ਮਰਸਡੀਜ਼ ਦੇ 9 ਨਵੰਬਰ ਨੂੰ ਦੋ ਧਮਾਕੇ

ਨਵੀਂ ਦਿੱਲੀ: ਮਰਸਡੀਜ਼ ਬੈਂਜ਼ 9 ਨਵੰਬਰ ਨੂੰ ਦੋ ਸ਼ਾਨਦਾਰ ਮਾਡਲਾਂ ਨੂੰ ਭਾਰਤ ਵਿੱਚ ਲਾਂਚ ਕਰ ਵਾਲੀ ਹੈ। ਇਹ ਕਾਰਾਂ ਸੀ-ਕਲਾਸ ਕੈਬ੍ਰਿਓਲੈਟ ਤੇ ਐਸ-ਕਲਾਸ ਕੈਬ੍ਰਿਓਲੈਟ ਹੋਣਗੀਆਂ। ਸੀ ਕਲਾਸ ਕੈਬ੍ਰਿਓਲੈਟ ਦੀ ਕੀਮਤ 60 ਲੱਖ ਹੈ ਜਦੋਂਕਿ ਐਸ-ਕਲਾਸ ਕੈਬ੍ਰਿਓਲੈਟ ਦੀ ਕੀਮਤ ਦੋ ਕਰੋੜ ਰੁਪਏ ਦੇ ਕਰੀਬ ਹੋਵੇਗੀ। ਸੀ-ਕਲਾਸ ਕੈਬ੍ਰਿਓਲੈਟ ਦੀ ਗੱਲ ਕਰੀਏ ਤਾਂ ਇਹ ਰੈਗੂਲਰ ਸੀ-ਕਲਾਸ ਦਾ ਹੀ ਕਨਵਰਟੇਬਲ ਵਰਜ਼ਨ ਹੋਵੇਗੀ। ਇਸ ਦੀ ਸਾਫਟ ਟਾਪ ਛੱਤ ਨੂੰ ਕਦੇ ਵੀ ਖੋਲ੍ਹਿਆ ਜਾ ਸਕੇਗਾ।

ਸੀ-ਕਲਾਸ ਕੈਬ੍ਰਿਓਲੈਟ ਵਿੱਚ ਜੀਐਲਸੀ-300 ਵਾਲਾ 2.0 ਲੀਟਰ ਦਾ ਟਰਬੋ ਪੈਟਰੋਲ ਇੰਜਨ ਮਿਲੇਗਾ। ਇਹ ਇੰਜਨ 241 ਪੀ.ਐਸ. ਦੀ ਤਾਕਤ ਤੇ 370 ਐਨ.ਐਸ. ਟਾਰਕ ਦੇਵੇਗਾ। ਇਹ ਇੰਜਨ 9-ਸਪੀਡ ਆਟੋਮੈਟਿਕ ਗੇਅਰਬਾਕਸ ਨਾਲ ਜੁੜਿਆ ਹੋਏਗਾ। ਐਸ-ਕਲਾਸ ਕੈਬ੍ਰਿਓਲੈਟ ਦੀ ਗੱਲ ਕਰੀਏ ਤਾਂ ਇਹ ਐਸ-500 'ਤੇ ਬਣੀ ਹੋਏਗੀ। ਇਸ ਵਿੱਚ 4.7 ਲੀਟਰ ਦਾ ਵੀ-8 ਇੰਜਨ ਮਿਲੇਗਾ।