ਹੁਣ ਪੇਟੀਐਮ ਰਾਹੀਂ ਸਿੱਧਾ ਬੈਂਕ ਖਾਤੇ 'ਚ ਭੇਜੋ ਪੈਸੇ

ਨਵੀਂ ਦਿੱਲੀ: ਮੋਬਾਈਲ ਪੇਮੈਂਟ ਦੀ ਵਿੱਤੀ ਸੇਵਾ ਕੰਪਨੀ ਪੇਟੀਐਮ ਨੇ ਅੱਜ ਐਲਾਨ ਕੀਤਾ ਹੈ ਕਿ ਪੇਟੀਐਮ ਕਿਊਆਰ ਰਾਹੀਂ ਹੁਣ ਔਫਲਾਈਨ ਦੁਕਾਨਦਾਰ ਅਨਲਿਮਟਿਡ ਰਕਮ ਸਿੱਧਾ ਆਪਣੇ ਬੈਂਕ ਖਾਤੇ ਵਿੱਚ ਲੈ ਸਕਦੇ ਹਨ। ਇਸ 'ਤੇ ਕੋਈ ਫੀਸ ਨਹੀਂ ਲੱਗੇਗੀ। ਪੇਟੀਐਮ ਦਾ ਕਹਿਣਾ ਹੈ ਕਿ ਹੁਣ ਗਾਹਕ ਆਪਣੀ ਪਸੰਦੀਦਾ ਪੇਮੈਂਟ ਆਪਸ਼ਨ ਜਿਵੇਂ ਪੇਟੀਐਮ ਯੂਪੀਆਈ ਕਾਰਡ ਤੇ ਨੈੱਟ ਬੈਂਕਿੰਗ ਦਾ ਇਸਤੇਮਾਲ ਕਰਦੇ ਹੋਏ ਦੁਕਾਨਦਾਰ ਦੇ ਆਉਟਲੈੱਟ 'ਤੇ ਸਕੈਨ ਤੇ ਪੇਮੈਂਟ ਕਰ ਸਕਦੇ ਹਨ। ਕੰਪਨੀ ਨੇ ਇੱਕ ਬਿਆਨ ਵਿੱਚ ਦੱਸਿਆ ਕਿ ਪੇਟੀਐਮ ਦਾ ਟਾਰਗੇਟ ਸਾਰਿਆਂ ਨੂੰ ਸਪੋਰਟ ਦੇਣਾ ਹੈ ਤਾਂ ਜੋ ਛੋਟੇ ਅਤੇ ਵੱਡੇ ਵਪਾਰੀ ਕੈਸ਼ ਦੀ ਥਾਂ ਬੈਂਕ ਵਿੱਚ ਪੈਸੇ ਹਾਸਲ ਕਰ ਸਕਣ। ਇਸ ਦੇ ਨਾਲ ਹੀ ਉਹ ਇਸ ਦਾ ਇਸਤੇਮਾਲ ਆਪਣਾ ਕਾਰੋਬਾਰ ਵਧਾਉਣ ਲਈ ਵੀ ਕਰ ਸਕਦੇ ਹਨ। ਪੇਟੀਐਮ ਦੇ ਸੀਈਓ ਕਿਰਨ ਵਸੀਰੈਡੀ ਨੇ ਕਿਹਾ, "ਅਸੀਂ ਭਾਰਤ ਵਿੱਚ ਮੋਬਾਈਲ ਪੇਮੈਂਟਸ ਦੇ ਮਾਮਲੇ ਵਿੱਚ ਸਭ ਤੋਂ ਅੱਗੇ ਹਾਂ। ਅੱਜ ਪੇਟੀਐਮ ਨੂੰ ਮੁਲਕ ਵਿੱਚ ਲੱਖਾਂ ਰਿਟੇਲ ਚੇਨ ਦੇ ਨਾਲ-ਨਾਲ ਛੋਟੇ ਸਟੋਰਾਂ 'ਤੇ ਵੀ ਅਸੈਪਟ ਕੀਤਾ ਜਾਂਦਾ ਹੈ। ਅਸੀਂ ਆਪਣੇ ਪਾਰਟਰਾਂ ਲਈ ਸੌਖਾ ਪਲੇਟਫਾਰਮ ਬਣਾਉਣ 'ਤੇ ਲਗਾਤਾਰ ਕੰਮ ਕਰ ਰਹੇ ਹਾਂ।"