ਆ ਰਿਹਾ ਸ਼ਿਓਮੀ ਦਾ ਸਭ ਤੋਂ ਸਸਤਾ ਫ਼ੋਨ redmi go

ਨਵੀਂ ਦਿੱਲੀ: ਇਸ ਸਾਲ ਦੀ ਸੁਰੂਆਤ ‘ਚ ਸ਼ਿਓਮੀ ਨੇ ਆਪਣੀ ਐਂਟਰੀ ਲੈਵਲ ਸਮਾਰਟਫੋਨ ਦਾ ਐਲਾਨ ਕੀਤਾ ਸੀ ਜੋ ਰੇਡਮੀ ਗੋ ਹੈ। ਸ਼ਿਓਮੀ ਦਾ ਇਹ ਫੋਨ ਸਭ ਤੋਂ ਸਸਤਾ ਫੋਨ ਹੈ ਜੋ ਐਨਡ੍ਰਾਈਡ 8.1 ਓਰੀਓ ਗੋ ਐਡੀਸ਼ਨ ‘ਤੇ ਕੰਮ ਕਰਦਾ ਹੈ। ਹੁਣ ਕੰਪਨੀ ਨੇ ਐਲਾਨ ਕੀਤਾ ਹੈ ਕਿ ਉਹ ਰੈਡਮੀ-ਗੋ ਨੂੰ ਭਾਰਤ ‘ਚ 19 ਮਾਰਚ ਨੂੰ ਲੌਂਚ ਕਰੇਗੀ। ਟੀਜ਼ਰ ‘ਚ ਫੋਨ ਦੇ ਨਾਂਅ ਬਾਰੇ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ ਪਰ ਗੋ ਵਰਡ ਜ਼ਰੂਰ ਨਜ਼ਰ ਆਇਆ ਹੈ। ਇਸ ‘ਚ “#AapkiNayiDuniya” ਹੈਸ਼ਟੈਗ ਦਾ ਵੀ ਇਸਤੇਮਾਲ ਕੀਤਾ ਗਿਆ ਹੈ। ਯੂਰੋਪ ‘ਚ ਇਹ ਫੋਨ ਪਹਿਲਾਂ ਹੀ ਲੌਂਚ ਹੋ ਚੁੱਕਿਆ ਹੈ ਜਿੱਥੇ ਇਸ ਦੀ ਕੀਮਤ 6513 ਰੁਪਏ ਹੈ। ਇਸ ਦੇ ਨਾਲ ਇਹ ਫੋਨ ਘੱਟ ਕੀਮਤ ਵਾਲੇ ਪਹਿਲਾਂ ਤੋਂ ਮੂਜੌਦ ਸਮਾਰਟਫੋਨਸ ਨੂੰ ਸਖ਼ਤ ਟੱਕਰ ਦੇ ਸਕਦਾ ਹੈ। ਫੋਨ ਦੇ ਫੀਚਰਸ ਦੀ ਗੱਲ ਕਰੀਏ ਤਾਂ ਇਸ ਨੂੰ 5 ਇੰਚ ਦਾ ਡਿਸਪਲੇ ਦਿੱਤਾ ਜਾ ਸਕਦਾ ਹੈ। ਇਸ ਦੇ ਨਾਲ ਕਵਾਲਕਾਮ ਸਨੈਪਗ੍ਰੈਗਨ 425 ਪ੍ਰੋਸੈਸਰ, ਇੱਕ ਜੀਬੀ ਰੈਮ ਤੇ 8 ਜੀਬੀ ਸਟੋਰੇਜ ਨਾਲ ਆਵੇਗਾ। ਫੋਨ ‘ਚ ਸਿਮ ਅਤੇ ਮਾਈਕਰੋ ਐਸਡੀ ਕਾਰਡ ਦਾ ਆਪਸ਼ਨ ਵੀ ਦਿੱਤਾ ਗਿਆ ਹੈ। ਕੈਮਰੇ ਦੇ ਮਾਮਲੇ ‘ਚ ਫੋਨ ‘ਚ 8 ਮੈਗਾਪਿਕਸਲ ਦਾ ਰੀਅਰ ਕੈਮਰਾ ਦਿੱਤਾ ਗਿਆ ਹੈ ਅਤੇ ਸੈਲਫੀ ਲਈ 5 ਮੈਗਾਪਿਕਸਲ ਦਾ ਫਰੰਟ ਕੈਮਰਾ। ਫੋਨ ‘ਚ ਹਰ ਤਰ੍ਹਾਂ ਦੀ ਕਨੈਕਟੀਵੀਟੀ ਸੁਵਿਧਾ ਦਿੱਤੀ ਗਈ ਹੈ ਅਤੇ 3000mAh ਦੀ ਬੈਟਰੀ ਹੈ ਜੋ ਸੁਪਰ ਫਾਸਟ ਚਾਰਜ ਸਪੋਰਟ ਕਰਦੀ ਹੈ।