iPhone 13 New Features: iPhone 13 ਸੀਰੀਜ਼ ਬਾਰੇ ਵੱਡਾ ਖੁਲਾਸਾ, ਐਪਲ ਲੈ ਕੇ ਆ ਰਿਹਾ ਹੈ ਰਿਵਰਸ ਵਾਇਰਲੈੱਸ ਚਾਰਜਿੰਗ ਫੀਚਰ
ਆਈਫੋਨ ਦੀ ਨਵੀਂ ਸੀਰੀਜ਼ ਵਿਚ ਨਵੀਂ ਪੀੜ੍ਹੀ ਦੇ ਸਮਾਰਟਫੋਨ ਚਿੱਪਸੈੱਟ, ਬਿਹਤਰ ਬੈਟਰੀ, ਵਧੇਰੇ ਰਿਫ੍ਰੈਸ਼ ਰੇਟ ਡਿਸਪਲੇ, ਛੋਟੇ ਨੌਚ ਅਤੇ ਸਕ੍ਰੀਨ ਦੇ ਸਿਖਰ 'ਤੇ ਸਪੀਕਰ ਗਰਿੱਲ ਵੇਖਣ ਨੂੰ ਮਿਲ ਸਕਦੇ ਹਨ।
ਨਵੀਂ ਦਿੱਲੀ: ਐਪਲ (Apple) ਆਪਣੀ ਨਵੀਂ iPhone 13 ਸੀਰੀਜ਼ ਸਤੰਬਰ 2021 ਵਿਚ ਲਾਂਚ ਕਰ ਸਕਦੀ ਹੈ। ਕਪਰਟੀਨੋ ਅਧਾਰਤ ਕੰਪਨੀ ਨਵੀਂ ਆਈਫੋਨ 13 ਸੀਰੀਜ਼ ਦੇ ਤਹਿਤ ਮੌਜੂਦਾ ਆਈਫੋਨ 12 ਸੀਰੀਜ਼ ਦੇ ਅਪਗ੍ਰੇਡ ਕੀਤੇ ਸਮਾਰਟਫੋਨਸ ਨੂੰ ਲਾਂਚ ਕਰੇਗੀ। ਇਸ ਸੀਰੀਜ਼ 'ਚ iPhone 13, 13 Mini, 13 Pro ਅਤੇ 13 Pro Max ਸਮਾਰਟਫੋਨ ਹੋਣਗੇ। 2021 ਵਿਚ ਆਉਣ ਵਾਲੇ ਆਈਫੋਨਸ ਸਬੰਧੀ ਕਈ ਵਾਰ ਲੀਕ ਜਾਣਕਾਰੀ ਸਾਹਮਣੇ ਆਈ ਹੈ।
ਹੁਣ ਤਾਜ਼ਾ ਰਿਪੋਰਟ ਵਿੱਚ ਖੁਲਾਸਾ ਹੋਇਆ ਹੈ ਕਿ ਨਵੇਂ ਆਈਫੋਨ ਵਿੱਚ ਵਾਇਰਲੈੱਸ ਚਾਰਜਿੰਗ ਸਮਰੱਥਾ ਲਈ ਇੱਕ ਵੱਡਾ ਵਾਇਰਲੈੱਸ ਚਾਰਜਿੰਗ ਕੋਇਲ ਮਿਲੇਗਾ। Max Weinbach ਨਾਂ ਦੇ ਇੱਕ ਟਿਪਸਟਰ ਮੁਤਾਬਕ ਆਈਫੋਨ 13 ਲੰਬੇ ਵਾਇਰਲੈਸ ਚਾਰਜਿੰਗ ਕੋਇਲ ਦੇ ਨਾਲ ਆਵੇਗਾ ਜੋ ਵਾਇਰਲੈੱਸ ਚਾਰਜਿੰਗ ਨੂੰ ਸਮਰੱਥ ਕਰੇਗਾ।
ਟਿਪਸਟਰ ਮੁਤਾਬਕ ਇੱਕ ਵਿਸ਼ਾਲ ਕੋਇਲ ਦਾ ਅਰਥ ਹੈ ਕਿ ਵਾਇਰਲੈੱਸ ਚਾਰਜਿੰਗ ਲਈ ਵਰਤੇ ਜਾਣ ਵਾਲੇ ਸਤਹ ਖੇਤਰ ਵਿੱਚ ਵਾਧਾ। ਇਸਦੇ ਨਾਲ ਹੀ ਇਹ ਆਈਫੋਨ ਦੇ ਕੰਪੋਨੈਂਟਸ ਤੋਂ ਨਿਕਲ ਰਹੀ ਗਰਮੀ ਦੇ ਪ੍ਰਬੰਧਨ ਵਿੱਚ ਵੀ ਮਦਦ ਕਰੇਗਾ। ਜੇ ਵਾਇਰਲੈੱਸ ਚਾਰਜਿੰਗ ਆਉਂਦੀ ਹੈ, ਤਾਂ ਆਈਫੋਨ ਉਪਭੋਗਤਾਵਾਂ ਲਈ ਆਪਣੇ ਆਈਫੋਨ ਦੇ ਪਿਛਲੇ ਹਿੱਸੇ ਤੋਂ ਏਅਰਪੌਡ ਅਤੇ ਹੋਰ ਡਿਵਾਈਸਾਂ ਦਾ ਚਾਰਜ ਕਰਨਾ ਅਸਾਨ ਹੋਵੇਗਾ।
ਦੱਸ ਦੇਈਏ ਕਿ ਐਪਲ ਹਮੇਸ਼ਾ ਵਾਇਰਲੈੱਸ ਚਾਰਜਿੰਗ ਪ੍ਰਤੀ ਸੁਚੇਤ ਰਿਹਾ ਹੈ। 2017 ਵਿੱਚ ਕੰਪਨੀ ਨੇ ਏਅਰ ਪਾਵਰ ਮੈਟ ਨੂੰ ਪ੍ਰਦਰਸ਼ਿਤ ਕੀਤਾ ਜੋ ਆਪਣੇ ਆਪ ਆਈਫੋਨ, ਐਪਲ ਵਾਚ ਅਤੇ ਏਅਰਪੌਡਾਂ ਨੂੰ ਚਾਰਜ ਕਰਨ ਦੇ ਸਮਰੱਥ ਸੀ। ਹਾਲਾਂਕਿ, ਦੋ ਸਾਲ ਬਾਅਦ ਕੰਪਨੀ ਨੇ ਅਧਿਕਾਰਤ ਤੌਰ 'ਤੇ ਐਲਾਨ ਕੀਤਾ ਕਿ ਐਪਲ ਇਸ 'ਤੇ ਕੰਮ ਨਹੀਂ ਕਰ ਰਿਹਾ। ਪਰ ਪਿਛਲੇ ਮਹੀਨੇ ਇੱਕ ਟਿਪਸਟਰ ਨੇ ਦੱਸਿਆ ਕਿ ਏਅਰ ਪਾਵਰ ਮੈਟ ਕੰਪਨੀ ਦੇ ਏਜੰਡੇ ਵਿਚ ਵਾਪਸ ਆ ਗਈ ਹੈ।
ਹਾਲਾਂਕਿ ਕੰਪਨੀ ਅਜੇ ਤੱਕ ਏਅਰ ਪਾਵਰ ਮੈਟ ਨੂੰ ਚਾਰਜ ਨਹੀਂ ਕਰਨ ਜਾ ਰਹੀ ਹੈ, ਅਗਲੇ ਫੋਨ ਵਿਚ ਰਿਵਰਸ ਵਾਇਰਲੈੱਸ ਚਾਰਜਿੰਗ ਮਿਲਣ ਦੀ ਪੂਰੀ ਉਮੀਦ ਹੈ। ਅਜਿਹੀ ਸਥਿਤੀ ਵਿੱਚ ਐਪਲ ਨੇ ਇਸ ਨੂੰ ਹੁਣ ਬਿਹਤਰ ਬਣਾ ਲਿਆ ਹੋਣਾ ਅਤੇ ਕੰਪਨੀ ਇਸਨੂੰ ਅਗਲੇ ਫੋਨ ਵਿੱਚ ਪੇਸ਼ ਕਰ ਸਕਦੀ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
