Phone ਚਲਾਉਂਦੇ ਹੀ ਆ ਜਾਂਦੇ ਨੇ ਫਾਲਤੂ Ads? ਸਿਰਫ਼ ਇਹ ਸੈਟਿੰਗ ਬਦਲੋ, ਮਿਲੇਗੀ ਵੱਡੀ ਰਾਹਤ!
Stop Ads From Phone : ਅੱਜ ਕੱਲ੍ਹ ਸਮਾਰਟਫੋਨ ਦੀ ਵਰਤੋਂ ਕਰਦੇ ਸਮੇਂ ਵਾਰ-ਵਾਰ ਇਸ਼ਤਿਹਾਰ (Ads) ਆਉਣਾ ਆਮ ਗੱਲ ਹੋ ਗਈ ਹੈ। ਕਈ ਵਾਰ ਕੋਈ ਜ਼ਰੂਰੀ ਕੰਮ ਕਰਦੇ ਸਮੇਂ ਜਾਂ ਵੀਡੀਓ ਦੇਖਦੇ ਹੋਏ ਅਚਾਨਕ ਪੂਰੀ ਸਕਰੀਨ 'ਤੇ
Stop Ads From Phone : ਅੱਜ ਕੱਲ੍ਹ ਸਮਾਰਟਫੋਨ ਦੀ ਵਰਤੋਂ ਕਰਦੇ ਸਮੇਂ ਵਾਰ-ਵਾਰ ਇਸ਼ਤਿਹਾਰ (Ads) ਆਉਣਾ ਆਮ ਗੱਲ ਹੋ ਗਈ ਹੈ। ਕਈ ਵਾਰ ਕੋਈ ਜ਼ਰੂਰੀ ਕੰਮ ਕਰਦੇ ਸਮੇਂ ਜਾਂ ਵੀਡੀਓ ਦੇਖਦੇ ਹੋਏ ਅਚਾਨਕ ਪੂਰੀ ਸਕਰੀਨ 'ਤੇ ਇਸ਼ਤਿਹਾਰ ਆ ਜਾਂਦੇ ਹਨ, ਜਿਸ ਕਾਰਨ ਕਾਫੀ ਪਰੇਸ਼ਾਨੀ ਹੁੰਦੀ ਹੈ। ਇਹ ਇਸ਼ਤਿਹਾਰ ਨਾ ਸਿਰਫ਼ ਤੁਹਾਡਾ ਧਿਆਨ ਭਟਕਾਉਂਦੇ ਹਨ, ਸਗੋਂ ਮੋਬਾਈਲ ਦੀ ਬੈਟਰੀ ਅਤੇ ਇੰਟਰਨੈੱਟ ਡਾਟਾ ਵੀ ਖਰਚ ਕਰਦੇ ਹਨ। ਹਾਲਾਂਕਿ, ਫੋਨ ਦੀਆਂ ਕੁਝ ਸੈਟਿੰਗਾਂ ਬਦਲ ਕੇ ਇਨ੍ਹਾਂ ਵਿੱਚੋਂ ਕਈ ਫਾਲਤੂ ਇਸ਼ਤਿਹਾਰਾਂ ਨੂੰ ਰੋਕਿਆ ਜਾ ਸਕਦਾ ਹੈ।
Google Ads ਦੀ ਸੈਟਿੰਗ ਕਰੋ ਬੰਦ
ਗੂਗਲ ਤੁਹਾਡੀ ਸਰਚ ਹਿਸਟਰੀ ਅਤੇ ਪਸੰਦ ਦੇ ਆਧਾਰ 'ਤੇ ਨਿੱਜੀ ਇਸ਼ਤਿਹਾਰ (Personalized Ads) ਦਿਖਾਉਂਦਾ ਹੈ। ਇਨ੍ਹਾਂ ਨੂੰ ਘੱਟ ਕਰਨ ਲਈ ਫੋਨ ਦੀ Settings ਵਿੱਚ ਜਾ ਕੇ Google ਦੇ ਆਪਸ਼ਨ 'ਤੇ ਕਲਿੱਕ ਕਰੋ। ਇਸ ਤੋਂ ਬਾਅਦ Ads ਸੈਕਸ਼ਨ ਵਿੱਚ ਜਾ ਕੇ Advertising ID ਨੂੰ Delete ਜਾਂ Reset ਕਰਨ ਦਾ ਵਿਕਲਪ ਚੁਣੋ। ਧਿਆਨ ਰਹੇ ਕਿ ਇਸ ਨਾਲ ਸਾਰੇ ਇਸ਼ਤਿਹਾਰ ਬੰਦ ਨਹੀਂ ਹੋਣਗੇ, ਸਗੋਂ ਤੁਹਾਡੀ ਐਡ ਟ੍ਰੈਕਿੰਗ ਅਤੇ ਨਿੱਜੀ ਪਸੰਦ ਦੇ ਆਧਾਰ 'ਤੇ ਦਿਖਾਏ ਜਾਣ ਵਾਲੇ ਇਸ਼ਤਿਹਾਰ ਪ੍ਰਭਾਵਿਤ ਹੋ ਸਕਦੇ ਹਨ।
Chrome Browser ਦੀਆਂ ਸੈਟਿੰਗਾਂ ਬਦਲੋ
ਜੇਕਰ ਇੰਟਰਨੈੱਟ ਚਲਾਉਂਦੇ ਸਮੇਂ Chrome ਬ੍ਰਾਊਜ਼ਰ 'ਤੇ ਵਾਰ-ਵਾਰ ਇਸ਼ਤਿਹਾਰ ਆਉਂਦੇ ਹਨ ਤਾਂ ਇਸ ਦੀਆਂ ਸੈਟਿੰਗਾਂ ਬਦਲੋ। Chrome ਖੋਲ੍ਹ ਕੇ ਉੱਪਰ ਦਿੱਤੇ ਤਿੰਨ ਡਾਟਸ 'ਤੇ ਕਲਿੱਕ ਕਰੋ ਅਤੇ Settings ਵਿੱਚ ਜਾਓ। ਇੱਥੇ Site Settings ਵਿੱਚ ਜਾ ਕੇ Pop-ups and Redirects ਨੂੰ ਬੰਦ ਕਰ ਦਿਓ। ਇਸ ਤੋਂ ਇਲਾਵਾ Intrusive Ads ਨੂੰ ਵੀ ਬਲਾਕ ਕਰ ਦਿਓ। ਇਸ ਨਾਲ ਕਈ ਪਰੇਸ਼ਾਨ ਕਰਨ ਵਾਲੇ ਪੌਪ-ਅੱਪ ਇਸ਼ਤਿਹਾਰਾਂ ਤੋਂ ਬਚਿਆ ਜਾ ਸਕਦਾ ਹੈ।
Lock Screen 'ਤੇ ਆਉਣ ਵਾਲੇ Ads ਕਰੋ ਬੰਦ
ਕਈ ਸਮਾਰਟਫੋਨ ਕੰਪਨੀਆਂ ਆਪਣੇ ਫੋਨ ਵਿੱਚ ਪਹਿਲਾਂ ਤੋਂ ਹੀ ਇਸ਼ਤਿਹਾਰ ਦਿਖਾਉਣ ਵਾਲੇ ਫੀਚਰ ਦਿੰਦੀਆਂ ਹਨ। ਖਾਸ ਕਰਕੇ MIUI ਅਤੇ ColourOS ਵਰਗੇ ਯੂਜ਼ਰ ਇੰਟਰਫੇਸ ਵਿੱਚ ਲਾਕ ਸਕਰੀਨ 'ਤੇ ਵੀ ਇਸ਼ਤਿਹਾਰ ਆ ਸਕਦੇ ਹਨ। ਇਨ੍ਹਾਂ ਨੂੰ ਬੰਦ ਕਰਨ ਲਈ Settings ਵਿੱਚ ਜਾ ਕੇ Lock Screen ਸਰਚ ਕਰੋ ਅਤੇ Glance ਵਰਗੇ ਫੀਚਰ ਨੂੰ ਬੰਦ ਕਰ ਦਿਓ। ਇਸ ਤੋਂ ਇਲਾਵਾ Themes Store ਅਤੇ ਹੋਰ ਸਿਸਟਮ ਐਪਸ ਦੀਆਂ ਸੈਟਿੰਗਾਂ ਵਿੱਚ ਜਾ ਕੇ Show Ads ਦਾ ਵਿਕਲਪ ਵੀ ਬੰਦ ਕਰ ਸਕਦੇ ਹੋ।
ਫਾਲਤੂ Notifications ਤੋਂ ਇੰਝ ਪਾਓ ਛੁਟਕਾਰਾ
ਕਈ ਵਾਰ ਇਸ਼ਤਿਹਾਰ ਪੂਰੀ ਸਕਰੀਨ ਦੀ ਬਜਾਏ ਨੋਟੀਫਿਕੇਸ਼ਨ ਪੈਨਲ ਵਿੱਚ ਆਉਂਦੇ ਹਨ। ਅਜਿਹੇ ਵਿੱਚ ਜਦੋਂ ਕਿਸੇ ਐਪ ਵੱਲੋਂ ਫਾਲਤੂ ਪ੍ਰਮੋਸ਼ਨਲ ਨੋਟੀਫਿਕੇਸ਼ਨ ਆਵੇ ਤਾਂ ਉਸ ਨੂੰ ਕੁਝ ਸਕਿੰਟ ਦਬਾ ਕੇ ਰੱਖੋ। ਇਸ ਤੋਂ ਬਾਅਦ Turn Off Notifications ਦਾ ਵਿਕਲਪ ਆ ਜਾਵੇਗਾ। ਇਸ 'ਤੇ ਕਲਿੱਕ ਕਰਕੇ ਉਸ ਐਪ ਦੇ ਫਾਲਤੂ ਨੋਟੀਫਿਕੇਸ਼ਨ ਬੰਦ ਕੀਤੇ ਜਾ ਸਕਦੇ ਹਨ।
ਸ਼ੱਕੀ ਐਪਸ ਨੂੰ ਤੁਰੰਤ ਕਰੋ Uninstall
ਜੇਕਰ ਤੁਹਾਡੇ ਫੋਨ ਦੀ ਹੋਮ ਸਕਰੀਨ 'ਤੇ ਬਿਨਾਂ ਕੋਈ ਐਪ ਖੋਲ੍ਹੇ ਅਚਾਨਕ ਇਸ਼ਤਿਹਾਰ ਆਉਣ ਲੱਗਦੇ ਹਨ ਤਾਂ ਹੋ ਸਕਦਾ ਹੈ ਕਿ ਤੁਹਾਡੇ ਫੋਨ ਵਿੱਚ ਕੋਈ ਸ਼ੱਕੀ ਐਪ ਇੰਸਟਾਲ ਹੋ ਗਿਆ ਹੋਵੇ। ਕਈ ਵਾਰ ਮੁਫ਼ਤ ਵਾਲਪੇਪਰ, ਫੋਨ ਕਲੀਨਰ ਅਤੇ ਫਰਜ਼ੀ ਗੇਮ ਐਪਸ ਬੈਕਗ੍ਰਾਊਂਡ ਵਿੱਚ ਇਸ਼ਤਿਹਾਰ ਦਿਖਾਉਂਦੇ ਰਹਿੰਦੇ ਹਨ। ਇਸ ਲਈ ਆਪਣੀ ਐਪ ਲਿਸਟ ਚੈੱਕ ਕਰੋ ਅਤੇ ਜਿਹੜੇ ਐਪ ਦੀ ਵਰਤੋਂ ਨਹੀਂ ਕਰਦੇ ਜਾਂ ਸ਼ੱਕੀ ਲੱਗਦੇ ਹਨ, ਉਨ੍ਹਾਂ ਨੂੰ ਡਿਲੀਟ ਕਰ ਦਿਓ।
Google Play Protect ਰੱਖੋ On
ਕਈ ਵਾਰ ਥਰਡ ਪਾਰਟੀ ਵੈੱਬਸਾਈਟਾਂ ਤੋਂ APK ਫਾਈਲ ਡਾਊਨਲੋਡ ਕਰਨ ਕਾਰਨ ਫੋਨ ਵਿੱਚ ਮਾਲਵੇਅਰ ਆ ਸਕਦਾ ਹੈ। ਇਸ ਤੋਂ ਬਚਣ ਲਈ ਹਮੇਸ਼ਾ Google Play Store ਤੋਂ ਹੀ ਭਰੋਸੇਯੋਗ ਐਪਸ ਡਾਊਨਲੋਡ ਕਰੋ। Play Store ਵਿੱਚ ਆਪਣੀ ਪ੍ਰੋਫਾਈਲ 'ਤੇ ਕਲਿੱਕ ਕਰਕੇ Play Protect ਨੂੰ On ਰੱਖੋ ਅਤੇ ਸਮੇਂ-ਸਮੇਂ 'ਤੇ ਫੋਨ ਨੂੰ ਸਕੈਨ ਕਰਦੇ ਰਹੋ।
Display Over Other Apps ਦੀ ਪਰਮਿਸ਼ਨ ਦੇਣ ਤੋਂ ਬਚੋ
ਕਿਸੇ ਨਵੇਂ ਐਪ ਨੂੰ ਇੰਸਟਾਲ ਕਰਦੇ ਸਮੇਂ ਬਿਨਾਂ ਲੋੜ ਉਸ ਨੂੰ Display Over Other Apps ਦੀ ਪਰਮਿਸ਼ਨ ਨਾ ਦਿਓ। ਇਸ ਪਰਮਿਸ਼ਨ ਨਾਲ ਐਪ ਹੋਰ ਐਪਸ ਦੇ ਉੱਪਰ ਆਪਣੀ ਵਿੰਡੋ ਦਿਖਾ ਸਕਦਾ ਹੈ। ਇਸ ਲਈ ਸਿਰਫ਼ ਭਰੋਸੇਯੋਗ ਐਪਸ ਨੂੰ ਹੀ ਇਹ ਪਰਮਿਸ਼ਨ ਦਿਓ। ਇਨ੍ਹਾਂ ਆਸਾਨ ਤਰੀਕਿਆਂ ਨੂੰ ਅਪਣਾ ਕੇ ਤੁਸੀਂ ਆਪਣੇ ਮੋਬਾਈਲ 'ਤੇ ਆਉਣ ਵਾਲੇ ਕਈ ਫਾਲਤੂ ਇਸ਼ਤਿਹਾਰਾਂ ਤੋਂ ਛੁਟਕਾਰਾ ਪਾ ਸਕਦੇ ਹੋ ਅਤੇ ਫੋਨ ਦੀ ਬੈਟਰੀ ਤੇ ਡਾਟਾ ਵੀ ਬਚਾ ਸਕਦੇ ਹੋ।
ਟ੍ਰੈਂਡਿੰਗ ਟੌਪਿਕ





















