3 ਸਕਰੀਨਾਂ ਵਾਲਾ Samsung ਫੋਲਡੇਬਲ ਫੋਨ, ਬੱਟੂਏ ਵਾਂਗ ਲੱਗਦੀਆਂ ਤਹਿਆਂ

ਨਵੀਂ ਦਿੱਲੀ: ਸੈਮਸੰਗ ਇਸਤੇਮਾਲ ਕਰਨ ਵਾਲਿਆਂ ਲਈ ਚੰਗੀ ਖਬਰ ਹੈ ਕਿਉਂਕਿ ਸੈਮਸੰਗ ਦਾ ਮੋਸਟ ਅਵੇਟਿਡ ਸਮਾਰਟਫੋਨ ਫੋਲਡੇਬਲ ਨੂੰ ਅਗਲੇ ਸਾਲ ਫਰਵਰੀ ਵਿੱਚ ਲਾਂਚ ਕੀਤਾ ਜਾ ਸਕਦਾ ਹੈ। ਸਾਉਥ ਕੋਰੀਅਨ ਅਖਬਾਰ 'ਦ ਬੇਲ' ਮੁਤਾਬਕ ਫਰਵਰੀ ਜਾਂ ਮਾਰਚ ਦੇ ਅਖੀਰ ਤੱਕ ਗਲੈਕਸੀ ਐਕਸ ਨੂੰ ਲਾਂਚ ਕੀਤਾ ਜਾ ਸਕਦਾ ਹੈ। ਜੇਕਰ ਇਹ ਸੱਚ ਹੋਇਆ ਤਾਂ ਗਾਹਕ ਇਸ ਫੋਨ ਦਾ ਲੁਤਫ MWC 2019 ਬਾਰਸੀਲੋਨਾ ਵਿੱਚ ਲੈ ਸਕਣਗੇ।   ਇਸ ਫੋਨ ਦਾ ਕੋਡਨੇਮ 'ਵਿਨਰ' ਰੱਖਿਆ ਗਿਆ ਹੈ। ਰਿਪੋਰਟ ਮੁਤਾਬਕ ਹੈਂਡਸੈੱਟ ਨੂੰ ਪਹਿਲੇ 'ਵੈਲੀ' ਨਾਂ ਦਿੱਤਾ ਗਿਆ ਸੀ। ਇਹ ਉਹੀ ਫੋਨ ਹੈ ਜਿਸ ਲਈ ਸੈਮਸੰਗ ਨੇ ਪਿਛਲੇ ਸਾਲ ਹੀ ਗਲੈਕਸੀ ਐਸ-10 ਦੇ ਪੁਰਜ਼ਿਆਂ ਲਈ ਕਈ ਕੰਪਨੀਆਂ ਨਾਲ ਪਾਰਟਨਰਸ਼ਿਪ ਕੀਤੀ ਹੈ। ਗਲੈਕਸੀ ਐਕਸ ਫੋਲਡ ਇਨ ਡਿਜ਼ਾਇਨ ਨਾਲ ਹੈ ਜਿਸ ਵਿੱਚ 3.5 ਇੰਚ ਦੀ OLED ਸਕਰੀਨ ਹੈ। ਪਹਿਲਾਂ ਸਕਰੀਨ ਫੋਨ ਦੇ ਬਾਹਰ ਦੇ ਹਿੱਸੇ ਵਿੱਚ ਦਿੱਤਾ ਗਿਆ ਹੈ ਤੇ ਬਾਕੀ ਸਕ੍ਰੀਨ ਫੋਨ ਦੇ ਅੰਦਰ ਪਾਸੇ ਪਾਸੇ ਹੈ। ਦੋਵੇਂ ਖੁੱਲ੍ਹ ਕੇ 7 ਇੰਚ ਦੀ ਸਕਰੀਨ ਬਣ ਜਾਂਦੀ ਹੈ। ਫੋਲਡ ਇਨ ਡਿਜ਼ਾਇਨ ਦਾ ਫਾਇਦਾ ਇਹ ਹੈ ਕਿ ਫੋਨ ਨੂੰ ਉਸ ਵੇਲੇ ਵੀ ਇਸਤੇਮਾਲ ਕੀਤਾ ਜਾ ਸਕਦਾ ਹੈ ਜਦੋਂ ਦੋਵੇਂ ਪੈਨਲ ਬੰਦ ਹੋਣ। ਇਸ ਫੋਨ ਵਿੱਚ 3ਡੀ ਡਿਜ਼ਾਇਨ ਦੇ ਨਾਲ ਆਈਫੋਨ ਵਰਗਾ ਕੈਮਰਾ ਹੋ ਸਕਦਾ ਹੈ।