਂਸ ਕੈਮਰਾ ਹੋਣ ਦੀ ਆਸ ਹੈ। ਐਪਲ ਦਾ ਅਗਲਾ ਆਈਫ਼ੋਨ 11 ਜਾਂ ਆਈਫ਼ੋਨ ਪ੍ਰੋ ਨਾਂ ਤਹਿਤ ਜਾਰੀ ਹੋ ਸਕਦਾ ਹੈ। ਨਵਾਂ ਆਈਫ਼ੋਨ ਵੱਖ-ਵੱਖ ਵਰਸ਼ਨ ਵਿੱਚ ਆ ਸਕਦਾ ਹੈ, ਜਿਵੇਂ ਐਪਲ ਨੇ ਸਾਲ 2017 ਵਿੱਚ ਕੀਤਾ ਸੀ। ਹਾਲਾਂਕਿ, ਹਾਲੇ ਇਹ ਸਾਫ ਨਹੀਂ ਹੈ ਕਿ ਐਪਲ ਦਾ ਇਹ ਆਈਫ਼ੋਨ 5ਜੀ ਤਕਨੀਕ ਨਾਲ ਆਵੇਗਾ ਕਿ ਨਾ। ਉਂਝ ਐਪਲ ਸਾਲ 2020 ਤਕ 5ਜੀ ਫ਼ੋਨ ਜਾਰੀ ਕਰਨ ਦੀ ਤਿਆਰੀ ਵਿੱਚ ਹੈ।

Apple event invites are out. September 10th at Steve Jobs Theater. pic.twitter.com/MemU9ajbPH

— Neil Cybart (@neilcybart) August 29, 2019