ਦੱਸ ਦੇਈਏ ਕਿ 2011 ਵਿੱਚ ਐਪਲ ਨੇ ਸੈਮਸੰਗ ਤੇ ਸਲਾਈਡ ਟੂ ਅਨਲੌਕ ਤੇ ਆਈਫੋਨ ਦੇ ਦੂਜੇ ਫੀਚਰਸ ਦੇ ਪੇਟੈਂਟ ਚੋਰੀ ਕਰਨ ਦਾ ਇਲਜ਼ਾਮ ਲਾਇਆ ਸੀ। ਐਪਲ ਨੇ 2.5 ਅਰਬ ਡਾਲਰ ਹਰਜਾਨੇ ਲਈ ਕੇਸ ਕੀਤਾ ਸੀ। ਸੈਮਸੰਗ 'ਤੇ ਆਈਫੋਨ ਦੇ ਫੀਚਰਸ ਤੇ ਪੈਕੇਜਿੰਗ ਪੇਟੈਂਟ ਚੋਰੀ ਕਰਨ ਦਾ ਇਲਜ਼ਾਮ ਲਾਉਂਦਿਆਂ ਐਪਲ ਨੇ ਕੈਲੀਫੋਰਨੀਆ ਦੇ ਲੋਅਰ ਕੋਰਟ ਵਿੱਚ ਕੇਸ ਫਾਈਲ ਕੀਤਾ। ਇਸ ਵਿੱਚ ਹਰਜਾਨੇ ਦੇਰ ਤੌਰ ਤੇ ਸੈਮਸੰਗ ਟੋਇਨ 2.5 ਅਰਬ ਡਾਲਰ ਦੀ ਮੰਗ ਕੀਤੀ ਗਈ ਸੀ।
ਕੋਰਟ ਨੇ 2012 ਵਿੱਚ ਐਪਲ ਦੇ ਪੱਖ ਵਿੱਚ ਫੈਸਲਾ ਸੁਣਾਇਆ ਤੇ ਸੈਮਸੰਗ ਨੂੰ 1 ਅਰਬ ਡਾਲਰ ਹਰਜ਼ਾਨਾ ਦੇਣ ਦਾ ਆਰਡਰ ਦਿੱਤਾ। ਇਸ ਤੋਂ ਬਾਅਦ ਐਪਲ ਨੇ ਮੁੜ ਅਪੀਲ ਕੀਤੀ। 2013 ਵਿੱਚ ਅਦਾਲਤ ਨੇ ਸੈਮਸੰਗ 'ਤੇ ਲੱਗੇ ਕੁਝ ਇਲਜ਼ਾਮ ਨੂੰ ਖਾਰਜ ਕਰ ਦਿੱਤਾ ਸੀ। ਇਸ ਦੌਰਾਨ ਐਪਲ ਨੇ ਕੁਝ ਸੈਮਸੰਗ ਸਮਾਰਟ ਫੋਨਜ਼ 'ਤੇ ਬੈਨ ਲਵਾਉਣ ਦੀ ਵੀ ਕੋਸ਼ਿਸ਼ ਕੀਤੀ ਪਰ ਉਸ ਨੂੰ ਕਾਮਯਾਬੀ ਨਹੀਂ ਮਿਲੀ। ਓਦੋਂ ਐਪਲ ਨੇ ਦਾਅਵਾ ਕੀਤਾ ਸੀ ਕਿ ਸੈਮਸੰਗ ਦੇ ਫੋਨਸ ਦਾ ਆਪਰੇਟਿੰਗ ਸਿਸਟਮ (OS) ਚੋਰੀ ਦਾ ਹੈ।
ਇਸ ਮਾਮਲੇ ਵਿੱਚ ਸੈਮਸੰਗ ਨੇ ਕਿਹਾ ਸੀ ਕਿ ਸਾਡਾ ਕੋਈ ਵੀ ਪ੍ਰੋਡਕਟ ਐਪਲ ਦੇ ਪੇਟੈਂਟ ਦਾ ਵਾਇਲੇਸ਼ਨ ਨਹੀਂ ਕਰਦਾ। ਐਪਲ ਨੇ ਪੇਟੈਂਟ ਹਰਜਾਨੇ ਨੂੰ ਵਧਾ-ਚੜ੍ਹਾ ਕੇ ਪੇਸ਼ ਕੀਤਾ ਹੈ। ਬਾਵਜੂਦ ਇਸ ਦੇ ਅਸੀਂ ਲਗਾਤਾਰ ਲੀਗਲ ਸਿਸਟਮ ਮੁਤਾਬਕ ਕੰਪਨੀ ਦੇ ਪ੍ਰੌਡਕਟ ਤੇ ਇੰਟਲੈਕਚੁਅਲ ਪ੍ਰਾਪਰਟੀ ਨੂੰ ਸਿਕਿਉਰ ਕਰਦੇ ਰਹਾਂਗੇ।
ਐਪਲ ਦੇ ਕੋ-ਫਾਊਂਡਰ ਸਟੀਵ ਵੋਜਨਿਕ ਨੇ 2013 ਵਿੱਚ ਕਿਹਾ ਸੀ ਕਿ ਸੈਮਸੰਗ ਦੇ ਮੋਬਾਈਲਾਂ ਵਿੱਚ ਕੁਝ ਚੰਗੀਆਂ ਚੀਜ਼ਾਂ ਹਨ। ਮੈਂ ਚਾਹੁੰਦਾ ਹਾਂ ਕਿ ਇਹ ਆਈਫੋਨ ਵਿੱਚ ਵੀ ਸ਼ਾਮਲ ਹੋਣ। ਮੈਂ ਨਹੀਂ ਜਾਣਦਾ ਕਿ ਸੈਮਸੰਗ ਸਾਨੂੰ ਅਜਿਹਾ ਕਾਰਨ ਤੋਂ ਰੋਕੇਗਾ। ਲਾਇਸੈਂਸ ਦੇ ਵਿਵਾਦ ਤੋਂ ਉੱਪਰ ਉੱਠ ਕੇ ਕੁਝ ਚੰਗੀ ਟੈਕਨਾਲੌਜੀ ਨੂੰ ਸਾਂਝਾ ਕੀਤਾ ਜਾਵੇ। ਇਸ ਨਾਲ ਦੋਹਾਂ ਕੰਪਨੀਆਂ ਦੇ ਪ੍ਰੋਡਕਟ ਬਿਹਤਰ ਹੋਣਗੇ।