UPI ਪੇਮੈਂਟ ਕਰਨ ਵਾਲਿਆਂ ਦੀਆਂ ਮੌਜਾਂ, Flipkart ਲੈ ਕੇ ਆਇਆ ਨਵਾਂ ਐਪ, ਪੇਮੈਂਟ 'ਤੇ ਮਿਲੇਗਾ ਭਾਰੀ ਕੈਸ਼ਬੈਕ
Flipkart Payment App: ਫਲਿੱਪਕਾਰਟ ਨੇ ਇਸ ਦੇ ਲਈ ਬਿਲ ਡੈਸਕ ਨਾਲ ਹੱਥ ਮਿਲਾਇਆ ਹੈ, ਬਿੱਲ ਡੈਸਕ ਦੀ ਗੱਲ ਕਰੀਏ ਤਾਂ ਇਹ ਭਾਰਤ ਦੀ ਪ੍ਰਮੁੱਖ ਪੇਮੈਂਟ ਸੋਲਿਊਸ਼ਨ ਕੰਪਨੀ ਹੈ
Flipkart ਵੱਲੋਂ ਨਵੇਂ ਰੀਚਾਰਜ ਅਤੇ ਬਿੱਲ ਭੁਗਤਾਨ ਸ਼੍ਰੇਣੀਆਂ ਨੂੰ ਜੋੜਿਆ ਗਿਆ ਹੈ। ਇਸ ਵਿੱਚ ਫਾਸਟੈਗ, ਡੀਟੀਐਚ ਰੀਚਾਰਜ, ਲੈਂਡਲਾਈਨ, ਬ੍ਰਾਡਬੈਂਡ ਅਤੇ ਮੋਬਾਈਲ ਪੋਸਟਪੇਡ ਬਿੱਲ ਦਾ ਭੁਗਤਾਨ ਸ਼ਾਮਲ ਕੀਤਾ ਗਿਆ ਹੈ। ਤੁਸੀਂ ਇਸ ਨੂੰ ਫਲਿੱਪਕਾਰਟ ਦੀ ਐਪ ਤੋਂ ਵੀ ਕਰ ਸਕਦੇ ਹੋ। ਬਿਜਲੀ ਅਤੇ ਮੋਬਾਈਲ ਪ੍ਰੀਪੇਡ ਰੀਚਾਰਜ ਨੂੰ ਪਹਿਲਾਂ ਹੀ ਇਸ ਵਿੱਚ ਜੋੜਿਆ ਗਿਆ ਸੀ। ਹੁਣ ਇਸ ਵਿੱਚ ਹੋਰ ਵਿਕਲਪ ਵੀ ਸ਼ਾਮਲ ਕੀਤੇ ਗਏ ਹਨ। ਫਲਿੱਪਕਾਰਟ ਨੇ ਇਸ ਦੇ ਲਈ ਬਿਲ ਡੈਸਕ ਨਾਲ ਹੱਥ ਮਿਲਾਇਆ ਹੈ।
ਬਿੱਲ ਡੈਸਕ ਦੀ ਗੱਲ ਕਰੀਏ ਤਾਂ ਇਹ ਭਾਰਤ ਦੀ ਪ੍ਰਮੁੱਖ ਪੇਮੈਂਟ ਸੋਲਿਊਸ਼ਨ ਕੰਪਨੀ ਹੈ ਜੋ ਭਾਰਤ ਬਿੱਲ ਭੁਗਤਾਨ ਪ੍ਰਣਾਲੀ ਦੇ ਸਹਿਯੋਗ ਨਾਲ ਨਵੀਆਂ ਸੇਵਾਵਾਂ ਲਿਆ ਰਹੀ ਹੈ। ਇਸ ਦੀ ਸਥਾਪਨਾ ਨੈਸ਼ਨਲ ਪੇਮੈਂਟ ਕਾਰਪੋਰੇਸ਼ਨ ਆਫ ਇੰਡੀਆ ਦੁਆਰਾ ਕੀਤੀ ਗਈ ਹੈ। ਹੁਣ ਨਵੇਂ ਉਪਭੋਗਤਾਵਾਂ ਲਈ ਇੱਕ ਸਕੀਮ ਵੀ ਪੇਸ਼ ਕੀਤੀ ਗਈ ਹੈ ਅਤੇ ਉਪਭੋਗਤਾ ਇਸ ਦੀ ਵਰਤੋਂ ਕਰਕੇ 10 ਪ੍ਰਤੀਸ਼ਤ ਤੱਕ ਦੀ ਛੋਟ ਪ੍ਰਾਪਤ ਕਰ ਸਕਦੇ ਹਨ। ਇਸ ਦੇ ਲਈ ਉਨ੍ਹਾਂ ਨੂੰ ਫਲਿੱਪਕਾਰਟ ਯੂਪੀਆਈ ਦੀ ਵਰਤੋਂ ਕਰਨੀ ਹੋਵੇਗੀ। ਇਨ੍ਹਾਂ ਨਵੀਆਂ ਸ਼੍ਰੇਣੀਆਂ ਦੇ ਆਉਣ ਤੋਂ ਬਾਅਦ, ਉਪਭੋਗਤਾ ਬਿੱਲ ਅਤੇ ਰੀਚਾਰਜ ਦੀ ਸਹੂਲਤ ਦਾ ਆਨੰਦ ਲੈ ਸਕਦੇ ਹਨ।
ਭਾਰਤ ਬਿੱਲ ਭੁਗਤਾਨ ਪ੍ਰਣਾਲੀ (BBPS) ਨੇ ਵਿੱਤੀ ਸਾਲ 2024 ਵਿੱਚ 1.3 ਬਿਲੀਅਨ ਟ੍ਰਾਂਜੈਕਸ਼ਨ ਕੀਤੇ ਸਨ। ਇਹ ਲੈਣ-ਦੇਣ (Transaction) ਭਾਰਤ ਵਿੱਚ ਹੋਇਆ ਸੀ। ਸਾਲ 2026 ਵਿੱਚ ਇਹ ਅੰਕੜਾ 3 ਅਰਬ ਤੱਕ ਪਹੁੰਚਣ ਦੀ ਉਮੀਦ ਹੈ। ਇਹ 21 ਹਜ਼ਾਰ ਤੋਂ ਵੱਧ ਸਰਗਰਮ ਬਿੱਲਾਂ ਅਤੇ 20 ਤੋਂ ਵੱਧ ਬਿੱਲ ਸ਼੍ਰੇਣੀਆਂ ਦੀ ਮਦਦ ਨਾਲ ਪ੍ਰਾਪਤ ਕੀਤਾ ਜਾਵੇਗਾ। ਹੁਣ 70 ਫੀਸਦੀ ਬਿੱਲਾਂ ਦਾ ਭੁਗਤਾਨ ਇਲੈਕਟ੍ਰਾਨਿਕ ਤਰੀਕੇ ਨਾਲ ਕੀਤਾ ਜਾਂਦਾ ਹੈ। ਨਵੀਂ ਸ਼੍ਰੇਣੀ ਦੇ ਆਉਣ ਤੋਂ ਬਾਅਦ ਇਸ ਨੂੰ ਹਾਸਲ ਕਰਨਾ ਆਸਾਨ ਹੋ ਜਾਵੇਗਾ। ਇਹੀ ਕਾਰਨ ਹੈ ਕਿ ਫਲਿੱਪਕਾਰਟ ਵੱਲੋਂ ਇੱਕ ਨਵੀਂ ਸ਼੍ਰੇਣੀ ਸ਼ੁਰੂ ਕੀਤੀ ਜਾ ਰਹੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
