ਲਗਾਤਾਰ ਘਿਰਦਾ ਜਾ ਰਿਹੈ ਗੂਗਲ, ਹੁਣ ਲੱਗਿਆ 32.5 ਮਿਲੀਅਨ ਡਾਲਰ ਦਾ ਜੁਰਮਾਨਾ, ਜਾਣੋ ਕਾਰਨ
Google Penalty: ਇੱਕ ਅਮਰੀਕੀ ਜੱਜ ਨੇ ਪਿਛਲੇ ਸਾਲ ਅਗਸਤ ਵਿੱਚ ਫੈਸਲਾ ਸੁਣਾਇਆ ਸੀ ਕਿ ਗੂਗਲ ਨੇ ਨਿਯਮਾਂ ਦੀ ਉਲੰਘਣਾ ਕੀਤੀ ਹੈ ਤੇ ਹੁਣ ਇਸ ਮਾਮਲੇ 'ਚ ਗੂਗਲ ਨੂੰ 32.5 ਮਿਲੀਅਨ ਡਾਲਰ ਦਾ ਜੁਰਮਾਨਾ ਭਰਨਾ ਪਵੇਗਾ। ਜਾਣ ਕੀ ਹੈ ਪੂਰਾ ਮਾਮਲਾ।
Google Penalty: ਅਮਰੀਕਾ ਦੀ ਇੱਕ ਅਦਾਲਤ ਨੇ ਗੂਗਲ ਨੂੰ ਕੰਪਨੀ ਦੇ ਸਮਾਰਟ ਸਪੀਕਰ ਪੇਟੈਂਟ ਦੀ ਉਲੰਘਣਾ ਕਰਨ ਲਈ ਉੱਚ-ਤਕਨੀਕੀ ਆਡੀਓ ਤਕਨਾਲੋਜੀ ਕੰਪਨੀ ਸੋਨੋਸ ਨੂੰ $32.5 ਮਿਲੀਅਨ ਦਾ ਭੁਗਤਾਨ ਕਰਨ ਦਾ ਹੁਕਮ ਦਿੱਤਾ ਹੈ। ਸਾਨ ਫਰਾਂਸਿਸਕੋ ਦੀ ਇੱਕ ਜਿਊਰੀ ਨੇ ਇਸ ਕੇਸ ਵਿੱਚ ਪਾਇਆ ਕਿ ਗੂਗਲ ਦੇ ਸਮਾਰਟ ਸਪੀਕਰਾਂ ਅਤੇ ਮੀਡੀਆ ਪਲੇਅਰਾਂ ਨੇ ਸੋਨੋਸ ਦੇ ਦੋ ਪੇਟੈਂਟਾਂ ਵਿੱਚੋਂ ਇੱਕ ਦੀ ਉਲੰਘਣਾ ਕੀਤੀ ਹੈ। ਜੱਜਾਂ ਨੇ ਕਿਹਾ, ਗੂਗਲ ਵੇਚੇ ਗਏ 14 ਮਿਲੀਅਨ ਤੋਂ ਵੱਧ ਡਿਵਾਈਸਾਂ ਵਿੱਚੋਂ ਹਰੇਕ ਲਈ $2.30 ਦਾ ਭੁਗਤਾਨ ਕਰੇਗਾ।
ਗੂਗਲ 'ਤੇ ਸੋਨੋਸ ਦੇ ਪੰਜ ਪੇਟੈਂਟਾਂ ਦੀ ਉਲੰਘਣਾ ਕਰਨ ਦਾ ਦੋਸ਼ ਹੋਇਆ ਸਾਬਤ
ਪਿਛਲੇ ਸਾਲ ਜਨਵਰੀ ਵਿੱਚ ਇੱਕ ਫੈਸਲੇ ਵਿੱਚ, ਯੂਐਸ ਇੰਟਰਨੈਸ਼ਨਲ ਟਰੇਡ ਕਮਿਸ਼ਨ (ਆਈਟੀਸੀ) ਨੇ ਕਿਹਾ ਕਿ ਗੂਗਲ ਨੇ ਸਮਾਰਟ ਸਪੀਕਰਾਂ ਨਾਲ ਸਬੰਧਤ ਉੱਚ-ਤਕਨੀਕੀ ਸਪੀਕਰ ਅਤੇ ਆਡੀਓ ਤਕਨਾਲੋਜੀ ਕੰਪਨੀ ਸੋਨੋਸ ਦੇ ਪੰਜ ਪੇਟੈਂਟ ਦੀ ਉਲੰਘਣਾ ਕੀਤੀ ਹੈ।
ਸੋਨੋਸ ਨੇ ਗੂਗਲ ਦੇ ਉਤਪਾਦਾਂ 'ਤੇ ਪਾਬੰਦੀ ਲਾਉਣ ਦੀ ਕੀਤੀ ਅਪੀਲ
ਇੱਕ ਅਮਰੀਕੀ ਜੱਜ ਨੇ ਪਿਛਲੇ ਸਾਲ ਅਗਸਤ ਵਿੱਚ ਫੈਸਲਾ ਸੁਣਾਇਆ ਸੀ ਕਿ ਗੂਗਲ ਨੇ ਸੋਨੋਸ ਪੇਟੈਂਟ ਦੀ ਉਲੰਘਣਾ ਕੀਤੀ ਹੈ। ਜਨਵਰੀ 2020 ਵਿੱਚ, ਸੋਨੋਸ ਨੇ ਪਹਿਲਾਂ ਤਕਨੀਕੀ ਦਿੱਗਜ ਗੂਗਲ 'ਤੇ ਕਥਿਤ ਤੌਰ 'ਤੇ ਇਸਦੇ ਵਾਇਰਲੈੱਸ ਸਪੀਕਰ ਡਿਜ਼ਾਈਨ ਦੀ ਨਕਲ ਕਰਨ ਲਈ ਮੁਕੱਦਮਾ ਕੀਤਾ, ਆਈਟੀਸੀ ਨੂੰ ਗੂਗਲ ਉਤਪਾਦਾਂ ਜਿਵੇਂ ਕਿ ਲੈਪਟਾਪ, ਫੋਨ ਅਤੇ ਸਪੀਕਰਾਂ 'ਤੇ ਪਾਬੰਦੀ ਲਗਾਉਣ ਦੀ ਅਪੀਲ ਕੀਤੀ।
ਸੋਨੋਸ ਦੇ ਸੀਈਓ ਪੈਟਰਿਕ ਸਪੈਂਸ ਨੇ ਦਿੱਤੀ ਗਵਾਹੀ
ਸੋਨੋਸ ਦੇ ਸੀਈਓ ਪੈਟਰਿਕ ਸਪੈਂਸ ਨੇ ਯੂਐਸ ਹਾਊਸ ਐਂਟੀਟਰਸਟ ਕਮੇਟੀ ਦੇ ਸਾਹਮਣੇ ਗਵਾਹੀ ਦਿੱਤੀ ਕਿ ਗੂਗਲ ਨੇ ਕੰਪਨੀ ਨੂੰ ਐਮਾਜ਼ਾਨ ਦੇ ਅਲੈਕਸਾ ਅਤੇ ਗੂਗਲ ਅਸਿਸਟੈਂਟ ਦੋਵਾਂ ਨੂੰ ਇੱਕੋ ਸਮੇਂ ਐਕਟੀਵੇਟ ਕਰਨ ਤੋਂ ਰੋਕਿਆ। ਗੂਗਲ ਨੇ ਕਿਹਾ ਸੀ, ਸਾਨੂੰ ਉਮੀਦ ਨਹੀਂ ਹੈ ਕਿ ਸਾਡੇ ਉਤਪਾਦਾਂ ਨੂੰ ਇੰਪੋਰਟ ਕਰਨ ਜਾਂ ਵੇਚਣ ਦੀ ਸਾਡੀ ਸਮਰੱਥਾ 'ਤੇ ਕੋਈ ਅਸਰ ਪਵੇਗਾ।
ਗੂਗਲ ਨੇ ਕੀਤਾ ਵਿਰੋਧ
ਸੋਨੋਸ ਨੇ ਗੂਗਲ 'ਤੇ ਕੁੱਲ 100 ਪੇਟੈਂਟ ਦੀ ਉਲੰਘਣਾ ਕਰਨ ਦਾ ਦੋਸ਼ ਲਾਇਆ ਹੈ। ਗੂਗਲ ਨੇ ਹਮੇਸ਼ਾ ਕਿਹਾ ਹੈ ਕਿ ਇਸਦੀ ਤਕਨਾਲੋਜੀ ਸੁਤੰਤਰ ਤੌਰ 'ਤੇ ਵਿਕਸਤ ਕੀਤੀ ਗਈ ਸੀ ਅਤੇ ਸੋਨੋਸ ਤੋਂ ਕਾਪੀ ਨਹੀਂ ਕੀਤੀ ਗਈ ਸੀ। ਤਕਨੀਕੀ ਦਿੱਗਜ ਨੇ ਸੋਨੋਸ 'ਤੇ ਵੀ ਮੁਕੱਦਮਾ ਕੀਤਾ, ਦੋਸ਼ ਲਾਇਆ ਕਿ ਕੰਪਨੀ ਨੇ ਸਮਾਰਟ ਸਪੀਕਰਾਂ ਅਤੇ ਵੌਇਸ ਕੰਟਰੋਲ ਤਕਨਾਲੋਜੀ ਦੇ ਪੇਟੈਂਟ ਦੀ ਉਲੰਘਣਾ ਕੀਤੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
