OnePlus 6 ਦਾ ਫੇਸਲੌਕ ਹੋਇਆ ਫੇਲ੍ਹ, ਚਿਹਰੇ ਦੇ ਪ੍ਰਿੰਟਆਊਟ ਨਾਲ ਹੀ ਅਨਲੌਕ ਹੋਇਆ ਫੋਨ

ਨਵੀਂ ਦਿੱਲੀ: ਇਸੇ ਮਹੀਨੇ OnePlus ਨੇ ਆਪਣੇ ਨਵੇਂ ਫਲੈਗਸ਼ਿਪ ਡਿਵਾਈਸ OnePlus 6 ਨੂੰ ਲਾਂਚ ਕੀਤਾ। ਕਈ ਸ਼ਾਨਦਾਰ ਫੀਚਰਸ ਵਾਲੇ ਇਸ ਫੋਨ ਦੀ ਕੀਮਤ 34,999 ਰੱਖੀ ਗਈ। ਫੋਨ ਦੀ ਸਭ ਅਹਿਮ ਖ਼ਾਸੀਅਤ ਹੈ ਇਸ ਦਾ ਫੇਸਲੌਕ ਫੀਚਰ ਪਰ ਫੋਨ ਦਾ ਇਹ ਮਹੱਤਵਪੂਰਨ ਫੀਚਰ ਫਿਲਹਾਲ ਵਿਵਾਦਾਂ ਵਿੱਚ ਘਿਰ ਗਿਆ ਹੈ ਕਿਉਂਕਿ OnePlus 6 ਨੂੰ ਅਨਲੌਕ ਕਰਨ ਲਈ ਜਦੋਂ ਇੱਕ ਰਜਿਸਟਰਿਡ ਪ੍ਰਿੰਟਆਊਟ ਦਾ ਇਸਤੇਮਾਲ ਕੀਤਾ ਗਿਆ ਤਾਂ ਇਸ ਪ੍ਰਿੰਟਆਊਟ ਨਾਲ ਹੀ ਫੋਨ ਅਨਲੌਕ ਹੋ ਗਿਆ।  

 

ਟਵਿੱਟਰ ’ਤ ਹੋਇਆ ਖ਼ੁਲਾਸਾ

  ਮੰਗਲਵਾਰ ਨੂੰ ਇੱਕ @rikduijn ਨਾਂ  ਦੇ ਟਵਿੱਟਰ ਯੂਜ਼ਰ ਨੇ ਵੀਡੀਓ ਪੋਸਟ ਕਰ ਕੇ ਖ਼ੁਲਾਸਾ ਕੀਤਾ ਕਿ ਇਸ ਫੋਨ ਦਾ ਫੇਸ ਅਨਲੌਕ ਫੀਚਰ ਪ੍ਰਿੰਟਆਊਟ ਦੀ ਮਦਦ ਨਾਲ ਵੀ ਕੰਮ ਕਰਦਾ ਹੈ। ਹਾਲਾਂਕਿ ਵੀਡੀਓ ਵਿੱਚ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਗਈ ਹੈ ਪਰ 'ABP ਸਾਂਝਾ' ਫਿਲਹਾਲ ਇਸ ਗੱਲ ਦੀ ਪੁਸ਼ਟੀ ਨਹੀਂ ਕਰ ਰਿਹਾ ਕਿ OnePlus 6 ਵਿੱਚ ਇਹੋ ਜਿਹਾ ਕੁਝ ਹੋ ਰਿਹਾ ਹੈ ਜਾਂ ਨਹੀਂ। ਇਸ ਵੀਡੀਓ ਵਿੱਚ ਇਸ ਬਾਰੇ ਨਹੀਂ ਦੱਸਿਆ ਗਿਆ ਕਿ ਫੋਨ ਕਿਸੀ ਰਜਿਸਟਰਿਡ ਚਿਹਰੇ ਨਾਲ ਖੋਲ੍ਹਿਆ ਗਿਆ ਸੀ ਜਾਂ ਪ੍ਰਿੰਟਿਡ ਪੇਪਰ ਨਾਲ।

  https://twitter.com/rikvduijn/status/1001472715566538752

ਕੀ ਸੀ OnePlus ਦੀ ਪ੍ਰਤੀਕਿਰਿਆ

  ਇਸ ਮਾਮਲੇ ਵਿੱਚ OnePlus ਨੇ ਜਵਾਬ ਦਿੰਦਿਆਂ ਕਿਹਾ ਕਿ ਉਨ੍ਹਾਂ ਫੇਸ ਅਨਲੌਕ ਫੀਚਰ ਨੂੰ ਇਸ ਤਰ੍ਹਾਂ ਡਿਜ਼ਾਈਨ ਕੀਤਾ ਹੈ ਜਿਸ ਨਾਲ ਉਹ ਤੁਹਾਡਾ ਪਾਸਵਰਡ, ਪਿਨ ਜਾਂ ਸਕਿਉਰਟੀ ਲਈ ਫਿੰਗਰਪ੍ਰਿੰਟ ਮੰਗੇਗਾ। ਉਹ ਆਪਣੀ ਤਕਨਾਲੋਜੀ ’ਚ ਹੋਰ ਬਦਲਾਅ ਲਿਆ ਰਹੇ ਹਨ ਜਿਸ ਵਿੱਚ ਫੇਸ ਅਨਲੌਕ ਵੀ ਸ਼ਾਮਲ ਹੈ।